މާލޭގެ ބައެއް ހިސާބުތަކުން ކަރަންޓް ކެނޑިއްޖެ

މުހައްމަދު ނަސީމް، މިހާރު

17 ޑިސެމްބަރ 2018 - 18:48

މާލޭގެ ބޮޑު ބަޔަކުން މިރޭ ކަރަންޓް ކެނޑިއްޖެ އެވެ.

ސްޓެލްކޯގެ އިންޖިނޭރް އިބްރާހީމް ރައޫފް "މިހާރު" އަށް ވިދާޅުވީ މިރޭ މާލޭގެ ގާތްގަނޑަކަށް ހަތަރު ބައި ކުޅަ އެއްބައިން ކަރަންޓް ކެނޑިފައިވާ ކަމަށެވެ. އޭނާ ވިދާޅުވީ ކުރިއަށް އޮތް 15 ވަރަކަށް މިނެޓް ތެރޭގައި މާލޭގެ އެކި ސަރަހައްދުތަކަށް ކަރަންޓް ދޭން ފެށޭނެ ކަމަށެވެ.

ރައޫފް ވިދާޅުވީ މިރޭ ކަރަންޓް ކެނޑުނީ ދިމާވި ޓެކްނިކަލް މައްސަލައެއްގެ ސަބަބުން ކަމަށާއި އެ މައްސަލަ ހައްލު ކުރަން މިހާރު ވެސް މަސައްކަތް ކުރަމުން އަންނަ ކަމަށެވެ. ނަމަވެސް އިތުރު ތަފުސީލެއް ނުދެއްވަ އެވެ.

"މިހާރު ވެސް ބައެއް ސަރަހައްދުތަކަށް ކަރަންޓް ދެވިއްޖެ،" އޭނާ ވިދާޅުވި އެވެ.

ނަމަވެސް ހުރިހާ ސަރަަހައްދަކަށް ކަރަންޓް ދީ ނިންމައިލުމަށް ގާތްގަނޑަކަށް 45 މިނެޓް ހޭދަވާނެ ކަމަށް ވެސް ވިދާޅުވި އެވެ.

އިރުވައި މޫސުމުގައި ޖަނަރޭޓަރުތަކަށް ބާރުބޮޑުވެ، ކަރަންޓް ކެނޑުމުގެ މައްސަލަ މާލޭގައި ކުރިން ވެސް ދިމާވެ އެވެ. އެކަން ހައްލުކުރުމަށްޓަކައި މިދިޔަ އަހަރު ސްޓެލްކޯއިން އާ ޖަނަރޭޓަރެއް ގެނެސް ކެޕޭސިޓީ އިތުރު ވެސް ކުރި އެވެ.

މާލެ ކަރަންޓު ސްޓެލްކޯ

6 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮންނޭ

17 December 2018

އިރުކޮޅަކާ ކަރަންޓް ކެނޑި ހައްލު ނުކުރެވި ކަނު އަނދިރީގަ. ނޫނީ ވާރޭ ވެހި ފެން ހެދިއްޖެއްޔާ ފެން ހިންދާނެ ގޮތެއް ނޭނގި ފެނު އަޑީގަ. މިއޮތީވާ ކަމެއް. ދިރިއުޅުން ދަތިވެއްޖެ. އަދި މިވީ އެންމެ މަހެއް ވިއްޔަ. 5 އަހަރު ވަންދެން ކޮންފަދަ ހާލެއްގަ އުޅެން ޖެހޭނީ؟ ހިނގާ ވައްޓާލަމާ.