އދ. ގެ އިންސާނީ ހައްގުތަކާ ބެހޭ ކައުންސިލްގެ ބައްދަލުވުމެއް: ރާއްޖެއަކީ ވެސް އެ ކައުންސިލްގެ މެމްބަރެއް
08 މާޗް 2018 - 22:42
38 comments
ރައީސް އަބްދުﷲ ޔާމީން މިދިޔަ މަހުގެ 5 ގައި އިއުލާން ކުރެއްވި ކުއްލި ނުރައްކަލުގެ ހާލަތު ވަގުތުން އުވާލުމަށް 41 ގައުމަކުން ސަރުކާރަށް މިރޭ ގޮވާލައިފި އެވެ.
އދ. ގެ ހިއުމަން ރައިޓްސް ކައުންސިލްގެ ބައްދަލުވުމުގައި ގިނަ ގައުމުތަކެއް ގުޅިގެން ނެރުނު ބަޔާނެއްގައި ބުނީ ރާއްޖޭގައި ވީހާވެސް ބޮޑަކަށް އިންސާނީ ހައްގުތައް ރައްޔިތުންނަށް ކަށަވަރުކޮށް ދޭން ޖެހޭ ކަމަށެވެ. އަދި ކުއްލި ނުރައްކަލުގެ ހާލަތުގެ ދަށުން ސަސްޕެންޑްކުރި މާއްދާތައް އިއާދަކުރުމަށް ބަޔާނުގައި ގޮވާލި އެވެ.
މީގެ އިތުރުން ސުޕްރީމް ކޯޓާއި ރާއްޖޭގެ އެހެން ކޯޓުތަކަށް މިނިވަންކަމާއެކު މަސައްކަތް ކުރެވޭނެ މާހައުލެއް ގާއިމުކޮށް ދިނުމަށް ވެސް އެ ބަޔާނުގައި ގޮވާލި އެވެ. އަދި ރައްޔިތުންގެ މަޖިލީހަށް މިނިވަންކަމާއިއެކު، ނުފޫޒެއް ނެތި މަސައްކަތް ކުރުމުގެ މިނިވަން ކަން ދިނުމަށް ވެސް ބަޔާނުގައި ބުންޏެވެ.
ބަޔާނުގައި ވަނީ ސުޕްރީމް ކޯޓުން މިދިޔަ މަހުގެ 1 ގައި 12 މެމްބަރެއްގެ ގޮނޑި ނުގެއްލޭ ކަމަށް ކުރި ހުކުމާ އެއްގޮތަށް، އެ މެމްބަރުންނަށް މަސައްކަތް ކުރުމުގެ ފުރުސަތު ދިނުމަށް ގޮވާލައިފަ އެވެ. އަދި ސިޔާސީ ގޮތުން ހައްޔަރުކޮށްފައިވާ ހުރިހާ އެންމެންނާއި އާއިލާގެ މެމްބަރުން ދޫކޮށްލުމަށް ބަޔާނުގައި ގޮވާލި އެވެ.
ބަޔާނުގައި ބުނި ގޮތުގައި އެ ކައުންސިލުން ރާއްޖެ އަށް މީގެ ކުރިން ގޮވާލި ގޮވާލުންތަކަށް އިޖާބަ ދީފައެއް ނުވެ އެވެ. އޭގެ ބަދަލުގައި އިންސާނީ ހައްގުތައް ނިގުޅައިގަނެ ގާނޫނުއަސާސީން ލިބޭ ހައްގުތައް ހަނިކުރުމަށް މަސައްކަތް ކުރަމުންދާ ކަމަށް ވެސް އެ ބަޔާނުގައިވެ އެވެ.
އދ ގެ ހިއުމަން ރައިޓްސް ކައުންސިލްގެ 34 ގައުމަކުން ގުޅިގެން މީގެ ކުރިން ނެރުނު ބަޔާނެއްގައި ވަނީ ރާއްޖޭގެ ހާލަތާއި މެދު ކަންބޮޑުވުން ފާޅުކޮށް، ސިޔާސީ ހަރަކާތްތައް ހިންގުމުގެ ފުރުސަތު ލީޑަރުންނަށް ދިނުމަށް ގޮވާލައިފަ އެވެ. އަދި ހިޔާލު ފާޅުކުރުމުގެ މިނިވަންކަމާއި ޖުޑިޝަރީގެ މިނިވަންކަމާއި ގާނޫނުއަސާސީ ނެގެހެއްޓުމަށް ސަރުކާރަށް އެ ގައުމުތަކުން ގޮވާލި އެވެ.
އެ ބަޔާނަށް ތާއީދު ކުރި ބޮޑެތި ގައުމުތަކުގެ ތެރޭގައި އެމެރިކާ، އިނގިރޭސިވިލާތް، ބެލްޖިއަމް، އޮސްޓްރޭލިއާ، ފްރާންސް، ޖަރުމަނު، އިޓަލީ، ސްޕެއިން، ޕޯޗުގަލް، ކެނެޑާ ފަދަ ގައުމުތައް ހިމެނެ އެވެ.
ސިޔާސީ ބައެއް ބޭފުޅުން ހިމެނޭ ގޮތަށް 9 ގައިދީއަކު ދޫކޮށްލުމަށް އަމުރުކޮށް، ސުޕްރީމް ކޯޓުން ނެރުނު އަމުރު ތަންފީޒު ނުކޮށް، ރައީސް ޔާމީން ވަނީ ކުއްލި ނުރައްކަލުގެ ހާލަތު އިއުލާން ކުރައްވައިފަ އެވެ. އަދި މަޖިލީހުގެ 38 މެމްބަރުންގެ ވޯޓުން ވަނީ އިތުރު 30 ދުވަހަށް ކުއްލި ނުރައްކަލުގެ ހާލަތު ދަންމާލައިފަ އެވެ.
ސުޕްރީމް ކޯޓުން ނެރުނު އަމުރަށް ފަހު ރާއްޖޭގައި ހިނގަމުންދާ ސިޔާސީ ހަމަނުޖެހުންތަކުގައި އެތައް ބައެއްގެ އިންސާނީ ހައްގުތައް ގެއްލޭ ގޮތަށް ސަރުކާރުން އަމަލުކުރަމުންދާ ކަމަށް ބުނެ، އެކަންކަން ބެލުމަށް އދ.ގެ ހިއުމަން ރައިޓްސް ކައުންސިލްގެ ވަފުދެއް ރާއްޖެއަށް ފޮނުވަން ވަނީ ނިންމައިފަ އެވެ.
ސުޕްރީމް ކޯޓުން ނެރުނު އަމުރު ތަންފީޒު ކުރުމަށް އިދިކޮޅު ފަރާތްތަކުން ކެނޑި ނޭޅި ސަރުކާރަށް ގޮވަމުން ދިޔަ ނަމަވެސް، ކުއްލި ނުރައްކަލުގެ ހާލަތު އިއުލާން ކުރުމަށް ފަހު، އެ ކޯޓުގެ ބާކީ ތިން ފަނޑިޔާރުންގެ އިއްތިފާގުން ވަނީ ސިޔާސީ އިދިކޮޅު އިސް ބޭފުޅުން ހިމެނޭ ގޮތުން ނުވަ ގައިދީ އަކު ދޫކުރުމަށް އެ އަމުރުގައި ބުނާ ބައި ބާތިލް ކޮށްފަ އެވެ. އެހެންވެ އެ ބަޔަށް އަމަލުކުރަން ސަރުކާރުން ދެކޮޅު ހަދަ އެވެ.
ސުޕްރީމް ކޯޓުގެ އަމުރަށް ފަހު، ރިޝްވަތާއި ގާނޫނާ ޚިލާފަށް ސަރުކާރު ވައްޓާލަން އުޅުމުގެ ތުހުމަތުގައި ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދުގެ އިތުރުން އިތުރުން ގިނަ ބަޔަކު ވަނީ ހައްޔަރުކޮށްފަ އެވެ. އޭގެ ތެރޭގައި މައުމޫންގެ ދަރިކަލުން ފާރިސް މައުމޫނާއި ޔުމްނާ މައުމޫންގެ ފިރިކަލުން މުހައްމަދު ނަދީމާއި ފަނޑިޔާރު އަލީ ހަމީދުގެ އަނބިކަނބަލުން ހިމެނިވަޑައިގަންނަވަ އެވެ. އަދި އެންމެ ފަހުން ޕޮލިސް ކޮމިޝަނަރުގެ މަގާމުގައި ހުންނެވި އަހުމަދު އަރީފް ވެސް އެ މައްސަލާގައި އިއްޔެ ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބޭސްބޭބެ
09 March 2018
މިނިވަން އަމިއްލަ ބަހަކާއި އަމިއްލަ ދިދައެއް މި ވައިގަ ތެރޭގަ އުދުހޭ ގައުމެއް މީ، މިގައުމުގެ ކަންކަން ނިންމާނީ މިގައުމުގެ ރައްޔިތުން، އަދި މިގައުމުގެ ސަރުކާރުން މިގައުމަށް ރަގަޅު ގޮތްވެސް ހޯދައިދޭނީ އަދި ހޯދައިދެވޭނީވެސް. އެއްވެސް ގައުމަކުން އެކަމެއް ނުކުރާނެ އަދި ކުރާކަށްވެސް ނުޖެހޭނެ. ﷲ ގެ ކުޅަދުންވަންތަކަން އޮތް މި ރީތި ދޮންވެލިތަކުގެ ރަށްތައް ވީރާނާކޮށް ފަށާދަ ކުރުމަށް ގިނަ ބަޔަކު ބޭނުންވޭ. ދެރަކަމަކީ އެކަމުގެ ދިވެހިންވެސް އުޅޭތީ.
ޙަވަރުބަނަވި
09 March 2018
އެމީހުން އެއުޅެނީ ރާއްޖެ ތަރައްގީ ވެދާނެތީ.
ރަބަރު
09 March 2018
ކަންފަތް ބީރު މީހުނަށް އަޑު ނުއިވޭނެއެވެ. އެކަހަލަ މީހުން ސިފަކުރެވެނީ ޖަނަވާރުންގެ ގޮތުގައެވެ. ولهم آذان لا يسمعون بها
ހާމިދު ދާއީ
09 March 2018
އދ ގެ ސަލާމަތީ މަޖްލިހުން ބަޔާނެއް ނެރެން ޖެހޭ ހިސާޞަކަށް މިގައުމުގެ ކަންތައް ނުދޭ. ހަމަ ހިލާ ނުދޭ. ތިޔަބޭފުޅުން ސިޔާސީ ފަރާތްތައް ކަމަށް މާނަކުރާ ފަރާތްތަކުން ތަކުރާރުކޮށް ހިންގާފައިވާ ޖަރީމާތަކާއި ނުދައްކާ ހުރި ޓެކްސްތަކާއި، ވެރިކަން ދައުރުގެ މެދުތެރެއިން އިންގިލާބު ކޮށްލަން ކުޅޭ ކުޅިގަނޑު އދ އަކަށް ނުފެނޭ. ގައުމުތަރައްގީވެ އާރާސްތުވަމުން މިދަނީ މައުމޫނުގެ ހުދުމުހުތާރު 30 އަހަރާއި އަންނިގެ ހުދުމުހުތާރު 3 އަހަރަށްވުރެއް %100 އިންސައްތަ ބާރު ސްޕީޑްގައި.
މުހަންމަދު އަޒުމީލް
09 March 2018
ތެއްގޮތަށް ބޮޑެތި އަދަދު ތަކުން ލޯންނަގައިގެން ބުޅާހޮއްކޮވެސް ތަރައްޤީ ކެރާނެ އެކަމު ބޮޅާހޮއްކޮ ލޯނުގެ ދެބައިކުޅައެއްބައި ކަޔެއްނުލާނެ
ފާލު
09 March 2018
އިންސާނީ ހައްގުތައް ނެތީ މިތާތަ... ފަލަސްތީނު ކަަސްމީރު އިރާގު ޔަމަނު ސޫރިޔާ ލަންކާ އިންޑިއާ މިޔަންމާ ގައި އޮތީ ހުސް އިންސާނީ ހައްްްގު ތައް ބޮނޑި ބޮނޑިއަށް ހިމާޔަތް ކޮށްފަ...
ސައިބޯންއާދޭ
09 March 2018
ކައްޕި ހިތުހުރި ގޮތަކަށް ނުވާނެ
ދަނޑިދަމާ
09 March 2018
ކުއްލި ނުރައްކަލުގެ ހާލަތު އުވާލަން 41 ގައުމަކުން ސަރުކާރަށް ގޮވާލައިފިއޭ. އެހެންތޭ އެގޮވާލީ ކޮން ބަޔެއްތޭ. އެއީ އދ. އޭ. ބަލަގަ އދ. އަކީ އެއީ މަމެން ޗަންދާ ދައްކައިގެން ގެންގުޅޭ ނޯކަރުންނޭ އެމެންނަށް ނޭގޭނެއޭ މަމެން ކަންކަން ކުރަންވާ ގޮތް ބުނެދޭން. އެމެން ބުނި އެއް ނޫންތޭ ރާއްޖޭގައި ޓޫރިޒަމް ތަރައްގީ ނުކުރެވޭނެއޭ ނުކުރެވޭތޭ އެމެން ބުނި އެއް ނޫންތޭ މާލެ ސަަރަހައްދުން ފަޅު ތައް ހިއްކައިގެން ތަރައްގީ ނުލިބޭނެއޭ ނުލިބޭތޭ އެމެން އެއީ ދުނިޔޭގައި ތިބި ކިއްލި ތަޅާ ކިޔަވައިގެން ތިބި އީގޯސް އިން ތަކެއް މަސައްކަތް ކުރާ ބޮޑެތި ކަނޑު ކޮހުން ތިބޭ ތަނެކޭ މަމެން ނަހަދާނަމޭ އަލިފުދާލު ބުނާ ގޮތެއް އަދި ވަކިން އދ. ގެ ހިއުމެން ރައިޓްސް ކައުންސިލަކީ މަމެން ދެކޭ ގޮތުގައި އދ.ގެ ފާޚާނާ ސާފުކުރަން ލާފައި ހުންނަ ގޮލައަކު ހަދައިގެން އުޅޭ ތަނެކޭ އޭނާ ބުނާ ގޮތެއް މަމެން ހަދަން ނުޖެހޭނެއޭ ބިކޮޒް މަމެން މީ ރައްޔިތުންގެ %85 ވޯޓް އިން ހޮވާފައިވާ ދަ ހާކިމާ އޭ ދަ ހާކިމާ ނުޖެހޭނެއޭ އދ. ބުނާ ގޮތަށް ހަދަން އދ. ދަނޑި ދަމާ.
އަލިެބެ
09 March 2018
މިގައުމުގެ ޑިމޮކްރަސީ އޮތީ ވަރަށް ހާލުދެރަކޮށް ވީމާ ހުރިހާ ފަރާތްތަކުން އެހީވާ ފަންޑެއް ހުޅުވައިގެން ނަމަވެސް އޭނާއަށް އެހީތެރިވެ ދެއްވުން މިދަޑިވަޅުގައި ބޭނުން. އެހެންނޫނީ ޑިމޮކްރަސީ މަރުވެ ހިގައިދާނެ.
އޮޅާލާ
09 March 2018
ކުއްލި ނުރައްކަލުގެ ހާލަތު އުވާލަން 41 ގައުމަކުން ސަރުކާރަށް ގޮވާލަނީ އެއީ އދ. ގެ ހިއުމެން ރައިޓްސް ކައުންސިލުން ނޭ އަދި އެކައުންސިލުން ސްޕްރީމް ކޯޓުން ބާތިލް ކޮށްފައިވާ ހުކުމް ތައް ތަންފީޒު ކުރަން ގޮވާލަމުން ދާތީވެ ބެލެވެނީ މީ އދ. ގެ ހިއުމެން ރައިޓްސް ކައުންސިލަކީ އެއީ ބާތިލް އަށް ގޮވާ އަބޫ ޖަހުލު ތިއަރީ ގެންގުޅޭ އަބޫޖަހުލު ޑީއެންއޭ ހުރި ބޮޑުން ތަކެއް ހިންގާ ތަނެއް ކަމަށޭ. އދ. ގެ މޭންޑޭޓެއް ނޫނޭ ގައުމު ތަކުގެ ދާޚިލީ ކަންކަމަށް ބޭނިގަތުމަކީ ދެން ލަންކާ ގައި ގާއިމް ކޮށްފައިވާ ކުއްލި ނުރައްކަލުގެ ހާލަތު އުވާލަން ކީއްވެތޭ އދ. ގެ ހިއުމެން ރައިޓްސް ކައުންސިލުން ނުގޮވަނީ ނުގޮވާނެ ތާ ރިޗަރޑް ބްރެންސަނޭ އަތު ކަޓެއް ނުލިބޭ ވިއްޔާ އދ. ގެ ހިއުމެން ރައިޓްސް ކައުންސިލުގެ ބޮޑުންނަށް އެގޮތަށް ގޮވާލާށޭ ކިޔައިގެން ދޯ. އދ. މިހާތަނަށް ބޭނިގަތް ގައުމެއް ފުނޑު ފުނޑު ވުން ނޫން ދެން އެހެން ކަމެއް ނެތޭ އެހެން ކަމުން އދ. ބުނާ ގޮތަށް މަމެން ނަހަދާނަމޭ އދ. ގެ ހިއުމެން ރައިޓްސް ކައުންސިލް ގެ ނިންމުން އޮޅާލާ އޮޅާލާ
މީހެއްގެ އޮޑިއެއްގެ ކައްޕި
09 March 2018
އަހަންނަކީ ގޮތްދޫކުރާމީހެއްނޫން. ދެންކިހިނެތް 80 ގައުމު ގޮވާގޮވުމަކަށް ދީލާލާނީ.