01 ޖެނުއަރީ 2018 - 21:40
34 comments
އިދިކޮޅު ފަރާތްތަކުން މި އަހަރު އެންމެ ބޮޑު އިސްކަމެއް ދޭނީ ރައްޔިތުންގެ މަޖިލިސް މިނިވަން ކުރަން ކަމަށް ކުރީގެ ރައީސް މައުމޫން އަބްދުލްގައްޔޫމް މިއަދު ވިދާޅުވެއްޖެ އެވެ.
އާ އަހަރުގެ މުނާސަބަތުގައި އެމަނިކުފާނު ނެރުއްވި ބަޔާނުގައި، ސަރުކާރަށް ވަރަށް ބޮޑަށް ފާޑުކިއުއްވަމުން، ވިދާޅުވީ ރައްޔިތުންގެ މަޖިލިހުގެ މެމްބަރުންގެ މަގާމު ކަށަވަރުކޮށްދީ ގޮނޑިތައް ހިމާޔަތްކުރުމަކީ ވެސް، އެ މަސައްކަތުގެ ބައެއް ކަމަށެވެ.
ރައްޔިތުންގެ މަޖިލިސް މިނިވަންކުރުމުގެ ވާހަކަ މައުމޫން މި ގެންނެވީ ވެރިކަންކުރާ ޕީޕީއެމުން ކެނޑި، އިދިކޮޅު ފަރާތްތަކާ ގުޅުނު މަޖިލިހުގެ މެމްބަރުންގެ ތެރެއިން 10 މެމްބަރެއްގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައި ވަނިކޮށެވެ.
ތިން އަހަރު ވަންދެން ސަރުކާރުގެ ކޯލިޝަނުން ކޮންޓްރޯލްކުރަމުން ގެންދިޔަ މަޖިލިހުގެ މެޖޯރިޓީ މިދިއަ ޖުލައި މަހު ގެއްލި، އިދިކޮޅު ހަރަކާތުގެ ބާރު ގަދަވި ދަނޑިވަޅު ސުޕްރީމް ކޯޓުން ވަނީ، ސަރުކާރުން އެދުނު ގޮތަށް، ހުކުމެއް ނެރެފަ އެވެ.
ރައްޔިތުންގެ މަޖިލިހުގެ މެމްބަރުކަމުގެ ގޮނޑި ގެއްލޭނެ ކަމަށް ގާނޫނުއަސާސީގައި ވެސް ބުނެފައި ނެތް ޝަރުތުތަކެއް ކަނޑައަޅާ ސުޕްރީމް ކޯޓުން ނެރުނު ހުކުމާ އެކު، އިލެކްޝަންސް އިން ފުލުފުލުގައި 10 މެމްބަރުންގެ ގޮނޑި ގެއްލިއްޖެކަން އިއުލާންކުރި އެވެ. އެކަމަކު އޭގެ ފަހުން ދެ މަހަށް ވުރެ ގިނަ ދުވަސް ވީ އިރު ވެސް އެއިން ދާއިރާއެއްގެ ބައި އިލެކްޝަން ބާއްވާފައެއް ނުވެ އެވެ.
ގާނޫނުއަސާސީ ބުނާ ގޮތުގައި މަޖިލިހުގެ ގޮނޑިއެއް ގެއްލިއްޖެ ނަމަ 60 ދުވަހުގެ ތެރޭގައި އިންތިހާބު ބާއްވަން ޖެހޭނެ އެވެ.
މައުމޫންގެ ބަޔާނުގައި ވިދާޅުވީ ގާނޫނާއި ގަވާއިދުގެ ދަށުން ކަންކަން ނިންމުމުގެ ހުރިހާ ބާރެއް ރައްޔިތުންގެ މަޖިލިހަށް އަލުން މި އަހަރު ހޯދައިދޭން ޖެހޭނެ ކަމަށެވެ.
އެމަނިކުފާނު ވިދާޅުވި ގޮތުގައި ރާއްޖޭގެ ވެރިކަން މިނިވަން، ޑިމޮކްރަޓިކް އަދި ގާނޫނީ ވެރިކަމަށް ބަދަލުކުރަން ގާނޫނުތަކަށް ބަދަލުތައް ގެނައުމަކީ ވެސް އަމާޒެކެވެ.
މިދިޔަ އަހަރަކީ ގިނަ ދަތިތަކަކާއި ވަރަށް ބޮޑެތި ގޮންޖެހުންތަކަކާ ކުރިމަތިލާން ޖެހުނު އަހަރެއް ކަމަށް މައުމޫން ވިދާޅުވި އެވެ. އެގޮތުން ރައްޔިތުންގެ މަޖިލިސް ހިސޯރު ކުރިކަމާއި ސަލާމަތީ ބާރުތަކުގެ ޝިކާރައަކަށް ވެސް ވި ކަމަށް ބަޔާނުގައިވެ އެވެ. އޭގެ ސަބަބުން، އެމަނިކުފާނު ވިދާޅުވީ، މެމްބަރުންގެ ގާނޫނީ ހިމާޔަތް އުވާލެވިފައިވާ ކަމަށެވެ.
"އޭގެ ކުރީގެ ދެތިން އަހަރު ކުރިން ފެށިގެން އައި ވައްކަމާއި، ކޮރަޕްޝަނާއި، ހިޔާނާތުގެ އަމަލުތައް އިތުރަށް ފުޅާވެ މުޅި ގައުމު ފަސާދައިގެ ހާއްޔަކަން ވެގެން ދިޔަ އަހަރެއް،" މައުމޫން ވިދާޅުވި އެވެ.
މައުމޫންގެ ދަރިކަލުން އަދި ދިއްގަރު ދާއިރާގެ މެމްބަރު ފާރިސް މައުމޫން ޖަލުގައި ބަންދުކޮށްފައިވާއިރު ބަޔާނުގައި ވިދާޅުވެފައިވަނީ ޝަރުއީ އުސޫލުތަކާއި ގާނޫނާ ހިލާފަށް ޝަރީއަތް ކޮށް ނުހައްގުން ހުކުމްކޮށްފައިވާ ސިޔާސީ ލީޑަރުން މިނިވަންކުރުމަކީ ވެސް އާ އަހަރުގެ އަމާޒެއް ކަމަށެވެ.
އެކަމަކު އިދިކޮޅު ފަރާތްތަކުން، މި އަހަރުގެ ރިޔާސީ އިންތިހާބަށް އެއް ކެންޑިޑޭޓެއް ނެރުމާ މެދު ދެކެވޭ ވާހަކަތަކަށް މައުމޫންގެ ބަޔާނުގައި އެއްވެސް އެއްޗެއް ވިދާޅުވެފައެއް ނުވެ އެވެ. އޭގެ ބަދަލުގައި ވިދާޅުވީ ދިވެހި ރައްޔިތުންނަށްޓަކައި "ފަރިވެ ފޮޅެމުން ދާ" އުއްމީދުތައް މި އަހަރު ބޮޑު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައުމޫން 1
03 January 2018
މައުމޫން ހުރީ ނަށީދާއެކު، ނަޝީދު ހުރީ އޭނައަށް ތާއީދު ކުރާމީހުންނާއެކު، ޤާސިމަށް ލަނޑު ބަލައިގަތުން. އަދިވެސް އެ ފަކީރަށް ލިބޭނީ ލަނޑު އުމަރު ނޫނީ އަމީން އިބްރާހީމް އަދިވެސް މާރަނގަޅުވާނެ، ޔާމީނު ބަލި ކުރުމަކީ މިައަދު މާކަ ފަސޭހަ ކަމަކަށް ނުވާނެ. ޚާއްސަކޮށް ލާދީނީ ބަޔަކަށް، ށުކުރިއްޔާ
އަލި
02 January 2018
ދެން ފަހެ ނަޝީދު ނޫން މީހަކު އެމް.ޑީ.ޕީ އަށް ނުލިބުނޫތަ؟. ކޮބައިތޯ އުގެއިލް ސޮރު. އަހުރެމެން ފެއިލް މީހުން ބޭނުމެއްނޫނޭ.
މުހައްމަދު އަހްމަދު
02 January 2018
އަޅުގަނޑަކީ، އެމްޑީޕީގެ އެންމެ އިސް ބޭފުޅުންނާ ގުޅުން ހުރި ކައުންސިލަރެއްގެ އަޑު ތާ އަބަދު އިވޭ މީހެކެވެ. އޭނަގެ ވާހަކަ ހުންނަ ގޮތުން ދުވަހަކުވެސް އެމީހުން ބަޣާވާތްކުރި މީހުންނަކަށް ސަޕޯޓެއް ނުކުރާނެ އެވެ. ތިޔައީ ޒައީމޭ ޖަހަނީވެސް، ޤާސިމާއި، ނާޒިމާއި، ފާރިޝައި، އިމްރާނުގެ މިނިވަންކަމަށް ގޮވަނީވެސް، ގޭމެކެވެ. ޔާމީނު ބަލި ކުރުމަށްޓަކައެވެ. އެމީހުންގެ ވާހަކަތައް ހުންނަ ގޮތަށް ބަލާއިރު ތިޔަ ޕޯލުން ޤާސިމު މޮޅުވުމަކީ، އެމްޑިޕީ އިން ޖެއްސި ގޭމެކެވެ. އެއީ ޕްރައިމަރީ އަށް ދިޔުމަށްޓަކައި، ޤާސިމު ޅޮސް އުނދޯއްޔަށް އެރުވީ އެވެ. އާޚިރު ނަތީޖާ އަކީ، ރައީސް ނަޝީދު ޕްރައިމަރީ ކާމިޔާބު ކުރެއްވުމެވެ. ޕޯލަކުން މޮޅުވުމަކުން ކުރާނެ ފައިދާ އެއް ނެތްކަން ރައީސް ނަޝީދަށް އެނގިވަޑައިގަންނަވާނެ އެވެ.
ހަފުސް
02 January 2018
ތިހެންބުނީމާ ދަރިއަށް ޖެހުނު ހާލުއެގޭނު ؟
ފަޅުވެރިން
02 January 2018
އިދިކޯޅޭ ޚިޔާލުގެ 10،000 މީހުން ބައިވެރިވި ޕޯލެއްގައި 300 މީހުންގެ ތާއީދު ނުލިބުމުންވެސް ތިމާގެ އިސްކޮޅަށްވުރެ ބޮޑެތި ބަޔާންތައް ނެރޭކަށް މީނަ އަދިވެސް ލަދެއް ނުގަނެއޭ! އަދުގެ ސިޔާސީ އީކުއޭޝަންގައި މައުމޫނަކީ އެއްވެސް ބުރަދަނެއް ހުރި މީހެއް ނޫނޭ! މިކަން މީނައަށް، އަދި މީނައަށް ތާއީދުކޮށްގެން އުޅޭ ދޮޅަހަކަށް މީހުނަށް ވަޒަންކުރެވޭނީ ކޮން އިރަކުންހޭ؟ ރާއްޖޭގެ ސިޔާސީ މައިދާން މިހާރު ބައްޓަންވަމުން ދާގޮތުން އިދިކޯޅޭމެންގެ އެއްވެސް "ލީޑަރަކަށް" އެއްވެސް ފުރުޞަތެއް ނެތްކަމޭ ތިޔަ ޕޯލުން ދެއްކި އެއްޗަކީ!! އިދިކޯޅޭމެންގެ ލީޑަރުންނޭ ކިޔައިގެން ތިޔައުޅޭ އެއްވެސް މީހަކީ ރާއްޖޭގެ ޤާނޫނުގެ ދަށުން ވެރިކަމަށް ކުރިމަތި ނުލެވޭނެ މީހެއްކަން ޚުދު އިދިކޯޅޭމެންވެސް ޤަބޫލުކުރާ ކަމުގެ ހެއްކެކޭ ތިޔަހާ މަދު ޢަދަދެއްގެ މީހުން ތިޔަވަރުގެ ޕޯލެއްގައި ބައިވެރިވިކަން އެއީ! ދެންއުޅެނީ ރ. އަތޮޅުގައި އިންޓަނޭޝަނަލް އެއާޕޯޓެއް އަޅާވާހަކަ ދެއްކީމާ ރަންބުއްދިވެގެން އުޅޭ އުގޭލެކޭ! މިކަހަލަ މީހުން ލައިގެން މަހަކަށް ނުރުރޭޅެއޭ!
މުހައްމަދު އަހްމަދު
02 January 2018
އިދިކޮޅު ޕާޓީ ތަކުގެ އިސްވެރިންނަށް..... އިދިކޮޅު ޕާޓީ ތަކުގެ މެދުގައި ޕަރައިމަރީ އެއެް ބޭއްވުމެކޭ ޕްރައިމަރީ އެއް ނުބާއްވާ ރައީސް ނަޝީދަށް ތާއީދު ކުރެމެކޭ އެއްވެސް ތަފާތެއް އެބައޮތްތޯއެވެ؟ އެމްޑީޕީގެ މެންބަރުންގެ އަދަދު 80000 އަށް އަރާއިރު، ދެން ތިބި އެންމެން އެއްކުރީމާ 10000 ހަމަ ނުވެއެވެ..... އެމްޑީޕީން މި ބުނާ ޕްރައިމަރީ އާ ދޭތެރޭ ބުއްދިއެއް ހުރި ބަޔަކު ވިސްނާލުން ރަނގަޅެވެ.
ޅުގުމާން
02 January 2018
މަނިކުފާނުގެ ވެރިކަނުގައި ގެންގުޅުއްވި އުސޫން ރަނގަޅު ނޫންތޯ. އޭރު މިނިވަން ކަމަށް އެއްމެންވެސް ބުނަނީ. ރައީސް އައްޔަން ކުރާ 8 މެންބަރުން ވައްދާލާ. ދެން ފާޚާނާއަށް ދާން ނޫން ގޮތަކަށް އަތް ނުހިއްލޭ ގޮތަށް ހަަދާލީމަ އެއޮތީ 100 % މިނިވަން ވެފައި
ފަގީރު ކޮއި
02 January 2018
ޚިޔާލުހޯދުންތަކުން އެންމެ 2 ޕަސެންޓް ލިބޭއިރުވެސް ގޮތް ދޫކުރުމެއްނެތް. އެހްންތާވާނީ ވެރިކަމުގެ ރާޙަތަކީ އެހާ ފަސޭހައިން ފިލާ އެއްޗެއްނޫންވީމާ. އެކަމަކު ދެން ރަސްކަން ވާރުތައެއް ނުވާނެ.
ފަގީރު ކޮއި
02 January 2018
ތިއުޅެނީ 5 އަހަރުގެ ދައުރެއްގެ ވެރިކަމަށް ކެތްނުކުރެވިގެން . 30 އަހަރުގެ ދިގު ކަޅު ވެރިކަމުގައި ކިތައްމީހުންގެ ތިއުދާސް ހުންނާނެކަން އަމިއްލައަށް ވަޒަންކޮށްބަލަ؟
ފާތުން
02 January 2018
ޕޮޕިއުލަރިޓީ މިހާރު އުޅެނީ 2008 ގެ އިންތިހާބުގަ އުމަރަށްވުރެވެސް ދަށުގަ. ދެން ކާކު ކަލޭއުޅޭގޮތެއް ބަލާނީ. މަހައިރާންވަނީ މިނޫސްތަކުގަ މި ވާހަކަތައް ލިޔާތީ.