އޮފީސް ހިންގާނެ އިތުރު އިމާރާތެއް ހަމަނުޖެހުމުން ސްކައުޓްގެ އިދާރާ ވަގުތީ ގޮތުން ބަންދުކޮށްފި

ސްކައުޓް ހަރަކާތެއްގައި ދަރިވަރުން ބައިވެރިވަނީ.-- ފޮޓޯ: މޯލްޑިވްސް ސްކައުޓް އެެސޯސިއޭޝަން

އިފްރާޒް އަލީ، މިހާރު

10 ސެޕްޓެމްބަރ 2025 - 15:11

އޮފީސް ހިންގާނެ އިމާރާތެއް ހަމަނުޖެހުމުން މޯލްޑިވްސް ސްކައުޓް އެެސޯސިއޭޝަންގެ އޮފީހާއި ފިހާރަ ވަގުތީ ގޮތުން މިއަދު ބަންދުކޮށްފި އެވެ.

އެ އެސޯސިއޭޝަނުން ނެރުނު ނޯޓިސްއެއްގައި ބުނީ ސްކައުޓްގެ އިދާރާ އާއި ފިހާރަ މިއަދުގެ ކުރިން ހުސްކުރަން އަންގާފައިވާ ކަމަށެވެ. އިތުރު އިމާރާތެއް ހަމަޖެހެންދެން އެ އިދާރާ އާއި ފިހާރަ ބަންދުވާނެ ކަމަށް އެ އެސޯސިއޭޝަނުން ބުންޏެވެ.

"...އިތުރު އިމާރާތެއް ހަމަޖެހެންދެން ގައުމީ ސްކައުޓް އިދާރާ އަދި ފިހާރަ ވަގުތީ ގޮތުން ބަންދުކުރެވިފައިވާ ވާހަކަ ހިތާމައާއެކު ދަންނަވަމެވެ،" އެ ނޯޓިސްގައި ބުންޏެވެ.

އެ އޮފީސް ބަންދުކުރުމުން ދިމާވެދާނެ ދަތިތަކަށް މާފަށް އެދޭ ކަމަށް ވެސް އެ ނޯޓިސްގައި ސްކައުޓް އެސޯސިއޭޝަނުން ބުނެފައިވެ އެވެ.

ސްކައުޓް އެސޯސިއޭޝަންގެ ޗީފް ކޮމިޝަނަރު މައީދު މުހައްމަދު ޒާހިރު "މިހާރު" އަށް ވިދާޅުވީ މިއަދުގެ ނިޔަލަށް އެ އިމާރާތް ހުސްކުރަން އެޑިއުކޭޝަން މިނިސްޓްރީން އެ އެސޯސިއޭޝަނާ އެކު ބޭއްވި ބައްދަލުވުމެއްގައި އަންގާފައިވާ ކަމަށެވެ.

އެކަމަކު، އެ އެސޯސިއޭޝަން ހިންގަން އެހެން އިމާރާތެއް އަދި ހަމަނުޖެހޭތީ ހިދުމަތްތައް ވަގުތީ ގޮތުން މެދުކަނޑާލަން ޖެހުނީ ކަމަށް އޭނާ ވިދާޅުވި އެވެ.

ސްކައުޓް އޮފީސް މިހާރު ހިންގަނީ ޗާންދަނީ މަގުގައި ހުންނަ އަރަބިއްޔާ ސްކޫލްގެ އިމާރާތުގަ އެވެ. އެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި، ގެއްލުން ވެފައި ހުރުމުން 2022 ވަނަ އަހަރު ޖެނުއަރީ މަހުން ފެށިގެން ވަނީ އެ ސްކޫލްގައި ކިޔަވައިދިނުން ހުއްޓާލައިފަ އެވެ.

ރާއްޖޭގެ ގިނަ ސްކޫލްތަކެއްގައި ހިންގާ ސްކައުޓް ހަރަކާތްތަކަށް ބޭނުންވާ ހުރިހާ ސާމާނެއް ވިއްކަނީ ސްކައުޓްގެ އޮފީހުގައި ހުންނަ ފިހާރައިންނެވެ.

ތައުލީމް އެޑިއުކޭޝަން މިނިސްޓްރީ ސްކައުޓް އެސޯސިއޭޝަން

6 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަންބެ1

12 September 2025

އަސްލު އުވާލަންޖެހޭ، ބޭކާރު މޫވްމަންޓެއް. ތިޔައިން ދަރިންނަށް ވާ މާ ބޮޑު ފައިދާއެއް ނެތް. ބޮޑު އިސްރާފެއް. ބޮޑު ކުޅިވަރެއް. ބޮޑު ބޭކާރު ޕްރޮޕަގެންޑާއެއް. އުވާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކައުޓް ހަލާކުކޮށްލި ބާނީ ނަޒީފު

11 September 2025

ތިއީ އސްލުވެސް އުވާލަން ޖެހޭ ތަނެއް. ތިއިން މިހާރަކު ގައުމަށް އެއްވެސް ފައިދާއެއް ނުވޭ. ތިތަނަށް މޫލާފައި ތިބި ބަޔަކު ބަޔަކު އެމޯހުންގެ ޗުއްޓީ ދަތުރުތައް ކުރަން ތިތަން ބޭނުން ކުރަނީ. ކޮންމެ އަހަރު 10 ބާރަ ދަތުރު ނުކުރާ އެކަކުވެސް ތިޔަ އެސޯސިއޭޝަނުގައި އިސްކޮށް ނެތް. ކުދިންގެ ތަރުބިއްޔަތަށް ކޮށްދެވުނު އެއްވެސް ކަމެއް ނެތް. މުޅި ގައުމުގައި ހަކުރާއި ގޭންގް ފެތުރި، ޒުވާން ކުދީން ނެތިގެން ދިޔައިރު، ސަކައުޓް އެސޯސިޭޝަން އޮތީ ދަތުރު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

10 September 2025

ދެތިންދުވަސް ފަހުން ނޫހުގައި އޮންނާނެ، ސްކައުޓުންގެ ކަންތައްތަކަކީ ރައީސް ވަރަށް ޙާއްސަކަމެއް ދެއްވާ ކަންކަން ކަމަށާއި، ސްކައުޓުންނަނީ ޤައުމަށް ނުހަނު މުހިންމު ބައެއްކަމުގައި ރައީސް ދެކެވަޑައިގެންނަވާ ކަމަށް! އަދި ސްކައުޓުންނަށް ދާއިމީ ރަގަޅު އޮފީހެއް އެޅުމަށްޓަކައި ބިމެއް ކަނޑައަޅައި، އެބިމުގައި އިމާރާތެއް ކުރުމަށް އައި.ޖީ.އެމް.އެޗް ގެ އައިނު ފިހާރަ އާއި ޙަވާލުކުރައްވައިފި ކަމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާށި

10 September 2025

އަޑުއިވޭގޮތުން މިހާރުގެ މިނިސްޓަރު ބޭނުންވަނީ ސްކަައުޓް އާ ގަާރލް ގައިޑް ހުއްޓާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިބޯނި

10 September 2025

ދިވެހި ރާއްޖޭގައި ސްކައުޓް ހަރަކާތް 1956ގައި ފެށިގެން އަދިވެސް ދާއިމީ ހިނގާ އޮފީހެއް ނެތުން މިއީ ވަރަށް ހިތާމަ ކުރަން ޖެހޭ ކަމެކެވެ. ރާއްޖޭގައި އެއްމެ ދުވަސްވީ އެއްމެ ބޮޑު ޒުވާނުންގެ ހަރަކާތަށް ވެފައި އެއްތަނުން އަނެއްތަނަށް ބަދަލުވުމަކީ ވަރަށް ދަތި އުނދަގޫ ކަމެކެވެ. އެޑިއުކޭޝަންގެ ބެލެނިވެރިކަމުގައި އޮތުމުން ލިބޭ އެއްވެސް އެހީތެރިކަމެއް ނެތެވެ. ސަރުކާރުންވެސް ދޮންދަރިއެއް ފަދައިން ދެކޭ ކަމީ ދެރަކަމެެކެވެ.