މާލޭގެ އެމްޕީއެލް ސަރަހައްދުން ބައެއް މީހުން ކޮވިޑް-19 އަށް ޓެސްޓު ކުރުމުގެ ކަންކަން ސިއްހީ އޮފިޝަލުން އިއްޔެ ކުރިއަށް ގެންދަނީ: މާލޭގެ އެކި ހިސާބުތަކުން ރެންޑަމް ސާމްޕަލްތަކެއް އެެޗްޕީއޭ އިން އަންނަނީ ނަގަމުން.
05 މެއި 2020 - 09:48
87 comments
ކޮވިޑް-19 ގައި ރާއްޖެ ޕީކަށް ނުވަތަ އެއް ދުވަސް ތެރޭގައި އެންމެ ގިނަ ޕޮޒިޓިވް ކޭސް ފެންނާނީ މަސް ނިމޭއިރު ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) އިން އިއްޔެ ބުނެފި އެވެ.
މާލޭގައި ކޮރޯނާވައިރަހަށް ޕޮޒިޓިވް މީހަކު ފުރަތަމަ ފެނުނީ އެޕްރީލް 15، ގަ އެވެ. އޭރު ހަލުވިކަމާ އެކު މާލޭގައި ފެތުރެން ފަށާފައި އޮތުމުން ސިއްހީ ތަޖުރިބާކާރުން ލަފާކުރައްވަނީ ބައްޔަށް ޕޮޒިޓިވް މީހަކު ފެނުނީ ކޮމިއުނިޓީ ސްޕްރެޑެއް ފެށުނުތާ ދެ ހަފުތާ ތެރޭގައި ކަމަށެވެ.
ޕޮޒިޓިވްވެފައި ހުރި މީހަކު ނޭނގި މުޖުތަމައުގެ ތެރޭގައި ހުރެއްޖެ ނަމަ ރާއްޖޭގައި ބަލި ފެތުރިގެން ހިނގައިދާނެ މިންވަރުގެ މައްޗަށް ކަމާ ބެހޭ އިދާރާތަކުން ކުރިން ލަފާކުރީ 14 ދުވަހުގެ ތެރޭގައި ޕީކަށް އަރައި ބަލި ޖެހިފައި ތިބި ގިނަ އަދަދެއްގެ ބަޔަކު ފެންނާނެ ކަމަށެވެ. ޕީކް ލަސްވީ، އެންއީއޯސީން ބުނިގޮތުގައި، މާލެ ލޮކްޑައުންކޮށް އަޅާފައިވާ ފިޔަވަޅުތަކަށް ގިނަ ބަޔަކު ތަބާވުމުގެ ނަތީޖާ އިންނެވެ.
ޓެކްނިކަލް އެޑްވައިޒަރީ ގްރޫޕްގައި ހިމެނިވަޑައިގަންނަވާ ސީނިއަ ޑޮކްޓަރު އަލީ ލަތީފާއި ހެލްތު ޕްރޮޓެކްޝަން އޭޖެންސީގެ އެޕިޑެމިއޮލޮޖިސްޓް ޑރ. ނަޒްލާ ރަފީގް "މިހާރު" އަށް ވިދާޅުވީ ކުރީގެ މޮޑެލް ހެދީ އާއްމުންގެ ތެރޭގައި ބަލި ނުފެތުރޭއިރު، ބަލީގެ ހާލަތު ގޯސްވެދާނެ ވަރު ދެނެގަތުމަށް ކަމަށެވެ. އެކަމަކު މި ފަހުން، ކުރީގެ ޑިރެކްޓަރު ޖެނެރަލް އޮފް ޕަބްލިކް ހެލްތު، ޑރ. ޝީނާ މޫސާ ޕްރޮޖެކްޝަންސް ހެއްދެވީ އާއްމުންގެ ތެރޭގައި ބަލި ޖެހިފައިވާ އަދަދު އެ މޮޑެލްގައި ހިމަނުއްވައިގެން ކަމަށް ޑރ. ނަޒްލާ ވިދާޅުވި އެވެ.
ނަޒްލާ ނޫސްވެރިންނާ ވާހަކަ ދައްކަވަނީ. --ފޮޓޯ/މިހާރު
ރާއްޖޭގައި ބަލި ފެތުރިދާނެ ކަމަށް ބެލެވޭ ހިސާބުތައް ހެދީ ދުނިޔޭގެ ސިއްހަތު ޖަމިއްޔާ އާއި އިނގިރޭސިވިލާތުގެ އިމްޕީރިއަލް ކޮލެޖުން ތައްޔާރުކޮށްފައިވާ މޮޑެލްއަކަށެވެ.
"ކޮމިއުނިޓީ ތެރެއިން ކޭސްތައް ފެނިފައިވާ މިންވަރު އެ މޮޑެލްއަށް ލައިގެން ހެދީމަ މެއި ނިމޭ ހިސާބުގައި ޕީކަށް އަރާނެ ކަމަށް މި ބެލެވެނީ. ޕީކް ޑޭގައި ބަލި ޖެހިފައިވާ ގާތްގަނޑަކަށް 6،000 މީހުން ފެންނާނެ ކަމަށް ބެލެވެ،" ނަޒްލާ ވިދާޅުވި އެވެ.
މި ހާލަތުގައި އެޑްމިޓްކޮށް ކުރަން ޖެހޭ މީހުންނާއި ވެންޓިލޭޓަރުގައި ފަރުވާދޭން ޖެހޭ މީހުންގެ އަދަދު ވަރަށް ބޮޑުތަން އިތުރުވާނެ އެވެ.
ޑރ. އަލީ ލަތީފް "މިހާރު"އާ ވާހަކަ ދައްކަވަނީ: ކުރިއަށް އޮތް ތަނުގައި ޕޮޒިޓިވް ކޭސްތައް ފެނުނުން އިތުރުވާނެ ކަމަށް ވިދާޅުވި.
ޑރ. އަލީ ލަތީފް ވިދާޅުވީ މި ބަލީގައި މީހުން ޕޮޒިޓިވްވާ އަަދަދު ދެން ފެންނާނީ މަތިވަމުންދާ ތަން ކަމަށެވެ. އެޗްޕީއޭ އިން ޓެސްޓްކޮށްފައި އާއްމުކުރާ ނަތީޖާގައި އެއް ދުވަހު ގިނަ ބަޔަކު ޕޮޒިޓިވްވެފައި އަނެއް ދުވަހު މަދުވުމަކީ އާއްމުންގެ ތެރޭގައި ވައިރަސް ފެތުރިފައި އޮތް މިންވަރު މަދުވުން ނޫން ކަމަށް ވިދާޅުވި އެވެ.
އަލަށް ހެދި ޕްރޮޖެކްޝަންސްތަކުން ވެސް ފެންނަ ގޮތުގައި، ލޮކްޑައުންއާ އެކު އަޅާފައިވާ ފިޔަވަޅުތަކަށް 75 ޕަސެންޓް މީހުން ތަބާވެއްޖެ ނަމަ، ސިއްހީ ނިޒާމަށް އޮބިނޯންނަ ވަރަށް ނުގޮސް ސަލާމަތްވުމުގެ ފުރުސަތު ބޮޑެވެ. އެއާ އެކު 50 ޕަސެންޓް މީހުން އަމަލުކުރާ ނަމަ ފަރުވާ ދިނުމުގައި ގޮންޖެހުންތަކެއް ކުރިމަތިވާނެ އެވެ. އެކަމަކު ފިޔަވަޅުތައް އަމަލުކުރަނީ އެންމެ 25 ޕަސެންޓް މީހުން ނަމަ، ބަލި ޖެހޭ އަަދަދު މަތިވެ، ބޮއްސުންލައިގެންދާނެ އެވެ.
އެ ހާލަތަކީ ރާއްޖޭގައި ފަރުވާ ދޭން ކިތަންމެ ގިނަ ޑޮކްޓަރުންނާއި ނަރުހުންނާއި ހޮސްޕިޓަލް އެނދާއި ވެންޓިލޭޓަރުތައް ހުއްޓަސް ނުތަކާނެ މިންވަރެވެ.
ރާއްޖެ އިން މިހާތަނަށް ކޮވިޑް-19 ގައި އެކަކު މަރުވެ 500 އަށް ވުރެން ގިނަ މީހުން ވަނީ ބަލި ޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަމްދަރުދީ
10 May 2020
ރައްޔިތުން ބިރުގެންނެވުމާ ހީލަތްތެރި ކަމުން ޔޫރަޕުގެ ތާއީދާމަދަދު ހޯދަން މިސްކިތްތައް ބަންދުކޮއްފަބަހައްޓަން ދީނާދެކޮޅު ގުރޫޕުގެ ރޭވުންތީ މިދަޑިވަޅުގައި ވެސް މިރާއްޖޭގަވެސް އިސްލާމްދީނާ ދެކޮޅައް އެތައް ޖަރީމާއެއްގެންދަނީ ހިންގަމުން އެކަމުގެ އަޑީގަ ހުރީ ދިވެހިންދުއް އެންމެ ކިބުރުވެރި މަކަރުވެރިޔާ..
ޙަސަން.
07 May 2020
ޤަބޫލެއް ނުކުރާނަން. ތި މޮޑެލްތަށް ފެއިލް.
ހަސަދު
06 May 2020
ދެން ރާްއޖެ ލޮކުން ސަލާމަތް ވާނީ ކޮންދުވަހަކުންތޯ. ވެކްސިނެއް ތައްޔާރު ވަންދެން ގޭގައިތޯ. ދެން އޮތީ މިސަރުކާރު ބަދަލު ވުން އެވެސް 3 އަހަރު އަބައޮތް. އަދި ކޮވިޑޭ ކިޔާފާ އިންތިޚާބުވެސް ނުބާއްވާނެ. މިގެނެވުނީ ވާސަރުކާރެއް. ބަލަ ކޮންމެވެސް ފޯމިއުލާ އެއް ނެރެން އެބަޖެހޭ ގައުމު ހުޅުވަން. އަމިއްލަ މަސައްކަތް ކުރާ އެންމެން ހަނާ ވަނީ. ވަޒިފާތައްގެއްލުނީ. މިހިރަ ކަންކަމަސް ވިސްނަން އެބަޖެހޭ. ދެން ބަންގާޅުންނަސް ރަށެއް ހިއްކަނިއްޔޯ. ބޯގޯސް ބަޔެއް މިއައީ.
ަލިކޮ ރަމް
06 May 2020
މީހަމަ ރައްޔިތުން ބިރުގެން ނެވުން! ބުނާ ހުރިހާ ގޮތަށް ހަދައިގެން 90% މީހުން އެތިބީ ބާކީ ތިބި މީހުން އެތިބީ ހިފާ ހައްޔަރު ކޮށްފަ ވީމާ މަގޭ ނަޒަރުގައި 1500 ޔަށްވުރެ މައްޗަކަށް ނުދާނެ ކުރިން ބުނި 10000 ހާސް ވަރު މަރުވާނެޔޭވެސް ވީމާ މޮޅަތި ހިސާބު ނަހަދާ ދުޢާ އަކީ ވީހާވެސް ކުޑަގޮތަކަށް މިކަން ނިމިގެން ދިޔުން
ތިލަފަޅު މޫސަ
06 May 2020
ޕޮސިޓިވާ މީހުނާ ޕޮސިޓިވް ނުވާމީހުން އެއް އިމާރެއްތެއްގައި ޓެސްޓް ނުކޮށް ކަރަންޓީނު ނުކޮށް ބަނދުކޮށްގެން ލައްކަ އަކަށް ވެސް އަރާފާނެ
ދެރަ
06 May 2020
ގޭގައި ތިބެން ސިއްހީ އެހީތެރިން އެގޮވާލަނީ ވަރަށްގިނަ ސަބަބުތައް ހުރެގެން. ޢަހަރެމެން ގައުމުގެ ސިޔާސީ މީހުން ގައުމު މާ މުއްސަދި ތަނަކަށް ހަދައިގެން ބިޔަ މުސާރަނެގިއަސް މިއީ ދަރަނިބޮޑު ގައުމެއް. ޢަދި ވަސީލަތްތައް މަދު ގައުމެއް އުފެއްދުންތެރިކަން ނެތް މަސައްކަތް ކުރަންނުކެރޭ ބަޔަކު އުޅޭތަނެއް. ވިސްނާލާ މާލޭގެ 2 ލައްކަ ބިދޭސީންނާ އެއްލައްކަ ދިވެހިންނަށް ހިދުމަތްދޭންތިބި ޑޮކްޓަރުން އެއްއަތުން ގުނާލެވޭހާ މަދު. ޓެސްޓްތައްހެދޭނެ ލެބޯޓްރީވެސްމަދު. ފައިސާ ލިބޭއިރު ކިރާކަމަކީ މަޖާކުރުން.
ފޫހި
06 May 2020
ސަރުކާރުން ކުރާކަންތައް ރަނގަޅު. ޢެކަމަކު މި ގައުމު ހިންގޭނީ ނިއުޒެންޑްގެ ބޮޑުވަޒީރުކަހަލަ ގަޓްހުންނަ މެނޭޖްކުރަންދަންނަ ލީޑަރަކަށް. ޥަކިވަކި ފަރުދުންނަށް އުސޫލުހަދާ ތަނެއްގަ ހިންގޭނީ ކޮބް ލޮކްޑައުންއެއް. ޢެއްފަހަރާ 27000 މީހުން މަގިތަކަށް ނުކުމެވޭގޮތަށް ފާސްދީ. ޙުރިހާ ބިދޭސީންނަށް ފާސްދީ ހެދީމަ އެއްކިލޯމީޓަރު ހަމަނުވާ ރަށެއްގަ ލައްކަ މީހުން މަދުވާނެ. ލޮކްޑައުންގެ ހަގީގީ ފައިދާ ނުކުރީ އެހެންވެ. ޜައްޔިތުންގެ ކެތްތެރިކަންވެސް ވަރަށްކުޑަ.
ބީރުބޭ
06 May 2020
6000 މީހުން ޕޮޒިތިވް ވެދާނެއޭ. އެހެންވިއްޔާ ރާއްޖޭގެ އެންމެން ދޮޅުމަސްދުވަހު ބޭރަށް ނުކުތަނުދީ, ރާއްޖޭގަ އޮތިއްޔާއޮތް ފައިސާއެއް ޚަރަދު ކޮށްގެން ތިޔަ ދަރުބާރުގޭގަ ދެއިރު ދެދަޅައަށް ނޫސް ކޮންފަރެންސް ބާއްވާފަ, ތިޔަ ކުރަނީ ހުސް މަސައްކަތަކަށް ވީނު. ކޮވިޑޭ ބުނީއްސުރެން ތިޔަ ހޭވުމެއް ތި ހާވަނީ.
ގޮށްމަސް ހިބަރު
06 May 2020
މިހާރުވެސް ތިވަރު އުޅުންގާތް! ކޮންސިސްޓެންޓްކޮށް ޓެސްޓް ނުކުރެވޭތީ ނުފެންނަނީ، ރަނގަޅަށް ޓެސްޓް ކުރަންފެށުނީމަ ފެންނާނެވާހަކަ ނުބުނެވިގެން ތިއުޅެނީކީއްވެތަ؟
ޑޯން
06 May 2020
ޑރ. ނަޒްލާ ވިދާޅުވި އިނގިރޭސިވިލާތުގެ އިމްޕީރިއަލް ކޮލެޖުން ތައްޔާރުކޮށްފައިވާ މޮޑެލްއަކަށެވެ. މީއަޅެ އިގިރޭސިންތަ.؟