ދައުލަތުގެ ބެލުމުގެ ދަށުގައި އުޅޭ ކުދިންތަކެއް
22 އޯގަސްޓް 2017 - 12:49
71 comments
ކުޑަކުދިންގެ ހިޔާ އާއި ކ. ގުރައިދޫގައި ހުންނަ ޚާއްސަ އެހީއަށް ބޭނުންވާ މަރުކަޒުގައި ތިބި މީހުންގެ ތެރެއިން އެ މީހުން ދޫކޮށްލުމުން އަޅާނުލާ ސަރުކާރުގެ މުވައްޒަފުންނާ މެދު ފިޔަވަޅު އަޅަން ރައީސް އަބްދުﷲ ޔާމީން މިއަދު ނިންމަވައިފި އެވެ.
ރައީސް އޮފީހުން ބުނީ ވިލިމާލޭގައި ހުންނަ ކުޑަކުދިންގެ ހިޔާ އާއި ހުޅުމާލޭގެ ފިޔަވައްޗާއި ޚާއްސަ އެހީއަށް ބޭނުންވާ މަރުކަޒުން ދޫކޮށްލުމުން، އެ މީހުންނާ އަޅާނުލާ މައިންބަފައިންގެ ތެރެއިން ދައުލަތުގެ މުއައްސަސާތަކާއި ސަރުކާރުގެ ކުންފުނިތަކާއި ސަރުކާރު ހިއްސާވާ ކުންފުނިތަކުގައި އުޅޭ މުވައްޒަފުންނާ މެދު ތަފާތު ފިޔަވަޅުތަކެއް އެޅުމަށް ރައީސް ޔާމީން ނިންމަވާފައިވާ ކަމަށެވެ. އެކަންކަން ތަންފީޒު ކުރުމަށް ޖެންޑަ މިނިސްޓްރީ އާއި ހެލްތު މިނިސްޓްރީ އަށް ރައީސް އޮފީހުން މިހާރު ވަނީ އަންގައިފަ އެވެ.
ކުޑަކުދިންގެ ހިޔާ އާއި ފިޔަވަތިންނާއި ގުރައިދޫ މަރުކަޒުން ދޫކޮށްލާ މީހުންނާ އަޅާނުލާ ސަރުކާރުގެ މުވައްޒަފުންނަށް އަޅާ ފިޔަވަޅުތަކުގެ ތެރޭގައި ހިމެނެނީ، އެ މުވައްޒަފެއްގެ މުސާރައިން، ކަނޑައަޅާ ވަކި އަދަދެއް އުނިކުރުމާއި އެކަން ކުރުމަށް އުޒުރުވެރި ވެއްޖެ ނަމަ، ގާނޫނީ އިޖުރާއަތުތައް ފުރިހަމަ ކުރުމަށް ފަހު، އެމީހަކު ވަޒީފާ އިން ވަކިކުރުމެވެ.
"މީގެ އިތުރުން، މިފަދަ ފަރާތްތަކުގެ މުސާރައިން އުނިކުރެވޭ ޢަދަދު، ހިޔާގައި/ފިޔަވަތީގައި ހުރި ނުވަތަ ގުރައިދޫ މަރުކަޒުގައި ހުރި އެމީހަކަށް ނިސްބަތްވާ ކުއްޖެއް ނުވަތަ މީހެއްގެ ނަމުގައި ރައްކާ ކުރެވެންވާނޭ ކަމަށާއި، އަދި ކުޑަކުއްޖެއްނަމަ، އެ ކުއްޖެއްގެ ޢުމުރުން 18 އަހަރު ވުމުގެ ކުރިން، އެ ފައިސާ ބޭނުން ނުކުރެވޭނޭ ކަމަށާއި، އަދި ބޮޑު މީހެއްނަމަ، އެ މީހަކަށް ނޫން ގޮތަކަށް އެ ފައިސާ ބޭނުން ނުކުރެވޭނޭ ކަމުގައި ކަނޑައަޅުއްވާފައިވެ އެވެ،" ރައީސް އޮފީހުން ބުންޏެވެ.
ރައީސް އޮފީހުން ބުނީ ޚާއްސަ އެހީ އަށް ބޭނުންވާ މީހުންނާއި ކުޑަކުދިންގެ މަރުކަޒުތަކުން ދޫކޮށްލާ މީހުންނާ މެދު އަޅާނުލާ ސަރުކާރުގެ މުވައްޒަފުންނާ މެދު ފިޔަވަޅު އަޅާނީ ކޮންމެ މައްސަލަ އަކީ ވަކި މައްސަލައެއް ކަމަށް ބަލައިގެން ކަމަށެވެ. އަދި ފިޔަވަޅު އެޅުމުގައި އެ މީހަކު ވަޒީފާ އަދާކުރާ މުއައްސަސާއާ މަޝްވަރާ ކުރުމަށް ވެސް ކަނޑައަޅާފައިވެ އެވެ.
ވަކިވަކިން އެކުލަވާލާފައިވާ ދެ އުސޫލުގެ ތެރެއިން ކުޑަކުދިންގެ ހިޔާ އަދި ފިޔަވަތީގައި ތިބޭ ކުދިންގެ މައިންބަފައިންނާއި ބެލެނިވެރިންނަށް ފިޔަވަޅު އެޅުމާބެހޭ އުސޫލު އެކުލަވާލާފައި ވަނީ، ގާނޫނުއަސާސީގެ 35 ވަނަ މާއްދާގެ (ހ) އާއި ކުޑަކުދިންގެ ހައްގުތައް ރައްކާތެރިކުރުމާބެހޭ ގާނޫނުގެ ޗެޕްޓަރ 1 ގެ ދަށުން ކަމަށް ރައީސް އޮފީހުން ބުނެ އެވެ. އަދި ޚާއްސަ އެހީއަށް ބޭނުންވާ މީހުންގެ މަރުކަޒުގައި ތިބޭ މީހުންގެ ދަރިންނާއި ބެލެނިވެރިންނަށް ފިޔަވަޅު އެޅުމާބެހޭ އުސޫލު އެކުލަވާލާފައި ވަނީ ގާނޫނުއަސާސީގެ 35 ވަނަ މާއްދާގެ (ށ) އާއި އާއިލާއާ ބެހޭ ގާނޫނުގެ 57 ވަނަ މާއްދާގެ ދަށުންނެވެ.
"މި އުޞޫލުގައިވާ ގޮތުން، މި އުޞޫލަށް ޢަމަލުކުރުމަށް އެދޭ ވަޒީފާ ދޭ އަމިއްލަ ފަރާތްތަކަށް ވެސް ވަނީ އެ ފުރުޞަތު ހުޅުވާލެވިފައިވެ އެވެ،" ރައީސް އޮފީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެކިފުތާ
12 March 2019
ސާބަހޭ ރައީސް ސޯލިހު. މި އަށްވުރެ ވަކިން ހިތްހަމަޖެހުނު ނިންމުމެއް ނިންމި ހަބަރެއް ނުކިޔަން. މީގެ ސަބަބުން އެތަކެއް ކުދިންނެއް ބިކަވެގެން ނުގޮސް ސަލާމަތްވާނެ ކަމަށް ދެކެން.
ޓަސިނގ
24 August 2017
ރަނގަޅު ނިންމުމެއް. ޥަރިކޮށްލާަފަދާއިރު ދަރިންނަށް އަޅާނުލާ ބަފައިންވެސް ވ.ގިނަ ސަރުކާރުގަ. ކޯޓުން ހުކުން ކުރީމަ 500 ދީފަ ދަރިއުޅޭ ހާލުވެސް ބަލާނުލާ. މިމީހުންވެސް ހިމެނޭނެބާ
ދަރިން
23 August 2017
އެއްވެސް މީހަކު ބޭނުމެއް ނުވާނެ ދަރިން ދޫކޮށްފަ ވަޒީފާގަ އުޅޭކަށް، ފިރިންގެ އަދި އާއިލާގަވެސް އެވަރުގެ ތަނަވަސް ކަމެއް ނެތީމަ ދާންޖެހެނީ
ލޮލް
23 August 2017
ލޮލް. އާޓިކަލް ކިޔާލިންތަ؟ ހަމައެކަނި ސުރުހީ ދޯ ކީ؟
ރަވަ ބޮލި
23 August 2017
މިހާރުވެސް އެބަ އުޅޭ ތިޔަ އިދާރާތަކުގަ އެމީހުންގެ މީހުންނާ އަޅާނުލާ އުޅޭ މުވައްޒަފުން، ޓީ ވީ އަށާ އެއްޗެހި އަރާ ކިޔާނެ މައިންބަފައިންނަށް އަޅާލަންވާނޭ، ސޯސަލް މީޑީއާއަށްލާފަ ހުންނާނެ ވަރަށް މޭކަޕް ކޮށްފަ މުސްކުޅިންގެ އަތުގަ ހިފައިގެން ފޮޓޯވެސް ނަގާފަ، އެކަމް ބަލަދްއަރާ މައިންބަފައިން ތިބޭނީ ތަންމަތީގަ ނުތެދުވެވޭ ހާލުގަ، އެމީހުން ފެންނަ ހަމައައްވެސް ގޮސްލާނީ މަދުފަހަރަކު،
ޢަބްދުﷲނާފިޒް
23 August 2017
މިރައީސްގެ މައިގަނޑު މަސައްކަތަކީ އަބަދުވެސް ރައްޔިތު މީހާއާ ދޭތެރޭ ފިޔަވަޅު އެޅުން، މިހިރީ ފިސާރި ވެރިއެއް، ފޮރުއްޕާވަރެއް ނޫން.
ޙަލާލު
23 August 2017
މިއާ އެކުއެކީގައި މާރުކޭޓު ދޮށުގައި ސަލާންޖަހަން ތިބޭ މީހުންގެ ބެލެނި ވެރިން ހޯދާ އެމީހުންގެ މުސާރައިންވެސް ޕަސަންޓެއް ކަނޑަން ފެނޭ. އަދި އަދި އެކަމާމެދު އިހްމާލުވާ މީހުންނަށް ފިޔަވަޅު އަޅަން މިއުސޫލުގައި ހިމެނުން ރަނގަޅުވާނެ.
ހަސީނާ
23 August 2017
ތެދު ވާހަކައެއް ތިބުނީ!
♞ އަސްގެ
22 August 2017
ބައްލަވާ - ހަމަ ފައިސާ ދޯ މިވެސް... ދައުލަތަށް ފައިސާ ވަންނާނެ އިތުރު ގޮތެއް.. ނެތްތަ.. ސީނު އަދި ލާމުގައި 2 ޕާކިން ޒޯން ހަދައި ސްޓިކާ ޖަހަން ފަށަންވީ.. އެއިރަށް ލާރި އިތުރަށް ލިބޭނެތަ..
ހިޔަޅުބެ
22 August 2017
ކޮންމެ މީހަކުވިޔަސް ރަނގަޅުކަމެއްކޮށްފިއްޔާ އެކަންބަލާގަންނަ އުސޫލުން ތިކަން ހިތުގެ އަޑިން ބަލައިގަނެ ޝުކުރުއަދާކުރަން. ވެރިކަމުގެ ފަހުކޮޅުގައިނަމަވެސް ތިކުރެވުނީ ރަނގަޅުކަމެއް. ތިކަން ރަނގަޅު އުސޫލަކުން އަންނަ ކޮންމެ ސަރުކާރަކުންވެސް ކުރާނެކަމަށް އުއްމީދުކުރަން. އެމްޑީޕީ މެންބަރެއްގެ ހައިސިއްޔަތުން ތިކަމަށްތާއީދު.
އައްޑޫކޯޑިނޭޓަރު
22 August 2017
ފިރިމީހާ އަށް ނުކައްކާ އަންހެނުންނޯ؟
މަލާ
22 August 2017
ކަލޭމެންގެ ދެއަތް ކުޑޢީތަ؟
ސިރާ
23 August 2017
ފިރިހެނަކަސް ކައްކަން އިނގެންވާނެ. ޢެހެން މީހުންނަށް ބަރޯސާ ނުވެ އުޅެން ދަސް ކޮއްބަލަ. މީ 2017 . އަންހެނުންވެސް އެ އުޅެނީ ސައިކަލް ތަކުގަޔާ އޮފީސް ތަކުގަ.
އަނބިމީހާ
23 August 2017
ފިރިމީހާއަށް ރެސްޓޯރެންޓުން ކާތަކެތި ގެންނާނީ. ދޯ!
ސަނާ
22 August 2017
ހިޔާ އަށާއި ފިޔަވައްޗަށް ކުދިން ނަގަން މަޖްބޫރުކުރުވާ ސަބަބު ރައްޔިތުންނަށް ފުރަތަމަ އެނގެން އެބަޖެހޭ. އެއަށްފަހު ކުދިން ނަގާ ސަބަބުތަކަށް ފަރުވާ ކުރަންވީ. އިޖްތިމާޢީ ފޭރާން ހަލާކުވެ ޤައުމުވަނީ ޖަންގަލީގެ އުސޫލުން ދައުރުވާން ފަށާފައި. ވިހާފަ ދަރި ދޫކޮށްލާފަ އެބަ ފިލާ، ދަރިންނަށް އަނިޔާކޮށްކޮށް އެދަރިންގެ ފުރާނަ އެބަ ދުއްވާލާ. މިފަދަ ޙާލަތެއްގަ ވާއިރު މިކަމަށް ބޭސްކުރަންވީ އިހަށް ހަރުކަށިކަން އެއްފަރާތް ކޮށްފަ. ގުރައިދޫ މަރުކަޒުގައި ތިބޭ ޢުމުުރުން ދުވަސްވީ މީހުންނާއި އެހެންވެސް ސިކުނޑީގެ ބަލިތަކުގެ މީހުން ޢާއިލާތަކުން ޙަވާލު ނުވާ މައްސަލަތައް ގާތުން ބަލާ އެފަދަ ފަރާތްތަކަށް އެހީތެރިކަން ފޯރުކޮށް ދެވޭނެ ނިޒާމެއް ހަމަޖައްސަންވީ. މަޖްބޫރުން އެއްކަމެއްވެސް ނުވާނެ