ބޭންކް އޮފް ސިލޯން ކައިރިން ފައިސާ ފޭރެން މަސައްކަތްކުރި މަންޒަރު ފެންނަ ވީޑިއޯއަކުން ނަގާފައިވާ މަންޒަރެއް.
28 އޮކްޓޯބަރ 2020 - 17:31
2 comments
"ރޫޓް" ފިހާރަ އިން ބޭންކް އޮފް ސިލޯން (ބީއޯސީ) އަށް ޖަމާކުރަން ގެންދިޔަ ފައިސާތައް ފޭރެން އުޅުނު އިތުރު މީހަކު މިއަދު ހައްޔަރު ކޮށްފި އެވެ.
މިދިޔަ އާދިއްތަ ދުވަހު ފައިސާތައް ފޭރިގަންނަން އުޅުނު މައްސަލައިގައި ރޭ ވެސް ވަނީ މީހަކު ހައްޔަރުކޮށްފަ އެވެ. އެއީ 20 އަހަރުގެ ޒުވާނެކެވެ.
ފުލުހުން މިއަދު ބުނީ އެ މައްސަލައިގައި ހައްޔަރު ކުރީ 21 އަހަރުގެ މީހެއް ކަމަށެވެ. އޭނާ ހައްޔަރު ކުރީ ކޯޓު އަމުރެއްގެ ދަށުންނެވެ. އެކަމަކު އެކަމާ ގުޅޭ އިތުރު ތަފްސީލެއް ފުލުހުން ނުދެ އެވެ.
ހެލްމެޓު އަޅައި މޫނު ނިވާކޮށްގެން ތިބި ބަޔަކު ހިންގަން އުޅުނު އެ އަމަލު ހުއްޓުވީ ބީއޯސީގެ ސެކިއުރިޓީ ގާޑުންނެވެ.
ސޯޝަލް މީޑިއާގައި ބައެއް މީހުން އާއްމުކޮށްފައިވާ ވީޑިއޯތަކުން ފެންނަ ގޮތުގައި ފައިސާތައް ފޭރެން މަަސައްކަތްކުރީ ދެ ސައިކަލެއްގައި ދިޔަ ބައެކެވެ. ރޫޓުގެ ވޭން ބީއޯސީ ކުރިމައްޗަށް މަޑުކުރި އިރު އެ ގްރޫޕްގެ މީހުން ވެސް ވޭނުގެ ކުރިމައްޗަށް ވާ ގޮތަށް މަޑުކުރާތަން އެ ވީޑިއޯ ތަކުން ފެނެ އެވެ. ވޭނުގެ ތެރެއިން ނެރުނު ފޮށިގަނޑެއް އަތުލައިގެން ދާން އުޅެނިކޮށް، އެކަކު ވެެއްޓޭ މަންޒަރާއި ބޭންކްގެ ގާޑުން އެ މީހާގެ އަތުން ފޮށިގަނޑު އަތުލާ މަންޒަރު ވެސް އާއްމުކޮށްފައިވާ ވީޑިއޯތަކުން ފެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންއަލީ
29 October 2020
ކޯޓުން ދޫކޮށްނުލާނެބާ
އަރުވާލި އާދަނުގެ ސިޔާސީ ހާސަރު
28 October 2020
ތިޔަ " ގްރީންޒޯން " އަށް 7 ފެބް 2012 އައިމާވެސް އިބްރަތެއް ނުހޯދި ދައުލަތުން. ތިޔަ ޒޯން ސެކިއުރިޓީ އޮތީ ތިޔަގޮތަށް ކަމަށް ވަންޔާ ރައީސް އޮފީސް ދޮރުމައްށްޗަން ދުއްވާ އެއްޗެއް މަޑުކޮށް ( ތެޔޮނާށި ކާޅު ގެންދާ ) ވަރުގައި ނޫންތޯ ތިޔަ ގްރީންޒޯން ތިޔަ އޮތީ؟ މަދެން ލަދުން ހަލާކު