ކްލެމެންސީ ބޯޑުން ވައްޑެ ވަކިކުރަނީ

މަޖިލީހުގެ ކޮމެޓީއެއްގައި ވައްޑެ ވާހަކަ ދައްކަވަނީ: ކްލެމެންސީ ބޯޑުގައި ހިމެނިވަޑައިގަންނަވާ ވައްޑެ ވަކި ކުރަން ރައީސަށް ލަފާ އެރުވުމަށް މަޖިލީހަށް ވަނީ ހުށަހަޅާފައި. - ފޮޓޯ: ނިޝާން އަލީ/ މިހާރު

މުހައްމަދު ޔާމީން، މިހާރު

17 ނޮވެމްބަރ 2016 - 10:44

7 comments

ޕީޕީއެމްގެ ރައީސް މައުމޫން އަބްދުލްގައްޔޫމް ފެކްޝަންގައި ހިމެނިވަޑައިގަންނަވާ ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް (ވައްޑެ) ކްލެމެންސީ ބޯޑުން ވަކިކުރަން ރައީސް އަބްދުﷲ ޔާމީނަށް ލަފާ އެރުވުމަށްޓަކައި ރައްޔިތުންގެ މަޖިލީހަށް މިއަދު ހުށަހަޅައިފި އެވެ.

މައާފްކޮށްދިނުމާއި އަދަބު ލުއިކޮށް ދިނުމުގެ ގާނޫނުގެ ދަށުން އެކުލަވާލި ބޯޑުން ވައްޑެ ވަކިކުރަން މަޖިލީހަށް ހުށަހެޅުއްވީ ކެލާ ދާއިރާގެ ޕީޕީއެމް މެމްބަރު އަލީ އާރިފެވެ.

ވައްޑެއަކީ ކްލެމެންސީ ބޯޑުގައި މަޖިލިސް ތަމްސީލް ކުރައްވާ ހަމައެކަނި މެމްބަރެވެ.

އާރިފް ހުށަހެޅުއްވި ގަރާރުގައި ބުނެފައިވަނީ ބޯޑުގެ މެމްބަރެއްގެ ހައިސިއްޔަތުން ވައްޑެ އަދާ ކުރައްވަން ޖެހޭ ޒިންމާތަކާއި ވާޖިބުތައް ފުރިހަމައަށް އަދާކުރައްވަމުން ނުގެންދަވާ ކަމަށެވެ. އަދި އެ ބޯޑުގައި މަޖިލިސް އެކަށީގެންވާ ގޮތެއްގައި ތަމްސީލްވަމުން ނުދާ ކަމަށް ވެސް އެ ގަރާރުގައި ބުނެފައިވެ އެވެ.

އެހެންވެ، އާރިފް ހުށަހެޅުއްވީ އެ ބޯޑުގެ މެމްބަރު ކަމުން ވައްޑެ ވަކިކުރަން ފެންނަ ކަމަށް ރައީސް އަބްދުﷲ ޔާމީނަށް ލަފާ ދެއްވުމަށެވެ. އެ ބޯޑަށް މީހުން އައްޔަންކޮށް އަދި މީހުން ވަކިކުރާނީ ރައީސުލްޖުމްހޫރިއްޔާ އެވެ.

ކްލެމެންސީ ބޯޑަކީ 11 މެމްބަރުންގެ މައްޗަށް އެކުލެވޭ ބޯޑެކެވެ. އެ ބޯޑުގައި ރައްޔިތުންގެ މަޖިލީހުގެ މެމްބަރެއްގެ އިތުރުން ދެން ތިއްބަވަނީ ގާނޫނީ ދާއިރާ އާއި އިޖުތިމާއީ ދާއިރާ އާއި ތައުލީމީ ދާއިރާ އާއި ސިއްހީ ދާއިރާ އާއި ދީނީ އިލްމުގެ ބޭފުޅަކާއި މަދަނީ ޖަމްއިއްޔާތަކުން އައްޔަން ކުރާ ބޭފުޅަކާއި ޕެރޯލް ބޯޑުގެ ބޭފުޅަކާއި ފުލުހުންގެ ތެރެއިން ބޭފުޅަކާއި ޝަރުއީ ދާއިރާގެ ބޭފުޅެކެވެ.

އެ ބޯޑަކީ މައާފް ދިނުމަށް އެދި ނުވަތަ އަދަބު ލުއިކޮށްދިނުން އެދި ރައީސަށް އިލްތިމާސް ހުށަހެޅުމުން، ރައީސްގެ ފަރާތުން އެ އިލްތިމާސް ދިރާސާކޮށް އެ އިލްތިމާސާ ގުޅޭގޮތުން ރައީސް އަމަލުކުރައްވަން ފެންނަގޮތުގެ ލަފާދިނުމަށް އެކުލަވާލި ބޯޑެކެވެ.

ވައްޑެ އެ ބޯޑުން ވަކި ކުރަން މަޖިލީހަށް ހުށަހެޅީ ޕީޕީއެމްގެ ރައީސް މައުމޫން ފެކްޝަންގައި ހުންނަވައި ސަރުކާރާ ދެކޮޅަށް ވާހަކަ ދައްކަވަމުން ގެންދަވަނިކޮށެވެ.

ރައްޔިތުންގެ މަޖިލިސް ޕީޕީއެމް ކްލެމެންސީ ބޯޑް މުހައްމަދު ވަހީދު އިބްރާހިމް (ވައްޑެ) ރައީސް އަބްދުﷲ ޔާމީން ޕީޕީއެމްގެ ކޯޅުން

7 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފް

17 November 2016

''ގަރާރުގައި ބުނެފައިވަނީ ބޯޑުގެ މެމްބަރެއްގެ ހައިސިއްޔަތުން ވައްޑެ އަދާ ކުރައްވަން ޖެހޭ ޒިންމާތަކާއި ވާޖިބުތައް ފުރިހަމައަށް އަދާކުރައްވަމުން ނުގެންދަވާ ކަމަށެވެ. އަދި އެ ބޯޑުގައި މަޖިލިސް އެކަށީގެންވާ ގޮތެއްގައި ތަމްސީލްވަމުން ނުދާ ކަމަށް ވެސް އެ ގަރާރުގައި ބުނެފައިވެ''. އޯކޭ . ކެލާ ދާއިރާގެ މެމްބަރު އަލީ އާރިފްއާ ކޮށްލަން ބޭނުންވަނީ ހަމަ އެންމެ ސުވާލެއް. މުހައްމަދު ވަހީދު އިބްރާހިމް (ވައްޑެ) ސަރުކާރަށް ތާއީދުކުރާފަޅީގަ ހުރިނަމަ ތިޔަ ގަރާރު މަޖްލިސް ތަޅުމަށް އަންނާނެތޯ؟؟ މިސުވާލުގެ ޖަވާބު ދެއްވުންއެދެން. ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްއަލި

17 November 2016

ސާބަހޭ! މިއޮތީ ފަހެ ވެރިކަމެއް. ބޭނުން ކަމެއް ބޭނުން ގޮތަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލު

17 November 2016

ކްލެމްސީ ބޯރޑް އިން ވައްޑެ ވަކި ކޮށްފައި އަސްލު ޕިންކީ އަކު އެ ބޯރޑް އަށް ލާންވީ އެވެ. އެއީ އެންމެ ރަނގަޅު ގޮތަކީ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

20 November 2016

އޭރުން އޭނަ ނުދިޔަސް މަޖްލިސް ތަމްސީލުވާނެދޯ. ހެހެހެހެ. ސަނާކިޔާމީހާ ކޮންމެ ގޮތަކަށް އުޅުނަސް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަދާހަދާ

17 November 2016

މަމެންގެ އަސްލު ޕިންކީ ގައި ނޫޅޭ މީހަކު ނަމަ އެފަދަ މީހަކަށް ނުހުރެވޭނެ ކްލެމްސީ ބޯރޑްގެ މެމްބަރަކަށް. އަވަހަށް ވަކިކޮށްލާ. ވަކި ނުކޮށްވާނެ ގޮތް ވެސް އެބަހުރި. އެއީ މަމެން އަސްލު ޕިންކީން މެންނާއި ގުޅުން ދޯ. މިކަން މިގޮތަށް ހަދާދީ ބަލަ ހަދާދީ ހަދާ، ހަދާ، ހަދާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހްމަދު

17 November 2016

ހައްގަށް ނަސްރު ލިބޭނެ..ތަމެން ބަލަން ތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

modaf

17 November 2016

ދެން އަންނަ މަމެންގެ ރަންރީނދޫ ސަރުކާރުގަ ހަމަ ތިގޮތަށް ބޯރޑުތަކަށް ރަންރީނދޫ މީހުން ލީމަ ތަމެންވެސް ހިންދިރުވާލައިގެން ތިބޭތި އިނގޭ. 5 އަހަރުވަންދެން ކެތްކުރާތި އިނގޭ.