ގދ. ތިނަދޫގައި މިއަދު ހިންގި މާރާމާރީއަކާ ގުޅިގެން އެ ރަށުން 11 މީހަކު ހައްޔަރު ކޮށްފި އެވެ.
މި މާރާމާރީގައި އެކަކަށް ވަނީ އަނިޔާވެފަ އެވެ. އެކަމަކު އޭނާ އަށް ހޮސްޕިޓަލުން ފަރުވާ ދިނުމަށް ފަހު ދޫކޮށްލުމާއެކު އޭނާ ވެސް ވަނީ ހައްޔަރުކޮށްފަ އެވެ.
ފުލުސް އޮފީހުން ބުނީ މާރާމާރީ ހިންގުމުގެ ތެރޭގައި ދެ ސައިކަލަކަށް ވެސް އެކިވަރުގެ ގެއްލުން ލިބިފައިވާ ކަމަށެވެ. މި މާރާމާރީ ހިނގީ ކީއްވެގެން ކަމެއް އަދި ނޭނގެ އެވެ. އެކަމަކު މައްސަލަ ތަހުގީގު ކުރަމުން ދާ ކަމަށް ފުލުހުން ބުންޏެވެ.
ދ. ކުޑަހުވަދޫގައި މިދިޔަ ހަފުތާގައި ހިންގި މާރާމާރީގައި ފަސް މީހަކު ވަނީ ހައްޔަރުކޮށްފަ އެވެ. އޭގެ ތެރޭގައި ހަތަރު ކުޑަކުއްޖަކު ހިމެނެ އެވެ.