މަޝްވަރާގައި ބައިވެރިވާނެ މަންދޫބުންގެ ނަން ފޮނުވަން ސަރުކާރުން އެދިއްޖެ

އިދިކޮޅު ޕާޓީތަކުގެ އިސް ބޭފުޅުންތަކެއް ޖަލްސާއެއްގައި: މަޝްވަރާ އަށް އަނެއްކާ ވެސް ޕާޓީތަކަށް ސަރުކާރުން ވަނީ ދައުވަތު ދީފައި. --ފޮޓޯ/މިހާރު

ފަޒީނާ އަހުމަދު، މިހާރު

08 ފެބުރުއަރީ 2018 - 17:14

20 comments

ސިޔާސީ މަސްރަހުގައި ހުރި ނުތަނަވަސްކަން ފިލުވުމަށް ސަރުކާރާއެކު މަޝްވަރާ ކުރަން އަނެއްކާވެސް ޕާޓީތަކަށް ދައުވަތު ދީ، ބައިވެރިވާނެ މަންދޫބުންގެ ނަން ފޮނުވަން ރައީސް އޮފީހުން މިއަދު އެދިއްޖެ އެވެ.

އިދިކޮޅު ސިޔާސީ ޕާޓީތަކަށް ރައީސް އޮފީހުން ފޮނުވި ސިޓީގައި ބުނެފައި ވަނީ ރާއްޖޭގެ މަސްރަހު މިހާރު އޮތް ގޮތުން، ގައުމުގެ ހަމަޖެހުމަށާއި ރައްޔިތުންގެ ހެވާއި ލާބަޔަށް ސިޔާސީ ޕާޓީތަކުގެ މެދުގައި އަލުން މަޝްވަރާ ފެށުމަކީ މުހިއްމު ކަމެއް ކަަމަށެވެ. ޕާޓީތަކަށް އަނެއްކާވެސް ދައުވަތު ދިނީ އެހެންވެ ކަމަށް ރައީސް އޮފީހުން ބުންޏެވެ.

ޕާޓީތަކުން މަޝްވަރާގެ މޭޒަށް އައުމަށް ސަރުކާރުން މި ފަހަރު މި ގޮވާލީ، ޖަލު ހުކުމުގައި ތިއްބެވި ސިޔާސީ އިދިކޮޅު ބޭފުޅުންތަކެއް ދޫކޮށްލަން ދައުލަތުގެ މުއައްސަސާތަކަށް އަންގައި ސުޕްރީމް ކޯޓުން ނެރުނު އަމުރު ތަންފީޒު ނުކުރި މައްސަލާގައި ބައިނަލްއަގުވާމީ ޕްރެޝަރު ބޮޑުވެފައި ވަނިކޮށެވެ. އެ އަމުރު ތަންފީޒުކުރަން ސަރުކާރުން ދެކޮޅު ހެދީ، އެއީ ފަނޑިޔާރުންނަށް ރިޝްވަތު ދީގެން ނެރެފައިވާ އަމުރެއް ކަމަށް ބުނެ އެވެ. އެ މައްސަލާގައި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ހައްޔަރުކޮށްފައިވާއިރު، ސުޕްރީމް ކޯޓުގައި ދެން ތިއްބެވި ތިން ފަނޑިޔާރުން ވަނީ، އެ ސިޔާސީ ނުވަ ބޭފުޅުން ދޫކޮށްލަން އެ ކޯޓުން ކުރި އަމުރު ބާތިލްކޮށްފަ އެވެ.

މީގެ ކުރިން ސަރުކާރުން ވަނީ އެކި ފަހަރު މަތިން މަޝްވަރާތައް ބާއްވަން މަސައްކަތް ކޮށްފަ އެވެ. އެކަމަކު އެކަން ކާމިޔާބުނުވެ، ފޭލްވީ ހުކުމް ތަންފީޒު ކުރަމުންދާ ލީޑަރުން ބައިވެރިކުރަން ސަރުކާރުން ދެކޮޅު ހެދުމުންނެވެ. ލީޑަރުން ބައިވެރި ނުކުރާ މަޝްވަރާއެއްގައި ބައިވެރިވާން ބޭނުން ނުވާ ކަމަށް އޭރު އިދިކޮޅު ޕާޓީތަކުން ތަކުރާރުކޮށް ވަނީ ބުނެފަ އެވެ.

އިދިކޮޅު ސިޔާސީ ޕާޓީތަކުގެ ތިން ލީޑަރުން ކަަމަށްވާ ކުރީގެ ރައީސް މުހައްމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އިތުރުން އަދާލަތު ޕާޓީގެ ރައީސް އިމްރާން އަބްދުﷲ ވެސް ޖަލު ހުކުމެއް ތަންފީޒުކުރައްވާއިރު އެ ޕާޓީތަކުގައި ދެން އިސްކޮށް ތިއްބެވި ބޭފުޅުންނާއި ރައްޔިތުންގެ މަޖިލީހުގެ ގިނަ މެމްބަރުންތަކެއްގެ މައްޗަށް ވެސް ތުހުމަތުކޮށް ދައުވާތަކެއް ވަނީ އުފުލައިފަ އެވެ.

އޭގެ ފަހުން، އިދިކޮޅު ޕާޓީތަކާ އެކު މަސައްކަތް ކުރެއްވި ކުރީގެ ރައީސް މައުމޫނުގެ މައްޗަށް، ގާނޫނާ ޚިލާފަށް ވެރިކަން ބަދަލު ކުރުމަށް ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދިނުމާއި ފަނޑިޔާރުންނަށް ނުފޫޒު ފޯރުވުމުގެ ތުހުމަތުކޮށް ވަނީ ހައްޔަރުކޮށްފަ އެވެ.

ސިޔާސީ ޕާޓީ ދިވެހި ސަރުކާރު ސިޔާސީ ޕާޓީތަކުގެ މަޝްވަރާތައް ޖުމްހޫރީ ޕާޓީ އެމްޑީޕީ އަދާލަތު ޕާޓީ

20 ކޮމެންޓް, 87 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމްސް

09 February 2018

ތިކަމަށް ފޮނުވާ އެއްވެސް ނަމެއް ކަމަކު ނުދާނެ، ސަބަބަކީ ސަރުކާރުގެ އިދިކީލިކަން ހައްދުން ނެއްޓިފަ އޮތުމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ...

09 February 2018

ތިމީހުން މަޝްވަރާއަށް އައުމަކީ ވަރަށް ނާދިރުކަމެއް އަދި ކީއްތޯ ތިމީހުންގެ ޝަރުތަކަށްވާނީ ޖަލުގައިތިބި ކުއްވެރިން ދޫކުރަން ސަބަބަކަށްވަނީ އެމީހުނަކަށް ޤައުމާއި ޤައުމީމަސްލަހަތު މުހިއްމެއްނޫން އެމީހުންނަށް މުހިއްމުވާނީ އަމިއްލަ މަސްލަހަތާއި އަމިއްލަ ޖީބްތަށް ކީއްކުރާނީދޯ އަދިވެސް ބައެއްދިވެހިން ނިދިންހޭނުލާވިއްޔާ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީ

09 February 2018

އާ ރަނގަޅުވާހަކައެއް. ރައްޔިތުމީހާ އަދިވެސް ތިހިރީ ހަމަ ގަދަ ނިދީގަ! ތިވާނީ ނިދާފަ އޮއްވަ ޖީބުވެސް ފުރެނީކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާޑުބޭ

08 February 2018

1- ޕީޕީ އެމް - ޔާމީން 2- އެމް ޑީ ޕީ - ޔާމިން 3- ޖޭ ޕީ. - ޔާމީން 4- އަދާލަތު - ޔާމީން 5- އެމް ޑީ އޭ - ޔާމީން 6- ޑީ އާރު ޕީ - ޔާމީން ކޮބާ ޝައިނީ ރަނގަޅުތަ..؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލުސް2018

08 February 2018

އަނެއްކާވެސް ދެން އިސްކޮށް ތިބި ލީޑަރުން ހޯދަނީ ދޯ ފްރޭމް ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯވަ

08 February 2018

މަޝަވަރާގައި ބައިވެރިވާން އެންމެ ފުރިހަމަ ބޭފުޅުން ކަމަށް ފާހަގަކުރެވެނީ: 1- ޢަބުދުﷲ ޔާމީން 2- އާޒިމާ 3- އަނިލް 4- ޕީީޖީ 5- ނަވާޒު 6- އަދުރޭ 7- ނިހާން- 8- ސައިނީ 9- އާދަމްޝަރީފު 10- ޖ. ސިޔާމް މީ މަޝްވަރާކުރަން އެންމެ ޤާބިލް ޓީމަކީ އެހެން މީހުން ބައިވެރިވުމަކީ މުހިންމު ކަމެއްކަމަކަށް ނުފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލީމް

08 February 2018

އިޒްރޭލުންވެސް ކޮންމެފަހަރަކު ފަލަސްތީނު މީހުން ތަޅާ ރޯނާގަންނަވާފަ ބުނާނެ އަންނާށޭ މަޝްވަރާއަށް. ދެން މަޝަވަރާއަށް ނާމަ ފަލަސްތީނު މީހުންހައި ސުލްހައަށް ލޯބިނުކުރާ ބަޔަކު ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިއެފް

08 February 2018

މަޝްވަރާ. ކޮންމަޝްވަރާއެއް. މަޝްވަރާ އަކީ ކޯންޗެއްކަން ދަންނަބައެއްގެ ގާތުގައި މަޝްވަރާކުރެވޭނީ. މިއީ ރާޒުވާކުޅިބައެއްނޫ! ޤާނޫނާއި ޚިލާފަށް އެންމެންގެ ބޮލުގައި ތަފާތު ބޮޑެތި ތުހުމަތު އަޅުވާ ޖަލައްލާފަ ދެން ކޮންމަޝްވަރާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރި ބޯށި

08 February 2018

ސަރުކާރުގެ އިހުލާސް ތެރިކަމެއް ހުރިކަމަށް ގަބޫލް އެއް ނުކުރަން. ސަރުކާރުގެ ބޭނުމަކީ ބޭރު ދުނިޔެ އަށް ސަރުކާރުގެ މޫނުމަތި ރީތި ކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހު ކަބީލަ

08 February 2018

ސްޕްރީމް ކޯޓުން ދޫކޮއްލަން އަމުރުކުރި 9 ހައްޔަރީން ދޫކޮއްނުލާ ކުރާނެ މަޝްވަރާއެއް ނޯންނާނެ. އެހެން ނޫނަސް، ސަރުކާރުން ތަކުރާރުކޮށް ގާނޫނު މުގުރަމުންދާއިރު މަޝްވަރާ ކުރަން ގޮވަނީ ކޮން ހައިސިއްޔަތަކުން. ސަރުކާރެއް އެބައޮތްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުކުރި

08 February 2018

ސަރުކާރެއް އޮތަސް ނުކުރާނެ. ކުރިންވެސް ގޮވާލި މަޝްވަރާއަށް. ނުގޮސް ތިބެ ތިހެން މޮޅެތި ވާހަކަ ދައްކާ. އަބަދުވެސް މަޝްވަރާނުކުރަން ކޮންމެވެސް މޮޅު ވާހަކައެއް ދައްކަން މާ ފަސޭހަވާނެ.