ޓިކްޓޮކްގައި ކުޑަ އަންހެން ކުއްޖަކު ވިއްކާލަން ފޮޓޯ އާންމުކުރި މައްސަލަ ބަލަނީ

ފުލުހުންގެ ޔުނީފޯމް: ޓިކްޓޮކް ލައިވްއެއްގައި ކުޑަކުއްޖަކު ވިއްކާލަން ޖެހި މައްސަލައެއް ފުލުހުން ވަނީ ބަލަން ފަށައިފައި.-- ފޮޓޯ: މިހާރު

އިފްރާޒް އަލީ، މިހާރު

26 އޯގަސްޓް 2025 - 14:30

18 comments

ސޯޝަލް މީޑީއާ ޕްލެޓްފޯމް ޓިކްޓޮކްގައި ކުޑަ އަންހެން ކުއްޖަކު ވިއްކާލަން އިއުލާންކުރި މައްސަލައެއް ފުލުހުން ތަހުގީގުކުރަން ފަށައިފި އެވެ.

ފުލުހުން މިއަދު ބުނީ ޓިކްޓޮކް ލައިވްއެއްގައި، 13 އަހަރުގެ އަންހެން ކުއްޖެއްގެ ފޮޓޯ ދައްކައި، އެ ކުއްޖާއާ ގުޅޭ ގޮތުން ހަޑިހުތުރު ވާހަކަދައްކައި އަދި އެ ކުއްޖާގެ ކަރާމާތަށް އުނިކަން އަންނާނެ ފަދަ އަަމަލެއް ހިންގާފައިވާ ކަމުގެ ރިޕޯޓް މިދިޔަ ހޮނިހިރު ދުވަހުގެ ރޭ ލިބިފައިވާ ކަމަށެވެ.

އެ މައްސަލައިގައި ތުހުމަތުކުރެވޭ މީހާ ފުލުހުންގެ ބެލުމުގެ ދަށަށް ގެންދިއުމަށް ފަހު ދޫކޮށްލާފައިވާ ކަމަށް ފުލުހުން ބުންޏެވެ.

ފުލުހުން ބުނީ އެ މައްސަލައިގެ ތަހުގީގަށް އެ މީހާގެ ފޯނު ފުލުހުންގެ ބެލުމުގެ ދަށަށް މިހާރު ގެންގޮސްފައިވާ ކަމަށެވެ.

އެ މީހާ ވަނީ އެ ކުއްޖާ ވިއްކާލާނެ ކަމަށް ބުނެ، އެ ކުއްޖާގެ ފޮޓޯ ވެސް ޓިކްޓޮކްގައި މިދިޔަ ހުކުރު ދުވަހު އާންމުކޮށްފަ އެވެ. އެ މީހާ ކުއްޖާގެ ފޮޓޯ އާންމުކޮށް ވިއްކާލާނެ ކަމަށް ޖެހީ ކުއްޖާގެ މަންމައާ ޖެހުނު މައްސަލައެއްގައި ކަން ވަނީ އެނގިފަ އެވެ.

އެ މައްސަލަ ފުލުހުންގެ އިތުރުން ސޯޝަލް އެންޑް ފެމެލީ ޑިވެލޮޕްމެންޓް މިނިސްޓްރީއަށް ވެސް ރިޕޯޓްކޮށްފައިވާ ކަމަށް އެ ކުއްޖާގެ މަންމަ ބުނެފައިވެ އެވެ.

ކުށްކުރުން ފުލުހުން ކުޑަކުދިންގެ ހައްގުތައް ސޯޝަލް މީޑިއާ

18 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާއްޖެ

28 August 2025

މިރާއްޖޭގެ ޓިކްޓޮކް ތަރިންނޭ ކިޔާ މީހުން އުޅެނީ މާބޮޑަށް ފެންމަތިވެގެންނެވެ. ކުޑަކުއްޖާގެ ކަރާމަތަށް އެރިމީހާއަށް ހަރުކަށި އަދަބުދޭން ގޮވާލަމެވެ. ހިއުމެން ޓުރެފިކު ކުރުން ތިޔައީ. ބޮޑުއަދަބެއް ދިނުމުން ދެންތިޔަކަހަލަ އަމަލެއް އެހެންބައެއްގެ ފަރާތުން ފެނުން ދުރުވާނީވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލްް

28 August 2025

ތިޔަ ޓިކްޓޮކް މިގައުމުގައި މަނާ ކުރަން ވެއްޖެނޫންތަ؟ ތިޔައިގެ ނުރައްކާ ސިގިރޭޓާއި ވޭޕަށްވުރެންވެސް ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުން 2025

27 August 2025

މި ކުއްޖާ މަންމަ ސޯޝަލްމީޑިއާ ހިލުވާލާ ވަރަށް ޕޯސްޓު ނުކުރިނަމަ ދިވެހި ފުލުހުން މި މައްސަލައަށް އެއްވެސް ސަމާލުކަމެއް ދޭނެތަ؟ޕޮލިސް ހިންގަނީ ޕަބްލިސިޓީއަށް. އިންސާފު ހޯދަދޭކަށް ނޫން. ނޫސްތަކުގަ ސުރުޚީއަށް އަރާލުން އެކަނި މުހިއްމީ!މީހަކު ކުށްކުރާތަން ފެނުނަސް އެމީހަކު އަތުލެވޭ ކަމަކަށް ނުހަދާ. އެންމެނެއް އިންސާފު ހޯދަން އޮންލައިން ޕްލެޓްފޯމް ތަކުގަ ނުރޯނެ. ހަރާމް ލާރި ކައިގެން މުއައްސަސާތަކުގެ މުވައްޒަފުންނާ ވެރިންތިބެނީ. މި މަޑުކުރަނީ ގިޔާމަތަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

28 August 2025

ރޭޑިއޯގެ ނަމުން ޓިކްޓޮކް ލައިވްތަކުގައި އައުގުރާނަ ގޮވުމަށް މަޝްހޫރުއަންހެނަކު ނަފްސާނީ ބަލި ހުންނަ މީހަކަށް ބުލީކޮށް އެމީހާއާއި ދިމާލަށް ޓިކްޓޮކް ލައިވްތަކުގައި މައިންބަފައިންނާއި އަޅުވައި އައުގުރަނަ ގޮވީމަ އެ ނަފްސާނީ ބަލިމީހާ ކުރާކަށް ނުކުރާކަށް ކަމެއް ނޯންނާނެ ނުންތަ. ކުޑަކުދިންގެ ކަރާމަތަށް އަރައިގަތުމަކީ ވަރަށް ބަޮޑުގޯހެއް، އެކަން ކުށްވެރިކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

26 August 2025

ތިވަރުކަމެއްކުރީމާވެސް ކީއްވެދޫކޮށްލާފަހުރީ؟ މައްސަލަ ކޮޅެއްގައިޖެހެންދެން ބަންދުކޮށްފަބަހައްޓަންޖެހޭ ހާލަތެއްނުންމީ؟ ދޫކޮށްލާފަހުރުމުން ކުށްޖާއަށް ގެއްލުމެއްދީފިނަމަ ކާކުޒިންމާވާނީ، ބަންދުކުރާނެތަނެއްނެތީތަ؟ ޖާގަނެތީތަ؟؟ ކަރާމާތޭ އެޔެކޭމިޔެކޭކިޔަނީ އެކަމަކު އަމަލުހިންގިމީހާ ދޫކޮށްލާފަ، އޭނަގެފޯނުތަ ކުށްވެރިވަނީ؟ ފޯނުބަލާފަ އަދި މައްސަލަވެސް ވަކިވަރަކަށްބެލި ކަމުގެ ހަގީގަތްތައް ހާމަވެ ކުއްޖާއަށް ނުރައްކަލެއްނެތްކަން ޔަގީންވީމާނޫނީ ދޫކުރީކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމް

26 August 2025

ތިކަހަލަ މީހުން ދޫވެގެން ނުވާނެ. ޙަރުކަށި ފިޔަވަޅު އެޅެންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

26 August 2025

އެކުއްޖާގެ މަންމަ ވަނީ ތިޔަ މައްސަލަ ރައްޔިތުންގެ ސަމާލުކަމަށް ސޯޝަލް މީޑިއާ މެދުވެރިކޮށް ގެނެސްފައި. އަދި 04 ގަޑީއިރަށް އެމީހާ ފުލުހުންގެ ބެލުމުގެ ދަށަށް ގެނެސްދެނީތީ ފުލުހުންނަށް ތަކުރާރުކޮށް މާލާމާތުގެ ރާގަކަށް ޝުކުރު އަދާކޮށްފައިވޭ އެވީޑޯގައި. ފުލުހުން މިފަދަ މައްސަލާގައި މިއަށްވުރެއް ސީރިއަސްވާން ޖެހޭ.