ކްރިމިނަލް ކޯޓުގެ ގާޒީ އަހްމަދު ހައިލަމް: އިބްތިހާލްގެ މަރުގެ މައްސަލާގައި ކުރާ އިހުމާލުގެ ދައުވާ ހައިލަމަށް ނުބެލޭނެ ކަމަށް ޕީޖީން ވަނީ ބުނެފައި. --ފޮޓޯ: ހުސެއިން ވަހީދު/މިހާރު
29 އެޕްރީލް 2018 - 10:42
19 comments
ވ. ރަކީދޫގައި، އުމުރުން ތިން އަހަރުގެ މުހައްމަދު އިބްތިހާލަށް އަނިޔާކޮށް މަރާލި މައްސަލާގައި އިހުމާލުގެ ދައުވާ ލިބޭ މީހުންގެ މައްސަލަ ބެލުން ކްރިމިނަލް ކޯޓުގެ ގާޒީ އަހްމަދު ހައިލަމާ ހަވާލުކުރުމުން، އެއީ ހައިލަމްގެ މަސްލަހަތު ހިމެނޭ މައްސަލައެއް ކަމަށް ބުނެ ޕްރޮސިކިއުޓާ ޖެނެރަލް (ޕީޖީ) އޮފީހުން އެކަމާ ދެކޮޅުހަދައިފި އެވެ.
ކުރިން މި މައްސަލަ ބެއްލެވީ ގާޒީ އަހްމަދު ޝަކީލެވެ. ނަމަވެސް މިދިޔަ އަހަރުގެ ޖުލައި 11 ގައި ޝަކީލް ވަނީ ފެމިލީ ކޯޓަށް ބަދަލުކޮށްފަ އެވެ. ކްރިމިނަލް ކޯޓުގެ ފަނޑިޔާރު ކަމަށް ޖެނުއަރީ 25 ގައި އައްޔަންކުރި ހައިލަމަށް، މައްސަލަ ނުބެލޭނެ ކަމަށް ޕީޖީން ބުނަނީ މައްސަލާގައި ދައުވާ ލިބޭ ބައެއް މީހުންނާ ގާޒީ ހައިލަމާ ވަރަށް ގާތް ގުޅުންތަކެއް އޮތުމުގެ އިތުރުން ހައިލަމް ޕީޖީ އޮފީހުގައި މަސައްކަތްކުރެއްވި އިރު ވެސް ދައުވާއާ މެދު ޚިޔާލު ތަފާތުވެފައި ވާތީ ކަމަށް ޕީޖީން ވަނީ ބުނެފަ އެވެ. ޕީޖީން ވަނީ މިދިޔަ ހަފުތާގައި ބޭއްވި ޝަރީއަތުގައި މިކަންކަން ފާހަގަކޮށްފަ އެވެ.
އެނގިފައިވާ ގޮތުގައި، އިބްތިހާލަށް އަނިޔާކުރާ މައްސަލަ ދައުލަތުގެ ކަމާބެހޭ އިދާރާތަކަށް ހުށަހެޅުމުން އެ މައްސަލާގައި އިހުމާލުވި ކަަމުގެ ތުހުމަތުގައި ދައުވާ ލިބޭ ހަތަރު މީހުންގެ ތެރެއިން ތިން މީހަކާ ގާޒީ ހައިލަމްއާ ގާތް ގުޅުމެއް އޮންނަކަން ޕީޖީން ވަނީ ފާހަގަކޮށްފަ އެވެ. އިހުމާލުގެ ދައުވާ ލިބޭ މީހުންނަކީ ވ. އަތޮޅު ޕޮލިސް ކޮމާންޑްގެ އެކްޓިން ކޮމާންޑަރަކަށް ހުރި ލިސާން އަބޫބަކުރާއި އޭރު ޖެންޑާ މިނިސްޓްރީގެ ދެ މުވައްޒަފެއް ކަމަށްވާ މުހައްމަދު ރަޝީދާއި މުހައްމަދު ޝަކީބާއި އެ ހާދިސާ ހިނގިއިރު އެ މިނިސްޓްރީގައި މަސައްކަތްކުރި އައިމިނަތު ޝިޔާޒާ އެވެ.
އެންމެ ފަހުން އޮތް އަޑުއެހުމުގައި ވެސް ޕީޖީން މި ކަންބޮޑުވުންތައް ފާހަގަކުރި ނަމަވެސް މައްސަލަ ކުރިއަށް ގެންދެވޭނެ ކަމަށް ވަނީ ނިންމަވައިފަ އެވެ. ދެން އޮންނަ ޝަރީއަތެއްގައި އޮންނާނީ ހެކިން ހާޒިރުކުރުމެވެ.
ޖެނުއަރީ، 2015 ގައި އިބްތިހާލަށް އޭނާގެ މަންމަ އާފިޔާ މުހައްމަދު ބޮޑެތި އަނިޔާތަކެއް ކުރުމުގެ ސަބަބުން އިބްތިހާލް މަރުވި މައްސަލައިގައި އާފިޔާގެ މައްޗަށް ކުރަނީ ގަސްދުގައި ކުއްޖަކު މަރައިލުމުގެ ދައުވާ އެވެ. އެ މައްސަލާގައި މިހާރު ވަނީ އިބްތިހާލްގެ ވާރިސުންގެ ބަސް ހޯދަން ފަށައިފަ އެވެ. އިބްތިހާލަށް އަނިޔާކުރި ކަމަށް ޝަރީއަތުގެ މަޖިލީހުގައި ވެސް އާފިޔާ ވަނީ އިއުތިރާފުވެ، އެކަން ކުރި ގޮތް ވެސް ކިޔައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިފަ ސޫރަ
30 April 2018
މީހުންގެ މޫނުގެ ސިފައިން އެމީހެއްގެ މިޒާޖާ ތަބީއަތު އެގޭނެ ކަމަށް ބުނާ ބަހަކީ ތެދެއް ކަމަށް ޤަބޫލް ކުރެވެއެވެ.
ފިނިފެންމާ
29 April 2018
މައްސަލަ ބެލޭނެ ކަމަށް ގާޒީ އަމިއްލަ ނިންމުމަކީ އިންސާފެއް ނޫން.
ޕޮކަންޑިމޭން
29 April 2018
ޕީޖީ އޮފީހުގައި ހިޔާލު ތަފާތުވިޔަސް ޕަބްލިކް ޕްރިސިކިއުޓަރެއްގެ ގޮތުގައި އުޅުނު ހައިލަމްއެއް ނޫން އެއީ މިހާރު. މަސްލަހަތު ފުށުއަރާ ސަބަބެއް އޮތްނަމަ ހައިލަމް އަމިއްލަ ހައިސިއްޔަތުން ތަނާޒުލްވީސްކަން ކަށަވަރު. ޖަޖެއްގެ ގޮތުގައި ހައިލަމްގެ އިންޓްގްރިޓީއާ ޕްރޮފެޝަނަލް ސްޓޭންޑާޑާއިމެދު ސުވާލެއް ޝައްކެއް އުފައްދާނެ ޖާގައެއްނެތް.
އަމީސް
29 April 2018
ލަނޑަޔާވާނީ ލަނޑަޔާ..
އެއްދޮގު ފޫބައްދަން ދެ ދޮގު
30 April 2018
އެޖެންޑާ އަކަށް އެއްބަސް ވެގެން ޖޮބް ހޯދާ މީހުނަށް އިންސާފު ޤާއިމެއް ނުކުރެވޭވެ.
ޢަލިދީދީއައްޑޫސިޓީ
29 April 2018
ޕީޖީ ކީއްވެތޯ ފޮތުގަ އޮންނަ ގޮތަށް ހުރިހާ ކަމެއްގައި ބަސް ވިދާޅުނުވަނީ؟ ދިވެހި ރާއްޖޭގެ އުއްތަމަ ފަނޑިޔާރު ހިފައި ހައްޔަރު ކޮށް ޝަރީޢަތް ހިންގަނީ ހަމަ ޤާނޫނު އަސާސީ އާއި ޤާނޫނާއި ޤަވާޢިދު ތަކާއި މުޢާހަދާ ތަކާއި އެއްގޮތަށްތޯ؟ ޕީޖީގެ ވާޖިބެއް ނޫންތޯ ޤާނޫނު އަސާސީ އިން ރައްޔިތުންނަށް ލިބިދޭ އެންމެހައި ޙައްޤުތައް ލިބިދެވޭކަން ކަށަވަރުކޮށް ޤާނޫނު އަސާސީ ނެގެހެއްޓުމަކީ؟
ވާނުވާ
30 April 2018
ޢުއްތަމަ ފަޑިޔާރަކަސް ކުށެއް ކޮށްފިޔާވާނީ ކުށަކަށް.... އަލިދީދީ ނިކަން ވިސްނާލަބަލަ ފަޑިޔާރުން ބުންޔަސް ކުރެވޭނެ ކަންތަކާ ނުކުރެވޭނެ ކަންތަށް ހުންނާނެ.....ފަޑިޔާރުން ބުޔޭކިޔާފަ މިސާލަކަށް ދިވެހި ދިދަޔަކީ އިގިރޭސި ވިލާތުގެ ދިދަޔޭބުނެފިއްޔާ ގަބޫލުކުރެވޭނެހެއްޔެވެ.....މީހަަމަ މިފަދަ ކަމެއް
ގަޓް
29 April 2018
ތިޔަކަހަލަ މީހުން މަގާމުތަކަށް ލެވޭނީ މޮޅެތި މީހުންނަށް. ތިޔައީ ރަންގަނޑެއްފަދަ މީހެއް.
ޢޙަމީދު
29 April 2018
ތުއްތު ކުއްޖާ މަރާލިގޮތް ކިޔާދިނަސް އެއްބަސްވިޔަސް ސާބިތުކުރުން ދޯ - އެކަން ވާނެބާ
ޝާހިދު
29 April 2018
ތިކަހަލަ މަޞްލަޙަތު ފުށޫ އަރާ ކަމެއް ވާނަމަ ރީތި ގޮތަކީ އަމިއްލަ އަށް ތަނާޒުލްވުން ..
އަޒާޒިލް
29 April 2018
ތަނާޒުލެއް، ލަަންކާ ޒުލެއް، ނޯންނާނެ! މަރައް މަރު! ނުނީ ގައުމު ފުނޑޭނީ!
ހަސަނު
29 April 2018
ތަނާޒިލު ވުން، އިސްތިއުފާދިނުން، މަސްލަހަތު ފުށުއެރުން، ކަރަޕްޓުވުން މީ މިރާއްޖެގާ ހުންނަ ކަންކަމެއްނޫން...
އަލީ!
29 April 2018
ގޭމް ކުޅެނީ..
ޓިނު
29 April 2018
ކީއްވެގެންތަ ތިކަހަލަ މައްސަލަ ހަވާ ފަޓާސް ބަރިއެއްހެން ނުނިމެނީ؟
ހައި ހިލްސް
29 April 2018
ހައިލަމް މެނަކީ ވަކި ކަމެއް ބަލަން ތިބި ބައެއް...ކިހިނެއް އެހެން ކަމެއް ބަލާނީ.