އުއްތަމަ ފަނޑިޔާރާއި ފަނޑިޔާރު އަލީ ހަމީދު: އެ ބޭފުޅުންގެ ފޯނު ދޭން އިންކާރު ކުރެއްވި ކަމަށް ބުނެ ދައުލަތުން ވަނީ ދައުވާ ކޮށްފައި --ފޮޓޯ/މިހާރު
20 ޖޫން 2018 - 15:44
50 comments
އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު ޖަލަށް ލާން ކުރި ހުކުމް ރަނގަޅު ކަމަށް ސުޕްރީމް ކޯޓުން މިއަދު ނިންމުމާ އެކު، އެ ދެ ބޭފުޅުން މިއަދުން ފެށިގެން މަގާމުން ވަކިވެ، އުއްތަމަ ފަނޑިޔާރުގެ މަގާމު ހުސްވެއްޖެ އެވެ.
ފަނޑިޔާރުންތަކަކަށް ނުފޫޒު ފޯރުވި މައްސަލައިގައި އުއްތަމަ ފަނޑިޔާރާއި އަލީ ހަމީދު އެއް އަހަރާއި ދެ މަހަށް ޖަލަށް ލާން ކުރި ހުކުމް ހައި ކޯޓުން ދެމެހެއްޓި މައްސަލަ އެ ބޭފުޅުންގެ ފަރާތުން ސުޕްރީމް ކޯޓުގައި އިސްތިއުނާފަށް ހުށަހެޅި އެވެ.
އެ ދެ މައްސަލައިގައި ސުޕްރީމް ކޯޓުން މިއަދު ނިންމީ އެ މައްސަލައިގައި ވެސް ހައި ކޯޓުގެ ނިންމުން ރަނގަޅު ނޫން ކަމަށް ބަލަންޖެހޭ އަސާސެއް ނެތް ކަމަށާއި އެހެންވެ އެ މައްސަލައިގެ އިސްތިއުނާފް ސުޕްރީމް ކޯޓަށް ބަލައިގަނެވެން ނެތް ކަމަށެވެ. ފަނޑިޔާރުންގެ ގާނޫނު މިހާރު އޮންނަ ގޮތުން ފަނޑިޔާރެއްގެ މައްޗަށް ކުށެއް ސާބިތުވާ ކަމަށް ކުރާ ހުކުމް ނިހާއީ ހުކުމަކަށް ވެއްޖެ ނަމަ، އެ ބޭފުޅަކު އޮޓަމެޓިކުން މަގާމުން ވަކިވާނެ އެވެ.
އެހެންވެ، އުއްތަމަ ފަނޑިޔާރާއި އަލީ ހަމީދު މިހާރު ވަނީ ފަނޑިޔާރު ކަމުން ވަކިވެ، ސުޕްރީމް ކޯޓުގެ ބެންޗުން ދެ މަގާމެއް ހުސްވެފަ އެވެ. މިއީ ކުށެއް ސާބިތުވެގެން އުއްތަމަ ފަނޑިޔާރާއި ސުޕްރީމް ކޯޓުގެ ފަނޑިޔާރަކު މަގާމުން ވަކިވި ފުރަތަމަ ފަހަރެވެ.
މިދިޔަ ފެބްރުއަރީ މަހު އެ ދެބޭފުޅުން ހައްޔަރުކުރި ފަހުން މިއަދާ ހަމައަށް ވެސް އެ ބޭފުޅުން ތިއްބެވީ ފަނޑިޔާރު ކަމުން ސަސްޕެންޑް ކޮށްފަ އެވެ.
އަބްދުﷲ ސައީދާއި އަލީ ހަމީދުގެ މައްޗަށް އިތުރު ޖަލު ހުކުމެއް ވެސް މި މަހު ކްރިމިނަލް ކޯޓުން އިއްވާފައިވާ އިރު، އެ ބޭފުޅުންނަށް ކުރާ އިތުރު ދައުވާތަކެއް ވެސް ކްރިމިނަލް ކޯޓުގައި ދަނީ ހިނގަމުންނެވެ. އޭގެ ތެރޭގައި ޓެރަރިޒަމްގެ ދައުވާ އާއި ރިޝްވަތުގެ ދައުވާ ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ!
21 June 2018
ޔާމީނުގެ ޕަޕެޓެއް ދެން އަންނާނީ
އަޑުރޭ
21 June 2018
ދެން އުއްތަމަ ފަަނޑިޔާރު ކަމުގެ މަޤާމަށް އަބްދުﷲ މުޙައްމަދު ގެންނާނެ...ބަލަން ތިބޭ........
ޑޮކްޓަރުންގެ ސިޓީ / އައްޑޫ ސިޓީ
20 June 2018
މިހުރިހާކަންކަން އަހަރުމެންގެ ލޯމަތިން ހިގާ މިދައުލަތް އަލިފާނަށްވެއްޓި ރައްޔިތުންބިކަވެ ޤައުމުގެ އިސްތިޤުލާލް ގެއްލިގެންދާއިރުވެސް ދައުލަތާއި ރައްޔިތުން ޤައުމު ހިމާޔަތްކޮށްދިނުމަށް ޖާނުދޭން ﷲ ގަންދީ ހުވާކޮށްގެން ތިބި އެތައްހާސްމީހުން ކޮބައިތޯ ؟!؟
ޢަލިދީދީއައްޑޫސިޓީ
21 June 2018
އެމީހުން އެތިބެނީ ކޮންމެ ވެސް ބަޔަކު އެކަން ކުރަންދެން. އެކަމަކު އަބަދު ވެސް ފޮނިކޮޅު ބޯލާނެ. ދެން އަންނަ ވެރިކަމަކަށް ވެސް އަދި ދެން އަންނަ ވެރިކަމަކަށް ވެސް "ސެލިއުޓް" ނަގާނެކަން ޔަޤީން.
ފަލަޑޭ
20 June 2018
ތިމަގާމްތަކަށް އެންމެ ރަނގަޅުވާނި ނިހާންއާއި އަދުރޭ
މޮހޮދު
20 June 2018
މި ހުރިހާ މައްސަލައެއް މިދިމާވެގެން އުޅެނީ 12 މެމްބަރުންގެ ގޮނޑީގެ މައްސަލާގައި އެކަމަށް ގޮތެއް ނުނިންމާ ހިފަހައްޓާއިގެން ތިބުމުގެ ސަބަބުން . އެންމެ ކުޑަމިނުން ގޮނޑި ގެއްލުނުކަންވެސް ނުވަތަ ނުގެއްލޭކަންވެސް ނުނިންމުނެވެ. އެހާހިސާބުން ބާރުގެބޭނުން ކޮށްގެން ބަޔަކު ހިތަށްއެރި ގޮތަކަށް ކަންކަން ކުރެވިދާނެ ކަމަށް ބަލާފަ އެފުށް މިފުށަށް ޖަހާލަމުން ދަނީއެވެ. އެޖަރީމާގައި ބައިވެރިވި ހުރިހާ އެންމެންނާއި އިންސާފު އަރާ ހަމަހުރަންޖެހެއެވެ. އެއީ ހަނދާން ނައްތާލައިގެން ތިބޭވަރުގެ ކަމެއްނޫނެވެ. ދެންވެސް ގައުމު ހަމަޔަކަށް އެޅޭނީ ރައްޔިތުންގެ މަޖިލިސް ހަމަޔަކަށް އެޅިގެންނެވެ.
ލޮކިމަސް
20 June 2018
12 މެމްބަރުންގެ ގޮޑި އާއި ބެހޭ ގޮތުން އެއްޗެއްބުނަން ސްޕްރީމް ކޯޓަށް ނުކެރޭ.
ޜާކަނި ސައްތާރު
20 June 2018
2018 ގެ ވޯޓުން ރާކަނި މަހާއި ކަނޑު ކުކުޅު ކާންދޭނަން އަލާކެނޑޭ ވަރަށް. ދެން ތިބޭތި ދެއަތް ފޫވެއްޓެންދެން ހެސްކިޔާފައި އަތްޖަހަން
ވިސްނާމީހާ
20 June 2018
އެއްބަޔަކު މަޤާމު ނުގެއްލޭ އަނެއްބަޔަކު މަޤާމު ގެއްލިއްޖެ ރައްޔިތުންވާނުވާގައި ނޫސްވެރިން ވެއްޖެ ބުންޏޭ ބުންޏޭ ނުލިޔެ ޤާނޫނުގައި ބުނެފައިވާގޮތުން ގެއްލިއްޖެކަން ރައްޔިތުންނާއި ހަމަޔަށް ގެނެސްދޭން ރާއްޖޭގައި އިންވެސްޓިގޭޓިވް ޖާނަލިޒަމް އެއް އަންނާނެ ދުވަހެއްގެ އިންތިޒާރުގައި މިއިނީ
ބިގަރޭ
20 June 2018
ހަމަ ތިގޮތައް ފުރާޅުގަ ޓިނު ނަގައިގެން ފަޑިޔާރުން ހައްޔަރު ކުރަން ރޭވިމީހުންވެސް މިދުވަސް ދެކޭނެ އެވެ.....މި ކޮމެންޓު ނޯޓް ކޮއްފަ ބާއްވާތި.
ނިލަންދޫ ދީދީ
20 June 2018
މަރުހަބާ ދީދީ