ލިވަޕޫލްއާ ގުޅިގެން ރާއްޖޭގެ ޓޫރިޒަމް ޕްރޮމޯޓްކުރުމުގެ ކެމްޕެއިން ލޯންޗްކޮށްފި

ރައީސް މުއިއްޒު، ރާއްޖޭގެ ޓޫރިޒަމް ކެމްޕެއިން ފަށާ ފުޓުބޯޅަ މެޗު ބައްލަވާލައްވާއިރު އަރިހުގައި ޓޫރިޒަމް މިނިސްޓަރު ތޯރިގާއި ސްޕޯޓްސް މިނިސްޓަރު ރާފިއު އަދި އެމްއެމްޕީއާރުސީގެ އެމްޑީ ޝިއުރީ.---ފޮޓޯ: ރައީސް އޮފީސް

03 އެޕްރީލް 2025 - 00:54

45 comments

އިނގިރޭސިވިލާތުގެ މަޝްހޫރު ފުޓްބޯޅަ ކްލަބް، ލިވަޕޫލްގެ ޓޫރިޒަމް ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ ޕްރޮމޯޓްކުރުމުގެ ކެމްޕޭން މިރޭ ލޯންޗްކޮށްފި އެވެ.

ލިވަޕޫލް އެފްސީގެ "އޮފިޝަލް ޓޫރިސްޓް ޑެސްޓިނޭޝަން ޕާޓްނަރު"ގެ ގޮތުގައި ދިވެހިރާއްޖެ ހަމަޖެއްސީ ރާއްޖޭގެ ޓޫރިޒަމް ބްރޭންޑް ވާސިލުވާ މިންވަރު އިތުރުކޮށް، ރާއްޖެއަށް ޒިޔާރަތްކުރުމަށް އިތުރު ފަތުރުވެރިންނަށް ހިތްވަރު ދިނުމުގެ ގޮތުން، ތިން އަހަރާއި ހަ މަސް ދުވަހަށް ކުރިއަށް ގެންދާ ކެމްޕޭނެއްގެ ދަށުންނެވެ.

ލިވަޕޫލްގެ އެންފީލްޑްގައި، މި ކެމްޕޭން ފެށުމުގެ ރަސްމިއްޔާތުގައި ރައީސް ޑރ. މުހައްމަދު މުއިއްޒު ބައިވެރިވެވަޑައިގަތެވެ.

ޔޫރަޕްގެ އިތުރުން މުޅި ދުނިޔެއަށް ވެސް މި ކެމްޕޭންގެ ސަބަބުން ރާއްޖޭގެ ޓޫރިޒަމް ޕްރޮމޯޓްވާނެ އެވެ. ލިވަޕޫލު އެފްސީ، އެވަޓަންއާ ދެކޮޅަށް މިރޭ ކުޅުނު މެޗުގައި ވެސް ވަނީ ރާއްޖޭގެ އިޝްތިހާރުކޮށްފަ އެވެ. ދަނޑުގެ ލެޑް ޕެނަލްތަކުގެ އިތުރުން ލިވަޕޫލްގެ ސޯޝަލްމީޑިއާ ޕްލެޓްފޯމުތަކުގައި ވެސް ރާއްޖެ ޕްރޮމޯޓްކުރި އެވެ.

ލިވަޕޫލްގެ ޓޫރިޒަމް ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ ޕްރޮމޯޓް ކުރުމުގެ ކެމްޕޭން ރައީސް މުއިއްޒު މިރޭ އިފުތިތާހު ކޮށްދެއްވަނީ.---ފޮޓޯ: ރައީސް އޮފީސް

އެމްއެމްޕީއާރުސީން ބުނިގޮތުގައި، ޕްރިމިއާ ލީގުގެ ހޯމް މެޗުތަކުގައި އެލްއީޑީ ނިޝާން ފެންނާނެ އެވެ. ސްޓޭޑިއަމްގެ އެކި ސަރަހައްދުތަކުގައި ރާއްޖޭގެ ޓޫރިޒަމް ބްރޭންޑިން ޖަހައި އެލްއެފްސީގެ ރަސްމީ ޕަބްލިކޭޝަންތަކުގައި ވެސް ރާއްޖެ ޕްރޮމޯޓު ކުރާނެ އެވެ. އަދި ޔޫރަޕްގެ އެކި ހިސާބުތަކުގައި މުހިއްމު މާކެޓުތަކުގެ ޓޫރިސްޓުންނަށް އަމާޒު ކޮށްފައިވާ ބިލްބޯޑުތަކުން ރާއްޖެ ދައްކާލަން ހަމަޖެހިފައިވެ އެވެ. އެލްއެފްސީގެ ގްލޯބަލް އޯޑިއަންސްގައި 205 މިލިއަން ފޮލޯވަރުންނާއި ކޮންމެ ސީޒަނަކަށް 211 މިލިއަނަށް ވުރެ ބޮޑު ޓީވީ އޯޑިއަންސަކާއި 53 މިލިއަން ސޯޝަލް އަދި ޑިޖިޓަލް ފޮލޯވަރުން ހިމެނެ އެވެ.

މި އެއްބަސްވުމުގެ ދަށުން ލިވަޕޫލްގެ އެކި ކުޅުންތެރިންނާ އެކު ވެސް ރާއްޖޭގެ ޓޫރިޒަމް ޕްރޮމޯޓްކުރުމުގެ އެކި ހަރަކާތްތައް ހިންގާނެ އެވެ. އަދި އިނގިރޭސިވިލާތުގެ ޓެކްސީތަކާއި ބަސްތަކުގައި ވެސް ރާއްޖޭގެ ރީތި މަންޒަރުތައް ދައްކާލަން ވަނީ ހަމަޖެހިފަ އެވެ.

ލިވަޕޫލްގެ ޓޫރިޒަމް ޑެސްޓިނޭޝަން ޕާޓްނަރެއްގެ ގޮތުގައި ރާއްޖެ ޕްރޮމޯޓް ކުރުމުގެ ކެމްޕޭން އިފުތިތާހު ކޮށްދެއްވުމަށް ރައީސް މުއިއްޒު ވަޑައިގަންނަވަނީ.---ފޮޓޯ: ރައީސް އޮފީސް

ރާއްޖޭގައި ލިވަޕޫލްގެ އެކަޑަމީއެއް ގާއިމުކޮށް، ސްޕޯޓްސް ޓޫރިޒަމް ހަރުދަނާ ކުރުމާއި ޑެސްޓިނޭޝަން ބްރޭޑިން އިތުރުކުރުން ފަދަ ހަރަކާތްތައް ވެސް މި ކެމްޕޭންގައި ހިންގާނެ އެވެ. އެމްއެމްޕީއާރުސީން ބުނި ގޮތުގައި މި ކެމްޕޭންގެ ސަބަބުން ރާއްޖެއަށް އަލަށް 100،000 ޓޫރިސްޓުން އަންނާނެ އެވެ. އަދި 2.5 މިލިއަން ޑޮލަރު އިންވެސްޓްކުރާ މި ކެމްޕޭނުން 200 މިލިއަން ޑޮލަރުގެ އާމްދަނީއެއް ލިބޭނެ ކަމަށް ވެސް ލަފާ ކުރެ އެވެ.

އެމްއެމްޕީއާރުސީން ބުނެފައިވާ ގޮތުގައި މި ކެމްޕޭންގެ ސަބަބުން ޓޫރިޒަމާއި އިގްތިސާދީ ގޮތުން ރާއްޖެއަށް ބޮޑެތި ފައިދާތަކެއް ލިބިގެންދާނެ އެވެ.

މި ކެމްޕޭން ފެއްޓެވުމަށް ރައީސް ކުރައްވާ ދަތުރުފުޅުގައި، ލިވަޕޫލް އެކަޑަމީގެ އިސް އޮފިޝަލުންނާ ބައްދަލު ކުރައްވާނެ އެވެ. އަދި ފަތުރުވެރިކަން އިޝްތިހާރުކުރުމަށާއި ރާއްޖެ އާއި ލިވަޕޫލް ކްލަބާ ދެމެދު އޮތް ޕާޓްނާޝިޕް އިތުރަށް ހަރުދަނާ ކުރުމަށް ޖޮއިންޓް މާކެޓިން އިނީޝިއޭޓިވްސް ހަރަކާތްތައް ހިންގުމާ ގުޅޭ މަޝްވަރާތައް ކުރިއަށް ގެންދަން ވަނީ ނިންމައިފަ އެވެ.

ޓޫރިޒަމް ލިވަޕޫލް ރައީސް ޑރ. މުހައްމަދު މުއިއްޒު ޓޫރިޒަމް ޕްރޮމޯޝަން އެމްއެމްޕީއާރުސީ އިގިރޭސިވިލާތް ރާއްޖެ-އިނގިރޭސިވިލާތް

45 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރޭ މިތުރާ

04 April 2025

ފޮޓޯއިން ފެންނަނީ މުޅިންވެސް ދިވެހީން ތިކަމުގަ އުޅޭތީ، ލިވަރޕޫލަކީ ދިވެހިބަޔަކު ހިންގާ ކްލަބަކީތަ. ކަލޭނޭ މިތިބަބަޔަކު މިދެކެނީ ދިވެހިން އަދިވެސް ތިބީ މައުމޫނު ވެރިކަމުގެ ކުރީކޮޅުގަކަމައްތާދޯ. ކޮންމެ ފަސް އަހަރަކުން އައިސް ކަޑަޖަހާލީމަ އަތްތިލަބަޑި ޖަހަންތިބޭ ބައެއްކަމުގަތާ 2025 ގަވެސް މިދެކެނީ. ވިޒިޓާރސް ފާސް އަޅާލައިގެން ގޮސް ފޮޓޯއެއް ނެގީމަ އަހަރެމެން މިތިބީ ވަރައްވެފަ މިހާރު. ކަލޯގަޔާ ބޯހަލާކު ހުވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒާން / އައްޑޫ

04 April 2025

ޕްރިޔަންކާގެ ފޭނުންނާއި އެކު ސުނިތާ ފޮޓޯއެއް ނެގުން ކަހަލަ ކަމެއް ތީ. ތި ހަބަރު ފެންނަން ހުރީ ރައީސް އޮފީސް ވެބްސައިޓާއި ދިވެހި ނޫސް ތަކުން. ބޭރުގެ އެއްވެސް ނޫހަކުން ތި ހަބަރެއް ނުފެނޭ. ލިވަޕޫލް ވެބްސައިޓަކު ވެސް ތިހަބަރެއް ނެތް. ތީ ހަމަ ޗުއްޓީ ހަދާލަން އިގިރޭސިވިލާތަށް ޖައްސާލީ. ތި ދަތުރަކުން ރާއްޖެ އަށް ވި ފައިދާއެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮގު ނޫން ގޮތެއް

04 April 2025

ތިއޮއް ބިޔަ ބޮޑު ޕްރޮޖެކްޓްގަ އެއްވެސް ލިވަޕޫލް މީހަކު އުޅޭތަނެއް ނުފެނޭ އަދި އެމީހުންނަށް ކަމެއް ވާކަމެއްވެސް ހިއެއްނުވޭ... ކޮންމެ ކަމެއްގަވެސް އޮޅުވާލުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝެލަރީ

04 April 2025

އޭ އަޅެ މަމީ ހަމަމީހެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމް ރަޝީދު

04 April 2025

ގައުމުގެ ރައީސަކު މި ކަހަލަ ރަސްމިއްޔާތަށް ދިޔުމަކީ ގައުމުގެ ހައިބަތު ކުޑަވާ ކަމެއް. ރައީސް ދިޔަޔަސް، އެކަން އެކަނިވެސް ވާންޖެހޭނެ ބޮޑު ހަބަރަކަށް. ބޮޑު ޕްރޮމޯޝަނަލް ކަމަކަށް. އެކަމަކު މި ރައީސް ގޮސްގެން އޭނައާ އެކީ ދިޔަ 3 މީހުން ފިޔަވާ އިތުރު މީހެއް ނުވެސް ފެނޭ. ފޮޓޯ ވެސް ނެގީ ސަޕޯޓަރުން ނެތީސް ދަނޑުގެ ސައިޑުގަ. ކްލަބުގެ އެއްވެސް ސޯޝަލް މީޑިއާ އަކު މީގެ ވާހަކައެއްވެސް ނެތް ލަދު. މީތި ކަޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިހާލް ސަލީމް

04 April 2025

ރައީސް ތި ހައްދަވަނީ ރަގަޅަށް. ވެރިކަން ލިބުނީމަ ނެގުނުހާ ފައިދާއެއް ނަގަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރޭސް

03 April 2025

ހާދަ ހީވެޔޭ މުރާސިލުގެ ނަމުގައި މިތާ ކޮމެންޓު މިކުރަނީ ކަނޑާލިތަނުން ޑެޕިއުޓީ މިނިސްޓަރެއްހެން. ލަދު ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

03 April 2025

ދެން ތިޔަކަހަލަ ކަމެއް އިފްތިތާހް ކޮށްދޭން ޤައުމުގެ ރައީސް ދިއުމަކި ވަރަށް ނުގުޅޭ ކަމެއް. ޤައުމުގެ ރައީސްުންނަކީ ހައިބަތެއް ހުންނަ މ،ަޤާމެއް. ތިއީ ފަތުރުވެރިކަމުގެ މިނިސްޓަރުން ނޫނީ މަކެޓިނގް ކޯޕަރޭޝަންގެ އެމްޑީ ގޮސްކޮށްލާ ޒާތުގެ ކަމެއް. އެކަމަކު ވެރިމިހާ ފުޓްބޯޅާއަށް ހުންނަ ފޯރިން ކުރާކަންކަންތީ. އެކަމަކު އެންގެންޖެހޭ ކަމަކީ ބައެއް މަޤާމުތަކަށް މީހާ ހޮވުމުން ނޫނީ ލިބުމުން، އަމިއްލަ ހައިސިއްޔަތުން ބައެއް ކަންކަމާ ދުރުވާންޖެހޭނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަދު ސަލީމް

04 April 2025

ވެރިމީހާ ކީއްވެ ނުދާންވީ، ބަލަ ވެރިމީހާވެސް އެތާ ކިޔަވަންހުންނަ ދަރިފުޅާ ބައްދަލްކޮއްލަން ބޭނުންވާނެނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

03 April 2025

ލަދުން ބޯޅަ ފަޅައިގެން ހިންގައްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއީ

03 April 2025

ލިވާޕޫލާއި ގުޅިގެން ރާއްޖެ ޕްރޮމޯޓް ކުރުމުގެ ކެމްޕެއިންއެއް ލޯންޗު ކުރުމަށް ރައީސް ވަޑައިގަތުމުން ޓީވީ ކައިން ނުގޮސް މަޑުކޮށްގެން ހުއްޓާ މިފެންނަނީ ދިވެހި ރާއްޖޭގެ ރައީސުލް ޖުމްހޫރިއްޔާ ވިޒިޓާސް ފާސް އަޅުއްވައިގެން ދަނޑަށް ވަޑައިގެން ލައިން ކައިރީ މަޑުކުރައްވާ ލިވަޕޫލް ޖާޒީއެއްގައި ވިޒިޓްމޯލްޑިވްސް ޖަހައިގެން އެހިފަހައްޓަވައިގެން ހުންނެވިތަން، ކައިރީގައި އެމަނިކުފާނުގެ 2 ވަޒީރުންނާއި އެމްއެމްޕީއާރުސީ ގެ އެމްޑީ. ލިވަޕޫލްގެ އެއްވެސް މީހަކުނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާސިލް

03 April 2025

ދިވެހިރައްޔިތުންގެ ހައްޤުގައި، މިޤައުމުގެ އިޤްތިސާދީ ކުރިމަގަށްޓަކައި ކުރަން ޖެހުނު ކޮންމެކަމެއް ކުރުމުގައި ރައީސް އެހުންނެވީ ސާބިތުކަމާއިއެކުއެވެ އެކަނި ހުންނަވަން ޖެހުނަސް، އެތަނެއްގައި ރައީސް ހުންނަވާނެއެވެ. ހަމައެކަނި ދިވެހިރައްޔިތުންގެ ލާބައާއި މަންފާއަށްޓަކައެވެ. ކުރީގެ ރައީސުންނަށް ކުރަން ނުކެރުނު ކިތަންމެ ކަމެއް އެދަނީ ސާބިތުކަމާއިއެކު ކުރައްވަމުންނެވެ.''ތިޔައީ ރައީސޭ އަދު ދިވެހި ޤައުމު ފަހުރުވެރިވާ'' މަނިކުފާނުގެ ހިތްވަރަށް ސާބަސް ދެމެވެ