ވޯކް ޕާމިޓް އާކުރަން ފައިސާ ދައްކަންނުޖެހޭ ގޮތް ހަދައިފި

ގަވައިދާ ހިލާފަށް ރާއްޖޭގައި މަސައްކަތް ކުރާ ބިދޭސީންތަކެއް

އާމިނަތު ޝިފްލީން، މިހާރު

24 މާޗް 2019 - 20:09

ރާއްޖޭގައި ވަޒީފާ އަދާކުރާ ބިދޭސީންގެ ވޯކް ޕާމިޓްގެ މުއްދަތު ހަމަވުމުން އެ އާކުރާއިރު އިމިގްރޭޝަނަށް ފައިސާ ދައްކަން ނުޖެހޭ ގޮތަށް ގަވައިދު އިސްލާހުކޮށް މިއަދު ގެޒެޓްކޮށްފި އެވެ.

ރާއްޖޭގައި ވަޒީފާ އަދާކުރަން އަންނަ ބިދޭސީންގެ "ވޯކްވިސާ"އާ ބެހޭ ގަވައިދުގައި ބުނެފައިވާ ގޮތުން، ގަވައިދާ އެއްގޮތަށް ރާއްޖޭގައި މަސައްކަތްކުރާ ބިދޭސީންނަށް، އެ ހުއްދަ އަލުން ދިނުމުގެ އިހްތިޔާރު އިމިގްރޭޝަންގެ ކޮންޓްރޯލާ ޖެނެރަލަށް ލިބިގެންވެ އެވެ. އެކަމަކު އެއީ ވަޒީފާ ދޭ ފަރާތާއި ބިދޭސީ މީހާއާ ދެމެދު ވެފައިވާ އެއްބަސްވުމެއްގެ އިތުރުން، އިމިގްރޭޝަނަށް 6،000 ރުފިޔާ ދައްކަން ޖެހޭނެ އެވެ.

އެކަމަކު ވޯކްވިސާއާ ބެހޭ ގަވައިދުގެ 17 ވަނަ މާއްދާގެ (ވ) މިހާރު އިސްލާހުކޮށްފައިވާއިރު، އޭގައި ބުނެފައިވާ ގޮތުން ހުއްދަ އަލުން ހޯދުމަށް ހުށަހަޅަން ޖެހެނީ ވަޒީފާ ދޭ ފަރާތާއި ބިދޭސީ މީހާއާ ދެމެދު ވެފައިވާ އެއްބަސްވުން އެކަންޏެވެ. ފައިސާ ދައްކާކަށް ނުޖެހެ އެވެ.

އެ އެއްބަސްވުމުގައި، ރާއްޖޭގައި މަސައްކަތްކުރުމުގެ ހުއްދަ ހޯދުމަށްޓަކައި ކުރަންޖެހޭ ކަންކަމާއި ގަވައިދުގެ ދަށުން ވޯކް ވިޒާ ނެގުމަށް ކުރަން ޖެހޭ އެންމެހާ ކަންކަން ފުރިހަމަ ކުރުމުގެ އިތުރުން ބިދޭސީ މީހާ ރާއްޖޭގައި ވަޒީފާ އަދާކުރުމަށް ދައްކަން ޖެހިފައިވާ އެއްވެސް ފައިސާއެއް ނުދައްކާ އޮތް ނަމަ އެ ފައިސާއެއް ދައްކާ ހަލާސްކޮށްފައި އޮންނަން ޖެހެ އެވެ.

ރާއްޖޭގައި ވަޒީފާ އަދާކުރުމަށް ދެ ވަނަ ފަހަރަށް ހުއްދަ ދޭއިރު، ގަވައިދުގައި އިތުރު ކަންތައްތަކަށް ވެސް ބަލަ އެވެ. އެއީ ގާނޫނާ އެއްގޮތަށް، ވޯކް ވިސާ ލިބިގެން ރާއްޖެއަށް އެތެރެވެފައިވާ މީހަކަށް ވުމާއި ޖިނާއީ ކުށެއްގެ ތުހުމަތުކޮށްފައިވާ ނުވަތަ މަދަނީ ދައުވާއެއް އޮތް ބިދޭސީއަކަށް ނުވުމާއި އެމީހަކާ ގުޅޭގޮތުން ސަރުކާރުގެ އެއްވެސް އިދާރާއަކަށް ޝަކުވާ ހުށަހަޅާފައި ނުވާ މީހަކަށް ވުމެވެ.

ބިދޭސީންނަށް ވަޒީފާގެ ހުއްދަ ދިނުން އިކޮނޮމިކް މިނިސްޓްރީއަށް މިހާރު ބަދަލުކޮށްފައިވާއިރު، ގަވައިދާހިލާފަށް ކޯޓާ ހޯދައިގެން ބިދޭސީން އެތެރެކުރި 67 ފަރާތެއްގެ މައްސަލަ ބަލަމުން އަންނަ ކަމަށް އިމިގްރޭޝަނުން ވަނީ ބުނެފަ އެވެ.

ގަވާއިދާ ހިލާފަށް އުޅޭ ބިދޭސީން ބިދޭސީން ދިވެހި ސަރުކާރު އިމިގްރޭޝަން

12 ކޮމެންޓް, 48 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެރަކަމެއް

25 March 2019

ޑިޕޮޒިޓް ލިބޭނީ ކިހިނެއް. 3 އަހަރު ވެއްޖެ. ނުލިބޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭބާ

25 March 2019

ވަރަށްރަނގަޅު ބަދަލެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޭތުވާލު

25 March 2019

އަހަރެން ލަދު ގަނޭ މިފަދަ ކުޑަކަމެއް ސަރުކާރު ތަކުން ހައްލު ނުކުރެވިގެން ސަލާން ޖަހާހެން އެމީހުންއަތުރާފަ ތިބޭތީ.މިއީ އިންސާނީ ކަރާމަތް ކަން ގެއްލޭކަމެއް.. އެެހެން ގައުމެއްގަ ތިމާ މިގޮތަށް އިންދާ ތިމާގެ މައިންބަފައިނަށް ފެނުނީމަ ވަރަށް އެުފާވާނެ ދޯ. މިނުން ގޮތެއް އޮންނަ ން ޖެހޭ. މިއީ އެމީހުން ގެ މައްސަލައެއް ނުން .މީގެ މީހަކު ގެނަވެނީ ހާދަ ވަރަކުން ނޭ އެކަމަކު އައުމަށް ފަހު މިގޮތް މިވަނީ ކީއްވެ. މިއީތޯ ޓައީ އަޅައިގެން ކުރަން ޖެހޭކަމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިރާޖު

25 March 2019

މި ލިޔުމުގައި މިވަނީ ވަރަށް ބޮޑު އޮޅުމެއް ނޫނީ އޮޅުވާލުމެއް. ދިވެހި ރާއްޖޭގ ވޭތުވެދިޔަ 20 އަހަރު ވަރކް ވިޒާ އާކުރާކަށް ފައިސާއެއް ނުނަގާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް ހުސެން

24 March 2019

މީގެ ކުރިންވެސް 6،000 ރުފިޔާ އަކީ ޑިޕޮސިޓުގެ ގޮތުގަ އެއްފަހަރު ބަހައްޓާ އެއްޗެއް އެއީ ކޮންމެ ފަހަރަކު ވިސާ އާކުރަންވީމަ ދައްކާއެއްޗެއްނޫން. ތަނަކުން އަކުރެއް ބަދަލުކޮއްފަ ރައްޔިތުންގެ ލޮލުގަ އަދުންއަޅުވަން އުޅުނަސް ތީބޮޑުވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުދަރި

24 March 2019

މަބުނީ އެއްކަލަ އަތުލައިގަނެވުނު 50 ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންދެރި

24 March 2019

މިހާރު މީހުން ގެންނަން އެޖެންސީ އެހާ މުހިއްމެއް ނޫނެވެ. ބަނގްލަދޭޝް މީހުން އެކަން ކުރަނީ އޮންލައިން ކޮށެވެ. އެމީހުންގެ ކަޑަތަކުގައެވެ. ސްޕްންސަރަށް ފައިސާ ދީގެންނެވެ. އެޖެންސީ ޒަމާން ދިޔަތާ ކިތަންމެ ދުވަހެކެވެ. ދެތިން އެޖެންސީއެއް އަދިވެސް ބޮޑުންނަށް ބައިއަޅާ ގޮތައް ހިނގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުވާ

25 March 2019

ތިޔަ ގެޒެޓެއް މަށަކަށް ނުފެނުނު.. ޤާނޫނަށް އިސްލާހެެއް ނުގެނެސް ވިސާ ފަަައިސާ އާއި ނުކުޅެވޭނެ! މަށަށް އެކަން ޔަޤީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާ ޖާ އި ޒު

24 March 2019

ހުރިިހާ މޮޅެއް ވިޔަފާރިވެރިންނަށް. ބިދޭސީންނަށް ދައްކަަންޖެހޭ ފައިސާ އުނިކޮށްގެން އޭގެ ބަދަލުގައިި އާއްމު ރަައްޔިތުމީހާއަށް އެއްވެސް ލުޔެއް ނުދެނޭނެ. ބަދަލުގަައި ދިވެހި މީހާގެ ވަޒީފާގެ ފުރުސަތު ހަަނިވެ، ބިދޭސީން ގިނަަވާނީ. އެކި ސަރުކާރުތަކުން، އެ ސަރުކާރަކަަށް ނިސްބަތްވާ މީހުންނަށް ނާޖާއިިޒު ފައިދާ ހޯދާދޭނީ އެކިގޮތަށް. މިވެސް އޭގެ ބޮޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނޭނގޭ

24 March 2019

މިފެންނަނީ ނުފޫޒާއި ބާރުހުރި އެޖެންސީ ހިންގާ މީހުންގެ ބާރު. ބިދޭސީން އުޅެންވީ ދައުލަތަށް އެއްވެސް އެއޗެއް ދައްކާކަށް ނުޖެހޭ. 1 ލައްކަ ބިދޭސީންގެ އަތުން އަހަރަކު 6 ހާސް ނަގާނަމަ ކިތައް މިލިއަން ދައުލަތަށް ވަންނާނެބާ. މިއީ އިންސާފުބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޙއމދ

24 March 2019

ހަގީގަތކީ މިހާރުވެސް ވަރކް ވީޒާ އާކުރަން ސަރުކާރަށް ފައިސާ ދައްކަން ނުޖެހޭކަން. ހަބަރުގައި އެންމެ ރަގަޅަށް މައުލޫމާތު ގެނެސްނުދެވުނީމަ އޮޅުން އަރަނީތި. މިހާރު އެނިންމީ މިތާ ނުގަވާއިދުން އުޅޭ މީހުނަށް އާ ވީޒާ ނަގަން ޗާޖްކުރާ 6000 ރުފިޔާ ނުނަގަން ނިންމި ވާހަކަ.