ޕީޕީއެމްގެ ރައީސްކަމުން މައުމޫން ދުރުކުރަން ހުށަހެޅި މައްސަލައިގެ ޝަރީއަތް މާދަމާ

މިދިޔަ ޖުލައި މަހު ބޭއްވި ޕީޕީއެމްގެ ކައުންސިލް ބައްދަލުވުމުން ރައީސް ޔާމީނަށް ތާއީދުކުރައްވާ މެމްބަރުން ނިކުމެވަޑައިގެން ނޫސްވެރިންނާ ވާހަކަ ދައްކަވަނީ: ޕާޓީގެ ރައީސްކަމުން މައުމޫން ދުރުކުރަން މަަސައްކަތް ކުރަނީ ރައީސް ޔާމީންގެ ފެކްޝަނުން.-- ފައިލް ފޮޓޯ: މުހައްމަދު ޝަރުހާން/ މިހާރު

ފަޒީނާ އަހުމަދު، މިހާރު

15 އޮކްޓޯބަރ 2016 - 18:29

11 comments

ވެރިކަން ކުރާ ޕީޕީއެމްގެ ރައީސްކަމުގެ މަގާމުން ކުރީގެ ރައީސް މައުމޫން އަބްދުލްގައްޔޫމް ދުކުރަން ހުށަހެޅި މައްސަލައިގެ ޝަރީއަތް މާދަމާ އަށް ޝެޑިއުލްކޮށްފި އެވެ.

ވެރިކަން ކުރާ ޕާޓީ ޕީޕީއެމް ދެ ފަޅި ވެފައިވާއިރު ކޯޓަށް މައްސަލަ ހުށަހެޅީ ރައީސް އަބްދުﷲ ޔާމީންގެ ފަޅިންނެވެ. ނައިފަރު ދާއިރާގެ މެމްބަރު އަހުމަދު ޝިޔާމާއި ހުޅުދޫ ދާއިރާގެ މެމްބަރު މުހައްމަދު ޝާހިދު ހުށަހަޅުއްވި މައްސަލައިގައި އެދިފައި ވަނީ ޕީޕީއެމްގެ ރައީސްކަމުން މައުމޫން އެކަހެރިކޮށް، "ޕާޓީގެ ހިންގުން ސިޔާސީ ޕާޓީގެ ގާނޫނާއި ޕާޓީގެ ހިންގާ ގަވާއިދަށާއި އަސާސީ ގަވާއިދާ އެއްގޮތްވާ ގޮތުގެ މަތިން ދިވެހި ރައްޔިތުންގެ އެންމެ މަތީ މަސްލަހަތުތައް ރައްކާތެރިކޮށްދޭނެ ފަރާތަކާއި ޕާޓީގެ ހިންގުން ހަވާލުކޮށްދިނުން އެ ޕާޓީގެ ކައުންސިލްގެ މައްޗަށް ލާޒިމު ކުރާ އަމުރަކަށް" އެދިވަޑައިގެންފަ އެވެ.

ސިވިލް ކޯޓުން ޕީޕީއެމަށް ފޮނުވާފައިވާ ކޯޓަށް ހާޒިރުވުމުގެ އަމުރުގައި އަންގާފައިވަނީ ޝިޔާމާއި ޝާހިދު ހުށަހަޅުއްވާފައިވާ މައްސަލައިގައި މާދަމާ މެންދުރު ފަހު 3:30 އަށް ހާޒިރުވުމަށެވެ. ޕީޕީއެމުން ހާޒިރުވަނީ ޕާޓީގެ ފަރާތުން ހާޒިރުވާ މީހެއްކަން ސާބިތުކޮށްދޭން ޕާޓީގެ ހިންގާ ގަވާއިދާ އެއްގޮތަށް ފާސްކޮށްފައިވާ ގަރާރެއް ގެންނަން ވެސް އަންގާފައިވެ އެވެ.

އެ އަމުރާ އެއްގޮތަށް ހާޒިރު ނުވެއްޖެ ނަމަ، ޣައިރު ހާޒިރުގައި މައްސަލަ ނިންމާނެ ކަމަށް ވެސް ބުނެފައިވެ އެވެ.

ޕީޕީއެމް ދެ ފެކްޝަނެއްގެ ގޮތުގައި މިހާރު ވަނީ ރަސްމީކޮށް ހިންގަން ފަށައިފަ އެވެ. އެ ޕާޓީގެ ކޯޅުން އިތުރަށް ބޮޑުވެފައި މި ވަނީ ލޯކަލް ކައުންސިލް އިންތިހާބު ކުރިއަށް ގެންދާނެ ފެކްޝަނަކާ ގުޅޭ ގޮތުން އުފެދުނު އަރައިރުންތައް ހައްލު ނުކުރެވިގެންނެވެ.

ސިޔާސީ ޕާޓީ ސިވިލް ކޯޓް ޕީޕީއެމް

11 ކޮމެންޓް, 80 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނާ

16 October 2016

ހާދަ ފާސްޓޭ... ސަރުކާރު ބަންދު ދުވަހަކު ތިބުނާ ސިޓީ ލީވެސް.. 24 ގަޑިއިރު ހިދުމަތްދޭތަނެއްތޯ ކޯޓަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

16 October 2016

އޭޓީއެމުން ލިބޭ 24 ގަޑިއިރުގެ ޚިދުމަތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު

16 October 2016

މައުމޫން އާއި ވެރިކަން ކުރަން އޭނާ އެރުވި ފަރާތާ ހިޔާލު ތަފާތުވާއިރަށް ޕާޓީ ހިސާރު ކުރާކަށް ނުޖެހޭ. މިކަމަކުން މައުމޫނަކަށް ވާނެ ފައިދާއެއް، ޕާޓީއަށް ވާނެ ފައިދާއެއް ނޯންނާނެ. ޔާމީންގެ ވެރިކަމުގައި އޭނާ އެހުންނެވީ ޤައުމަށް ތަރައްޤީ ގެނައުމަށްޓަކާ ކުރަންޖެހުނު ކޮންމެ ކަމެއްވެސް ކުރެއްވުމުގެ ވަރުގަދަ އަޒުމެއްގައި. އެފަދަ ވެރިން އުފަންވާނީ ދުވަހަކު ކޮޅުން މަދުން. ރައީސް މައުމޫން މާލެ ހިއްކާ ނިންމުމަށް 10 - 15 އަހަރު ހޭދަކުރި، މާލޭގައި ގާއެޅުމަށް 20 އަހަރު ހޭދަކުރި ނަމަވެސް، މި ހާރު މަޝްރޫޢުތައް ކުރިއަށް ގެންދަނީ، އެއަށްވުރެއް ސްޕީޑްގައި. އަތުފަތު ނޭޅޭހާ ބާރު މިނުމުގައި. އެހެންވީރު މައުމޫނު ކޮން ބަޑަލެއް ހާކާކަށް. މަޑުން ހުންނަވާ ފަސޭހައިގައި އަރާމުގައި އިއްޒަތުގައި ހުންނެވީމާ ނިމުނީނޫންތޯ...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައުުމޫން

16 October 2016

ރައްޔިތު މީހާ އަތުން ޓެކްސް ނުނަގާ ވިޔަފާރިވެރިން އަތުންވެސް ޓެކްސް ނުނަގާ މައުމޫނު ދިވެހި ރާއްޖެ މިހާ ހިސާބައް ހިންގައިދިނީތީ ޝުކުރުވެރިވެބަލަ.... 30 އަހަރު ތިބާމެން ތިބީ ހާދަ އަރާމެއްގަޔޭ.... ތަރައްޤީގެ ނަމުގަ ގައުމު މިއަދު ވިއްކާލާއިރު ދިވެހިން ހަމަ ހެވިދިލިފަ.....