ޚަބަރު / ކޮވިޑް-19

ކޮވިޑް ކޭސްތައް މަދު ދުވަހެއް: ޕޮޒިޓިވްވީ 14

ލޮކްޑައުންއަށް ފަހު މާލެ އާއި ވިލިމާލެ އާއި ހުޅުމާލޭގެ މިސްކިތްތައް ހުޅުވާލި ދުވަހު މީހަކު މިސްކިތުގައި ނަމާދުކުރަނީ-- ފޮޓޯ: ނިޝާން އަލީ / މިހާރު

އާމިނަތު ޝިފްލީން, މިހާރު

28 ނޮވެމްބަރ 2020 - 23:07

11 comments

ކޮވިޑް-19ގެ ހާލަތު ރާއްޖެ ގޯސްވެ، މާލެ ލޮކްޑައުން ކުރި ފަހުން އެ ބައްޔަށް އެންމެ މަދުން މީހުން ޕޮޒިޓިވްވި އެއް ދުވަހަކީ މިއަދު ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފި އެވެ. ބަލި ޖެހިގެން މިއަދު ރިޕޯޓުކޮށްފައިވަނީ 14 މީހުންނެވެ.

އެޗްޕީއޭން މިރޭ ނެރުނު ތަފާސް ހިސާބުތަކުން ދައްކާ ގޮތުގައި 1،816 ސާމްޕަލްގެ ތެރެއިން މާލޭން ކޮވިޑަށް ޕޮޒިޓިވްވީ އެންމެ އަށް މީހުންނެވެ. މިއީ ވެސް މި ފަހުން ރެކޯޑް އަދަދެކެވެ. މީގެ އިތުރުން މީހުން ދިރިއުޅޭ ދެ ރަށަކުން ދެ މީހުން ޕޮޒިޓިވްވި އިރު، ތިން ރިސޯޓަކުންނާއި ހަދަމުން އަންނަ ރަށަކުން ވެސް ބަޔަކު ޕޮޒިޓިވްވި އެވެ.

މާލޭގައި އާއްމުންގެ ތެރެއިން ކޮވިޑްގެ ކޭހެއް ފެނުމުން ވެރިރަށް ބަންދުކުރީ އޭޕްރީލް 15 ވަނަ ދުވަހު އެވެ. ފުރަތަމަ ދުވަސްކޮޅު ބަލި ޖެހޭ މީހުންގެ އަދަދު މަދުވި ނަމަވެސް، ފާއިތުވި ދުވަސްތަކުގައި ނަމްބަރުތައް ދިޔައީ އިތުރުވަމުންނެވެ. އެގޮތުން ބަލިވި މީހުންގެ އަދަދު 200 އަށް އެރި ދުވަސްތައް ވެސް ދިޔަ އެވެ.

ބަލިން ރައްކާތެރިވުމަށް އެޅި ފިޔަވަޅުތަކާއެކު، ޕޮޒިޓިވްވާ މީހުންގެ އަދަދު މި ފަހުން އަންނަނީ ދަށްވަމުންނެވެ.

އެޗްޕީއޭގެ މިއަދުގެ ތަފާސް ހިސާބުތަކުން ދައްކާގޮތުން، 12،974 މީހުންނަށް މިހާރު ބަލި ޖެހިފައިވާއިރު، ބަލި މީހުންގެ ގޮތުގައި ތިބީ 1،113 މީހުންނެވެ. ހޮސްޕިޓަލްތަކުގައި 92 މީހުން ތިބި އިރު، ބަލީގައި 46 މީހަކު ވަނީ މަރުވެފަ އެވެ.

މި ހަފުތާގެ ކުރީކޮޅު ކޮވިޑްގެ ކޭސްތައް މަތިވި ނަމަވެސް، ގިނަ މީހުން ޕޮޒިޓިވްވީ ހަދަމުން އަންނަ ރިސޯޓުތަކުންނެވެ. އަދި ރަށްރަށުން ވެސް މީހުން ޕޮޒިޓިވްވެފައި ވަނީ ހޯމް ކަރަންޓީނުގައި ތިބޭ މީހުންނެވެ. މާލެ ފިޔަވައި އެހެން ރަށެއްގައި، އާއްމުންގެ ތެރޭގައި އަދި މި ބައްޔެއް ނުފެތުރެ އެވެ.

ބަލިން ރައްކާތެރިވުމަށް މާލޭން ރަށްރަށަށް ދާ މީހުން ހޯމް ކަރަންޓީނުގައި ތިބެން ޖެހޭއިރު، ގިނަ ބަޔަކަށް މިހާރު އެކަން ވެފައި އޮންނަނީ ތަކުލީފަކަށެވެ. އެކަމަކު އެޗްޕީއޭން ބުނަނީ މާލޭން ރަށްރަށަށް ދާ މީހުން 14 ދުވަހު ކަރަންޓީނުގައި ތިބޭ ގޮތަށް މުއްދަތު ކަނޑައަޅާފައި އޮންނަނީ ބަލީގެ ހާލަތު އޮތް މިންވަރުގެ މައްޗަށް ނޫން ކަމަށާއި ބަލީގެ ހާލަތު ބަލަނީ ކަރަންޓީނު އުވާލުމާ މެދު ގޮތެއް ނިންމަން ކަމަށެވެ.

ސިއްހަތު ހެލްތު ޕްރޮޓެކްޝަން އެޖެންސީ

11 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތުއްތޮންބެ‫

29 November 2020

‫ތިހަމައަރަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަ

29 November 2020

އަސްލު މަދެއްނުވޭ، ހޭލުންތެރި ގިނަ މީހުންވެސް، ސަރުކާރުންކިޔާ އެއްޗެއްނާހާ، މިހާރު ބައެއް މީހުން ކޮވިޑަށް ވެދާނެތީ ޓެސްޓްވެސް ނަހަދާ އަމިއްލައަށް ބޭސްކައިގެން ގޭގަ ތިބެލަނީ. މިކަން ވ އާންމު ކަމަކަށް ވަނީ، ބައެއް މީހުން އެއްވެސް ވަރަކަށް ބަލިވެ ތިބެވެސް ނުބަލާ. ރޯގާވިއްޔާ ބުނެ އޮފީހަށް ނުގޮސް ޗުއްޓީ ހަދަނީ. މީ މިހާރު އެންމެނަށް އެގޭވެސް ކަމެއް. ދެން ބަލި ރަގަޅު ވީމަ މޮޅު ކަމަކަށްވެ އޮފީހަށް އައިސް ފޮނި ކަޑަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރޭހަސަނު

29 November 2020

ކޮންމެ ޗުއްޓީއެއް ކައިރިވުމުން މިގޮތަށް ކޭސްތައް މަދުވާނެ، އެއީ މާލެއިން ރާއްޖެތެރެއަށް ދިޔުން ލުއިކުރުމަށް ޖަހާ ސްޓަންޓެއް...... މާލެ ބޭފުޅުން 5 ދުވަހަށް ރާއްޖެތެރެއަށްދެވޭނެ، އެރަށުގެ ހުރިހާ ތަނަކަށް އެމީހުން ގޮސް އުޅެފަ މަޖާނަގާ، ރަށު މީހުން ގޮވައިގެން ދަތުރުގޮސް، މަސްދަތުރުގޮސް މުޅިރަށު ފެންކުޅި ކުޅެފަ އެދަނީ 6 ވަނަ ދުވަހު ފުރައިގެން މާލެ، ހަމަ އެމީހުނާއެކު ރަށަށްއައި ރަށުމީހާ އަދިވެސް ހުރީ މީހުން ނޫޅޭ ފަޅު ގެއެއްގަ ބަންދުކޮށްފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަބޭ

29 November 2020

ބޭފުޅާ، "ރާއްޖެތެރެ"އޭ ނުކިޔާށޯ. އަތޮޅުތެރެއޭ ކިޔާށޯ. "ރާއްޖެތެރެ"އަކީ ކުޑާއިމީސް ބަހެކޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯދެން

29 November 2020

އަލްހަމްދުލިﷲ. ތިޔައީ ސިޔާސީ ކަމަކަށް ނުހަދައިފިއްޔާ ކިތަންމެހައިވެސް ރަނގަޅު. މި ބުނީ މިއަދު އިޢުލާންކުރަން އެއްބައި ބަހައްޓާފަ އިދިކޮޅު މީހުން މުޒާހިރާއާއި އަޅުވަފާނެތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

29 November 2020

الحمد لله އިރާދަފުޅާއި މިންވަރުފުޅުން ވަރަށް އަވަހަށް ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިނަ

29 November 2020

އިންސާނުން ކުރި ބުރަ މަސައްކަތާއި ޚަރަދުވެސް ބަލައިގަނެ ޝުކުރު ދަންނަވަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

29 November 2020

ކައިރި ގައުތައް ހިމިނޭ ގޮތުން ދުނިޔޭގެ ހުރިހާ ހިސާބެއްގާ މިހާރު މި ބަލިފެތރުންވަނީ ވަތަށް ބޮޑަށް އިތުރު ވެފާ.. މި ރާއްޖޭގަ ވަރަށް މަސައްކަތާ ހަރަދުން ބަލި ހިފަހައްޓާލެވިފާ މިއޮތީ.. އަދު ކުޑަ ހިތްވަރެއް ބޭނުން ވަނީ... ވެކްސިން ވެސް އިސާހިތަކު ލިބިދާނެ ކަމަށް ވަނީ.. އިތުރު ލުޔެއް ނުދީ އަދި ހިފަހައްޓާލާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރޫސުލް އަޚްލާގު

28 November 2020

ކަނޑުމަތީގާ މުޒާހަރާކުރީމާކަމަށްވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

28 November 2020

އަވަހަށް ކަރަންޓީނު ދޫކޮށްލާ. ރަށަށް ނުދެވިގެން މިހާރު ގޮތް ހުސްވެއްޖެ. ގޮތް ހުސްވެއްޖޭ މިބުނީ ރަށުން ކަރަންޓީނު ވާނެ ތަނެއް ނުލިބިގެން. ރުފިޔާއަށް ތަންތަން ދޭން މިބުނަނި. ރުފިޔާ ނެތިންޔާ ކިހިނެއް ދޭނި.