މައުމޫން މިއަދު ނޫސްވެރިންނާ ވާހަކަފުޅު ދައްކަވަނީ -- ފޮޓޯ: މުހަންމަދު ޝަރުހާން/ މިހާރު
16 އޮކްޓޯބަރ 2016 - 14:42
16 comments
ޕީޕީއެމްގެ މައްސަލާގައި ސިވިލް ކޯޓުން މިއަދު ކޮށްފައިވާ ހުކުމް އައީ "ވަރަށް ދެރަ ގޮތަކަށް" ކަމަށާއި އެ ހުކުމް ގަބޫލު ނުކުރައްވާ ކަމަށް ޕާޓީގެ ރައީސް އަދި ކުރީގެ ރައީސް މައުމޫން އަބްދުލްގައްޔޫމް ދެންމެ ވިދާޅުވެއްޖެ އެވެ.
ޕާޓީގެ ރައީސްގެ މަސްއޫލިއްޔަތުތައް، ކައުންސިލް ބައްދަލުވުމެއް ބޭއްވެންދެން ޕާޓީގެ މުސްތަޝާރުގެ މައްޗަށް ބަދަލުކުރި ހުކުމާ ބެހޭ ގޮތުން މައުމޫން ވިދާޅުވީ އެ ހުކުމް އިސްތިއުނާފު ކުރައްވާނެ ކަމަށެވެ. އަދި އިސްތިއުނާފުން ގޮތެއް ނިމެންދެން އެއަށް އަމަލު ނުކުރުމަށް މައުމޫން ވަނީ އެދިވަޑައިގެންފަ އެވެ.
"އެއީ ކޮންމެ މީހަކަށް ލިބިފައި އޮންނަ ހައްގެއް،" އިސްތިއުނާފަށް އިޝާރާތް ކުރައްވާ މައުމޫން ވިދާޅުވި އެވެ.
މައުމޫން ވިދާޅުވީ ސިވިލް ކޯޓުގެ ޝަރީއަތް ޝެޑިއުލް ކޮށްފައި އޮތީ މިއަދު ތިނެއް ޖަހާއިރަށް ކަމަށާއި އެކަމަކު ހުކުމް އައީ ކުއްލިއަކަށް ކަމަށެވެ.
މައުމޫން ވިދާޅުވީ ކޯޓުގެ ހުކުމުގައި ބުނެފައި އޮތީ ޕާޓީގެ ހިންގުން މުސްތަޝާރާ ހަވާލު ކުރަން ކަމަށާއި އެކަމަކު ޕާޓީގެ އަސާސީ ގަވައިދުގައި ބުނެފައިވާ ގޮތުން އެ މަގާމަކީ ޕާޓީ ހިންގުމުގައި އެއްވެސް ދައުރެއް އޮތް ފަރާތެއް ނޫން ކަމަށެވެ.
ޕާޓީގެ ރައީސް މަގާމުން ވަކިކުރެވޭނެ ގޮތްތައް އަސާސީ ގަވައިދުގައި ބުނެފައި އެބައޮތް ކަމަށާއި، އެ މާއްދާތައް ވަކިވަކިން ވިދާޅުވެ މައުމޫން ވިދާޅުވީ އެއިން އެއްވެސް ހާލަތެއް އަދި ދިމާވެފައި ނެތް ކަމަށެވެ.
"ކުރިން ވެސް ދެންނެވިހެން ޕާޓީގެ މުސްތަޝާރަކީ ރައީސުލްޖުމްހޫރިއްޔާ. އެއްވެސް ގައުމެއްގައި ޕާޓީ ހިންގާ ފަރާތަކީ ރައީސުލްޖުމްހޫރިއްޔާއެއް ނޫން،" މައުމޫން ވިދާޅުވި އެވެ. "މިއީ ކޯޓަށް ދާން ޖެހޭ ކަމެއް ނޫން. ކޯޓުގެ އިހުތިސާސްގެ ތެރޭގައި އޮންނަ ކަމެއް ވެސް ނޫން. ކޯޓަށް އަޅުގަނޑު އިހުތިރާމު ކުރަން. އެކަމަކު އެ ނިންމުން އަޅުގަނޑު ގަބޫލެއް ނުކުރަން."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފީ
16 October 2016
ހެޔޮނުވާނެ ރައީސް މައުމޫން ދެން ގެއަށް ވަޑައިގަންނަވާ! ފުދިއްޖެ ރައީސް ޔާމީނަށް ފުރުސަތުދީ!
ގިވްއިން
16 October 2016
ހާދަ ދެރަވެއްޖޭ އޯސަމް ޓައިޓޭނިއަމް ޕްލޭޓަޑް ލިޓްލްސިންގަޕޫރުގައި މިކަހަލަ ފީކުދާނު ކަންތައްކުރާތީ. މިޒާތުގެ ކަންތައް ކުރާތަން ފެންނާނީ ކިއްލި ތަޅާ ގްރޫޕްތަކުގައި ކަމަށްހީކުރެވުނީ.
ޙަސަންބެ
16 October 2016
މަނިކުފާނު ހިތްޕުޅަށް އަރައިވަޑައިގަނޭތޯ އަދުލުވެރި ޖުޑިޝަރީ ނިޒާމެއް ގާއިމް ކުރެވުނު ނަމައޭ! މިއީ މަނިކުފާނު އަޅުއްވައި ދެއްވި ބިންގާ! މިފެންނަނީ އޭގެ ހިތިކަން!
ލަބީދު
16 October 2016
ބަނާނާ ރިޕަބްލިކް
ބާރު
16 October 2016
މިރައީސް އަބަދުވެސް ބަގާވާތް ކޮއްފައި ކޯޓްން ހަލާލު ކޮށްލައްވަނީ، އަބަދަކު ތިޔަހެންވެސް ނޫޅެވޭނެ
ހެޔޮއެދޭ
16 October 2016
ޒައީމު ތިއުޅުއްވާ ގޮތުން ހިތާމަކުރަން. ނަޝީދާ އެއް ފެންވަރަށް މަނިކުފާނުގެ އުޅުއްވުން ބެހެއްޓެވީމަ ކަމަކު ނުދާނެ. ގޮތް ދޫކުރައްވާ އަދިވެސް އެއްބަވަންތަކަން ދެމެހެއްޓި ދާނެ
ވަސީމު
16 October 2016
ދެން އެހެން ވިއްޔާ ދާންވީނު އިންގިރޭސި ވިލާތައް؟
ބީރުބޮލު ވަޒީރު
16 October 2016
މައުމޫނު އެއްވެސް ވަރަކަށް ހާސްވެފައި ހުރި ފާޑެއް ނުޖަހާނު.މާނަޔަކީ އަރާނެ ގޮޅި ހުސްވީކީ ނޫނޭ. މިހާރު މަށަށް ވެސް ކަމުގޮޮއްސި. އިންޝާﷲ މަނިކުފާނަށް ކާމިޔާބީ އެދެން.
ބިލްބެ
16 October 2016
ނައިފަރު ދާއިރާގެ މެންބަރު އަހުމަދު ޝިޔާމުގެ ލަދުގެ ކަންފުޅެއްވެސް ނެތީތޯ މައުމޫނު ގޮވައިގެން ކޯޓަށްދީން؟ އެހެންނުވާނީ ގޮނޑިވެސް ހޯދަދިނީ ކޯޓުންވިޔަ..
ވިސްނާ
16 October 2016
މަޖިލީހުގެ މެމްބަރުން ކޮޅެއް ޔާމީނުގެ ފަހަތުން ނެންޓެނިކޮށް މި ހުރިހާ ކަމެއް ހަމަޔަކަށް އެޅޭނެއެވެ. ގައުމުދެކެލޯބިވާ އިހްލާސްތެރި އަމިއްލަ އެދުމެއްނެތް ޕީޕީއެމް މަޖިލިސް މެމްބަރުން މައުމޫނު ފަހަތަށް އެރުމާއެކު ޔާމީނު ސައިބޯނި ބޮއްކެއްގޮތަށް ނިމިދާނެއެވެ. ވެރިކަމުގައި ހުއްޓަސް އާރެއް ބާރެއް ތާއީދެއް ނުއޮންނާނެވެ. އެ ހިސާބުން ކުޅިވަރު ނިމި ޔާމީނަށް ޖެހޭނީ މައުމޫނުގެ ބަސް ގަބޫލު ކުރާށެވެ. އަދި ޕީޕީއެމްގެ ކަންކަން ހަމައަކަށްއެޅި ވަރުގަދަވެެގެން ދާނެއެވެ.