ޑޮކްޓަރުކަން ކިޔަވަން އިންޑިޔާއިން ދިވެހި ހަތަރު ދަރިވަރަކަށް ސްކޮލަޝިޕް ދީފި

ސްކޮލަޝިޕް ލިބުނު ތިން ދަރިވަރުންނާއެކު އެޑިއުކޭޝަން މިނިސްޓަރު ޑރ. އާއިޝަތު (ވ-3) އަދި އަކިލޭޝް މިޝްރާ (މ) ފޮޓޯއަކަށް މިއަދު ހުއްޓިވަޑައިގެން.-- ފޮޓޯ: އިންޑިއަން ކަލްޗަރަލް ސެންޓަރު

އާސިމާ ނިޒާރު، މިހާރު

20 ސެޕްޓެމްބަރ 2016 - 19:03

14 comments

ޑޮކްޓަރުކަން ކިޔެވުމަށްޓަކައި އިންޑިޔާ ސަރުކާރުން ދިވެހި ހަތަރު ދަރިވަރަކަށް މިއަދު ސްކޮލަޝިޕް ދީފި އެވެ.

އިންޑިއަން ކަލްޗަރަލް ސެންޓަރުގައި ބޭއްވި ކުޑަ ރަސްމިއްޔާތެއްގައި އެ ހަތަރު ދަރިވަރުންނަށް ސްކޮލަޝިޕް ލިބުނުކަމުގެ ލިޔުން ހަވާލުކޮށްދެއްވީ އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ.

ސްކޮލަޝިޕް ލިބުނު ހަތަރު ދަރިވަރުންނަކީ:.

1. އާމިނަތު ސަޖާ ސިއްދީގު (ގްރޭންޓް މެޑިކަލް ކޮލެޖް)

2. އިއްމަތު އަލީ ނަސީރު (ލޭޑީ ހާޑިންް މެޑިކަލް ކޮލެޖު)

3. އާޝިޔާ އަފީފް (އޯލް އިންޑިޔާ އިންސްޓިޓިއުޓް އޮފް މެޑިކަލް ސައިންސަސް)

4. އަލީ އިޔާޒު ރާޝިދު (އޯލް އިންޑިޔާ އިންސްޓިޓިއުޓް އޮފް މެޑިކަލް ސައިންސަސް)

މިއީ އިންޑިޔާ ސަރުކާރުން 2002 ވަނަ އަހަރުން ފެށިގެން ރާއްޖެއަށް ދެމުން އަންނަ ސްކޮލަޝިޕެކެވެ. ކޮންމެ އަހަރަކު ވެސް ހަތަރު ފުރުސަތު ދެ އެވެ. ނަމަވެސް މިއަހަރު އަލުން މި ސްކޮލަޝިޕް ދޭން މިފެށީ ތިން އަހަރުގެ މެދުކެނޑުމަކަށް ފަހުގަ އެވެ.

ސްކޮލަޝިޕަށް ކުދިން ހޮވާފައިވަނީ ޑިޕާޓްމަންޓް އޮފް ހަޔާ އެޑިއުކޭޝަނުންނެވެ.

މިއަދުގެ ރަސްމިއްޔާތުގައި ވާހަކަ ދައްކަވަމުން އިންޑިޔާއިން ރާއްޖެ ކަނޑައަޅުއްވާފައި ހުންނަވާ ސަފީރު އަކިލޭޝް މިޝްރާ ވިދާޅުވީ އެ ދަރިވަރުން އެމްބީބީއެސް އަށް ކިޔެވުމަށް ފުރުސަތު ލިބުނީ އިންޑިޔާގައި ހުރި އެންމެ މޮޅު ޔުނިވާސިޓީތަކުން ކަމަށެވެ. އެހެންކަމުން ކިޔަވަން ލިބުނު ފުރުސަތުގެ ބޭނުން ހެޔޮގޮތުގައި ހިފައިގެން ރާއްޖެއަށް ހިދުމަތް ކުރަން އޭނާ އެދިވަޑައިގަތެވެ.

ސަފީރު ވިދާޅުވީ ސިއްހީ ދާއިރާއަކީ ދެ ގައުމަށް ވެސް ވަރަށް މުހިއްމު ދާއިރާއެއް ކަމަށާއި ސަފީރުކަމާ ހަވާލުވެވަޑައިގަތުމަށްފަހު މިއަހަރުގެ ކުރީކޮޅު ސިއްހަތާ ގުޅޭ ބޮޑު ހަރަކާތެއް ދެ ގައުމު ގުޅިގެން ބާއްވާފައިވާ ކަމަށެވެ.

އެޑިއުކޭޝަން މިނިސްޓަރު ވިދާޅުވީ އެކި ގައުމުގަތުގައި މިހާރު ވެސް ގާތްގަނޑަކަށް 300 ދަރިވަރުން ޑޮކްޓަރުކަން ކިޔަވަމުން އަންނަ ކަމަށެވެ. އަދި މަތީ ތައުލީމަށް ފުރުސަތު ހޯދައިދިނުމަށް ލޯނުގެ ގޮތުގައި 900 ފުރުސަތު ހުޅުވާލާނެ ކަމަށް ވެސް މިނިސްޓަރު ވިދާޅުވި އެވެ.

މި ސްކޮލަޝިޕްގައި ދަރިވަރުންގެ ޓިއުޝަން ފީ، ހުރުމުގެ ހަރަދު އަދި ޔުނިވާސިޓީގެ ހަރަކާތްތަކަށް ފީ ދައްކާނީ އިންޑިޔާ ސަރުކާރުންނެވެ. ކިޔެވުމަށް ގާތްގަނޑަކަށް ހަ އަހަރު ހޭދަވާނެ އެވެ. ކިޔެވުންް ނިންމާލުމަށްފަހު ހިދުމަތް ކުރަން ޖެހެނީ ސަރުކާރަށެވެ.

ތައުލީމް އެޑިއުކޭޝަން މިނިސްޓަރު އިންޑިއާ ހައި ކޮމިޝަން ރާއްޖެ-އިންޑިއާ ޑރ. އައިޝަތު ޝިހާމް (ސޯޝަލް އެންޑް ފެމިލީ) އަކިލެޝް މިޝްރާ

14 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮންތަނެއްތޯ

22 September 2016

އަހަރުން ކާން ބޭނުމީ ޗައިނާ ކަރާ، ކޮން އިރަކުން ޗައިނާ ކަރާ ކާންލިބޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

21 September 2016

މިގޮތަށް ކޯސްތައް ހަދަން ފުނުވާކުދިން ރާއްޖޭއަށް ނައުމުގެ މައްސަލަތައް ސަރުކާރުން ބަލަންވެއްޖެ. މި ގޮތަށް ބޭރު ގައުމުތަކުން ކިޔަވަނީ ގައުމަށް ލިބޭ ފުރުސަތުތަކެއްގަ. އެހެން ކަމުން ކިޔަވައިގެން ރާއްޖެ ނައުމަކީ ހަގީގަތުގަ ހިޔާނާނެއް. މި ގޮތަކަށް އުޅެމުން ދާ ޑޮކްޓަރުން ނާއި ޕްރޮފެސާރުންވެސް އުޅެފާނެ. އެހެން ވީމަ އެކަންކަން ބަލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކޮަލާޝިޕް

21 September 2016

އިންޑިއާ ސަކަރާތް - ޗައިނާ މާރަގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފފ

21 September 2016

މަވެސް މެޑިސިންގ ހަދާހިއްވެއްޖެ. އެހެންތާވާނީ އެހާ ރީތިކުދިން ވިއްޔާ މެޑިސިންގ ހަދަން މިދަނީ. މަ ކިޔަވަން ކުލާހަކަށް ވަދެފިއްޔާ އެ ވަންނަ ކުލާހުގަ ނުހުންނާނެ ބަލާލަން ކަމުދާ ވަރުގެ ކުއްޖެއްވެސް. މަށަށް ބޮޑަށް ހީވަނީ މަ ހަޑިވީމާ ދިމާވާ ކަމެއް ކަންނޭގެ ދޯ...ހެހެހެ..މިދެން މާ ސީރިއަސް ކޮމެންޓު ކުރާތީ ހަމަ ލުއި ކޮމެންޓެއް ކޮއްލީ. ކުޑަކޮށް ހީލާ އުފާކޮށްލަބަލަ އެހާ ސީރިއަސްވާންޖެހޭތަ ކޮންމެ ކަމަކުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަބީބު

21 September 2016

އިންޑިއާގެ ދުވަސްވީ ރަނގަޅު ކޮލެޖްތަކުން ތިފުރުސަތުލިބުނީމަ ހުރިހާ ކުދިންވެސް ރަނގަޅު ނަތީޖާއެއް ހޯދައިގެން ގައުމަށް ޚިދުމަތްކުރަން އަންނާނެކަމުގެ އުންމީދުކުރަމެވެ. ވަރަށް ބޮޑަށް މަރުހަބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޓް

21 September 2016

ތިޔަ ކޯހުގެ އުންމީދުގައި 12 އަހަރު ވަންދެން ގަދައަޅައި މަސައްކަތްކޮށް ރަނގަޅު ނަތީޖާހޯދާ ފޮނިއުންމީދުތަކަކާއިއެކު އައިޖީއެމްއެޗްގައި މަސައްކަތްްކުރާ އެތައް ކުދިބަޔަކު މިހާރުވެސް އެބައުޅެއެވެ. އައިޖީއެމްއެޗްއަށް މިވަންނަނީ ގުޅޭދާއިރާއެއްގައި މަސައްކަތްކޮށް ޚިދުމަތްކޮށްދިނުމުން ކޯސްލިބުމަށް މަގުފަހިވެގެންދާނެކަމުގެ އުންމީދުގައެވެ. މީގެކުރިންވެސް ކަންއޮތީ މިމޭރުމުން ހިނގާފައެވެ. ނަމަވެސް ރީނދޫ ކުދިންނަށް ވެރިކަންލިބުމުން ކޯސްދިނީ ހިތަށްއެރިބަޔަކަށެވެ. ޓްރޭޑް މިނިސްޓްރީގެ ކައުންޓަރުގައިހުރި ކުއްޖާއަށް މެޑިސިންހަދަން ފުރުޞަތު ދިނީ އެކޯހުގެ އިންތިޒާރުގައި އުންމީދުކޮށްގެން އެތައްއަހަރަކު އައިޖީއެމްއެޗްގައި މަސައްކަތްކުރި ކިތައްކުދިން މާޔޫސްކުރުވާފަތޯއެވެ. ރީނދޫކުދިން ފެށި މި ކަންތައް މިހާރުވެސްއޮތީ ހަމަ މިހެންނެވެ. އެހެންނޫންނަމަ މިއަދު އެފަދަ އެތައްކުދިންނެއް މާޔޫސްކުރުވާފަ ކެޓްވޯކް ޖައްސާ އެއަރލައިން ކުރޫއަކަށް ތިކޯހެއް ނުލިބުނީހެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

21 September 2016

ރީނދޫ ބައިގަނޑު ކުރާކަންކަން ކަމުނުގޮސްގެން ދީނަށްޓަކާ ޤައުމަށް ޓަކާ ގެނައި ޒުވާނުންގެ ސަރުކާރުވެސް ވެރިކަން ލިބުނީމަ ހަދާނެ އެއްޗެއް ހަދަނީ އުތަ، އެކަމަކުވެސް ހަމަ ބޮޑު ވަރިހަމަވެފަ މާރަނގަޅު ވެފަ މާމޮޅު، ބުރިޖު އެބަ އަޅާވިއްޔަ ދެއްތޮ، ދެން ވަރިހަމަތާ، އހ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު

21 September 2016

ސުކޯލާސިޕޭ ކިޔާފަ ފޮނުވާނެ... ރާއްޖޭގެ ހަޔަރ އެޑިޔުކޭސަނުން ކުދިން އުޅޭ ހާލެއްވެސް ބަލާ ނުލާ މިހާރުވެސް... އައިސީސީއާރު ގެ ދަށުން ސުކޯލާޝިޕް ލިބިގެން މިހާރު ކިޔަވާކުދިން ނައްވެސް ރޫލްސްއޭ ކިޔާފަ ތިން ހަތަރު މަސް ވަންދެން ސުޓިޕެންޑް ނުދީ ހިފަހައްޓާފަ.. އެ ޖަމާ ކުރާނެ ދުވަހެހް އަހާއިރު ބުނަަނެ ދެން އައްނަ ހުކުރުގައޭ އެކަމް ދެ ހަފްތާ ވާއިރުވެސް ހަބަރެއްނުވާނެ... ތިންމަސް ވަންދެން ވެސް އެކުދިން ތިބެން ޖެހިއްޖެ ސުކޯލާސިޕް ދަށުން ލިބެންޖެހޭ ރުފިޔާކޮޅު ނުލިބި... އެކަމް ކޯހުގެ ފީއާ އެހެންވެސަ ފީ ތަކުގެ ޑިއުޓޭޓުތައް ކުދިންގެ ބޮލައް ޖަހާފަ އެބަ ބުނޭ އަމިއްލަ އަށް ދައްކާފް އައްނާށޭ އޭރުން ދޭނަމޭ... މީ މިކިޔާ ސިކޯލާސިޕް... ހަޔަރ އެޑިޔުކޭޝަނުން ކަހާތާ ކަމެއް އިނގޭ ކަމައްވެސް ނުވާނެ އެއްޗެކޭ ބުނާ އިރައް ބުނާނެ ސުޓޫޑެންޓު ލޯން ނަގާށޭ... މިހާރުވެސް އައިސީސީއާރުގެ ދަށުން ގޮސް ތިބި ކުދިން ކައިރި އަހާބަލަ އުޅޭ ހާލެއް.. އިންޑިއާ މީހުން ބޭނުން ގޮތެއް ހަދާލަނީ މިހާރުވެސް.. ހީވަނީ ކުދިން މިދަނީ އަޅުންގެ ގޮތުގަހެން..