ތަރުޖަމާން ވިދާޅުވީ، މިހާރު އޮތް ވެރިކަމުގެ ނިޒާމަށް އަމަލުކުރަނީ ރައްޔިތުންގެ ސީދާ ވޯޓަކުން ކަމަށް ވާތީ، އެ ނިޒާމަށް ބަދަލު ގެނެވޭނީ ވެސް އެގޮތަށް ކަމަށް ރައީސް ސޯލިހު ދެކެވަޑައިގަންނަވާ ކަމަށް.
މިދިޔަ ހަފުތާގައި ބޭއްވި މީޑިއާ ބްރީފިންގައި ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ.---ފޮޓޯ: ރައީސް އޮފީސް
19 އެޕްރީލް 2021 - 15:31
111 comments
ވެރިކަމުގެ ނިިޒާމު ބަދަލުކުރެވޭނީ ރައްޔިތުންގެ ވޯޓަކުން ކަމަށް ވިދާޅުވެ، އެ މަނިކުފާނަށް ކުރީގެ ރައީސް މުހައްމަދު ނަޝީދު ރޭ ފޮނުއްވި މެސެޖަށް ރައީސް އިބްރާހިމް މުހައްމަދު ސޯލިހު މިއަދު ރައްދު ދެއްވައިފި އެވެ.
ރައީސް އޮފީހުގެ ތަރުޖަމާން މަބްރޫކް އަޒީޒް މެދުވެރި ކުރައްވައި، ރައީސް އިބްރާހިމް މުހައްމަދު ސޯލިހު ނޫސްވެރިން ގާތު މިހެން ވިދާޅުވީ، ގައުމު ހިންގުމުގައި އަމަލީ ގޮތުން ބައިވެރިވެވަޑައިގަންނަވަން ބޭނުންފުޅުވާ ކަމަށް ވިދާޅުވެ، ބޮޑުވަޒީރަކަށް ވުމުގެ ޝައުގުވެރިކަން، ރައީސް އިބްރާހިމް މުހައްމަދު ސޯލިހަށް ރޭ ފޮނުއްވި އެސްއެމްއެސްއެއްގައި ނަޝީދު ފާޅުކުރެއްވުމާ ގުޅިގެންނެވެ.
އެ އެސްއެމްއެސްގައި ނަޝީދު ވިދާޅުވީ، 2024 ގައި ރައީސަކު ކަނޑައަޅާނީ ރައްޔިތުންގެ މަޖިލީހުން ކަމަށެވެ. އަދި [2023ގެ ރިޔާސީ އިންތިހާބު ނުބާއްވައި] ރައީސަކު ކަނޑައަޅާނީ މިހާރު އޮތް މަޖިލީހުން ކަމަށް ވެސް އެ މަނިކުފާނުގެ މެސެޖުގައި ވެ އެވެ.
ނަމަވެސް ތަރުޖަމާން މަބްރޫކް ވިދާޅުވީ، މިހާރު އަމަލުކުރާ ވެރިކަމުގެ ނިޒާމަށް އަމަލުކުރަނީ ރައްޔިތުންގެ ސީދާ ވޯޓަކުން ކަމަށް ވާތީ، އެ ނިޒާމަށް ބަދަލު ގެނެވޭނީ ވެސް އެ ރައްޔިތުންގެ ވޯޓަކުން ކަމަށް ރައީސް އިބްރާހިމް މުހައްމަދު ސޯލިހު ދެކެވަޑައިގަންނަވާ ކަމަށެވެ.
މިހާރު އަމަލުކުރާ ރިޔާސީ ނިޒާމަށް ވެރިކަން ކުރަނީ އޮގަސްޓް 18، 2007 ގައި ނެގި ވޯޓުގެ ބޮޑު ޕަސެންޓެއްގެ ރައްޔިތުން އެ އަށް ތާއީދު ކުރުމުންނެވެ. އެއީ 62 ޕަސެންޓެވެ.
ނަޝީދުގެ ސީދާ އެސްއެމްއެސްއާ ގުޅިގެން، މަބްރޫކް މެދުވެރި ކުރައްވައި ވަކި ޖަވާބެއް ރައީސް އާންމުކުރެއްވި ނަމަވެސް އެ އެސްއެމްއެސް އަށް އެ މަނިކުފާނު ޖަވާބު ދެއްވި ގޮތެއް ސަރުކާރަކުން ނުބުނެ އެވެ.
އެމްޑީޕީގެ ޖަލްސާގައި ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުރުން އެ ޕާޓީގެ ޕާލަމެންޓްރީ ގްރޫޕްގެ ލީޑަރު އަލީ އާޒިމް. --ފޮޓޯ: ނިޝާން އަލީ/މިހާރު
ރައީސް އިބްރާހިމް މުހައްމަދު ސޯލިހު، ނޮވެމްބަރު 17، 2018 ގައި ވެރިކަމުގެ ހުވާކުރައްވައި، ބަރުލަމާނީ ނިޒާމަކުން ވެރިކަން ކުރުމުގެ ވާހަކަތައް ނަޝީދު ވަނީ އިސްވެ ފައްޓަވައިފަ އެވެ. ނިޒާމީ ވޯޓުގައި ވެސް ނަޝީދާއި އެމްޑީޕީ ނެގީ ބަރުލަމާނީގެ ކޮޅެވެ. ދެން އެ ބޭފުޅުންނާ އޭރު ވާގިވެރިވީ ކުރީގެ ރައީސް އަބްދުﷲ ޔާމީންގެ ޕީއޭ އެވެ. އެހެން ހުރިހާ ސިޔާސީ ޕާޓީތައް ބުރަވީ ރިޔާސީ ނިޒާމަށެވެ.
"ފުރަތަމަ އަޅުގަނޑުމެން ތެދުވެރިކަމާ އެކީގައި ގާނޫނީ އިމުގެ ތެރެއިން މަސައްކަތް ކުރަން ފައްޓަންވީ. އެބަހުރި ކުރެވެން ރައީސް
ގާނޫނުއަސާސީގައިވާ ގޮތުން، ރައީސުލްޖުމްހޫރިއްޔާ އިންތިހާބުކުރާ ގޮތް، ގާނޫނުއަސާސީ އަށް ގެންނަ އިސްލާހަކުން ބަދަލުކޮށްފި ނަމަ އެ އިސްލާހެއް ތަސްދީގު ކުރަން ވާނީ ރައްޔިތުންގެ ވޯޓަކުން އެކަމަށް ތާއީދު ލިބުމުންނެވެ. އެހެންވެ، ވެރިކަމުގެ ނިޒާމަށް ބަދަލު ގެންނަން ރައްޔިތުން ގެ ގާތަށް ނުގޮސް އެކަން ނިންމާ ނަމަ ދެން ޖެހޭނީ ގާނޫނުއަސާސީގެ އެ މާއްދާ އުވައިލުމަށެވެ. އެހެން ނޫނީ، ކޮންމެ ހާލަތަކުން ވެސް ރައްޔިތުންގެ ވޯޓެއް ނަގަން ޖެހެ އެވެ. މިހާރުގެ ގާނޫނުއަސާސީ ވެސް ބައްޓަން ކޮށްފައި ވަނީ ރިޔާސީ ނިޒާމަށް ފައްތައިގެންނެވެ.
ތެދުވެރި ނަމަ ކޮންމެ ނިޒާމެއް ވެސް ރަނގަޅު: ރައީސް
މިއަދު ނޫނީ ރައީސް އިބްރާހިމް މުހައްމަދު ސޯލިހު، ވެރިކަމުގެ ނިޒާމު ބަދަލުކުރަން ބާރު އަޅުއްވައި ނަޝީދު ދައްކަވާ ވާހަކަފުޅުތަކަށް ދެއްވީ ޑިޕްލޮމެޓިކް ޖަވާބުތަކެވެ. މީގެ ކުރިން މިހާ ސީދާކޮށް ވަކި ގޮތަކަށް އެއްޗެއް ވިދާޅެއް ނުވެ އެވެ.
މާޗް، 2019 ގައި "މިހާރު" އަށް ދެއްވި އިންޓަވިއުއްގައި ރައީސް ވިދާޅުވެފައި ވަނީ ރިޔާސީ ނިޒާމާއި ބަރުލަމާނީ ނިޒާމުގައި ވެސް މައްސަލަތައް އެބަހުރި ކަމަށާއި އެކަމަކު ރައްޔިތުން ހަވާލުކުރި މަސައްކަތް ތެދުވެރިކަމާ އެކު ކުރަން ބޭނުން ނަމަ އެއިން ކޮންމެ ނިޒާމަކާ އެކު ވެސް ކުރިއަށް ދެވޭނެ ކަމަށެވެ.
"ފުރަތަމަ އަޅުގަނޑުމެން ތެދުވެރިކަމާ އެކީގައި ގާނޫނީ އިމުގެ ތެރެއިން މަސައްކަތް ކުރަން ފައްޓަންވީ. އެބަހުރި ކުރެވެން،" ރައީސް ވިދާޅުވި އެވެ. ނަމަވެސް ރައީސް ދެކެވަޑައިގަންނަވާ ގޮތުގައި މިހާރު ވެސް ރާއްޖޭގައި ވެރިކަން ކުރަނީ ފުރިހަމަ ރިޔާސީ ނިޒާމަކަށް ނޫނެވެ. އެގްޒެކެޓިވް އެތައް ބާރެއް ރައްޔިތުންގެ މަޖިލިހަށް ލިބިފައިވާއިރު އޭގެ ނަތީޖާ އަކީ ސަރުކާރު ހިންގަން ދަތިވުން ކަމަށް އެ މަނިކުފާނު ވިދާޅުވި އެވެ. އަދި އެ އަށް ބަދަލު ގެންނަން ޖެހޭ ކަމަށް ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ބައްދަލުވުމެއްގައި ވާހަކަފުޅު ދައްކަވަނީ: އެ މަނިކުފާނު ވިދާޅުވީ، ވެރިކަމުގެ ނިޒާމު ބަދަލުނުކޮށް ވެސް ކުރެވޭނެ ކަންކަން އެބަހުރި ކަމަށް.
"އެހެން ނޫނިއްޔާ އަބަދު އަޅުގަނޑުމެން މި ތިބެން ޖެހެނީ މަޖިލިސް ފެށުމާ އެކީގައި މަޖިލިހުގައި ނަގާ ޑިސިޝަންތަކަށް ބަލަބަލާ. އެ އަށް ވުރެ ލުއި ގޮތެއް އެގްޒެކެޓިވް އަށް އޮންނަން އެބަޖެހޭ. އެހެން ނޫނިއްޔާ ދަތިވާނެ،" ރައީސް ވިދާޅުވެފައި ވެ އެވެ.
ލުއިގޮތަކީ މިހާރު އޮތް ރިޔާސީ ނިޒާމު ބަދަލުކުރުންތޯ މި އިންޓަވިއުގައި ދެންނެވުމުން ރައީސް ވިދާޅުވީ، ނިޒާމު ބަދަލުނުކޮށް ވެސް ކުރެވޭނެ ކަންކަން އެބަހުރި ކަމަށެވެ.، މިނިސްޓަރުންގެ އިތުބާރު ނެތްކަމުގެ ކަންކަން ރާއްޖޭގައި ސިމްޕަލް މެޖޯރިޓީން ފާސްކުރާއިރު، އެއީ އެހާ ފަސޭހަ ކަމަކަށް ވެގެން ނުވާނެ ކަމަށް ރައީސް ވިދާޅުވި އެވެ. އަދި ވިދާޅުވީ، މީހަކަށް ރައްޔިތުންގެ މަޖިލިހުން އިތުބާރު ދިނުމަށް ފަހު ވަކިކުރެވެން ޖެހޭނީ ވަރަށް ބޮޑެތި މައްސަލަތަކެއް އެ މީހަކާ މެދު އޮވެގެން ކަމަށެވެ.
"އެ ކަންބޮޑުވުން އެބައޮތް. އެ ކަހަލަ ބަދަލުތަކެއް އެއްގޮތެއްގައި ވެއްޖިއްޔާ ގެނެވިދާނެ،" ރައީސް ވިދާޅުވި އެވެ.
އެ މަނިކުފާނު ދެކެވަޑައިގަންނަވާ ގޮތުގައި ރިޔާސީ ނިޒާމުގައި ވެސް ބަރުލަމާނީ ނިޒާމުގައި ވެސް ރަނގަޅު އަދި ގޯސް ކަންތައްތައް އެބަހުއްޓެވެ.
"ބޮޑަށް ބުރަވަނީ މަސައްކަތް ކުރަން ތިބި ބައެއްގެ މައްޗަށް،" ރައީސް ވިދާޅުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
20 April 2021
ކޮންތާކު! މަބްރޫކު ލައްވާ ކޮންމެ އެއްޗެކޭ ބުންޏަސް އެދެމީހުން އެ މަޝްވަރާކޮށް ނިންމާފަ އެހެން މީހުން ކިޔަނީ ކީކޭތޯ ބަލަން، މެސެޖް ކުރީއޭ އަނެކައްޗެކޭ ކިޔާފަ ވާހަކަ ފަތުރައިގެން އެއުޅެނީ. އެ ކޮންބައެއް!
ހަސަނު1
20 April 2021
މެޖޯރިޓީ ރައްޔިތުންގެ ތާއީދު ނެތްމީހަކު ގައުމުގެ ވެރިއަކަށް ހުންނާކަށް ނުފެނޭ.. ދާއިރާގެ ދެތިން ހާސް މީހުންގެ ވޯޓުން ހޮވާ މީހާ މުޅިގައުމުގެ ހިންގުމުގެ ބާރު ދިނުމަކީ ބޮޑު އޮޅުވާލުމެއް.
އިސްތިއުފާދޭންވީއޭ
20 April 2021
ރައީސް އިބޫ އަށް ރައްޔިތުން ވަނީ މިހާރު ނޫނެކޭ ބުނެފައި ދައުރުގެ މެދުތެރޭން ބޭއްވި ލޯކަލް ކައުންސިލް އިންތިޚާބުން ދެން ރީތި ގޮތަކީ ބަރުލަމާނީ ނިޒާމަށް ވެރިކަން ކުރަން ބޭނުންނަމަ ރައްޔިތުން ގާތަށްދާށޭ ބުނުމުގެ ބަދަލުގައި ރައީސް އިބޫ ދެން އިސްތިއުފާ ދޭންވީއޭ ރައީސް އިބޫ އިސްތިއުފާ ރައީސް އިބޫ އިސްތިއުފާ..
ރޯޒަސް
20 April 2021
މިމީރައްޔިތެއް. މަށެއް ނޫނެކޭ ނުބުނަން
ލުގުމާން
20 April 2021
މީހުނާއި މުޚާތަބު ކުރުމުގައި މެމީހަކު އެއްމެ ހިތް އެދޭނަމަކުން މުޚާތޮބްކުރުން ރަންގަޅު. މަހާރު ކެނެރީގެ ރައީސް ނަޝީދު އެއްމެބޭނުން ވަނީ ރައީސު ކަމަށް ވުރެން ބޮޑަށް ބޮޑުވަޒީރުކަން ކަން ހާމަ ކުރައްވާއިފި. ވީމާ މީގެފަހުން އެބޭފުޅާއަށް ރާއީސްގެ ލަގަބު ބަދަލުކޮށް “ބޮޑުވަޒީރު” މިފަދައިން މުޚާތޮބު ކުރުން ބުއްދިވެރި ކަމަށް ފެނޭ.
ނަޖްވާ
20 April 2021
އަންނި ވެއްޖެނު މިހާރު ވެރިކަން ހިންގުމާ ދުރަށް ޖެހިލަން! މިހާރަކު އެހާ ޕޮޮޕިޔުލަރ އެއް ނޫން ކަމަށް ފެންނަނީ!
ފުނޑިހަލާކުވެއްޖެއޭ
20 April 2021
މިހާރު މާލެ ތެރޭގައި އަޑު ފަތުރަމުން ދަނީ ރައީސް އިބޫގެ ވެރިކަން ރަނގަޅު ކަމަށް ޕްރޮޕެގެންޑާ ރައީސް އޮފީސް ޕޮލިސީ ޑިޕާރޓްމެންޓް ތެރޭން ދަނީ ފަތުރަމުންނޭ އަދި މިކަން ވަރަށް ބޮޑަށް އެމެން ދަނީ އައްޑޫގައި ޕްރޮމޯޓް ކުރަމުންނޭ ރައީސް އިބޫގެ ވެރިކަމަކީ މިރާއްޖޭގެ ތާރީޚް ދުށް އެންމެ ތަދުމަޑުކަން ބޮޑު އެންމެ ބޮޑަށް ރާއްޖޭގެ އިގްތިސާދު ފުނޑާލި ވެރިކަމޭ އެއްގޮތަކަށް ވެސް ރައީސް އިބޫގެ ވެރިކަން ކަމަކު ނުދެއޭ ރާއްޖޭގެ އިގްތިސާދުގެ ހިތްމާލޭގެ ވިޔަފާރިވެރިން
ޖެހޭނެއޭޖެހޭނެއޭ
20 April 2021
ރައީސް ދެކެވަޑައިގަންނަވަނީ ވެރިކަމުގެ ނިޒާމު ބަދަލުކުރެވޭނީ ރައްޔިތުންގެ ވޯޓަކުން ކަމަށް ވާނަމަ އެކަން ކުރަން ލަސް ކުރަނީ ކިއެއްވެތޭ ވެރިކަން ކުރާ އެމްޑީޕީގެ ރައީސް އެ އެދިލައްވަނީ އެކަން ކުރަން އެކަން ނުކޮށް ރައީސް އިބޫ އެކަން މަޑުޖައްސާ ކަމަށް މަމެން ޝައްކު ކުރަމޭ ރައީސް އިބޫ ދެވަނަ ދައުރަކަށް ޝިކާރަ ކުރާ ކަމަށޭ މަމެން ދެކެނީ އެމްޑީޕީން ރައީސް އިބޫ ރައީސް ކަމަށް ހޮވީ ދެވަނަ ދައުރެއް ދޭ ގޮތަށް ނޫން ކަން ރައީސް އިބޫ އަށ ވެސް އެގިލައްވަން
މަމެންގެއތި
20 April 2021
ރައްޔިތުން އޮތީ ރާއްޖޭގައި އޮންނަންވާނީ ރިޔާސީ ނިޒާމް ކަން ކަނޑައަޅާ ނިންމާފަ. އެބަދަލެއް ނުކުރެވޭނެ އެއްވެސް މީހަކަށް.
ށަވިޔަނި
20 April 2021
ރައީސަށްވެސް ހެޔޮގޮތުގައި ވެރިކަން ވިޔަނުދީގެން އުޅެނީ މީނައާ މީނަގެ އައުވާނުން.
ވަހުތާން
20 April 2021
ތިހެން ބުނާ ބަހެއްގެ އިތުބާރެއް ނެތް! އެންމެން ޣާފިލުވެ ތިއްބާ ވަގުތު ކުޑަތަންވީމާ ދެމީހުން އެއްބަސްވެ ބަރުލަމާނީ ޢިޢުލާނު ކޮޮށްލާނީ! މިހެން ދަންނަވަންޖެހުނީ މަޖުލީހުގެ ރައީސް ކަމަށްވެސް ގަދަހިފުމަށް ދިޔަތަން މަންޒަރު ބަލާ މީހުންނަށް ފެންނާނީ! އެންމެފަހުން ވީ ކިހިނެއް؟ މީގަވެސް އިދިކޮޅާއި އަދި މިކަމާ ދެކޮޅުވާމީހުން ހިމޭނުން ތިއްބާ މަކަރުވެރި އެއްޗެއް ހެދުމަކީ ވަރަށް ގާތުގައި ވާކަމެއް!
އައްޔުބޭ
20 April 2021
ނަޝީދާއި ޔާމިނަކީވެސް ރައްޔިތުންގެ ސީދާ ވޯޓަކުން ހޮވޭނެ ބައެއް ނޫންކަމަށް ފެންނާތީ މިދެމީހުންވެސް ބޭނުންވީ ބޮޑުވަޒީރުވާން، މިކަމެއް ދެނެއް ނުކުރެވޭނެ، 2 މީހުންނަކީވެސް ރައްޔިތުން ސަޕޯޓް އޮތް ބައެއް ނޫން، ދެމީހުންނަކީވެސް އޮޓޮކްރެޓީކް ވިސްނުމުގެ ދެމީޙުން، ދެމީހުންވެސް އޮތީ ގަނެފައި އޮތް ބައިގަނޑެއް،
އޮޓޯ ކައިރ
20 April 2021
ކޮން އޮޓޯ ކުރިކެޓެކޭ