ޚަބަރު / ރިޔާސީ އިންތިޚާބު 2018

އެމްޑީޕީގެ ކެމްޕެއިން ޓީމަށް ވެސް ރައީސް ޔާމީނާ ބަހުސެއް ނުކުރެވޭނެ: ނިހާން

އަހުމަދު ސާއިލް އަލީ، މިހާރު

16 ސެޕްޓެމްބަރ 2018 - 16:39

އެމްޑީޕީގެ ކެމްޕެއިން ޓީމުގެ ހުރިހާ މެމްބަރުންނާ ބަހުސްކުރައްވަން ޖެހިވަޑައިގަތަސް ކުރި ހޯއްދަވާނީ ރައީސް އަބްދުﷲ ޔާމީން ކަމަށް ޕީޕީއެމުން މިއަދު ބުނެފި އެވެ.

ޕީޕީއެމުން އެގޮތަށް ބުނީ ރިޔާސީ އިންތިހާބުގައި ވާދަކުރައްވާ ކެންޑިޑޭޓުންގެ މެދުގައި ގައުމީ ޔުނިވާސިޓީ، އެމްއެންޔޫ އިން ބާއްވަން އޮތް ބަހުސްގައި އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) ބައިވެރިވެވަޑައިނުގަންނަވާތީ އެކަމަށް ފާޑުކިޔަމުންނެވެ.

ޕީޕީއެމް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި އެޕާޓީގެ ޕާލިމެންޓަރީ ގްރޫޕްގެ ލީޑަރު އަހުމަދު ނިހާން ވިދާޅުވީ އެއްވެސް ދާއިރާއަކުން ރައީސް ޔާމީނާ ބަހުސްކުރަން އެމްޑީޕީން ޖެހިލުން ވާނެ ކަމަށެވެ. އަދި އެމްއެންޔޫގެ ބަހުސަށް އިބޫ ވަޑައިނުގަންނަވަނީ ކުރީގެ ރައީސް މުހައްމަދު ނަޝީދު އަންގަވައިގެން ކަމަށް ވެސް އޭނާ ވިދާޅުވި އެވެ.

"ރާއްޖޭގެ އިޖުތިމާއީ ހާލަތު ވެސް، ރާއްޖޭގެ އިގްތިސާދީ ހާލަތު ވެސް އަދި ރާއްޖޭގެ އުމުރާނީ ތަރައްގީގެ ހާލަތު ވެސް ރާއްޖޭގެ އިސްލާމީ ވަހުދަތުގެ ހާލަތު ވެސް، ރާއްޖޭގެ ބޭރު ދުނިޔެ ކުރިމަތީ ހާލަތު ވެސް ބުނެދޭން، ބަހުސެއްކޮށްލަން ރައީސް ޔާމީނާ އެކު ވަޑައިގަންނަވަން ކެރިވަޑައެއް ނުގަންނަވާނެ،" ނިހާން ވިދާޅުވި އެވެ.

އޭނާ ވިދާޅުވި ގޮތުގައި ރައްޔިތުންގެ މަޖިލިހުގެ މެމްބަރަކަށް ރައީސް ޔާމީން ހުންނެވި އިރު އެމަނިކުފާނު ވާހަކަފުޅު ދައްކަވާނެ އިރަކަށް އިބޫ އާއި އެމްޑީޕީ މެމްބަރުން އަބަދުވެސް އިންޒާރުކުރެއްވި އެވެ.

މިރޭ ހަމައެކަނި ރައީސް ޔާމީނާ އެކު އެމްއެންޔޫ އިން ބާއްވާ ބަހުސްގައި އިބޫ ބައިވެރިވެވަޑައިނުގަތީ، އެމްޑީޕީން ބުނާ ގޮތުގައި، މިނިވަން މުއައްސަސާތަކަށް ސަރުކާރުން ނުފޫޒު ފޯރުވާފައިވާ މިންވަރަށް ބަލާއިރު ބަހުސް ވެސް މިނިވަންކަމާ އެކު ކުރިއަށް ގެންދާނެ ކަމުގެ ޔަގީންކަމެއް ނެތުމުންނެވެ.

އިބޫގެ ތަރުޖަމާން މާރިޔާ އަހުމަދު ދީދީ މިރޭގެ ބަހުސް ސިފަކުރެއްވީ "ރައީސް އަމިއްލަ ނަފުސާ ކުރައްވާ ބަހުސެއް"ގެ ގޮތަށެވެ.

އެމްޑީޕީ އިދިކޮޅު ފަރާތްތައް ޕީޕީއެމް ކުރީގެ މެމްބަރު އަހުމަދު ނިހާން ރައީސް އަބްދުﷲ ޔާމީން

73 ކޮމެންޓް, 371 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޙުމަދު

17 September 2018

ނިހާނުމެން ދެން ތިކަހަލަ ކޮސްވާހަކަ ދައްކައިގެންވެސް ވައި އެޅުވޭތޯ ބަލާށެވެ. ތިޔަ ވިދާލުވި ބަހުސު ވަރަށް މޮޅު، އެކަމަކު ބަހުސަކަށް ނުވޭ، އެއް އަތްތެޅިއަކަސް އަޑެއްނުކިޔާނެ. މާދަން ބުރޯ ސަލާމަތްވިއަސް ފަހަތުން ދުއްވާގަންނަ ހާލުގަ ތިތިބެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީނު

17 September 2018

ބަލަގަ ތާކު ހުރި މީހެއްގެ ހުރި ގާބިލު ނުވަތަ ނުގާބިލު ކަމަކީ ތިބާގެ ސްޓޭންޑަށް އޭގެ ނުރަނގަޅު އަސަރު ކުރުވަންޖެހޭ ކަމެއްހޭ؟؟؟ ކީއްވެ މަމެން އަބަދު ފައިޓް ކުރަނީ..! މަށަށް ރަނގަޅު ކަމެއް އަނެކާ އަށް ގޯސްވީމަ ކޮބާ މައްސަލަ އަކީ..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންމަނިކުބެ

17 September 2018

ތިޔަ ބަހުސު ދާނެގޮތް މިހާރުގެ ގައުމީ ޓީވީގެ ހާލަތަށް ވިސްނާލި މީހަކަށް އެގޭނެ. ޓީވީއެމް ވެސް ހީވަނީ ޕީޕީއެމްގެ ކެމްޕެއިން ޖަގަހައެއް ހެން. އަންނިގެ ދައުރު ޓީވީއެމް ގެންދިޔަ ގޮތާ މިހާރު ޓީވީއެމްގެ ހާލަތު ވަޒަން ކޮއްލިޔަސް އުޑާ ބިމާ ތަފާތު.