އައްޑޫ މޭޔަރު ސޯބެ: އޭނާ ވިދާޅުވީ ސަސްޕެންޑް ކުރުމަކުން ކައުންސިލަރުން ބުނާ ހައްގު ބަސް ނުހުއްޓުވޭނެ ކަމަށް.
19 މާޗް 2018 - 10:15
56 comments
ސަރުކާރުން މިހާރު ހުރިހާ ކަމެއް ވެސް ކުރަމުން ދަނީ ގާނޫނާއި ގަވައިދުތަކާ ހިލާފަށް ކަމަށާއި ލޯކަލް ގަވަރަމަންޓް އޮތޯރިޓީން (އެލްޖީއޭ) އިން އައްޑޫ ސިޓީ ކައުންސިލްގެ ހަތަރު މެމްބަރަކު ސަސްޕެންޑްކޮށް، ކައުންސިލް އުވައިލާނެ ކަމުގެ ބިރު ދެއްކިޔަސް، ހައްގު ބަސް ބުނުމުގައި ފަސްނުޖެހޭނެ ކަމަށް އައްޑޫ މޭޔަރު އަބްދުﷲ ސޯދިގް (ސޯބެ) މިއަދު ވިދާޅުވެއްޖެ އެވެ.
ސޯބެގެ އިތުރުން މުސާރަ އާއި އިނާޔަތްތައް ނުލިބޭ ގޮތަށް އެއް މަސް ދުވަހަށް ސަސްޕެންޑްކޮށްފައި ވަނީ ޑެޕިއުޓީ މޭޔަރު މުހައްމަދު ޔަސްރިފާއި ފޭދޫ ކައުންސިލަރު އަލީ ފަހުމީ އަހުމަދުގެ އިތުރުން އައްޑޫ ސިޓީ ކައުންސިލްގައި ހިމެނިވަޑައިގަންނަވާ ހަމައެކަނި އަންހެން ކައުންސިލަރު، ހިތަދޫ މެދު ދާއިރާގެ ޖަމްޝީދާ މުހައްމަދެވެ.
މާލެ ފިޔަވައި ރާއްޖޭގައި އޮތް އެންމެ ބޮޑު ސިޓީގެ ހަތް ކައުންސިލަރުންނަކީ ވެސް އިދިކޮޅު އެމްޑީޕީގެ މެމްބަރުންނެވެ.
އެލްޖީއޭ އިން ހަތަރު ކައުންސިލަރު ސަސްޕެންޑް ކުރީ ސްޕްރީމް ކޯޓުން ފެބްރުއަރީ 1 ގައި ނެރުނު އަމުރު ތަންފީޒު ކުރަން ގޮވާލައި، ނޫސް ބަޔާނެއް ނެރުމުންނެވެ. އެލްޖީއޭ އިން ބުނީ ކައުންސިލުން އެކަން ކުރީ ލާމަރުކަޒީ ގާނޫނުން ކައުންސިލްތަކަށް ދޭ ބާރާއި އިމްތިޔާޒުގެ ބޭރުން ކަމަށެވެ.
މިކަމާ ބެހޭ ގޮތުން މޭޔަރު ވިދާޅުވީ އެލްޖީއޭ އިން ކައުންސިލަރުންނަށް ފިޔަވަޅު އެޅީ ޖަވާބުދާރީވުމުގެ އެއްވެސް ފުރުސަތެއް ނުދީ ކަމަށެވެ.
"އުސޫލެއްގެ ގޮތުން އެލްޖީއޭ އިން މިހާރު އެކަން ކުރި ގޮތަކަށް ފިޔަވަޅު އެޅުމުގެ ހައްގެއް ވެސް ނޯންނާނެ. މިއީ ޑިމޮކްރެޓިކް މުޖުތަމައަކުން ކަންކަން ހިނގާ އުސޫލެއް ވެސް ނޫން،" ސޯބެ ވިދާޅުވި އެވެ.
"އެކަމަކު އަޅުގަނޑުމެން ހައިރާނެއް ނުވޭ އެލްޖީއޭ އިން މިފަދަ ފިޔަވަޅެއް އެޅުމަކުން ވެސް. ހުރިހާ ކަމެއް މި ކުރަނީ މިހާރު ހަމަ އާއި އުސޫލްތަކާއި ގާނޫނުތަކާއި ގަވައިދުތަކާ ހިލާފަށް."
މޭޔަރުކަން ތިން ވަނަ ދައުރަކަށް ކުރައްވަމުން ގެންދަވާ ސޯބެ ވިދާޅުވި ގޮތުގައި ކައުންސިލްތަކުގެ ބާރު ކުރިން ވެސް އޮތީ ކަނޑުވާލާފަ އެވެ. އޭގެ އިތުރުން ކައުންސިލަރުންގެ މުސާރަ ވެސް ކުޑަކުރި އެވެ. އެހެންކަމުން މުސާރަ ނުލިބޭ ގޮތަށް ސަސްޕެންޑް ކުރުމަކުން ކައުންސިލަރުން ހާސްވެ، ހަދާނެ ގޮތް ހުސްނުވާނެ ކަމަށް އޭނާ ވިދާޅުވި އެވެ.
"އަޅުގަނޑުމެން މިތިބީ ވަރަށް ސާބިތުކަމާ އެކު،" ސޯބެ ވިދާޅުވި އެވެ.
މޭޔަރު ވިދާޅުވީ ސަރުކާރުން ގާނޫނާ ހިލާފަށް ކުރަމުންދާ ކަންކަމަށް ރާއްޖޭގެ ހުރިހާ ކައުންސިލަކުން ވެސް ހައްގު ބަސް ބުނާނެ ކަމަށެވެ. އަދި އެކަން ނުހުއްޓޭނެ ކަމަށް ވެސް ވިދާޅުވި އެވެ.
"އެހެންވީމާ އެލްޖީއޭ އިން ޖެހޭނީ ހަމަ މިގޮތަށް ކައުންސިލަރުން ސަސްޕެންޑްކޮށް، ކައުންސިލްތައް އުވައިލާނެ ކަމުގެ ބިރު ދައްކަދައްކައި ތިބެން. ސިޔާސީ ގޮތުން ވެސް އަޅުގަނޑުމެން ކުރާ މަސައްކަތަށް ހަމަހިލާ ކުޑަ ވެސް ހުއްޓުމެއް ނާންނާނެ،" ސޯބެ ވިދާޅުވި އެވެ.
"މިހާރު މިވީ ގޮތުން ކައުންސިލަރުންނަށް މާ ބޮޑަށް ވެސް ފަސޭހަވެގެން ދިޔައީ ސަރުކާރަށް ދެކޮޅަށް ބާއްވާ މުޒާހަރާތަކަށް ވެސް ނުކުންނަން. ނިކަން ބަލަން ތިބެމާ ކުރިއަށް އޮތް ތަނުގައި ރާއްޖޭގެ ކިތައް ކައުންސިލަރުން މާލޭގެ މުޒާހަރާތަކަށް ވެސް ނުކުންނަތޯ."
މިދިޔަ މަހު އައްޑޫގައި ބޭއްވި މުޒާހަރާއެއްގައި ފަހުމީ (ކ)، ޖަމްޝީދާ އަދި ޔަސްރިފް (ވ).
ސޯބެ ވިދާޅުވީ އެލްޖީއޭ އިން ހަތަރު ކައުންސިލަރަކު ސަސްޕެންޑް ކުރުމުން އިދާރީ ގޮތުން ކައުންސިލްގެ މަސައްކަތްތައް ހުއްޓޭނެ ކަމަށެވެ.
"މިހާރު މިވީ ގޮތުން ކައުންސިލްގެ ބައްދަލުވުމެއް ވެސް ނުބޭއްވޭނެ. ހަތަރު މެމްބަރަކު ސަސްޕެންޑްކޮށްފައި ދެން ތިބި، ތިން ކައުންސިލަރުންގެ ކައިރީގައި މަސައްކަތް ކުރިއަށް ގެންދާށޭ ބުންޏަސް އެކަމެއް ނުކުރެވޭނެ. ކޯރަމަކީ ހަތަރެއް،" ސޯބެ ވިދާޅުވި އެވެ.
"އެހެންވީމަ ދެން ކިހިނެއްތޯ ކޯރަމް ނެތި ކައުންސިލްގެ ބައްދަލުވުމެއް ވެސް ބާއްވާނީ؟ މިކަމަކީ އިދާރީ ގޮތުން ކައުންސިލްތައް ހުއްޓުމަކަށް ގެނައުން."
އޭނާ ވިދާޅުވި ގޮތުގައި އެލްޖީއޭ އިން ވެސް ނުހައްގުން ކުރާ ކަންކަމަށް ފަހުން ޖަވާބުދާރީވާން ޖެހޭނެ އެވެ. އަދި އެ ދުވަސް އަންނާނެ ކަމަށް ވެސް ވިދާޅުވި އެވެ.
"އަބަދަކު މިގޮތަށް ފިއްތައިގެން އޮބިއަޅައިގެން، ބިރު ދައްކައިގެނެއް ނުތިބެވޭނެ. އެ ބޭފުޅުން ވެސް ކުރާ ގާނޫނާ ހިލާފު ކަންކަމަށް ޖަވާބުދާރީވާން ޖެހޭނެ ދުވަހެއް އަންނާނެ،" ސޯބެ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހުމަދު
20 March 2018
ސޯބެއަށް ސެލިއުޓް
ޢަސްލު
20 March 2018
ޖަލައް ލީމަ ތިޔެއް އިނގޭނެ. އޭރަށް ބަލިވެއްޖެއޭ ކިޔާގޮވާނީ
ގެދާނޯމޮސް
19 March 2018
އިންތިޚާބު ގާތްވީމާ ބުނަން އޮތްހަމައެކަނި ޙައްޤުބަހަކީ " 2018 ޔަގީން ވެއްޖެ "
ޖައިސާމް
19 March 2018
ސާބަހޭ ސޯބެ. ތިކަހަލަ ހިއްވަރު ބޭނުމީ.
ޝަޑޭ
19 March 2018
އަދުރޭ ބެނާގޮތަހަ ވެންނޭ ހުށިހައި ކަމެކިސް
ޑޮކްޓަރުންގެ ސިޓީ / އައްޑޫ ސިޓީ
19 March 2018
ޔުނިޓަރީ ދައުލަތަކަށްވާތީ ނުޖެހޭ ކޮންމެހެން ޤާނޫނު އަސަަސީއަށާއި ޤާނޫނުތަކުގެބޭރުން “މާލޭ ސަރުކާރުން އަންގާކަންކަމަށްބޯލަބާކަށް އައްޑޫ ސިޓީ ކައުންސިލަކަަށް ނުޖެހޭނެ” ސިޓީ މޭޔަރ އެކަންކުރުމަކީ ޤާނޫނުއަސާސީ އާއި މަސްއޫލީއްޔަތުގެ ހުވަޔާއިހިލާފު ކަމެއް. . . . . ޔުނިޓަރީ ދައުލަތެކޭ ބުނީމަ އޭގެ މާނަ އަކީ “ވެރިރަށުގެ އަޅުދާސްތު ކަމުގައި ތިބުމެއްނޫން” ކަން އިގެންޖެހޭ. . . . މިއީ ޔުނިޓަރީ ދައުލަތެއް ކަމުގައިވާތީ “އައްޑޫގެ މޭޔަރު ގޮވާލަނި” އަހަރުމެންގެ “ޙާކިމާ” އުއްތަމަ ފަނޑިޔާރު ދޫކޮށްލުމަށާއި ސްޕްރީމް ކޯޓް އަމުރު ތަންފީޒު ކުރުމަށް. . . . އަދި ޔުނިޓަރީ ދައުލަތެއްކަމުން “ކައުންސިލުން ގޮވާލަނީ” ތަފާތު ކުރުމެއްނެތި ހއ ތުރާކުނުން އައްޑޫ ސިޓީ އަށް ދައުލަތުން އިންސާފު ވެރިކަމާއި އެކު ހިދުމަތް ދިނުމަށާއި، ފެނާއި ނަރުދަމާ ޤާއިމްކޮށް ހަނޑޫ ހަކުރު ފުށް އަދި ކަރަންޓް އެއްއަގެއްގައި ވިއްކުމަށް. .. . ދުނިޔޭގެ ކޮން ޤައުމެއްގައި ކެޕިޓަލް ސިޓީ އަށްވުރެން އަގުބޮޑުކޮށް ދައުލަތުގެ ހިދުމަތް ވިލެޖްތަކުގައި ވިއްކަނީ؟
އިބުރާހީމު
19 March 2018
ސާބަހޭސޯބެ. ތިހިސާބު މީހުންނަކީ އަބަދުވެ ތީމާމެންގެ ހައްގެއްވާކަންދަނެް އެކަމށް ތެދުވެ ބަސްބުނަމުން އައިބައެއް. އެގޮތުގައި ދެމިތިބޭތީ އަހަރެންވެސް އައްޑޫމީހުންނާ ލައިކުވަނީ. ނުޖެހޭދޯ މީހުންގެ ފައިބުޑަށްވެއްޓިގަންނާކަށް. ހައްގުލިބެންޖެހޭނެ ގަދަކަމުންވެސް
ޝަހާމް
19 March 2018
ސޯބެ ގެ ޖަރީމާތައް އެބަޖެހޭ ދައުލަތުން ބަލާ ފިޔަވަޅު އަޅަން. ސާކް ސަމިޓް ބޭއްވުމަށް އައްޑު އަތޮޅުގައި ކުރިކަންތައްތަކުން އެތައް މިލިއަން ރުފިޔާއެއްގެ ހިޔާނާތެއް އެބައިމީހުންވަނީ ވެފައިކަން އޯޑިޓް ރިޕޯޓްތަކުން އިނގޭއިރުވެސް، އެކަމަކަށް ފިޔަވަޅު ނާޅާތިބޭތީ ހިތާމަކުރަން. ކޮރަޕްޓް ވީކީ ހަމައެކަނި އަދީބް އެއްނޫން. ކޮރަޕްޓް އެންމެ ބޮޑަށް ވީ ކުޑަ 3 އަހަރުގެ ސަރުކާރުގެ ތެރޭގައި. ކޮންމެ ވަޒީރެއްގެ ބޮލުގައި 100 އެތައް މިލިއަން ރުފިޔާއެއްގެ ހިޔާނާތުގެ ތުހުމަތު އޮތީ އެޅިފައި. ކަން މިހެން އޮތްއިރު އޭރު މަތީފަޑީގައި ތިބި އެންމެ ކަހަލަ ގޮތަކަށް އެތިބީ ރާއްޖޭގެ ބޭރުގައި. ގައިމު ފައިސާ ގައި ޖެހެވިފައިތިބީމާ ދެއްތޯ އެގޮތައް އިނގިރޭސިވިލާތާއި ލަންކާ ފަދަ ގައުމުތަކުގައި އެ ދިރިއުޅެނީ.
ޖަހާމު ޝަރީފް
19 March 2018
ބަރާބަރު ކޮމެންޓެއް. ހަގީގަތުގައިވެސް ސޯބެ މެން ހީކުރާނީ ސިޓީ ކައުންސިލަކީ ވަކި ސަރުކާރެއްކަމަށް ދައުލަތެއްކަމަށް. ކީކޭ ބުނާނީދެން. ހަގީގަތުގައި ރާއްޖެއަށް އެހާ ކަމުދާ ނިޒާމެއްނޫން މިއީކީ. މީގައިވާންވީ ގޮތަކީ އިހު އޮތްގޮތަށް އެއިރަކު ވެރިކަން ކުރާ ސަރުކާރަކުން އައްޔަން ކުރާ "ކަތީބުން" ލައްވާ ރަށްތަކާއި އަތޮޅުތައް ހިންގަންވީ. ދެން ކައުންސިލަށް މީހުން އިންތިހާބު ކުރަންވީ ކާތީބަށް ތަރައްގީގެ ކަންކަމުގައި ލަފާ އަރުވާ މަޖްލިހެއްގެ ސިފައިގައި. ސިޓިންގ އަކަށް ފައިސާވެސް ދޭނީ. ކަމެއް ބޮޑިއްޔާ ކޮންމެ ދުވަހަކުވެސް ސިޓިންގ ބޭއްވިދާނެ. ކަމެއް ނެތަސް މަދުވެގެން މަހަކު 4 ފަހަރު ސިޓިންގ އެއް ބާއްވާގޮތައް ކައުންސިލް އެކުލަވާލަންވީ. އެހެންނޫނީ މިނިޒާމު ރާއްޖެއަކު ނުހިނގާނެ. މާދަން އެމްޑީޕީ ސަރުކާރު އައިނަމަވެސް މިހާރު މިއޮތް ގޮތަކަށް ނުހިނގާނެ. އެމްޑީޕީގެ ސަރުކާރުގައިވެސް ވަނީ، ކައުންސިލުތަކަށް މީހުން އިންތިހާބު ނުކޮށް ސަރަހައްދުތަކަށް ބަހައިގެން ތަން ގައުމު ހިންގަން އުޅެފައި.
ޢަލީމް
20 March 2018
ހެކިނެތި މީހުން ހައްޔަރު ކޮށްގެން ގެންގުޅޭ ސަރުކާރަކުން ފައިސާގެ ޚިޔާނާތްވި އިދިކޮޅު މީހެއް ބަހައްޓާނީ އެމީހެއްގެ ހިޔާނާތެއް ނެތީމަ ދެއްތޮ.
ޓެކްސީ
19 March 2018
ސާބަހޭ މޭޔަރޫ ތިގޮތުގާ ހިފަހައްޓާލާ އިންޝާﷲ ކާމިޔާބުދެއވާނެ
ޮފޯއް މުލަ
19 March 2018
ޙައްގު ބަހަކަށް ވާނީ އަނެއްކާވެސް ދެކުނުގައި އޮތީ ވަކި ދައުލަތެއްކަން އިއުލާން ކުރީމަ. ކެތްމަދުވެފަ މިތިބީ އެދުވަސް ދެކެން.
ގާކޮށި
19 March 2018
ދިޔަދޮވީގެ އެންމެ ދިމާލަކަށް ހުރިހާ ފެނެއް ދަމައިގަންނަ އުސޫލަށް ނޫނެކޭބުނަން މަމެންވެސް މިތިބީ ކެތްމަދުވެފަ.
ހުންން
19 March 2018
އެންމެންވެސް ބޭނުންވަނީ ވެރިކަން ކުރަން. އެއީ ތިޔަ ނުވެގެން އުޅޭ ކަމަކީ.