ދަރަނީގެ މައްސަލައިގައި ކުރީގެ ލީޑަޝިޕަށް ދައުވާކުރާނަން: ޑީއާރްޕީ

ޑީއާރުޕީގެ ކުރީގެ ޒައީމް އަދި ކުރީގެ ރައީސް މައުމޫނާއި ޑީއާރްޕީގަައި ކުރިން އިސްކޮށް އުޅުއްވި ބައެއް ބޭފުޅުން އެމްއާރްއެމް އުފެއްދުމުގެ ޖަލްސާގައި ބައިވެރިވެވަޑައިގަންނަވަނީ. ކުރީގެ ލީޑަޝިޕަށް ދައުވާކުރާނެ ކަމަށް ޑީއާރްޕީން މިއަދު ބުނި-- ފޮޓޯ: ހުސައިން ވަހީދު/މިހާރު

މުހައްމަދު ނަސީމް، މިހާރު

13 އޮކްޓޯބަރ 2020 - 15:58

15 comments

ކުރީގެ ރައީސް މައުމޫނު ފުރަތަމަ އުފެއްދެވި ސިޔާސީ ޕާޓީ ކަމަށްވާ ދިވެހި ރައްޔިތުންގެ ޕާޓީ (ޑީއާރުޕީ) އިން ކުރިން އަަދާނުކޮށް ހުރި ދަރަނިތަކުގެ ބިލްތައް މިހާރު ވެސް އަންނާތީ އޭރުގެ ވެރިންނަށް ދައުވާކުރަން ނިންމާފައިވާ ކަމަށް އެ ޕާޓީން މިއަދު ބުނެފި އެވެ.

ޑީއާރުޕީން 2007 ވަނަ އަހަރު ކޮށްފައިވާ ދަތުރުތަކެއްގެ އަގަށް ދައްކަން ޖެހޭ 24،000 އަށް ވުރެ ގިނަ ޑޮލަރު ހޯދަން ސަންލޭންޑް ޓްރެވެލްސްް އިން ފޮނުވާފައިވާ ކަމަށް ބެލެވޭ ބިލަކާ އެކު ކުރި ޓްވީޓެއްގައި ބުނީ ޕާޓީގެ އޭރުގެ ޒައީމް، ކުރީގެ ރައީސް މައުމޫނު އަބްދުލް ގައްޔޫގެ ލީޑަޝިޕްގައި ތިއްބެވި ބޭފުޅުން ޕާޓީ ދޫކޮށް ދިޔައީ މެމްބަރުންގެ ބޮލުގައި ދަރަނި އަޅުވާފައި ކަމަށެވެ. އެ ދަރަންޏަށް އެ ބޭފުޅުން ޒިންމާކުރުުވަން ދައުވާކުރާނެ ކަމަށާއި އެކަމުގައި ގޮތެއް ނިންމަންދެން ބިލްތައް ދެއްކުން ހުއްޓާލައިފާ ކަމަށް ވެސް ޓްވީޓްގައި އެޕާޓީން ބުންޏެވެ.

ebeyfulhaage machchah dhauvaa kuran #DRP ge Council in ninmaifi. Adhi mimassala ah gotheah nimendhen mihurihaa dharani dhekkun madu jassaalanves council ge iththifaagun vanee ninmaifaa. Adhi mifadha beyfulhun #MRM ge namugai party hadhaa, misarukaaruge coalitiongai 2/3
— DRP (@drpmaldives) October 13, 2020

"އަދި މިފަދަ ބޭފުޅުން އެމްއާރްއެމްގެ ނަމުގައި ޕާޓީއެއް ހަދައި މި ސަރުކާރުގެ ކޯލިޝަނުގައި ބައިވެރިިކޮށްގެން އުޅޭ އުޅުން ޑީއާރްޕީން ކުށްވެރިކުރަން،" ޑީއާރްޕީން ކުރި ޓްވީޓްގައި ބުންޏެވެ.

ޑީއާރުޕީން ކުރިދަތުރުތަކަަށް ދައްކަން ޖެހޭ ފައިސާގެ ބިލެއްގެ ގޮތުގައި ޓްވީޓްގައި ހިމަނާފައިވާ ލިޔުން އެޑްރެސްކޮށްފައި އޮތީ އެޕާޓީގެ މިހާރުގެ ލީޑަރު، އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރަށެވެ.

ޑީއާރްޕީގެ ލީޑަރު އަދި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު. ކުރީގެ ލީޑަޝިޕަށް ދައުވާކުރާނެ ކަމަށް ޑީއާރްޕީން ބުނި-- ފޮޓޯ: އަހުމަދު އަވްޝަމް އިލިޔާސް/ މިހާރު

ޑީއާރުޕީއަކީ ރާއްޖެއަށް ފުރަތަމަ މަލްޓިޕާޓީ ނިޒާމު ތައާރަފްކުރި އިރު އެންމެ ފުރަތަމަ ރަޖިސްޓްރީކުރި ޕާޓީ އެވެ. އެޕާޓީ އުފެއްދެވީ އޭރުގެ ރައީސް މައުމޫނު އިސްކޮށް ހުންނަވައިގެންނެވެ. އެޕާޓީގެ ކެންޑިޑޭޓްގެ ގޮތުގައި 2007 ވަނަ އަހަރުގެ ރިޔާސީ އިންތިހާބުގައި ވާދަކުރައްވައި، މައުމޫނަށް ނާކާމިޔާބުވެވަޑައިގެންނެވުމުން ޕާޓީގެ ލީޑަޝިޕުން ވަކިވެވަޑައިގެންނެވި އެވެ. އޭގެ ފަހުން އެ މަނިކުފާނުގެ ރަނިންމޭޓް އަދި ކުރީގެ ހޯމް މިނިސްޓަރު އަހުމަދު ތަސްމީން އަލީ އެ ޕާޓީ ހިންގަވަން އުޅުއްވި އެވެ. އެކަމަކު މައުމޫނު އެނބުރި ސިޔާސީ މައިދާނަށް ވަޑައިގެން ޕާޓީ ދެބައިކުރައްވައި، ޕީޕީއެމް އުފެއްދެވި އެވެ.

ރައީސް މައުމޫން އަބްދުލްގައްޔޫމް ސިޔާސީ ޕާޓީ ތަސްމީން އަލީ ޑީއާރުޕީ މެމްބަރު އަބްދުﷲ ޖާބިރު (ކާށިދޫ)

15 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

14 October 2020

އަދިވެސް ތަނެއް އޮތިއްޔާ ބޯކޮއްޕާލާތި، ރީއްޗަށް ތިއްބަކާ ބިލްތަކެއްނާންނެ މިޖާބިރު ހިތުން މިނަޔަށް ހުރިހައި ކަމެއް ކޯޓުން ނިންމޭނެ، މިއީދެން ކާކުތަ؟ ހިތާމަޔަކީ މިފަދަ މީހުންގެ ފަހަތުންވެސް ބޮޑެތިސިންގާ މީހުން މީނަޖައި ބެރަށް ނަށަން އެބުރޭތި