ޚަބަރު / ފިނޭންސް މިނިސްޓްރީ

"މަސްދަޅު ކޭސްތަކުގެ ހަދިޔާގެ ގޮތުގައި 79 މިލިއަން ރުފިޔާ ދީފައިވޭ"

ކޮންމެ މަސްދަޅު ކޭހަކަށް މިފްކޯ އިން 30ރ. ގެ ޑިސްކައުންޓެއް ދިން.

ފިނޭންސް މިނިސްޓްރީ ހިންގާ އިމާރާތް: ރޯދައަށް ސަރުކާރުން 108،000 އަށް ވުރެ ގިނަ މަސް ކޭސް ބެހި ކަމަށް ފިނޭންސް މިނިސްޓްރީން ބުނޭ --- ފޮޓޯ/މިހާރު

01 އެޕްރީލް 2025 - 21:52

28 comments
Play Audio News
Powered By Javaabu

މި ފަހަރުގެ ރޯދަ ހަދިޔާގެ ގޮތުގައި ސަރުކާރުން 108،000 އަށް ވުރެ ގިނަ މަސްދަޅު ކޭސް ބެހި ކަމަށް ފިނޭންސް މިނިސްޓްރީން މިއަދު ބުނެފި އެވެ.

މިދިޔަ ރޯދަމަހާ ގުޅިގެން ކޮންމެ ގެއަކަށް ސަރުކާރުން މަސްދަޅު ކޭހެއް ހަދިޔާކުރަން ރައީސް ޑރ. މުހައްމަދު މުއިއްޒު ނިންމަވައި، މާލެ އާއި އަތޮޅުތެރޭގެ ރަށްރަށުގައި މަސްދަޅު ކޭސް ބެހި އެވެ.

މަސްދަޅު ކޭސްތައް ބެހި އަދަދާއި އޭގެ އިތުރު ތަފުސީލްތަކާ ގުޅިގެން "މިހާރު" އިން ސުވާލު ކުރުމުން ފިނޭންސް މިނިސްޓްރީގެ އޮފިޝަލަކު މިއަދު ވިދާޅުވީ 108،801 މަސްދަޅު ކޭސް ރޯދަ ހަދިޔާގެ ގޮތުގައި ސަރުކާރުން ދޫކޮށްފައިވާނެ ކަމަށެވެ. އެ މަސްދަޅު ކޭސްތައް ގަތުމަށް ދައުލަތުން 79.4 މިލިއަން ރުފިޔާ "ރައްޔިތުންނަށްޓަކައި ހޭދަކުރި" ކަމަށް އޮފިޝަލް ވިދާޅުވި އެވެ.

"އެއީ ރޯދަ ހަދިޔާގެ ގޮތުގައި ރައްޔިތުންނަށް ބެހި 79 މިލިއަން ރުފިޔާ،" އޭނާ ވިދާޅުވި އެވެ.

ފިނޭންސް މިނިސްޓްރީން ބުނިގޮތުގައި، ކޮންމެ މަސްދަޅު ކޭހަކަށް މިފްކޯ އިން 30ރ. ގެ ޑިސްކައުންޓެއް ވެސް ދިނެވެ. އެހެންވެ، ކޮންމެ މަސްދަޅު ކޭހަކަށް ސަރުކާރުން ހަރަދުކުރީ 730ރ. އެވެ.

މަސްދަޅު ކޭސްތައް މާލެ ސަރަހައްދުގައި ބަހާފައިވަނީ ދައުލަތުގެ ކުންފުނިތަކާއި ސިފައިންގެ އެހީތެރިކަމާއެކު އެވެ. ނަމަވެސް ރަށްރަށުގައި މަސް ކޭސް ބަހާފައިވަނީ ކައުންސިލްތަކާ ހަވާލު ކޮށްގެންނެވެ.

28 ކޮމެންޓް, 39 ރިއެކްޝަންސް

icon happy icon happy 5%
icon sad icon sad 0%
icon angry icon angry 44%
icon wow icon wow 3%
icon inlove icon inlove 49%

ކޮމެންޓްތައް

އެންމެ ފަސް މަގުބޫލް

ސިއްބަތް އަޒީޒް

03 April 2025

ރައްޔިތުންގެ ރައީސްކަން ރައީސް މުއިއްޒް ސާބިތް ކޮށްދީފި މިކަމުން. ރައްޔިތުންނަށް ލުއި ގޮތް ހެދުމަަށް މިކަން މި ހަރަދު ކުރި

ދިހާމް ހުސައިން

03 April 2025

750ރ އަހަރުމެން ކަހަލަ ނިކަމެތިން އަތުން ސަލާމަތްވީ މީގެ ސަބަބުން

އާދަމް ހަލީމް

03 April 2025

ފަހުގެ ތާރީހެއްގައި ސަރުކާރަކުން ރައްޔިތުންގެ ހައްގުގައި ނިންމި އެއްމެ ރަނގަޅު އެއްކަންތައް މިއީ

ނޫޙް އިބްރާހިމް

03 April 2025

ރައްޔިތުންގެ ޖީބަށް ލިބުނު ބޮޑު ލުޔެއް މިއީ

އަސްނަދު

03 April 2025

މިކަންކަން ހަމަ ފުރިހަމަ. ނިންމަންވީ މިހެން

މަބުނީ

02 April 2025

ނުވާނެދޯ ކަލަގޮވާކަށް.. އަދި މިއުޅެނީ ރޯދަމަސް ނިމި އެންމެ ފަހުރޭ އިރު އޮއްސުނު އިރު ކެއި އެތިކޮޅުގެ ރަހަ ނުކެނޑި އަދި 6 ރޯދަ ވެސް ނުނިމިގެން. ލޮލް..

‫ނާޑުވާ

02 April 2025

ތ‫ިޔަ މަސްކޭސް ތަކަށް ފައިސާ ދެއްކީ ސަރުކާރުން. ސަރުކާރުން އެފައިސާ ހޯދީ އަދި އެބައި ފޫބައްދަން އިތުރު ފައިސާ ހޯދާނީ ކޮންތާކުން ތޯ? މި ލޮޖިކް އެނގިލައްވާ ފަރާތްތަކަށް ވަރަށް ސަލާން. ވެންމަސް ވެނަށް.

ސައިބޯނި

02 April 2025

ވެންމަސް ވެނަށް, އެހެނަ ދޮއްތޯ

ގފޔ

02 April 2025

ދަރަނި ދައްކާލަން ތިޔަ ފައިސާ ސޭވް ކުރި ނަމަ ރަށްޔިތުން މާ ހެޕީވާނެ.

ހަސަނުު

02 April 2025

ތިޔައީ 7 މަސްދޯނި ގަންނަން ލިބޭނޭ އަގެކެވެ. 7 މަސްދޯނި ކޮންމެވެސް 7 ރަށަކަށް ހަދިޔާކުރިނަމަ މާރަނގަޅުވީސްއެވެ. އަބަދު ފައިސާ ލިބި ލިބި ހުންނާނެއެވެ. ގެސްޓުހައުސް ވިޔަފާރި ރަނގަޅު ހިސާބުތަކަށް ގެސްޓުހައުސް އެޅިވެސްދާނެއެވެ.

ޒަވިޔަނި

02 April 2025

ތިޔަމަސްކޭސް ތަކުގެ އަގު ކަރަންޓް ބިލްތަކުން ކަވަރ ކޮއްލާނެ. ރައްޔިތިުންނައް ދޯކާ. ބަލަންތިބެއްޗޭ.ޒަވިޔަނި

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454