ޣައިރު ގާނޫނީ އަމުރަށް ތަބާނުވެގެން ވަކިކުރާ ފުލުހުންނާއި ސިފައިންނަށް އަލުން ވަޒީފާ ދޭނަން: އިއްތިހާދު
އިއްތިހާދުގެ ތަރުޖަމާނު މަހްލޫފަށް އިއްޔެ ހުކުމް ކުރި ވަގުތު ކްރިމިނަލް ކޯޓު ސަރަހައްދަށް އެއްވި މީހުން ފޮނުވާލުމަށް ފުލުހުން މަސައްކަތް ކުރަނީ.-- ފޮޓޯ: މުހައްމަދު ޝަރުހާން/ މިހާރު
20 ޖުލައި 2016 - 21:42
35 comments
ޣައިރު ގާނޫނީ އަމުރަށް ތަބާނުވުމުގެ ސަބަބުން ވަޒީފާ ގެއްލޭ ސިފައިންނާއި ފުލުހުންނަށް އިންތިގާލީ ސަރުކާރުން އަނބުރާ ވަޒީފާ ދޭން އިދިކޮޅު އިއްތިހާދުގެ ހިޔަނި ކެބިނެޓުން މިއަދު ނިންމައިފި އެވެ.
މޯލްޑިވްސް ޔުނައިޓެޑް އޮފޮޒިޝަން (އެމްޔޫއޯ) އިން ބޭއްވި ނޫސްވެރިންގެ ބައްދަލުވުމެއްގައި، އެ އިއްތިހާދުގައި ހިމެނޭ އަދާލަތު ޕާޓީގެ ނައިބު ރައީސް އަލީ ޒާހިރު ވިދާޅުވީ ޣައިރު ގާނޫނީ އަމުރަށް ތަބާނުވުމުގެ ސަބަބުން ވަޒީފާއިން ވަކިކުރާ ނުވަތަ މަސްއޫލިއްޔަތުން ދުރުކޮށް ނުވަތަ މަގާމު ދަށްކުރާ މީހުންނަށް އިންތިގާލީ ސަރުކާރުން އިންސާފު ހޯދައި ދޭނެ ކަމަށެވެ.
"އެންމެ ކުޑަވެގެން ވަޒީފާ ގެއްލޭ މީހާގެ ވަޒީފާ އިއާދަކޮށްދޭނެ ކަމުގެ ޔަގީންކަން އަރުވަން. ގާނޫނީ ގޮތުން އެކަން ކުރެވޭނެ ކަމުގެ ޔަގީންކަން އަޅުގަނޑުމެންނަށް އެބައޮތް،" އެމްޑީޕީ އޮފީހުގައި ބޭއްވި ނޫސްވެރިންގެ ބައްދަލުވުމުގައި އަލީ ޒާހިރު ވިދާޅުވި އެވެ.
އޭނާ ވިދާޅުވީ ޣައިރު ގާނޫނީ އަމުރަށް ތަބާނުވުމަކީ ކޮންމެ ފުލުހަކާއި ސިފައިންގެ މީހެއްގެ މައްޗަށް ގާނޫނުއަސާސީން ލާޒިމުކޮށްފައިވާ ކަމެއް ކަމަށެވެ. އެހެންވެ، އެފަދަ ކަމެއް ކުރުމުގެ ސަބަބުން ވަޒީފާ ގެއްލުމަކީ ގާނޫނުއަސާސީއާ ވެސް ހިލާފަށް، ނުހައްގުން މީހަކަށް ދެވޭ އަނިޔާއެއް ކަމަށް އޭނާ ވިދާޅުވި އެވެ.
ފުލުހުންނާއި ސިފައިންގެ ތެރެއިން ބައެއް މީހުން ޣައިރު ގާނޫނީ އަމުރާ ގުޅޭ މައުލޫމާތު ސާފުކުރަމުން އަންނަ ކަމަށާއި އެ ކަމަށް ފަސޭހަކޮށްދިނުމަށް ވަޓްސްއެޕްގައި ހޮޓްލައިނެއް ތައާރަފްކުރަން ނިންމާފައިވާ ކަމަށް އަލީ ޒާހިރު ވިދާޅުވި އެވެ. އެކަމަކު އޭނާ ވިދާޅުވީ ހޮޓްލައިންގެ ނަމްބަރު ފަހުން ހާމަކުރާނެ ކަމަށެވެ.
"މި ދެންނެވި ޣައިރު ގާނޫނީ އަމުރަކީ ކޮބައިކަން އެ ފަރާތްތަކަށް އަންގައި ދެވޭނެ. ކޮންކަމެއް، ކޮން ގޮތަކަށް ކުރީމައިކަން ޣައިރު ގާނޫނީ އަމުރަކަށް ވާނީ އަދި އެކަމުގެ ޒިންމާ ނަގަން ޖެހޭނީ. ގާނޫނީ ބޭފުޅުން އެ ފަރާތްތަކަށް ލަފާދެއްވާނެ،" އަލީ ޒާހިރު ވިދާޅުވި އެވެ.
ޣައިރު ގާނޫނީ އަމުރު ކުރާ ފަރާތްތަކާއި އެ އަމުރު ތަންފީޒު ކުރާ ފަރާތްތައް ވެސް އިންސާފުގެ ކުރިމައްޗަށް ގެންނާނެ ކަމުގެ ޔަގީންކަން އިއްތިހާދުން ވަނީ ދީފަ އެވެ.
ފުލުހުންގެ މައްޗަށް ޣައިރު ގާނޫނީ އަމުރު ކުރަމުން ދާ ކަމަށް އިއްތިހާދުން ތުހުމަތު ކުރެ އެވެ. ހާއްސަކޮށް، އިދިކޮޅު ފަރާތްތަކުން ބާއްވާ ސިޔާސީ ހަރަކާތްތައް ހުއްޓުވަން އެފަދަ އަމުރު ނެރޭ ކަމަށް އެ ފަރާތްތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާއިޒް
22 July 2016
ކިހާ ދެރަކަމެއް ކޮއްކޮ މެނަށް ޤާނޫނާއި ޚިލާފު ވެވޭއިރު ވެސް ނޭގެނީ ސިފައިންނަށް އެނގޭ އެމީހުން ބޯކާން އުޅޭނެކަމެއް ނެތް. ސިފައިން އަތުގަ އޮންނާނެ ކޯޑް އޮފް ކޮންޑަކުޓް އަދި ކޯޑް އޮފް އެތިކްސް އަހަރެމެން ބޭނުމެއްނޫން. ވަޓްސް އެޕް. ތީ ޔަޤީން. ޢައިއެސް އިން ކޮނޓްރޯލް ކުރާ ބައެއް މުސްލިމް ހުރިހާ ޤައުމެއް ފުނޑާލުމުގެ ސިޔާސަތުގެ ތެރެއިން މި ދިވެހިރާއްޖެ ވެސް މެދު އިރުމަތީ ޤައުމުތައް ގޮތައް ތަޅާފޮޅުވަން ތިއުޅެނީ..!
ގަމާރު
21 July 2016
ވަކިކުރަނީ ޕޕމ މީހުން އޭރައް މޑޕ މުޒާހަރާ ބާއްވާ އިރައް މިމީހުން އޭެތަނައް ފޮނުވާނެ ،،ބޮޑު ގޭމެއް ތީ.....ތިވޯކެއް ނުކުރާނެ ،،މަ ތިއެން މެން މޮނިޓާރ ކުރާނަން .
މިޔާނޯ
21 July 2016
ވަކިކުރާ ފުލުހުންނާއި ސިފައިން ތެރޭ ފެބްރުއަރީ 7 ގައި ބައިވެރިވި މީހަކަށް ވާނަމަ ކިހިނެއްތޯ ކަންތައްތައް ހަމަޖެހިފައި އޮތީ؟ މީގެ ކުރިން 2012 ދެބައި މީހުންގެ މައްޗައް ޢައިރު ގާނުނީ އަމުރު ކުރާތީވެ އޭރުގެ އިދިކޮޅު ފަރާތްތަކުގެ ލަފާމަތިން ކަންތައްތައް ކުރި، ނަމަވެސް ހުރިހާ ކަމެއް ނިމުމުން ވީ ބަގާވާތުގަ ބައިވެރިވި ކަމަށް. އަޅުގަޑުގެ އިލްތިމާސް އަކީ ދެމުއައްސަސާގެ ހުރިހާ ބޭފުޅުން ވެސް ވަރަށް ވިސްނުންތެރި ކަމާއެކީ ކަންކަން ކުރައްވައްޗޭ.
ޚިޔާލް123
21 July 2016
މި ކަހަލަ މެސެޖް ތަކަކީ އެއްގޮތަކަށްވެސް ބަލައިގަނެވޭނެ ކަމެއްނޫ ނެވެ. މިފަދަ މެސެޖްތަށް އަނެއްކާ ތަގްރާރުވެ ދިޔަދީގެން ނުވާނެއެވެ. 23 އިއްތިހައިދުން އޮވެ ގޮވި މިފަދަ ބަސްތަށް އާޚިރުގައި ނިމުނީ ފުލުހުންނާ ސިފައިން ބައިވެގެން ބޮޑު ހަރާން ބަޣާވާތް ކޮއްގެންނެވެ. ދެން ރާއްޖޭގައި އެފުރުސަތު ދީގެން ނުވާނެއެވެ، އަދި ހިއްވަރު ލިބޭކަންކަންވެސް އެއްވެސް އިއްތިހައިދަކުންވެސް ކޮއްގެންނުވާނެއެވެ.
މިލިއަނަރ
21 July 2016
ވަކިކުރާ ވަގުތުން ފެށިގެން މަހުން މަހަށް މުސާރަ ލިބޭނެ. ލުތުފީވެސް ފިހާރަތައް ފަޅާފައި ބުނި ގޮތަށް. "ނޯޓް ކޮށްލާފާ ބާއްވާ. ޑަބަލް ދޭނަން."
މުހައްމަދު
21 July 2016
އެއްވެސް މީހެއްގެ ގާނޫނާއި ޚިލާފް އަމުރުތަކަށް އެއްވެސް ދިވެހިރައްޔިތަކު ތަބާވެގެންނުވާނެ. އެފަދަ ގާނޫނާއި ޚިލާފު އަމުރަކަށް ކިޔަމަންނުވުމުގެ ސަބަބުން ލިބޭގެއްލުމުގެ ބަދަލު ދައުލަތުން ދޭންޖެހޭނެ. އަދި އެކަމުގައި ޒިންމާވާ ބަޔަކަށް ހައްގު އަދަބު ދޭންވާނެ.
ޔުމާން
21 July 2016
ޤާނޫނު އަސާސީން ކަށަވަރުކޮށްދޭ މިނިވަންކަން ޣައިރު ޤާނޫނީ އަމުރުން ބަދަލުކުރާާ އެންމެނަށް ފިޔަވަޅު އެޅޭނެ ދުވަސް އަންނާނެ އަދި. އަބަދަކު މިހާރު ތިބި މީހުނެއް ކޮރަޕްޝަނެއް ނުހިންގޭނެ
ލޫކަސް ޖަލީލް
21 July 2016
ހަހަހަހަ ކަލޯމެން ތިހެން ކަރާ ފަޅާނީ! 2008 ގަވެސް ތިހެން ބުނި ވަޒީފާ ދޭނަމޭ! ދެވުންތަ! އަނެއްކޮޅުން ތިޔަ އިއްތިހާދަށް ވެރިކަން ދޭން މީހަކު އެބައުޅޭތަ! ހުވަފެނުގަ ބަލާލާ ވެރިކަން ކުރާތަން! ކިތައް ފަހަު ބޮދު އެއްވުން ބާއްވައިގެން ވެރިކަން ފުރުޅާލައިފިންތޯ އަލީ ޒާހިރުމެން ދީނީ ޕާޓީ ހަދައިގެން އިލްމުވެރިން ފަނުދީއަޅައިގެން ތިބެގެން ގައުމު ހަލާކު ނުކުރައްވާ
ދޮގެއްތަ؟
21 July 2016
އިންތިގާލީ ސަރުކާރޭ!!! ހެހެ އަލީ ޒާހިރު މޮޔަ ގޮވަނީތަ؟ ހަނދާން ނައްތާލަބަލަ. ތިމާގެ މީހެއް ކަމަކު މިހެން ބުނަން ޖެހުނީމަ ބުނާނެތާ.
ހިހިހި
21 July 2016
ލައިކުސް އިންވެސް އިނގޭ މޮޔަ ގޮވަނީ ކާކުކަން...ހަހަހަ
މާލޭބެއްޔާ
21 July 2016
އަދުގެ ސަރުކާރުން ފިރުކާލާހާ ގޮތަކަށް އިއްތިހާދު ތަބާވެ އެފަރާތަކަށް ފިރުކެންޏާ ރަނގަޅުވާނީ މަޑުން ތިބިއްޔާ....ގައުމު އޮޔާދާން ދޫކޮއްލާ ތިމާމެންގެ ސސަރުކާރާއި ދިފާއީ ބާރުތަކާއި ކުރިމަތިލާނެ ހަސްބެއް ނެތިއްޔާ އެއަތް އުރާލައިގެން ގޭގައި ތިއްބަވާ....މާ ރަނގަޅުވާނެ