ހަމާދު ސްކޫލްގެ ދަރިވަރުންތަކެއް: -- ފޮޓޯ: ހަމަދު ސްކޫލް ފޭސްބުކް
12 މެއި 2020 - 13:27
55 comments
ނިއު ނޯމަލްގައި ސްކޫލުތައް ކުރިއަށް ގެންދިއުމުގެ ޕްލޭން ހަދަމުން އަންނަ ކަމަށާއި ބައެއް ސްކޫލުތަކުގައި ހަތަރު ދަންފަޅި އަށް ވެސް ކިޔަވައިދޭން ޖެހިދާނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު އަލީ ރޭ ވިދާޅުވެއްޖެ އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައާ ބެހޭ ކޮމިޓީގައި، ކެލާ ދާއިރާގެ މެމްބަރު އިބްރާހިމް ޝަރީފް ކުރެއްވި ސުވާލަށް ޖަވާބުދެއްވަމުން މިނިސްޓަރު ވިދާޅުވީ ނިއު ނޯމަލްގައި ކިޔަވައިދޭން ފެށުމުން ސްކޫލުގައި ދަރިވަރުން ހޭދަކުރާ ވަގުތު ކުޑަވާނެ ކަމަށެވެ. ގިނަ ވަގުތު ހޭދަކުރާނީ ޑިސްޓެންސް މޯޑުގައި ކަމަށް ވިދާޅުވި އެވެ.
އޭނާ ވިދާޅުވި ގޮތުގައި، މާލޭގެ ހުރިހާ ސްކޫލެއް ކަހަލަ ގޮތަކަށް ދެ ދަންފަޅި އަށް ހިންގާއިރު، އެ ސްކޫލުތަކުގައި 2،000 އަށް ވުރެ ގިނަ ދަރިވަރުން އެބަ ތިއްބެވެ. ސްކޫލަށް ގެންގޮސް ވެސް ދުރުދުރުގައި މޭޒުތައް ބަހައްޓައިގެން ކިޔަވައި ދެވިދާނެ ކަމަށް ވިދާޅުވި އެވެ.
އެޑިއުކޭޝަން މިނިސްޓްރީގެ އާއްމު އުސޫލުގެ ދަށުން، ކްލާސް ރޫމެއްގައި ގިނަ ވެގެން ތިބެވޭނީ 32 ދަރިވަރުންނަށެވެ.
މާލޭގައި، މި އަހަރު އަލަށް ކިޔަވައިދޭން ފެށި އިއްޒުއްދީން ސްކޫލު ފިޔަވައި އެހެން ހުރިހާ ސްކޫލެއް ހިންގަނީ ދެ ދަންފަޅިއަށެވެ. އޭގެ އިތުރުން ހުޅުމާލޭގައި މިދިޔަ އަހަރު ކިޔަވައިދޭން ފެށި ހުރަވީ ސްކޫލުގައި ވެސް ކިޔަވައިދެމުން އަންނަނީ އެއް ދަންފަޅިއަށެވެ. ރަށްރަށުގެ ގިނަ ސްކޫލުތަކެއްގެ ކިޔެވުން ވެސް ވަނީ އެއް ދަންފަޅިއަށް ބަދަލުކޮށްފަ އެވެ.
"ނިއު ނޯމަލްގައި ކަން ކުރާނެ ގޮތެއް އަޅުގަނޑުމެން މިހާރު މި ދަނީ މަޝްވަރާ ކުރަމުން. އަޅުގަނޑުމެންނަށް އެބަ ފެނޭ ބައެއް ސްކޫލުތަކުގައި ހަތަރު ދަންފަޅި އަށް ވެސް ގެންދަން ޖެހޭ ތަން. ސްކޫލުގެ ވަގުތު ވަރަށް ބޮޑުތަން ކުޑަވެގެންދާނެ. ކުދިން ފޭސްޓު ފޭސްކޮށް މުދައްރިސާ ބައްދަލުކުރާނީ މަދު ވަގުތުކޮޅަކަށް. އަނެއްބައިގައި އަޅުގަނޑުމެން ލެސަން ނަގައިދޭނީ ޑިސްޓެންސް މޯޑުން،" މިނިސްޓަރު ވިދާޅުވި އެވެ.
ތޮއްޖެހުން ކުޑަކުރުމަށްޓަކައި ބެލެނިވެރިން ދަރިވަރުން ބަލާ ދިއުމާއި ސްކޫލަށް ގޮވައިގެން ދިއުމުގެ ވަގުތުތައް ވެސް ބަހާލައިގެން ހަމަޖެއްސުމުގެ ވިސްނުން އެބަހުރި ކަމަށް އޭނާ ވިދާޅުވި އެވެ.
"ނިއު ނޯމަލްގައި ކަން ކުރާނެ ގޮތެއް އަޅުގަނޑުމެން މިހާރު މި ދަނީ މަޝްވަރާ ކުރަމުން. އަޅުގަނޑުމެންނަށް އެބަ ފެނޭ ބައެއް ސްކޫލުތަކުގައި ހަތަރު ދަންފަޅި އަށް ވެސް ގެންދަން ޖެހޭ ތަން. ސްކޫލުގެ ވަގުތު ވަރަށް ބޮޑުތަން ކުޑަވެގެންދާނެ. ކުދިން ފޭސްޓު ފޭސްކޮށް މުދައްރިސާ ބައްދަލުކުރާނީ މަދު ވަގުތުކޮޅަކަށް. އަނެއްބައިގައި އަޅުގަނޑުމެން ލެސަން ނަގައިދޭނީ ޑިސްޓެންސް މޯޑުން،" މިނިސްޓަރު
މިނިސްޓަރު ވިދާޅުވީ، ރާއްޖޭގެ ގިނަ ޓީޗަރުންނަކީ ދަރިވަރުންނާ ދިމާވެގެން ނޫން ގޮތަކަށް ކިޔަވައިދޭން ތަމްރީނުވެފައި ތިބި ބައެއް ނޫން ކަމަށެވެ. އާ މޯޑަކަށް ކިޔަވައިދޭން އިތުރު ތަމްރީނުތައް ބޭނުންވާ ކަމަށް އޭނާ ވިދާޅުވި އެވެ. މިނިސްޓަރު އެ ތަމްރީނުތަކަށް ވެސް އެކި ދިމާލުން ފައިސާ ހޯދުމުގެ މަސައްކަތްތައް ކުރިއަށް ގެންދާ ކަމަށެވެ.
އޭނާ ވިދާޅުވި ގޮތުގައި އަލުން ސްކޫލުތައް ހުޅުވުމުގެ ކުރިން އަތް ދޮވެވޭނެ ވަސީލަތްތައް ގާއިމްކުރަން ވަނީ ފަށައިފަ އެވެ. ސްކޫލްތަކުގެ ގޭޓް ކައިރިން ދަރިވަރުންގެ ހުން ބެލުމުގެ ވިސްނުން ވެސް އެބަހުރި ކަމަށާއި އެކަމަށް ތާމޯ މީޓަރު ބޭނުންވާ ކަމަށް ހެލްތު މިނިސްޓްރީގައި އެދިފައިވާނެ ކަމަށް ވިދާޅުވި އެވެ.
ކޮވިޑް-19 އިން ރައްކާތެރިވުމަށް ސްކޫލުތައް ބަންދުކުރިތާ ދެ މަސް ވެގެންދިޔައިރު އެކަޑެމިކް ކަލަންޑަރަށް ވެސް ވަނީ ބަދަލުތަކެއް އައިސްފަ އެވެ. އެގޮތުން އޭ ލެވެލް އިމްތިހާނާއި އޯ ލެވެލް އިމްތިހާނު ފަސްކޮށް ފުރަތަމަ ޓާމުގެ ޓެސްޓް ވެސް ވަނީ ކުރިއަށްގެންދެވޭ ގޮތް ނުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޫހި
13 May 2020
މީހުންނަށް ހަސަދަވެރިވާކަށް ނުވާނެ. މިނިސްޓަގެ މައްސަލައެއްނެތް. މައްސަލައުޅެނީ އަހަރެމެންގެ ވިސްނުމުގަ. މިވަރުންކިހިނެއް ނިއު ނޯމަލްގަ އުޅޭނީ. ޢިހްތިރާމުކުރާކަށް ނޭންގޭ. ޢުސޫލަށް ތަބާވާކަށް އަދި އަނެކާއަށް ޖާގަދޭކަށްނޭންގޭ.
ވައަތުފުއްކިނބަ
13 May 2020
ރައްޔިތުންނޭވެ! މިވެރިންނަށް އެނގޭނީ މޮލެތި ވާހަކަ ދައްކާފައި ރައްޔިތުންގެ ލޮލުގައި އަނދުން އަލުވައި ދަޢުލަތުގެ ޙަޒާނާތައް ލޫޓުވޭނޭގޮތެއް ހޯދުން. ނިމިދިޔަ ސަރުކާރެކޭ މިސަރުކާރެކޭ މިޖެހުނީ ހަމަ އެއްތާކު. މި ސަރުކާރު ހީވޭ ވަކިން އަދި ދެތިން ދަރަޖަ ކުރީގަ އުލޭހެން. ކަލޯ ބޯ ހަލާކު! ވޯޓު ދެވުނު މޮޔަ މިހާރު ހިތައް އަރާ.
ކަނބިލި
13 May 2020
އަހަރެ މެންގެ ބަދު ނަސީބަކުން މި ދަނޑިވަޅުގައި ތައުލީ މާބެހޭ ވަޒީރަކަށް މިހުރީވެސް ނާގާބިލު މީހެއް. މީނާއަށް އެއްވެސް ކަ މެއް ކުރެވޭނެ ކަ މަކަށް ނުފެނޭ. ފަރި ދެއްކުން ނޫނީ
ދޭސީ ކަލޯ
13 May 2020
ނިއު ނޯ މަލްގަ ކުދިން ތިބެންވާނީ ގޮނޑިން ނުތެދުވެ؟އެކަން އެހެންވާނެބާ؟ ގްރޫޕްގައި ކިޔެވުމ މާ ޝެއަރކުރުން ނޯންނާނެ. ސެނިޓެއިޒް ކުރު މާ ޑިސްއިންފެކްޓް ކުރުން އެހާވަރަށް ކުރެވޭނެބާ؟ ސޯޝަލް ޑިސްޓެންސިންގެ އުޞޫލުތައް ޑިސިޕްލިން މައްސަލަބޮޑު ކްލާސްތަކުގައި ސްޓްރިކްޓްކޮށް ހިފެހެށްޓިދާނެބާ؟ ެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެ
ހަސަދު
12 May 2020
ތިޔަކަންވެސް ނުވާނެ. ޓީޗަރުންނަށް މުސާރަ އިތުރު ކުރާކަށް ސަރުކާރު އެއްބަހެއްނުވާނެ. ޓީޗަރުން ހިލޭ ސާބަހަށް 3 ދަންފަޅި ކިޔަވާދިނުން އެއީ ކުރެވޭނެ ކަމެއް ނޫން.
ޔައުނީ
12 May 2020
އަމަލީ މައިދާނުގައި ތިވަރަށް އަސްތުލީ ފެއިލްވާނީ ހަމަ އެއްވެސް ކަމެއް ނެތުމުންނެވެ. ޒާހިޔާ، ޝިފާ، އައިސްތު ޝިހާމު މެންނަކީވެސް އަންހެނުންނެވެ. އެކަމަކު އެއީ ވަރަށް ލީޑަރސިޕް ރަނގަޅު، ކަންކަން ކުރަންއެނގޭ ވަރުގަދަ ވަޒީރުންނެވެ.ކުދިބަޔެއްގެ މުސްތަގުބަލު ގެއްލުނަސް ރައީސް ހުންނަވާނީ ހަނުއެވެ. ކިތަންމެ ވަރެއްވިޔަސް ކެބިނެޓުން އަސްތުލީ ވަކިކކުރާނެގޮތެއް މިހާރަކުނެތެވެ. ގައުމާއި ކުދިންނަށް ހެޔޮ އެދޭނަމަ އަސްތުލީ އިސްތިއުފާ ދެއްވާށެވެ.
ބުރި ބޮޑު ޖިންނި
13 May 2020
މަޒުމޫނެއް ލިޔަނެެތަ؟ ނޫނީ ޕެރެގުރާފެއް ލިޔަނީތަ؟?? އެވެ ށެވެ ލައިގެން ކޮމެންޓް ބައިގަ ލިޔުނީމަ ވަރަށް އޮޑު!????
ޙަސަން އަޙްމަދު
12 May 2020
މި ކޮމެންޓު ކުރާ މީހުން މާ ރުޅިއެއް އައިސްގެން މި އުޅެނީ ކީއްވެބާ؟ ބަލިމަޑުކަމާ ތަދުމަޑުކަމާ ގުދުރަތީ ކާރިސާތަކާ ހަނގުރާމައިގެ ހާލަތްތަކަކީ ސަރުކާރާ ރައްޔިތުން ގުޅިގެން މަސައްކަތް ކުރަންވީ ހާލަތްތަކެއް. މުސްލިމުން ކަމުގައި ދައުވާ ކުރާ އިރު ބަނީ އިސްރާއީލަށް ދިމާވި ގިނަ މުސީބާތްތަކަކީ ޖަދަލު ގިނަވުމުގެ ސަބަބުން ދިމާވި ކަންތައްތަކެއްކަން އެތައް ވާހަކައަކުން މިސާލު ޖައްސަވާފައި ވަނީ އިބްރަތް ހާސިލް ކުރަން.
ޝިފާން
13 May 2020
ބްރޯ ބަނީ އިސްރާއީލް މީހުންނަކީ ސަރުކާރު. ޖަދަލުކުރަނީ އެ މީހުން.
ވީސީވީޕީ
12 May 2020
އައިސްތުލީ އަށް މިނިސްޓަރުކަން ދެއްވީ ކާކު ބުނެގެންތޯއެވެ.ނާގާބިލު މީހެއްގެ އަތްމައްޗަށް މުޅި ތައުލީމީ ނިޒާމު ދޫކޮށްލުމަށްވުރެ ބޮޑު ހަމަލާއެއް ތައުލީމީ ނިޒާމު ހަލާކުކޮށްލަން ދެވޭނެތޯއެވެ. ބަލިމަޑުކަމާއި ކާރިޘާތަކަކީ ވަކިމީހެއް ހުރުމުން ދިމާވާ ކަންކަމެއްނޫނަސް އެފަދަ ކަންކަން ދިމާވުމުން އެކަންކަން ކޮންމެ ކޮންމެ މީހަކަށް މެނޭޖު ނުކުރެވޭނެ ކަން އެއީ ސައްކެއްނެތް ކަމެކެވެ. އައިސްތުލީ އަށް އެދަނީ މީގެން އެއްވެސް ކަމެއް މެނޭޖު ނުކުރެވިގެންނެވެ.
އަންހެން
12 May 2020
މމީގެ މާނަ އަކީ ބައެއް ބެލެނިވެރިން 4 ފަހަރު ސްކޫލަށް ގޮސް އައިސް ހަދަން ޖެހިދާނޭ. އެކަ މުގެ ސަބަބުން މަސައްކަތަށް ދާ ބެލެނިވެރިންނަށް ވަޒީފާއިން ނުކެނޑި ކެތްވާނެބާ؟
އޮނަރަބްލް އަފީފު ދީދީ
12 May 2020
ކޮވިޑް 19 ކުރިއަށްއޮތް ދޮޅު އަހަރެއްހާ ދުވަހު މިފަދަ ގޮތަކަށް ދެމިއޮންނާނެކަމަށް ކަމުގެ ތަޖުރިބާކާރުން ބުނާކަން ވަޒީރަށް އެގިނުލައްވަނީތީ؟ # މާލޭގައި ކުދިންނަށް ކިޔަވާދިނުމަށް ތިބި އެތައް އާއިލާއަކަށް ކުލިދެއްކޭނެގޮތެއްނެތިގެން އެމީހުންގެ ރަށަށް ބަދަލުވަމުންދާތީ "ގަދަކަމުން އެމީހުން މާލޭގައި ހިފެހެއްޓުމަށް" ނުވިސްނަވާ އެމީހުނަށާއި އެމީހުންގެ ދަރިންނަށް ރަށުގައި ހަމަޖެހިލައިގެން ދިރިއުޅެވޭނެ ގޮތެއްހޯދާދީ ރަށު ސްކޫލްގެ ފެންވަރު މަތިކޮށްދެވޭތޯ މަސައްކަތްކުރައްވާ.