14 ސެޕްޓެމްބަރ 2018 - 20:08
45 comments
މި މަހު 23 ގައި ބާއްވާ ރިޔާސީ އިންތިހާބަށް ވޯޓު ހޯދުމުގެ ގޮތުން އައިޑީ ކާޑު ގަތުން ފަދަ އެއްވެސް ކަމެއް ޕީޕީއެމުން ނުކުރާކަމަށް އެޕާޓީން މިއަދު ބުނެފި އެވެ.
ޕީޕީއެމަށް ވޯޓު ދޭނެކަން ޔަގީން ނުވާ މީހުންނަށް ފައިސާ ދިނުމަށް ފަހުގައި އައިޑީ ކާޑު އަތުލަމުން ދާ ކަމަށް އިދިކޮޅު ކޯލިޝަނުން ކުރާ ތުހުމަތުތަކަށް ރައްދުދެއްވަމުން ޕީޕީއެމް ޕާލަމެންޓްރީ ގުރޫޕުގެ ލީޑަރު އަހުމަދު ނިހާން ވިދާޅުވީ އެފަދަ ގާނޫނާ ހިލާފު ކަމެއް އެޕާޓީގެ ކެމްޕެއިންގެ ތެރޭގައި ނުކުރާ ކަމަށެވެ.
"މީހުން ޑީ ގްރޭޑް ކޮށްގެން ވޯޓު ހޯދުމާއި މީހުންނަށް ބިރު ދައްކައިގެން ވޯޓު ހޯދުމާއި މީހުންނަށް ފައިސާ ދީގެން ވޯޓު ހޯދުމާއި މީހުންގެ އައިޑީ ކާޑު ގަނެގެން ވޯޓު ލިޔަ ނުދީ ހިފެހެއްޓުމާއި ހައްގުތަކުގެ މައްޗަށް އަރައިގަތުމަކީ ޕީޕީއެމްގެ ކެމްޕެއިންގެ އެއްވެސް ހިސާބެއްގައި އޮތް ކަމެއް ނޫން،" ސަކީނާ މަންޒިލްގައި ޕީޕީއެމުން ހަދާފައިވާ ކެމްޕެއިން އޮފީހުގައި ބޭއްވި ނޫސްވެރިންގެ ބައްދަލުވުމުގައި ނިހާން ވިދާޅުވި އެވެ.
ޕީޕީއެމްގެ މެނިފެސްޓޯ ހާމަ ނުކުރާ ކަމަށް ބުނެ ކިޔާ ފާޑު ކިޔުންތަކަށް ރައްދު ދެއްވަމުން ނިހާން ވިދާޅުވީ ޕީޕީއެމްގެ ވެބްސައިޓުން މެނިފެސްޓޯގެ މުހިންމު ބައިތައް ފެންނަން ހުންނާނެ ކަމަށެވެ.
އިދިކޮޅު ކޯލިޝަންގެ މެނިފެސްޓޯއާ މެދު ބޮޑެތި ހިޔާލު ތަފާތުވުންތަކެއް ޕާޓީތަކުގެ މެދުގައި އުފެދިފައިވާ ކަމަށް ނިހާން ވިދާޅުވި އެވެ. އެގޮތުން އަދާލަތު ޕާޓީން ހުށަހެޅި ކަންތައްތަކަށް އެމްޑީޕީން އެއްބަސްނުވެވި ދެ ބަސްވުން އުފެދިފައިވާ ކަމަށް ވިދާޅުވި އެވެ.
"މިފަހަރު ކޯލިޝަން ހެދީ އަދާލަތު ޕާޓީން. އަޅުގަނޑުމެންނަށް މައުލޫމާތު ލިބިފައިވާ ގޮތް ކުށް ކަމުގައި ނުވާނަމަ އެބޭފުޅުން އެދިވަޑައިގަންނަވާ ގޮތަށް ދީނީ ސިޔާސަތުތައް ހާމަ ކުރާނެ ގޮތެއް އެމްޑީޕީން ނެރޭ މެނިފެސްޓޯގައި ހިމަނަން އެއްބަސްވެގެން،" ނިހާން ވިދާޅުވި އެވެ.
"ނަމަވެސް މިކަން އަދި މިއަދާ ހަމައަށް ނުވެ އޮތް ކަމުގެ މައުލޫމާތު އަޅުގަނޑުމެނަށް ލިބެނީ. އަދި އެމައްސަލާގައި އަދާލަތު ޕާޓީގެ ތެރޭގައި މިވަގުތު ތިބި މަދު މީސްކޮޅުގެ މެދުގައި ވެސް މިމައްސަލަ ޖެހިފައި އޮތް ކަމަށް މައުލޫމާތު ލިބެނީ،"
އަދާލަތު ޕާޓީއަކީ އިސްލާމް ދީނުގެ ހައްގުގައި އުފައްދާފައިވާ ޕާޓީއަކަށް ވާތީ އެކަންކަމަށް އެޕާޓީގެ ލީޑަރުން ޖަވާބު ދެއްވުމަށް ނިހާން އެދިލެއްވި އެވެ.
އަދާލަތު ޕާޓީ ހިމެނޭ އިދިކޮޅު ކޯލިޝަނަކީ އިސްލާމް ދީނާ ދެކޮޅަށް މަސައްކަތްކުރާ ބޭފުޅުންތަކެއް އިސްވެތިބި ޕާޓީއެއްކަން ފާހަގަ ކުރައްވައި ބޮޑެތި ތުހުމަތުތަކެއް ނިހާން ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯގޯސް
19 September 2018
ސިޔަސީ މީހުން ނުކުރާކައް ހަޑި މުޑުދާރު ކަމެއް ނޯންނާނެ. އަދި ޙައްސަގޮތެއްގައި ވެރިކަމެއްގެ ލައްޒަތު ލިބިފައި ތިބި ބަޔަކު އެކަމެއް ދޫކުރަން ބޭނުމެއް ނުވާނެ. މިހެންވީމަ ހުރިހާ ނުބައި ކަމެއް ވެސް ކުރާނެ. ތިމީހުން/ކަލޭމެން
ވަކިކުރި ޕޮލިސް
16 September 2018
އައި ޑީ ކާޑު! ގަނޭ! ވިއްކާވެސް މެ. މި ދިޔަ މަޖުލިސް އިންތިހާބުގަ ށ.ގައި ތިކަމެއްކޮށް މަޖުލިސް ގޮޑިވެސް ހޯދި. އޭގެ އަލީގަ މިފަހަރުވެސް އެންމެ ބޮޑަށް އަމާޒުހިފާފައު ހުރީ އިދިކޮޅު މީހުން ކާޑު ގަތުމަށް. މިހާރު އެކަން އެބަހިގާ.
ޢަބްދުﷲނާފިޒް
16 September 2018
މި މަހު 23 ގައި ބާއްވާ ރިޔާސީ އިންތިހާބަށް ވޯޓު ހޯދުމުގެ ގޮތުން އައިޑީ ކާޑު ގަތުން ފަދަ އެއްވެސް ކަމެއް ޕީޕީއެމުން ނުކުރާކަމަށް އެޕާޓީން މިއަދު ބުނެފި އެވެ. މިސްކިތު ހުޅުޖެހި މީހާ ނަންވާނީ.
ހާސަރު
15 September 2018
އައިޑީ ކާރޑް ގަންނަކަމަށް ކާކު އެއްބަސްވާނީ!؟ އެއީ ބޮޑުކުށެއް. އެހެން ނޫނަސް ކާރޑް ގަންނަ ވާހަކަ އާއި އެކު ފައިސާއެއް ނުލިބި ޕިޕީއެމަށް ވޯޓްލާން ތިބިމީހުންގެ ޝަކުވާވެސް ވަނީ ބޮޑުތަނުން އިތުރުވެފަ. " އައިޑީ ކާރޑް ދިނީމަ ލާރިދޭ އެކަމަކު އަހަރެމެން ހިލޭތަ ވޯޓްލާންވީ" މީ މާބޮޑުމައްސަލައެއް.
އިސީ
15 September 2018
ކިތަންމެ ވަރަކަށް ގަތަސް މިފަހަރު ބަދަލަކަށް 99ޕަސަންޓް ރަތްޔިތުން ބޭނުންވަނީ އެކަން ދައްކާނެ ވޯޓުންވެސް އިރާދަކުރެއްވިއްޔާ
ނިހާނު
15 September 2018
އައީޑީކާޑު ގަންނަނީ މަށޭ މީހުން ކިޔާތަ އެބަ؟
އަހުމަދުބޭ
15 September 2018
"މީހުން ޑީ ގްރޭޑް ކޮށްގެން ވޯޓު ހޯދުމާއި މީހުންނަށް ބިރު ދައްކައިގެން ވޯޓު ހޯދުމާއި މީހުންނަށް ފައިސާ ދީގެން ވޯޓު ހޯދުމާއި މީހުންގެ އައިޑީ ކާޑު ގަނެގެން ވޯޓު ލިޔަ ނުދީ ހިފެހެއްޓުމާއި ހައްގުތަކުގެ މައްޗަށް އަރައިގަތުމަކީ ޕީޕީއެމްގެ ކެމްޕެއިންގެ އެއްވެސް ހިސާބެއްގައި އޮތް ކަމެއް ނޫން،" މަތީގައި އެއޮތީ ނިހާންވިދާޅުވި ބަސްކޮޅެވެ، މިހެން ވިދާޅުވެއްޖެނަމަ ދެން ނިހާންމެން ކަންކުރާނީ މިމަގުންނެވެ.
ފިނިފެންމާ
15 September 2018
މާއަވަހަށް ނުކުރަމޭ ބުނީ ކުރާތީ.
ގިރިޓީ
15 September 2018
މަށޭ އެބަކިޔާތަ....
މިހާރުގެ ކިޔުންތެރިޔާ
15 September 2018
ކެމްޕެއިން ތެރޭގައި ނުހިނގާ ވާހަކަ އެ ވިދާޅުވީ. ބަލަ އެއީ ކެމްޕެއިން ހަރަކާތެކޭ ބުނީ ކާކުތޯ؟ ކެމްޕެއިންގެ ތެރޭގައި ކުރާ ކަމެއް ނޫނަސް، ކެމްޕެއިން ޓީމްތަކުގައި ނުހިމެނޭ މީހުން ލައްވާ ޚާއްޞަކޮށް އެ ކަމަށް މީހުން ކަނޑައަޅައިގެން އެ ކަން އެ ކުރަނީ ނޫންތޯ؟