ޑިފެންސް މިނިސްޓަރު މާރިޔާ އާއި ޗީފް އޮފް ޑިފެންސް ފޯސް ޝަމާލް: ކޮވިޑް-19 އާ ގުޅިގެން އެމްއެންޑީއެފް އިން ޚަރަދުކުރީ ރަނގަޅަށް އޮޑިޓް ރިޕޯޓުގައިވޭ -- ފޮޓޯ/މިހާރު
18 އޯގަސްޓް 2020 - 17:27
26 comments
ކޮވިޑް-19 އާ ގުޅިގެން އެމްއެންޑީއެފުން ޚަރަދުތައް ކޮށްފައިވަނީ ގާނޫނާ އެއްގޮތަށް ކަމަށް އޮޑިޓް ރިޕޯޓުގައި މިއަދު ބުނެފި އެވެ.
ކޮވިޑާ ގުޅިގެން ކުރަމުންދާ ޚަރަދުތަކުގެ އޮޑިޓެއް ހަދަން ރައްޔިތުންގެ މަޖިލީހުން ފާސް ކޮޮށްފައިވާތީ، އޮޑިޓާ ޖެނެރަލް ހަސަން ޒިޔަތު ގެންދަވަނީ އެފަދަ އޮޑިޓްތައް ހައްދަވަމުންނެވެ. މިހާތަނަށް ނެރުނު ހެލްތް މިނިސްޓްރީ އާއި ޓޫރިޒަމް މިނިސްޓްރީގެ އޮޑިޓުން އެނގުނު ގޮތުގައި ކޮވިޑާ ގުޅިގެން އެ ދެ މިނިސްޓްރީގެ ޚަރަދުތަކުގައި ބޮޑެތި މައްސަލަތަކެއް ހުއްޓެވެ. އެކަންކަން ތަހުގީގު ކުރަން ވަނީ ފަށައިފަ އެވެ.
އޮޑިޓާ ޖެެނެރަލް ހަސަން ސޮއި ކުރައްވައި، ނެރުއްވި އެމްއެންޑީއެފްގެ އޮޑިޓް ރިޕޯޓުގައިވާ ގޮތުން ކޮވިޑް-19 އާ ގުޅިގެން އެމްއެންޑީއެފުން ޚަރަދުކުރަން ކަނޑައެޅި 17 މިލިއަން ރުފިޔާގެ ތެރެއިން މިހާތަނަށް ޚަރަދުވީ 5.2 މިލިއަން ރުފިޔާ އެވެ. ބާކީ 11.8 މިލިއަން ރުފިޔާ ހުރި ކަމަށް އެ ރިޕޯޓުގައިވެ އެވެ.
އޮޑިޓު ރިޕޯޓުގައި، އޮޑިޓާ ޖެނެރަލް ހަސަން ވިދާޅުވި ގޮތުގައި، ކޮވިޑް-19 އާ ގުޅިގެން އެމްއެންޑީއެފްުންން ޚަރަދު ކޮށްފައިވަނީ މާލިއްޔަތު ގާނޫނާއި މާލިއްޔަތު ގަވާއިދާއި ފިނޭންސް މިނިސްޓްރީގެ އެންގުންތަކާ އެއްގޮތަށެވެ.
ރިޕޯޓުގައިވާ ގޮތުން، އެމްއެންޑީއެފުން ކޮވިޑް-19 އާ ގުޅިގެން އެންމެ ބޮޑު ޚަރަދެއް ކުރީ ކަނޑު އުޅަނދުތަކަށް ތެޔޮ އެޅުމަށެވެ. އެއީ 3.2 މިލިއަން ރުފިޔާ އެވެ. މަރާމާތު ކުރުމާއި ބެލެހެއްޓުމަށް އެއް މިލިއަން ރުފިޔާ ޚަރަދުކުރި ކަމަށް ރިޕޯޓުގައިވެ އެވެ.
ހެލްތް މިނިސްޓްރީގެ އޮޑިޓް ރިޕޯޓުގައި ވެންޓިލޭޓަރު ގެންނަން ހަވާލު ކުރުމުގައި ބޮޑެތި މައްސަލަތަކެއް ފާހަގަކޮށްފައިވާތީ، އެކަންކަން ތަހުގީގު ކުރަން ފެށުމުން ހެލްތު މިނިސްޓަރު އަބްދުﷲ އަމީން ވަނީ އަމިއްލަ އަށް މަސައްކަތުން އެކަހެރިވެވަޑައިގެންފަ އެވެ. އަދި އެ މިނިސްޓްރީގެ ބިޑް ކޮމެޓީގެ މެމްބަރުންނާއި ބައެއް އިސްވެރިން ވަނީ ސަސްޕެންޑް ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒޮލްޓަން
19 August 2020
ސަރުކާރުގަ ތިބި އެމް.ޑީ.ޕީ ގެ މިނިސްޓަރުން ތިބި އެއްވެސް ވުޒާރާއެއް ވައްކަން ކުރިއަސް ބަލާނެ އޮފީހެއް ދިވެހިރާއްޖޭގަ އެބަހުރިތޯ؟ މިހާރު މިއުޅެނީ ކޯލިޝަން ބޭރުކުރުމުގެ މަރުހަލާތޯ؟
ސާނީޒް
19 August 2020
ރިސޯޓް ތަކުގައި ކަރަންޓިން ފެސިލިޓީ ތަށް ބަލަހައްޓަން ތިބެނީ އެމްއެންޑީއެފް އެކަމަކު ކުރާ މަސައްކަތެއް ކުރަނީ ބަނގްލަދޭސް މީހުން. މ. މެދުފުށި ފެސިލިޓީ ބައްލަވާ މީ ދޮގެއްތޯ
ދަރަނި ދަންތުރަ
18 August 2020
ދުއްރަދައިތަ ހާދަ ހެވިފައި ކޮބަތޯ ތެލުލި ރިހާކުރުފުޅި
އެހެންތަ
18 August 2020
އޭސީ ސީ ބުނީމަ ގަބޫލު ކުރާނީ ހެހެހެ
ޢިބޫ
18 August 2020
އިކޮނޮމިކް މިނިސްޓްރީ އާ އެސް އެމް އީ ބޭންކް އޮޑިޓް ކުރަން ކެރޭނެ ބާ؟
ޑީއެފް
18 August 2020
ޑީއެފްގެ ޚަރަދުތައް ބަރާބަރަށް ބަލަހައްޓައި ލިޔެކިޔުންދިމާކޮށް، އެޖެންޓުންގެ ޚަރަދުތަކަށް އެހީތެރިކަންދީ ޤައުމީ ސަލާމަތަށް އިންޑިއާގެ ލަފާގެމަތިން ޚަރަދުތައް ބައްޓަންކުރުމުން ދެންވާންވީގޮތްމިއޮތީ ފެންނަން.ތިޔަ ހުރިހާ ޔުނިފޯމަކީވެސް ދައުލަތުގެ ބަޖެޓާއި މުދަލާއި ޢާމުރައްޔިތުންގެ ފައިސާއަށް ކޮންމެ ދިމާލަކުން އިހްމާލުވިޔަސް، ރައްޔިތުންނަށް އަތްނުލެވޭ އެމުދާ ރައްކާތެރިކުރުމުގެ ޒިންމާއާއި ޤާނޫނީވާޖިބާއެކު ފަހާފައިވާ ޔުނިފޯމްތަކެއް.
މުލޭ
18 August 2020
އެމްއެންޑީއެފަކީ ތަފާތު ޙާލަތްތަކުގައި ޚަރަދުކުރަންޖެހޭ ބައެއް. ނޯމަލް ޙާލަތުގައި އެއްވެސް މައްސަލައެއް ނުޖެހޭނެ. އިމަރޖެންސީ ޙާލަތުގައި ވެސް ބަރާބަރަށް ޕްރޮސީޖަރތައް ފޮލޯކުރާނެ ކުއްލި ޙާލަތުގައި ވަގުތުން ވަގުތަށް ވެސް ޚަރަދު ކުރަންޖެހޭ ފަހަރު އަންނާނެ.
ނެގުނުކަތީބު
18 August 2020
އެ އީ ތި ދެމީހުންގެ މޮޅުކަމެ އްނޫން. އެ އީ ތި ތަނުގެ މޮޅު މު ަަަަަަ އްޒަފުންގެ ބުރަ މަސަ އްކަތް
ބޯނެތް ކަތީބު
18 August 2020
ރަގަޅަށް ކަމެއް ކޮށްފިއްޔާ އެއީ އެތާގެ ވެރިންނެއް ނޫން. ގޯސްކޮށް ކަމެއް ކޮށްފިތަ އެއީ ވެރިން! ކަލޭ މޮޅު އިގޭ!
ބޯނެތް
19 August 2020
ބޯނެތް ކަތީބު އަޅެ ބަލަންވީނު އެދާއިރާއަށް އެމްޑީޕީ މިނިސްޓަރަކު އައިސްގެން ކޮންކަމެއްތޯ އޭނާ ރަގަޅުކުރީ. ޔަގީނުންވެސް އެނގޭ އެއްޗަކީ މިނިސްޓަރަށް ހުރިހާ އެއްޗެއް ކިޔައިދޭނީ އެތަނުގަ ކުރިން ތިބި މީހުންކަން. މިނިސްޓަރަކީ އެއްވެސް އިރެއްގަ އެދާއިރާގަ އުޅުނު މީހެއްނޫން. އެދާއިރާއާ ބެހޭ ގޮތުން އެނގޭނެ މާބޮޑު ކަމެއް ނޯންނާނެ އެމަގާމަށް އައުމުގެ ކުރިން.
ޑޮކްޓާރ. ބަނާނާ
18 August 2020
"ސޯ" މެން ނަކީ އަބަދުވެސް ގަވާއިދު ތަކާއި އެއްގޮތަށް ފައިސާ ޙަރަދުކޮށް އުޅޭ ބޭފުޅުން ! އެބުނާ ވެންޓިލޭޓަރު ގެންގުޅުނު "ގަނޑުވަރު ސޮރުގެ" ތިޖޫރީއާ ޖީބުދަބަސް، އަތްދަބަސް ވީތަނެއް ތިޔާ ކުދިން އަޅޭ ހޯދާލަދީބަލަ.! ބަނާނާ/ މައިކާލޯ ސިޓީ
ބަބުރުލް ސަލީމް
18 August 2020
ދެން އެމްއެނޑީއެފުން ކޮންކަމެއްތަ ކުރަންއޮންނާނީ. މީ ހެލްތު ކުރައިސިސްއެއްވިއްޔަ.
ޢަޙްމަދު.
18 August 2020
ބަބަރުލް ސަލީމް ހުރިހާ ކަމެއްވެސް ކުރީ! ޢެހެން އެއއްވެސް މީހަކު އެއްކަމެއްވެސް ނުކުރޭ! ހިތްހަމަޖެހިއްޖެތަ؟
އިއްބެބްރޯ121
19 August 2020
މިއީ ހަމައެކެނި ހެލްތު ކްރައިސިސް އެއް ނޫން ގްލޯބަލް ކްރައިސިސްއެއް. ހެލްތް މިނިސްޓްރީ އެކަނި އުޅެގެން މިކަމުން ސަލާމަތް ނުވާނެ. ހުރިހާ އިދާރާތަކެއް ގުޅިގެން މަސައްކަތް ކުރަންޖޭހޭނީ. ބަބުރުލް ސަލީމު މެންނަށް އަދި ނުވިސްނެނީ. ދުނިޔޭގެ އެހެން ޤައުމުތަކުގައިވެސް ސަލާމަތީ ބާރުތަކުން މިފަދަ ޕެންޑަމިކް ތަަކުގައި ހަރަކާތްތެރިވާނެ. ހަނގުރާމައިގެ އެކި ވައްތަރު ހުރޭ ބްރޯ.