ރޯދަމަހު ސްކޫލް ބަންދުކުރަން މިނިސްޓަރުގެ ވިސްނުންތަކެއް، ގޮތް ނިންމާނީ މަޝްވަރާއަށްފަހު

އެޑިޔުކޭޝަން މިނިސްޓަރު ޑރ އިސްމާއިލް ޝަފީއު. --ފޮޓޯ: މިހާރު

29 މާޗް 2025 - 01:55

އަންނަ އަހަރުން ފެށިގެން ރޯދަމަހަށް ސްކޫލްތައް ބަންދު ކުރެވޭނެ ގޮތްތައް ހަމަޖައްސަން ރައީސް ޑރ. މުހައްމަދު މުއިއްޒު އަންގަވާފައިވާތީ، އެކަން ކުރެވިދާނެ ވިސްނުންތަކެއް އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު އާންމުންނާ ހިއްސާ ކުރައްވައިފި އެވެ.

ރައީސްގެ އެންގެވުމާ ގުޅިގެން އާންމުންގެ މެދުގައި އޮތް ބައެއް ސުވާލުތަކަށް ޖަވާބު ދެއްވަމުން، ޝަފީއު ފޭސްބުކްގައި ކުރެއްވި ޕޯސްޓެއްގައި ރޭ ވިދާޅުވީ، ރޯދަމަހުގެ ފަހު 10 ގައި ސަރުކާރު ބަންދުވުމުން، އެ ދުވަސްތައް އުނިކޮށް، އެ މަހުގެ ބާކީ ސަރުކާރު ހުޅުވާ ދުވަސްތަކުގެ އަދަދަކީ 12 ނުވަތަ 13 ދުވަސް ކަމަށެވެ. އަދި އެ 12 ނުވަތަ 13 ދުވަހު ކިޔަވައި ދެވެނީ ރޯދަމަސް ނޫން އެހެން މަސްތަކާ އަޅާބަލާއިރު، ހައެއްކަ ދުވަހުގެ ކިޔެވުން ކަން މިނިސްޓަރު ފާހަގަކުރެއްވި އެވެ.

އިސްމާއިލް ވިދާޅުވި ގޮތުގައި، ރޯދަމަސް ބަންދުކުރުމަށް ގިނަ ބެލެނިވެރިން ރައީސް މުއިއްޒުގެ އަރިހުން އެދިފައިވަނީ މަދު ވަގުތުތަކަކަށް ސްކޫލަށް ކުދިން ގޮވައިގެން ދިއުމުގެ ތަކުލީފުގެ އިތުރަށް، ރޯދަމަހުގެ ތެރޭގައި ކިޔަވައިދިނުމަށް މިހާރު ހަމަޖެހިފައިވާ 12 ނުވަތަ 13 ދުވަހުގެ ކިޔަވައިދިނުން އެހެން މަސްތަކުގެ ހައެއްކަ ދުވަހުން ގެންދެވޭނެ ކަމަށް ބެލެވޭތީ އެވެ.

މީހަކު ކުޑަކުއްޖަކު ގޮވައިގެން ދަމު ނަމާދަށް މިސްކިތަށް އަރަނީ. --ފޮޓޯ: ފަޔާޒް މޫސާ | މިހާރު

ރޯދަމަހު ގިނަ އަދަދެއްގެ ކުދިން ގަވާއިދުން ސްކޫލަށް ހާޒިރުނުވުމާއި ޓީޗަރުންގެ ތެރޭގައި ވެސް އާންމު މަސްތަކާ ހިލާފަށް ރޯދަމަހު ސަލާމުގެ ނުވަތަ އާއިލީ ޒިންމާގެ ޗުއްޓީ ނެގުން އިތުރުކަމަށް ރެކޯޑުތަކުން ދައްކާތީ، ކިޔަވައިދިނުން އެންމެ އެކަށީގެންވާ ގޮތަށް ނުގެންދެވޭކަން ވެސް އިސްމާއިލް ފާހަގަކުރެއްވި އެވެ.

މިނިސްޓަރު ވިދާޅުވީ، ރޯދަމަހު އާންމު އުސޫލުން ކިޔަވައިދިނުމުގެ ބަދަލުގައި "ޕްރޮޖެކްޓް-ބޭސްޑް ލާނިން" ފަދަ ހަރަކާތްތަކާއި އިސްލާމްދީނަށް ހޭލުންތެރިކުރުވުމުގެ ޕްރޮގްރާމްތަކާއި ކީރިތި ޤުރުއާނަށް ދަރިވަރުންގެ ހިތްތަކުގައި ލޯބިޖެއްސުމުގެ ހަރަކާތްތަކާއި މުބާރާތްތަކުގެ އިތުރުން އަދަބީ ހަރަކާތްތަކަށް އިސްކަންދީގެން ހަރަކާތްތައް ކުރިއަށް ގެންދެވިދާނެ ކަމަށެވެ.

މިނިސްޓަރު ދެކެވަޑައިގަންނަވާ ގޮތުގައި ޓީޗަރުންގެ ފަންނީ ގާބިލުކަން އިތުރުކުރުމުގެ ހަރަކާތްތައް ވެސް ރޯދަމަހުގެ ތެރޭގައި ކުރިއަށް ގެންދެވިދާނެ އެވެ.

ދ. ކުޑަހުވަދޫ ސްކޫލްގެ ދަރިވަރުންތަކެއް. --ފޮޓޯ: މިހާރު

"މިފަދަ ބަދަލެއް ގެނައި ކަމުގައި ވިޔަސް، ބައިނަލްއަގުވާމީ އިމްތިހާނުތަކަށް ތައްޔާރުވާ ކީ ސްޓޭޖް 4 އަދި 5 ގެ ދަރިވަރުންގެ ކިޔެވުން އޮންނާނެ އެވެ،" އޭނާ ވިދާޅުވި އެވެ.

އިސްމާއިލް ވިދާޅުވި ގޮތުގައި، މި ދުވަސްތަކުގައި ހުރިހާ ޓީޗަރުން ރަސްމީކޮށް މަސައްކަތަށް ނުކުންނާނެ އެވެ. ޓީޗަރުންނަށް އަހަރީ ޗުއްޓީ ލިބޭނީ އަބަދުވެސް އޮންނަ ގޮތަށް ކޮންމެ އަހަރެއްގެ ދިރާސީ އަހަރު ނިމުމުން ކަަމަށް ވެސް މިނިސްޓަރު ވިދާޅުވި އެވެ.

ރޯދަމަހު ސްކޫލްތައް ބަންދުކުރުމުގައި ގެންގުޅުއްވާ ވިސްނުންތައް ހިއްސާ ކުރެއްވިޔަސް، އަންނަ މަހުގެ ހަ ވަނަ ދުވަހު ދިރާސީ އާ އަހަރު ފެށުމަށް ފަހު އެކަމާ ގުޅޭގޮތުން، ޓީޗަރުންނާއި ޕްރިންސިޕަލުން އަދި ބެލެނިވެރިންނާ މަޝްވަރާކުރަން ނިންމަވާފައިވާ ކަން މިނިސްޓަރު ހާމަކުރެއްވި އެވެ.

Anna aharun feshigen roadha mahah School bandhu kureveyne goiythah hama jassan edhijje

The most trusted news source in the Maldives

Mihaaru

ދިރާސީ ކަލަންޑަރަށް ގެނައި ބަދަލުތަކުން، މި ރޯދަމަހަކީ ސްކޫލު ބޮޑު ޗުއްޓީ އެވެ. ނަމަވެސް، މި އަހަރުގެ ބޮޑު ޗުއްޓީ ޑިސެމްބަރު 28 އިން ޖެނުއަރީ 27 އަށް ލިބޭއިރު، އަންނަ އަހަރުގެ ރޯދަމަހު ސްކޫލުތައް ބަންދުކޮށްފި ނަމަ ކިޔަވައިދޭން ލިބޭނީ މަދު ދުވަސްތަކެކެވެ. ކަލަންޑަރު ދައްކާ ގޮތުން އަންނަ އަހަރުގެ ރޯދަމަސް ފެށޭނީ ފެބްރުއަރީ މެދުތެރޭގަ އެވެ.

ރޯދަމަހު ސްކޫލްތައް ބަންދުކުރެވޭނެ ގޮތެއް ހޯދަން ރައީސް މުއިއްޒު އެންގެވީ، ސްކޫލްތަކުގައި ކިޔަވައިދޭ ދުވަސްތައް ނޫނީ ގަޑިތައް މުޅި އަހަރުގެ ތެރެއިން އެއްވެސް ވަރަކަށް ނުގެއްލޭނެ ގޮތަކަށެވެ.

ސްކޫލް ތައުލީމް އެޑިއުކޭޝަން މިނިސްޓްރީ ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު) ރަމަޟާން 2025

20 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަނބިލި

29 March 2025

ރައްޔިތުން ކެތްމަދުވެފައިވަނީ ރައްޔިތުންނަށް ދިމާވެފައިވާ ހައްލުކޮށްދިނުމަށް. ގެދޮރު މައްސަލަތައް. ގެދޮރުނެތް އެންމެންނަށް ގެދޮރު ހޯދައިދިނުން. އިގުސާދު އަޑިއަޚާލައި ރައްޔިތުން ހަފުސްވަނީ. އަދިވެސް މިދައްކަނީ މަސައްކަތެއް ނުކޮށް ދީނުގެ ނަމުގައި ރައްޔިތުން ގުނބޯހައްދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިމަގުގެ ޒުވާނުން

29 March 2025

މިއީ ވަރަށް ދެރަ ކަންކަން. މިހާރުވެސް ރާއްޖޭގެ ޒުވާން ޖީލަކީ ނިސްބަތުން ވަރަށް ކަންނެތް ޖީލެއް. މިހެން އަނެއްކާ ސަރުކާރުތަކުން ހެދުމުން އެކަން ވާނީ ބޮޑު. ރާއްޖެއަށް ހެޔޮއެދޭ އެއްވެސް މީހަކު މިހާރު ބަންދުތައް އިތުކޮށް ރެސްޓުތައް އިތުރުކުރާން ނޫން މަސައްކަތްކުރާނީ، ހެލިފެލިވެ އުޅޭ މުރާލި ޖީލެއް ބިނާކުރަން މަސައްކަތްކުރާނީ. އެއީ ޤައުމިއްޔަތަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެލެނިވެރިއެއް

29 March 2025

ނޭނގޭ މިކަމާ ދެކޮޅުމިހަދަނީ ކޮންބައެއް ކަމެއް. އެކަމް އެކަކަށްވުރެ ގިނަ ސުކޫކަށްދާ ދަރިން ތިބި ބެލެނިވެރިންނަށް ރޯދަމަސް ބަންދުކުރީމަ ވާނީ ފަސޭހަ. ރޯދަމަހު ސްކޫލަށް ގެންދާ ދެގަޑިއިރު ކިޔަވާ ދިނުމެއްވެސް ނޯވޭ ގިނަދުވަސްދުވަހު، ޓީޗަރުން ނެތިގެން. އެހެންނޫނަސް މިހާރު ސްކޫލުތަކަކީ ކިޔަވާ ދޭ ތަންކަށްވުރެ ފަންޛު ރައިޒިން އިވެންޓްތައް ބާއްވާ ތަނެއް. ކުދިންނަށް އެއްޗެއް އެނގެނީ އަގުބޮޑުކޮށް ޕްރައިވެޓް ޓިއުޝަން ދީގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަންޓޭ

29 March 2025

ދީނީ ކާޑު ކުޅެގެން ވެރިކަން ހިފަހައްޓަން ފޯރި އެއް އެބަހުރި! ޢަލް އަލަގް ސޫރަތް ކިވާލަބަލަ! މި މައްސަރުގަ ނޫންތަ އުގެނެތްވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަފްސީލު

29 March 2025

މަސައްކަތް ނުކޮށް ކެއުމަށް، ސަރުކާރުން ބާރުއެޅުމުން، އިގްތިޞާދު ދާނީ ދަށަށް، ޅަޖީލަށް ނުބައި މެސެޖެއް މި ދެވެނީ، މިހާރުވެސް ސަރުކާރު ބަންދު ދުވަސްތަކާއި، ދެވޭ ޗުއްޓީތައް ގިނަކަމުން، ޕްރައިވެޓް ސެކްޓަރ ހުއްޓި އިގްތިޞާދު އިނދަޖެހެނީ، ހުރިހާ މަސައްކަތެއް ހުއްޓާލާފަ ސަރުކާރު ވަޒީފާ ހޯދަން ހުރިހާ އެންމެން ތެޅެނީ އެހެންވެ، އެހެންތާވާނީ ސޮއި ކޮށްލުން ނިމުނީވިއްޔާ، މިކަމުގެ ވަރަށް ބޮޑު ހެއްކަކަށް ފުދޭނެ ހަމައެކަނި ފެނަކައަށް ނަޒަރު ހިންގާލިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލްުއުސްތާޒް

29 March 2025

ސަރުކާރުން މިހެން އެތައް ދުވަހެއް ބަނދުކޮށް ކަންތައްކުރީމާ ޕްރައިވެޓް ސެކްޓަރގައި މުވައްޒަފުން ހޯދުމުގައި އިންތިހާއަށް ދަތިވޭ، އަދި ސަރުކާރުންވާނެ ހުރިހާ މަސައްކަތް ތެރިންގެ ހައްގަށް ބަލަން. ސްކޫލުން ތިކަންފެށިގެންގޮސް މުޅި ސަރުކާރު ރޯދަމަހަށް ބަނދު ނުކޮށްފިއްޔާ ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނުބެ

29 March 2025

އހަރުމެން މިވަރު ވެފަ މިތިބީ ތިޔަބުނާ ރޯދަމަސް މަހުވެސް އެއްކޮއް ވަޒީފާއަށާ އަދި ކިޔަވަން އުޅުނުޒމާނުގަ ސުކޫލްއައްވެސް ގޮސްގެން، ބަންދު ކުރީމާ ގޭގަ ތޮބެގެން ކަންނެއް ވޫން ކަމެއް ނުވޭ ގިނަމީހުން ، ދަރިންނައްވެސް މިހާރު މިއުޅޭ ޒުވާން ގުރޫޕައްވެސް ދިރި އުޅެން ދަސްކޮއްދޭންޖެހޭ ، ފައސޭހައިގަވެސް ބުރައިގަވެސް . މިހެން ބަންދުނުކުރިއްޔާ ރަގަޅީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުު

29 March 2025

ރާއްޖޭގައި އެންމެފުރަތަމަ ކިޔަވާންދޭންފެށި މަދުރަސަތުއް ސަނިއްޔާ، ފަހުން މަދުރަސަތުލް މަޖީދިއްޔާ އިން ފެށިގެން ދިރާސީއަހަރު ބަލަމުން އައި ހިޖުރީ ތާރީޚުން. ދިރާސީ އާ އަހަރުގެ ކިޔެވުން ފެށެނީ ޝައްވާލުމަހު 15ގައި އަހަރު ކިޔެވުންނިންމާ ޗުއްޓިއަށް ދަނީ ޝައުބާން މަހު15ގައި. 2މަސްދުވަހުގެ ޗުއްޓީ ލިބޭނެ. ރޯދަމަސް އޮންނަނީ މިޗުއްޓީ ތެރޭގައި. މިއުސޫލުތައް ބަދަލުކުރީ ނާސިރުގެ ވެރިކަމުގައި އިންގްލިޝް މީޑިއަމަށް ކިޔެވުން ބަދަލު ކުރި ހިސާބުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީސްފިލާ

29 March 2025

އެހެންއެވީ އޭރު ސަރުކާރުން ބޭނުން ކުރަނީ ހިޖްރީ ތާރީޚު ކަމަށްވާތީ. މީލާދީ ތާރީޚަށް ބަދަލު ކުރައްވާފައިވަނީ، 1959 ވަނަ އަހަރުގެ ޖަނަވަރީ 1 އިން ފެށިގެން. އެބަދަލު މަދަރުސާ ތަކަށް ވެސް އަންނާނެއެންނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

29 March 2025

550 ބޮޑެތި މަޝްރޫއު މިއަހަރު ހިންގާނެ ކަމަށް ސަރުކާރުން ބުނެފައި އެވަނީ އެއީކީ މަޝްރޫއެއް ނޫންތަ؟ އިސްލާމް ދީން މީސްތަކުންނަށް އަންގަވައި ދީންގައި ކަންކަން ކުރަން އޮންނަ ގޮތް އޮޅުން ފިލުއްވައި ދެއްވުމަށް ދީނީ އިލްމު ވެރިއަކު ލިބުނު ކަމީ ޝުކުރު ކުރަންޖެހޭ ވަރުކަމެއް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

123322

29 March 2025

ކަލޭމެން، މިކަހަލަ ސިމްޕަލް ކަންތަކުގެ ހެޑްލައިން ނަހަދާ، މިގައުމަށާ ރަތްޔިތުންނައް މަންފާހުރި އޮއްޓަރެއްހުރި ކަމެއްކުރެވޭތޯ އުޅެބަލަ، އަހަރެމެން ބޮލުގަ އެޅިފައޮތް ދަރަނިން ގައުމު ސަލާމަތްކުރެވޭތޯ ލާރިޖެނެރޭޓް ކުރެވޭނެ މަގެއްހޯދަބަލަ، ވަގުފޭ، ސުންނަތޭ، ހުރިހާކަމެއް އިސްލާމްކުރަނީޔޭ ކިޔާފަ ކޮން ސަކަރާތެއްޖަހާކައް، ހިތުން ރަތްޔިތުންގެ ލޯބިހޯދަން، މިހާރު ވޯޓްނެގިޔަސް ޗޮކުންދާނީ