ކޮވިޑް-19 ޖެހިގެން މަރުވި މީހުންގެ އަދަދު 161 އަށް އަރައިފި

މާލެ- މޭ 21، 2021: ކޮވިޑް-19 ގެ ސަބަބުން މަރުވާ މީހުން ވަޅުލުމަށް ހުޅުމާލެ ސަހަރާގައި ވަޅު ކޮންނަނީ، އެތަނުގައި މަސައްކަތް ކުރާ ޖަމާއަތްތެރިން ބުނާ ގޮތުގައި ކޮވިޑް ޖެހިގެން މަރުވާ މީހުން ގިނަވުމުގެ ސަބަބުން ބަލަ ބަލާ ތިއްބާ އެ ސަހަރާ ދަނީ ފުރެމުން--. ފޮޓޯ: ނިޝާން އަލީ/މިހާރު

މޫސާ ރަޝީދު، މިހާރު

31 މެއި 2021 - 19:50

2 comments

ރާއްޖޭގައި ކޮވިޑް-19 ގައި މިއަދު ތިން ވަނަ މީހަކު މަރުވެއްޖެ އެވެ. މިއީ ބަލީގައި ރާއްޖެ އިން މިހާތަނަށް މަރުވި 161 ވަނަ މީހާ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނީ އައިޖީއެމްއެޗްގެ އީއާރު އަށް ގެންދިޔަ އުމުރުން 58 އަހަރުގެ ދިވެހި ފިރިހެނަކު މިއަދު މެންދުރު ފަހު 3:00 ގައި މަރުވެފައިވާ ކަމަށެވެ. މިއަދު 3:39 ގައި ވެސް ވަނީ ކޮވިޑްގައި މީހަކު މަރުވެފަ އެވެ. އެއީ އުމުރުން 62 އަހަރުގެ ދިވެހި ފިރިހެނެކެވެ. އޭނާ މަރުވީ ދަރުމަވަންތަ ހޮސްޕިޓަލްގެ ޑީއެޗް-11 ފެސިލިޓީގައި ފަރުވާ ދެމުން އަންނަނިކޮށެވެ.

ރާއްޖޭގައި ކޮވިޑް ޖެހިގެން 160 މީހުން މަރުވި އިރު، އިއްޔެއާ ހަމައަށް 63،686 މީހުންނަށް ވަނީ އެ ބަލި ޖެހިފަ އެވެ. އޭގެ ތެރެއިން ރަނގަޅުވެފައި ވަނީ 39،313 މީހުންނެވެ.

މީގެ އިތުރުން ކޮވިޑް ޖެހިގެން 218 މީހަކު އެޑްމިޓްކޮށްގެން ފަރުވާ ދެމުން އެބަދެ އެވެ.

ކޮވިޑުން ސަލާމަތް ވެވެން އޮތް ގޮތަކީ ވީހާ ވެސް ގިނަ ބަޔަކު ވެކްސިން ޖަހައިގެން ކަމަށް ސިއްހީ މާހިރުން އަންނަނީ ބުނަމުންނެވެ. ރާއްޖޭގައި މިހާތަނަށް 309،444 މީހުން ވަނީ ވެކްސިންގެ ފުރަތަމަ ޑޯޒް ޖަހައިފަ އެވެ. އަދި 165،181 މީހުން ވަނީ ދެ ޑޯޒް ވެސް ފުރިހަމަކޮށްފަ އެވެ.

ވެކްސިން ޖެހުމުގެ އިތުރުން ކޮވިޑް ކޮންޓްރޯލް ކުރުމަށް ސަރުކާރުން ވަނީ މާލެ އާއި ރާއްޖޭގެ ގިނަ ރަށްތަކުގައި ފިޔަވަޅުތައް އަޅައި ބޭރަށް ނިކުމެ އުޅުން މަނާކޮށްފަ އެވެ.

ސިއްހަތު މަރު ހެލްތު ޕްރޮޓެކްޝަން އެޖެންސީ

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދާނޯމޮސް

31 May 2021

މިފަދަ މަރުތަށް ހައިކޯޓުން ތަހްޤީގު ކުރާނަމަ ސާބިތު ހެކިދަށްކަން ޖެހޭނެކަމުގަ ދެކެމެވެ. މީ ހަމަހުރެލާފަ ބަޔަކު އިއްވާ ރިޕޯޓަކަށް ބަރޯސާވެގެން ތިބެންވާ ވަރަށްވުރެން މާސީރިއަސް ކަމެކެވެ. ސުވާލަކީ ލެބޯޓަރީ ތަކުން ޓެސްޓުކުރުމަށް ތިބެނީ ހުސް ދިވެހިންތޯ ނޫނީ މާކަމުދާ ގަޔާވާ ބަޔެއްގެ އިޚްތިޔާރަށް ބަރޯސާވެގެން ނިންމާ ނިންމުމެއްތޯ ތެދު މައުލޫމާތު ރައްޔިތުންނަށް ހާމަކޮށް ދެވިދާނެ ތޯއެވެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

31 May 2021

ކޮޑިވް ކޮންޓްރޯލް ކުރުމުގަ ލިބުނު ކާމިޔާބީ އަކީ ކޮބާ؟ އާބާދީގެ ނިސްބަތުން އެންމެ ގިނަމީހުންނަށް ކޮޑިވްޖެ ޖެހުނު އެއްޤައުމު އަދި މަރުވި މީހުންވެސް އެންމެ ގިނަޤައުމު