މާލޭ ވޮކޭޝަނަލް ހައި ސްކޫލަށް ޕްރިންސިޕަލަކު ހޯދަން އެޑިއުކޭޝަން މިނިސްޓްރީން އިއުލާން ކޮށްފި އެވެ.
އެ މިނިސްޓްރީން އިއްޔެ ކުރި އިއުލާނުގައިވާ ގޮތުން އެ މަގާމަށް ބޭނުންވަނީ ދާއިމީ ޕްރިންސިޕަލެކެވެ. އެ ސްކޫލުގެ ޕްރިންސިޕަލެއްގެ ގޮތުގައި ވަގުތީ ގޮތުން ހުންނެވީ އައިމިނަތު އަފްރާ އެވެ.
ރޭންކް އެކެއްގެ ޕްރިންސިޕަލް ކަމުގެ ޝަރުތުތަކުގެ ތެރޭގައި ހިމަނާފައި ވަނީ:
- ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ވެފައިވާ ދާއިރާއަކުން ގައުމީ ސަނަދުގެ އޮނިގަނޑުގެ ލެވެލް 7 ނުވަތަ 8 ގެ ސަނަދެއް ހާސިލް ކޮށްފައިވުން
- ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ކުރެވިފައިވާ ދާއިރާއަކުން ގައުމީ ސަނަދުގެ އޮނިގަނޑު ލެވެލް 9 ގެ ސަނަދެއް ހާސިލް ކޮށްފައިވުން
- ސްކޫލެއްގައި ކިޔަވައިދިނުމުގައި މަދުވެގެން ދެ އަހަރު ހިދުމަތް ކޮށްފައިވުމާއި ތައުލީމުދޭ ނުވަތަ މަތީ ތައުލީމުދޭ އިދާރާއެއްގެ ހިންގުމުގެ ދާއިރާގައި 4 އަހަރު ހިދުމަތް ކޮށްފައިވުން
އެ ޝަރުތުތައް ނުވަތަ ރޭންކް އެކެއްގެ ޕްރިންސިޕަލެއްގައި ދެން ހަމަވާންޖެހޭ ޝަރުތުތައް:
ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ކުރެވިފައިވާ ދާއިރާއަކުން ގައުމީ ސަނަދުގެ ލެވެލް 7 ނުވަތަ 8 ގެ ސަނަދެއް ލުކޮށްފައިވުމާއި ސްކޫލެއްގައި ކިޔަވައިދިނުމުގައި މަދުވެގެން 2 އަހަރު ހިދުމަތްކޮށްފައިވުމާއި ތައުލީމުދޭ ނުވަތަ މަތީ ތައުލީމުދޭ އިދާރާއެއްގެ ހިންގުމުގެ ދާއިރާގައި 8 އަހަރު ހިދުމަތްކޮށްފައިވުން ހިމެނެ އެވެ.
އެ ރޭންކުގެ ޕްރިންސިޕަލެއްގެ މުސާރައަކީ 16،647ރ. އެވެ. މަގާމުގެ އެލަވަންސަކީ މަހަކު 9،534ރ. އެވެ. އަދި މަސައްކަތް ކުރާ ކޮންމެ ދުވަހަކަށް ހާޒިރީ އެލަވަންސްގެ ގޮތުގައި 258ރ. ލިބޭނެ އެވެ.
ރޭންކު ދޭއްގެ ޕްރިންސިޕަލެއްގެ ޝަރުތުތައް:
- ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ވެފައިވާ ދާއިރާއަކުން ގައުމީ ސަނަދުގެ އޮނިގަނޑުގެ ލެވެލް 10 ގެ ސަނަދެއް ހާސިލުކޮށްފައިވުމާއި ސުކޫލެއްގައި ޓީޗަރެއްގެ ގޮތުގައި ދެ އަހަރު ހިދުމަތް ކޮށްފައިވުމާއި ތައުލީމުދޭ ނުވަތަ މަތީ ތައުލީމުދޭ އިދާރާއެއްގެ ހިންގުމުގެ ދާއިރާގައި 4 އަހަރު ހިދުމަތް ކޮށްފައިވުން
- ނުވަތަ ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ކުރެވިފައިވާ ދާއިރާއަކުން ގައުމީ ސަނަދުގެ ލެވެލް 7 ނުވަތަ 8 ގެ ސަނަދެއް ހާސިލް ކޮށްފައިވުމާއި ތައުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ހާއްސަ ކުރެވިފައިވާ ދާއިރާއަކުން ގައުމީ ސަނަދުގެ އޮނިގަނޑު ލެވެލް 9 ގެ ސަނަދެއް ހާސިލް ކޮށްފައިވުން. އަދި ސްކޫލެއްގައި ޓީޗަރެއްގެ ގޮތުގައި 2 އަހަރު ހިދުމަތް ކޮށްފައިވުމާއި ތައުލީމުދޭ ނުވަތަ މަތީ ތައުލީމުދޭ އިދާރާއެއްގެ ހިންގުމުގެ ދާއިރާގައި 8 އަހަރު ހިދުމަތް ކޮށްފައިވުން ހިމެނޭ
ރޭންކު ދޭއްގެ ޕްރިންސިޕަލެއްގެ މުސާރައަކީ 17،985ރ. އެވެ. މަގާމުގެ އެލަވަންސަކީ މަހަކު 10،300ރ. އެވެ. އަދި މަސައްކަތް ކުރާ ކޮންމެ ދުވަހަކަށް ހާޒިރީ އެލަވަންސްގެ ގޮތުގައި 279ރ. ލިބޭނެ އެވެ.
ޕްރިންސިޕަލަކަށް އެދުމުގެ ފުރުސަތު އަންނަ މަހުގެ 4 ވަނަ ދުވަހުގެ މެންދުރުފަހު 1:30ގެ ނިޔަލަށް ވަނީ ހުޅުވާލައިފަ އެވެ. ފޯމު ހުށަހަޅަން ޖެހޭނީ https://forms.gle/Y3yBPT1GJW5DTRH96 އަށެވެ.