ޕްރައިމަރީން ބަލިވިޔަސް އިންތިޚާބުގައި ވާދަކުރުމުގެ ފުރުސަތު ލިބޭނެ: ލަތީފް

ސިޔާސީ ޕާޓީތަކުގެ ޕްރައިމަރީތަކުގައި ބަލިވާ ކެންޑިޑޭޓުން ކަންބޮޑުވާކަށް ނުޖެހޭ ކަމަށާއި ރައްޔިތުންގެ މަޖިލިހަށް މިހާރު ބަލައިގަނެ ކޮމިޓީ މަރުހަލާގައި އޮތް އިސްލާހު ފާސްވުމާ އެކު، އެ ކެންޑިޑޭޓުންނަށް ވެސް އިންތިޚާބުތަކުގައި ވާދަކުރުމުގެ ފުރުސަތު އޮންނާނެ ކަމަށް ދިއްދޫ ދާއިރާގެ ޖުމްހޫރީ ޕާޓީގެ މެމްބަރު އަބްދުއްލަތީފް މުހައްމަދު މިއަދު ވިދާޅުވެއްޖެ އެވެ.

ލަތީފް މިހެން ވިދާޅުވީ، އަންނަ އެޕްރީލް މަހު އޮންނަ ރައްޔިތުންގެ މަޖިލިހުގެ އިންތިޚާބަށް އެމްޑީޕީގެ ޓިކެޓު ދޭނެ ކެންޑިޑޭޓުން ކަނޑައެޅުމަށް މިދިޔަ ހުކުރު ދުވަހު ބޭއްވި ޕްރައިމަރީގައި އެ ޕާޓީގެ ލީޑަޝިޕްގެ ބައެއް ބޭފުޅުންނާއި ރައްޔިތުންގެ މަޖިލިހުގައި އެމްޑީޕީ ތަމްސީލް ކުރައްވާ ބައެއް މެމްބަރުންނަށް ނާކާމިޔާބީއާ ކުރިމަތިވެފައި ވަނިކޮށެވެ.

ޕްރައިމަރީތަކުގައި ވާދަކޮށް ބަލިވާ ކެންޑިޑޭޓުން އަމިއްލަ ގޮތުން ނުވަތަ އެހެން ޕާޓީއެއްގެ ޓިކެޓުގައި އިންތިޚާބުތަކުގައި ވާދަނުކުރެވޭ ގޮތަށް ނޮވެމްބަރު 23، 2016 ގައި މަޖިލިހުން ވަނީ ފާސްކޮށްފަ އެވެ. އޭރުގެ ވެރިކަން ކުރާ ޕާޓީ ޕީޕީއެމުން ތާއީދުކޮށް، ސިޔާސީ ޕާޓީތަކުގެ ގާނޫނަށް ގެނައި އެ އިސްލާހު އޭރުގެ ރައީސް އަބްދުﷲ ޔާމީން ތަސްދީގު ކުރެއްވީ ޑިސެމްބަރު 6، 2016 ގަ އެވެ.

Primary in balivaa candidatunnah inthihaabuthakugai baiverivevey goiy alun hadhan islaaaheh hushalhaifi

The most trusted news source in the Maldives

Mihaaru

އެ އިސްލާހު ބާތިލް ކުރުމަށް ލަތީފް ހުށަހަޅުއްވާފައި ވަނީ ސިޔާސީ ޕާޓީތަކުގެ ޕްރައިމަރީތަކުގައި ވާދަކޮށް ބަލިވާ ކެންޑިޑޭޓުން އަމިއްލަ ގޮތުން ނުވަތަ އެހެން ޕާޓީއެއްގެ ޓިކެޓުގައި އިންތިޚާބުތަކުގައި ވާދަނުކުރެވޭ ގޮތަށް ރައްޔިތުން މަޖިލިހުން ފާސްކުރި ފާސްކުރުން ބާތިލްކޮށް، އެ މީހުންނަށް އަލުން ފުރުސަތު ދިނުމަށެވެ.

ލަތީފް ކުރެއްވި ޓުވީޓެއްގައި ވިދާޅުވި ގޮތުގައި ޕާޓީތަކުގެ ޕްރައިމަރީގައި ބަލިވާ މީހުން އަމިއްލަ ގޮތުން ނަމަވެސް އިންތިޚާބުގައި ވާދަކުރުމުގެ ފުރުސަތު އޮންނަން ވާނެ އެވެ. ސިޔާސީ ޕާޓީތަކުގެ ގާނޫނަށް އޭނާ ހުށަހަޅުއްވާފައިވާ އިސްލާހު ފާސްވުމުން އެ ފުރުސަތު ފަހިވާނެ ކަމަށް ވެސް ވިދާޅުވި އެވެ.

އެ އިސްލާހު ފާސްކުރަން، ރައްޔިތުންގެ މަޖިލީހުގެ މެމްބަރުންގެ އެހީތެރިކަމަށް ލަތީފް ވަނީ އެދިވަޑައިގެންފަ އެވެ.

އެމްޑީޕީގެ ޕްރައިމަރީގައި ބަލިވި މީހުންނަށް ހިތްވަރު ލިބޭ ގޮތަށް ލަތީފް ވާހަކަ ދެއްކެވިއިރު، ކުރީގެ ރައީސުން، މަޖިލީހުގެ މެމްބަރަކަށް ވުމަށް ހުރަސްއެޅޭ ގޮތަށް ވެސް އޭނާ ވަނީ ބިލެއް ހުށަހަޅުއްވައިފަ އެވެ. އެ އިސްލާހު ހުށަހެޅުއްވީ ރައްޔިތުންގެ މަޖިލީހުގެ އިންތިޚާބުގައި މައްޗަންގޮޅި މެދު ދާއިރާ އަށް ވާދަކުރައްވާ ކުރީގެ ރައީސް މުހައްމަދު ނަޝީދަށް އަމާޒުކޮށް ކަމަށް އެމްޑީޕީން ބުނާއިރު، އިސްލާހު އަނބުރާ ނަގަން ކޯލިޝަން ސަރުކާރުގައި ހިމެނޭ ޖޭޕީން އެންގި ނަމަވެސް ލަތީފް ވަނީ ދެކޮޅު ހައްދަވައިފަ އެވެ.

އޭނާ ވިދާޅުވެފައިވާ ގޮތުގައި ރައީސްކަން ކުރައްވި ބޭފުޅުން މަޖިލީހުގައި ތިއްބެވުމަކީ އެ ބޭފުޅުންގެ ޝަރަފަށް އުނިކަން ލިބޭނެ ކަމެކެވެ.