ރާއްޖޭގައި މިހާރު ހަދަނީ ކެމްބްރިޖު އަދި އެޑެކްސެލް އިމްތިހާނު. ނަމަވެސް ލޯކަލް އިމްތިހާނެއް ހެދުމަކީ ގައުމާއި ދަރިވަރުންނަށް އެންމެ ރަނގަޅު ގޮތް ކަމަށް މިނިސްޓަރު ވިދާޅުވި.
ސީއެޗްއެސްއީއަށް 40 އަހަރު ފުރުން ފާހަގަކުރަން މީގެ ކުރިން ހެންވޭރު ދަނޑުގައި ބޭއްވި ހަރަކާތުގައި މިނިސްޓަރު ޑރ. އައިޝަތު އަލީ (މ)، އެ ސްކޫލުގެ ޕްރިންސިޕަލް ސޮފޫރާ (ކ-2) އަދި އެ މިނިސްޓްރީގެ އިސްވެރިން ބައިވެރިވެވަޑައިގަންނަވަނީ.---ފޮޓޯ: ހުސައިން ވަހީދު/ މިހާރު
07 މާޗް 2021 - 12:09
39 comments
ގައުމާއި ދަރިވަރުންނަށް އެންމެ ރަނގަޅުވާނީ އެ ބައެއްގެ އަމިއްލަ އިމްތިހާނެއް އޮތުން ކަމަށް ވާތީ ރާއްޖޭގެ ވެސް އަމިއްލަ އިމްތިހާނެއް ދިނުމުގެ ވިސްނުން އެބަހުރި ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ މިއަދު ވިދާޅުވެއްޖެ އެވެ.
އެޑިއުކޭޝަން މިނިސްޓްރީން ބޭއްވި ނިއުސް ކޮންފަރެންސްގައި "މިހާރު"ން ކުރި ސުވާލަކާ ގުޅިގެން މިނިސްޓަރު ވިދާޅުވީ އެ ގައުމެއްގެ އަމިއްލަ އިންތިހާނެއް އޮތުމުގެ ސަބަބުން ކިޔަވާ އެއްޗަކާ ވަރަށް ބޮޑަށް ދިމާވާ ކަމަށެވެ. އެކަމުން ދަރިވަރުންނަށް ފައިދާތަކެއް ވެދާނެ ކަމަށް ވިދާޅުވި އެވެ.
"އެހެންވީމަ، އަޅުގަނޑުމެންގެ އުއްމީދަކީ ރާއްޖޭގެ އެގްޒަމިނޭޝަން ސިސްޓަމް، ލޯކަލް އެގްޒަމިނޭޝަން ސިސްޓަމަކަށް ހެދުން. ނަމަވެސް އަދި އަޅުގަނޑުމެން އެ ގޮތަށް ކަންކުރާކަށް ނިންމާފައެއް ނުވޭ،" އޮންލައިންކޮށް ބޭއްވި ނިއުސް ކޮންފަރެންސްގައި މިނިސްޓަރު ވިދާޅުވި އެވެ.
"ދުރު މުސްތަގުބަލުގައި މި ހިޔާލުތަކެއް ވިސްނުންތަކެއް އެބަހުރި. ނަމަވެސް އަދި އަޅުގަނޑުމެން ކެމްބްރިޖު އެޑެކްސެލްއާ އެކު ކުރިއަށްދާ ގޮތަށް އޮތީ،"
ރާއްޖޭގައި އެންމެ ޒަމާނުއްސުރެ އޯ ލެވެލްގައި ހަދަނީ ކެމްބްރިޖު އިމްތިހާނެވެ. އޭ ލެވެލްގައި ހަދަނީ އެޑެކްސެލް އިމްތިހާނެވެ.
އަވަށްޓެރި ގައުމުތަކުން ވެސް އަންނަނީ އެ މީހުންގެ އަމިއްލަ އިމްތިހާނު ދެމުންނެވެ. އޭގެ ތެރެއިން އެއް ގައުމަކީ ސްރީ ލަންކާ އެވެ. އެ ގައުމުގެ ލޯކަލް އިމްތިހާނު ބޮޑަށް ބިނާވެފައިވަނީ ދީނާއި ސަގާފަތާ ވަރަށް ބޮޑަށް ގުޅޭގޮތަށެވެ. އެހެންވެ، އިނގިރޭސި ފިޔަވައި އެހެން ހުރިހާ މާއްދާއެއް ކިޔަވައިދެނީ ސިންހަޅަ ބަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
07 March 2021
ނުކުރަން އުޅޭ ކަންތައްތަކުގެ ވާހަކަ މީޑިއާއަށް އަރައި ދައްކާ މޮޅެތި ހެޑްލައިން އެޅުމަކުން ނުފުދޭ. އަމަލުން ނުދެއްކޭނަމަ ބޭކާރު ވާހަކަ ނުދައްކައި އެހެންކަމަކާއި އުޅޭ
ގެދޮރު ނެތް މާލޭމީހާ
07 March 2021
އޯލެވެލް ގައި ކެމްބްރިޖް އިމްތިހާން ހަދަންފެށިތާ އަދި ހަަމަ ޔަގީނުންވެސް 20 އަހަރުވެސް ނުވާނެ.
ސްކިޕަރ
07 March 2021
ރޮޔަލް މީހުންގެ ދަރިންނަށް 3 މަސްކުރިން ޓެސްޓް ޕޭޕަރު ލިބޭގޮތަށް ހަދަނީތާ.. ކެމްބްރިޖު ޓެސްޓު ލީކުކޮށްލަންވެސް ދޭތެރެ ދޭތެރެއިން އުޅޭ. އެކަން ނުވެ އޮންނަނީ ދުނިޔޭގެ ގައުމުތަކުގެ ކުރިމަތީގައި ބޭޒާރުވެދާނެތީ. ވަރަށް ސަލާމް
ކަކުނިބޯ
08 March 2021
ސަރުކާރަކަން ބޭނުންނަމަ ޕޭޕަރ ލީކުކުރެވޭނެ އެއީ ކިހިނެއް ކަންވެސްވކިޔާދޭންވީތަ
އިބްރާހިމް ސާރ
07 March 2021
ތިކަންކުރަން މާލަސްވެއްޖެ. ކޮން ކޭމްބުރިޖެއް. އެއީ އެއްވެސް ފެންވަރެއް ނެތް އެގުޒާމެއް.
ކަކުނިބޯ
07 March 2021
ކެމްބްރިޖް އަދި އެޑެކްސެލް އެގްޒާމަށްވުރެ ކައިރި ޤައުމުތަކުގެ އެފެންވަރުގެ އެގްޒާމް މެލޭޝިޔާ ލައިގެން މިބުނަނީ ވަކިރަނގަޅެއްނުވާނެ. އެކަމަކު ލޯކަލް އެގްޒާމަކަށް،ބަދަލުކުރުމަކީ ކޮންމެހެން ކުރަންޖެހޭކަމެއް އެގޮތުން ބިޒްނސްސްޓްރީމް ގެ އެކައުންޓްސް މާއްދާ ރާއްޖޭގެ އެކައުންޓްސް އިންސްޓިޓިޔުޓާހަވާލުކުރުން މުހިންމު ދެފަރާތުގެ ތަރައްޤީއަށް
މުގޮށި6މީދާ
07 March 2021
އިނގިރޭސިންނަކީ އެމީހުންގެ ކަންކަމާ ދުރަށް ފިޔަވަޅެއްއަޅާ ކޮންމެ ބަޔަކާއި ދޭތެރޭ ދަތިކުރާ ފިޔަވަޅު އަޅާ ބައެއް. ތިހެން ހަދައިފިއްޔާ ނުބުނާނެ އެމީހުން އަންގާގޮތަށް ނުކިޔަވާތީ ފިޔަވަޅު އަޅަނީއޭ، އިނގިރޭސި ސްޓޭޓް ޓީވީ ބީބީސީއިން ތިލަފުށީ ކުނިގޮނޑުގެ ޕުރޮޕެގެންޑާއެއް ފަތުރާލާފަ ތިމާވެށި ނުބަލަހައްޓައޭ ކިޔާފަ ދަތިކުރާ ފިޔަވަޅެއް އެޅުން ގާތީ.
ކައްކާ
07 March 2021
ޗައިނާއިން އަހަރަކު 1.5 މިލިއަން އާއީޖާދު އެބަ ރަޖިސްޓާކުރޭ، އެމެރިކާއިން 5 ލައްްކަ، އިނގިރޭސިވިލާތް އެންމެ 20 ހާސް، އެހެންވީމަ އަދުގެ ދުނިޔޭގަ އުފެއްދުންތެރި ތައުލީމު އޮތީ ޗައިނާ އެމެރިކާ ކޮރެއާގަ. އިނގިރޭސިން މިހާރު ޔުނިވާސިޓީގެ ފެންވަރު ރަނގަޅޭކިޔަނީ އެކޮމޮޑޭޝަން އިމާރާތް ދައްކާފަ. އަމިއްލަ ޖީބުން ފައިސާ ހަރަދުކޮށްގެން ރަނގަޅު ފެންވަރުގެ ހަރުގަނޑެއް ނުއުފެއްްދޭ ބައެއްގެ ކަލްޗަރަލް ސޮފްޓް ޕަވާ ފަތުރަދީދީ އަހަރެމެން ތިބޭކަށް ނުޖެހޭ.
ނިޒާރު
07 March 2021
ބައްލަވަ، "ސިންހަޅަ" މިއީ ދިވެހި ބަހުން ކިޔައި އުޅޭ ގޮތެއް ނޫން. ކިޔަނީ ސިންގަޅަ. ދެން ފަހަރަކު އިސްލާހު ކޮށްލައްވާނެ ކަމަށް އުންމީދުކުރަން. ވެދުން.
އައްޔުބޭ
07 March 2021
ސިލޯނަކީ ދިވެހިން އެއްގޮތަކަށަވެސް ނަމޫނާ ބަލަން ވީ ޤައުމެއްނޫނެވެ. ވިސްނުމާފިކުރު ވަރަށްދަށް ބައެކެވެ. ކޮވިޑުގަވެސް މީހުން ވަޅުލުމުން ބަލިފެތުރިދާނެކަމަށް ބުނި. ޤުދުރަތީ މުއްސަނދިކަން ލިބިފައިވާ އެ ޤައުމަކީ މާ ފަހަތުގައި އޮތް ތަނެކެވެ. ދިވެހިން ކުރިއެރުމުގެ އަޞްލަކީ ދިވެހިރާއްޖޭގައި މިއޮތް ތައުލީމީ ސިސްޓަމެވެ. އިތުރަށް ރަގަޅު ކުރަންޏާ ސިންގަޕޫރުގެ އެގްޒާމްތައް ރާއްޖޭގައި ދޭން ރަގަޅު. އެއްގޮތަކަށްވެސް އަމިއްލައަށް އެގްޒޭމް ހަދަންއުޅޭނެކަމެއް ނެތް
އޮނަރަބްލް އަފީފު ދީދީ
07 March 2021
ރައްޔިތުންގެ ކުރިއެރުމާއި ޤައުމީ ތަރައްޤީއާއި ގުޅުން ހުންނަ މިފަދަ ކަންކަމަކީ 50 ހަކަށް އަހަރަށް ސިޔާސަތު ކަޑައަޅާފައިވާ ކަންކަން ކަމުގައި ހަދާންޖެހޭ. # މިގޮތަށް ވަހުތާނެއްހެން ނުވަތަ ރާރާ ގުޑިއެއްހެން އެބުރޭ ސިޔާސަތެއް އޮތުމުން ވާނެގޮތް ސޯލިޙް ސަރުކާރު ވަޒީރުންގެ ފަރާތުން ދަނީ ފެންނަމުން. # ވެރިކަންހޯއްދަވަން ސޯލިޙް އާއި އެމްޑީޕީ ވެފައިވާ ވައުދު ތައް ނުފުއްދޭނެ ކަމަށާއި "ކޮންމެހެން އެގޮތަށް އެކަން ކުރާން ނުޖެހޭނެ" ކަމަށް މާތޮޑާ ވަޒީރު ވެސް ބުނި.
ސަރީފު
07 March 2021
މިހާރު ވެސް ބޭރު ޔުނިވަސިޓީތަކުން ދަރިވަރުން ނަށް ޖާގަ ލިބުން ފަސޭހަ ވެފައި އޮންނަނީ ބޭރު ސެޓްފިކެޓެއްކުދިން އަތުގައި އޮންނާތީ...ދެން ތިކަން ވެސް ތިޔަ ނިމުނީ ބޭރުގެ ޔުނިވަސިޓީއަކުން ޖާގަ ހޯދުމަނީ އުދަގޫކަމަކަށްވާނީ.