ސިތާރާ ގޭގައި ރޯވި އަލިފާންގަނޑު ނިއްވުމަށް ސިފައިން މިއަދު ހަރަކާތްތެރިވަނީ.---ފޮޓޯ: ހުސެއިން ވަހީދު/މިހާރު
06 މާޗް 2018 - 19:51
1 comments
މ. ސިތާރާ ގޭގައި މިއަދު ރޯވި އަލިފާނުގެ ހާދިސާގައި ހާލު ސީރިއަސްވި ބިދޭސީމީހާ މީގެ އިރުކޮޅެއް ކުރިން އައިޖީއެމްއެޗުގައި މަރުވެއްޖެ އެވެ.
އުމުރުން 48 އަހަރުގެ ބަންގްލަދޭޝްގެ އެ މީހާ މަރުވީ ދުމުގެ އަސަރު ކޮށްފައިވާތީ ކަމަށް އައިޖީއެމްއެޗުން ބުންޏެވެ. އަދި ބުނީ އަލިފާން ރޯވިއިރު ބިދޭސީމީހާ އޮތީ އެ ގޭގައި ނިދާފައި ކަމަށާއި ހޮސްޕިޓަލަށް ގެންދިޔައިރު ވެސް ހަރަކާތެއް ނެތް ކަމަށެވެ.
އެނގިފައިވާ ގޮތުން މަރުވި މި ބަންގްލަދޭޝް މީހާ އަކީ ވޯކްޕާމިޓް ނެތި ރާއްޖޭގައި މަސައްކަތް ކުރާ މީހެކެވެ. އޭނާގެ އެއް ކުއްޖަކު ދުނިޔޭގައި ހުރިއިރު އަނބިމީހާ މަރުވެފައިވާ ކަމަށް ވެ އެވެ.
މިއަދު ހަވީރު ހަތަރެއް ޖަހަން އުޅެނިކޮށް އަލިފާން ރޯވި ސިތާރާ ގޭގައި މުޅިން ވެސް އުޅެނީ ބިދޭސީންނެވެ.
އެމްއެންޑީއެފުން ބުނީ އަލިފާން ރޯވީ އެ ގޭގެ ތިރީ ބުރީގައި ހުރި ބަދިގެއެއްގައި ކަމަށާއި އަލިފާނުގެ އަސަރު ގޭގެ ދެވަނަ ބުރި އަށް ވެސް ކޮށްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާނުވާ
07 March 2018
ހާދަ ހިތާމަވެރި ހާދިސާއެކެވެ....ބަންގްލަދޭޝް މީހާގެ ދަރިއަށް އުފާވެެރި ދިރިއުޅުމެއް ދެއްވާންދޭވެ. ޢަދި އެކުއްޖާ އެހެން ކުދިންނެކޭ އެއްފަދައިން ބޮޑުވުމުގެ ނަސީބު ލިއްބައި ދެއްވާންދޭވެ.