ހެލްތު މިނިސްޓަރު އަހުމަދު ނަސީމް--
02 ޖޫން 2021 - 23:28
26 comments
ކޮވިޑް-19 ގައި ރޭ ނިޔާވި ފާތިމަތު މިޝްކާ މުހައްމަދަށް ފަރުވާ ދިނުން ލަސްވި މައްސަލައިގެ ތަހުގީގު މިރޭ ނިމޭނެ ކަމަށާއި ބޮޑެތި ފާޑުކިޔުންތަކެއް އަމާޒުވެފައިވީ ނަމަވެސް މަގާމުން އިސްތިއުފާ ދެއްވާނީ އެ ކަން ބެއްލެވުމަށް ފަހު ކަމަށް ހެލްތު މިނިސްޓަރު އަހުމަދު ނަސީމް މިރޭ ވިދާޅުވެއްޖެ އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، އުމުރުން 10 އަހަރުގެ މިޝްކާގެ މަރުގެ މައްސަލަ ބަލަމުން އަންނަ ކަމަށާއި އެ ހާދިސާ ހިނގާދިޔަ ގޮތް މިރޭގެ ނިޔަލަށް ސާފުވާނެ ކަމަށެވެ. އެ މައްސަލައިގައި އިހުމާލުވާ ބަޔަކު އެ ތަހުގީގުން ސާފުވާނެ ކަމަށް އޭނާ ވިދާޅުވި އެވެ.
"އަޅުގަނޑު މި ކަންތައްތައް ބަލަމުން މިދަނީ. ރިޕޯޓްތަކަށް ބަލާފައި ސީދާ އަޅުގަނޑުގެ އިހުމާލެއް އުޅޭތޯ ވެސް ބަލާނަން. އެ ކަންކަމަށް ބަލާފައި ތި ސުވާލަށް އަޅުގަނޑު ޖަވާބު ދޭނަން،" މިޝްކާ މަރުވުމުގައި އިހުމާލު އޮތް ކަމަށް ދެކެވަޑައިގެން އިސްތިއުފާ ދެއްވަންޖެހޭ ކަމަށް ގަބޫލު ކުރައްވަންތޯ ސުވާލު ކުރުމުން މިނިސްޓަރު ނަސީމް ވިދާޅުވި އެވެ.
އޭނާ ވިދާޅުވިގޮތުގައި، މިޝްކާގެ ފަރުވާ ލަސްވުމުގައި އިހުމާލު އެބައޮތެވެ. އެކަމަކު އެއީ ކޮން ބައެއްގެ އިހުމާލެއްކަން ސާފުވާނީ ތަހުގީގަށް ފަހު ކަމަށް ވިދާޅުވި އެވެެ.
"10 އަހަރުގެ މިޝްކާ [ހޮސްޕިޓަލަށް] ގެންދަން ލަސްވުމުގެ އިހުމާލު އެބައޮތް އިނގޭތޯ. އެކަމަށް އެޓެންޑް ކުރެވުނު މީހުންގެ ފަރާތުން އިހުމާލު އޮތް ކަމަށް އަޅުގަނޑު ގަބޫލު ކުރަނީ. އެ ތަހުގީގު އަޅުގަނޑުމެން ކުރަމުން މި ގެންދަނީ. އިރާދަކުރެއްވިއްޔާ މިރޭގެ ނިޔަލަށް އެ ތަހުގީގު ނިމޭނެ،" މީގެ އަށެއްކަ މަސް ކުރިން މަގާމާ ހަވާލުވެވަޑައިގަތުމަށް ފަހު، ނޫސްވެރިންނާ ބައްދަލުކުރެއްވި ދެވަނަ ފަހަރު ނަސީމް މިރޭ ވިދާޅުވި އެވެ.
ހދ. ކުޅުދުއްފުށި، ލާޖަހާގޭ މިޝްކާއަކީ ކޮވިޑް ބަލީގައި ރާއްޖެ އިން މަރުވި ފުރަތަމަ ކުޑަކުއްޖާ އެވެ.
އެމްބިއުލާންސަށް ގުޅީ ރޭ ނުވައެއް ޖަހާކަން ހާއިރު ކަމަށާއި އެކަމަކު އެމްބިއުލާންސް ދިޔައީ ގާތްގަނޑަކަށް ތިން ގަޑިއިރު ފަހުން 11:40 ހާއިރު ކަމަށް މިޝްކާގެ އާއިލާ އިން ބުނެ އެވެ. އެޗްޕީއޭގެ ހޮޓްލައިން 1676 އަށް ތަކުރާރުކޮށް ގުޅުމުން ވެސް، "އެމްބިއުލާންސް މިހާރު ހިނގައްޖެ" ކަމަށް ބުނި ކަމަށާއި އަދި ދިއުން ލަސްވާތީ އައިޖީއެމްއެޗްގެ އެމްބިއުލާންސަށް ވެސް ގުޅި ކަމަށް އޭނާ ބުންޏެވެ. މިޝްކާ ބަލާ އެމްބިއުލާންސް ދިޔައިރު އޭނާ އޮތީ ހޭނެތި، ހާލު ވަރަށް ބޮޑަށް ސީރިއަސް ވެފައި ކަމަށް އާއިލާ އިން ބުނެ އެވެ. މިޝްކާ ރޭ ނިޔާވީ، އައިޖީއެމްއެޗްގެ އިމަޖެންސީއަށް ގެންދިޔަ ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިގުރޭ
03 June 2021
ހާދަ ދިގިރެއެކޭ. އަދިވެސް މޮރޭ ނުނިމެނީބަ. މީނާ ބޭރުކޮއްބަލަ
ނުކަތާ
03 June 2021
ތި މިރޭއެއް ނާންނާނެ..ފްލެޓް ދޭ ގޮތަށް ތިކަންވެސް ވާނީ
ހުސައިންދީ
03 June 2021
ނަސީމްގެ އިޙްމާލެއް އޮތްތޯ ބަލަނީ ނަސީމްތަ؟ އެއީ އެމް.ޑީ.ޕީ މިނިސްޓަރެއްވީމާދޯ؟ މަށަށް ފެންނަނީ ޔާމީން ވައްކަން ކުރިތޯވެސް ޔާމީން ބަލަން. އީސަ އަނިޔާ ކުރިތޯވެސް ބަލާނީ އީސަ. ބޮންގޮއްވީވެސް ކޮންބައެއްތޯ ބަލާނީ ގޮއްވި މީހުން. އެމް.ޑީ.ޕީ މިނިސްޓަރުން މަޖިލީހުން ބޭރެއް ނުކުރާނެ. މިސާލަކަށް ބަލާބަލަ މާރިޔާ. ވަރަށް ވާހަކަ މީ
ދެގަޑިބައިއިރު
03 June 2021
އެޗްޕީއޭގެ ކްލަސްޓާ ތަކުގައި މޭޒުފޯނާނުލާ ކްލަސްޓާރއެއްގަވެސް 4 ނުވަތަ 5 މޮބައިލް ފޯނުވެސް އޮވެއެވެ އެއްވެސް ކްލަސްޓާރއަކުން އެއްވެސް ފޯނެއް ނުނަގައެވެ އެމީހުން ބޭނުންވީމަގުޅާލާ އެއްޗެއްގެ ގޮތުގަ އެވެ ކޯލްސެންޓަރުންވެސް ޒިންމާދާރުނުވެއެވެ ފޯނުން ކުރެވޭ މުޢާމަލާތްތައް ޖަވާބުދާރީ ނުވެއެވެ ގުޅާ ބޭނުމެއްގެ ޒިންމާ ނެގުމެއް ޖަވާބު ދިނުމެއް ނެތެވެ މިކަންކަން ހިނގާގޮތް ބަލާނެ މީހަކު ނެތެވެ މިފަދަ ޒިންމާ ނުނަގާ މީހުންގެ ކުށަށް މާފުއެދުން ބޮޑު ގޯހެކެވެ
ބޯދަމައިގަންނަ
03 June 2021
ތަހުގީގު ނިމުނީމަ. މިޝްކާ އަންނާނެތަ.
ރިދަމް
03 June 2021
އެކަމަށް އެޓެންޑް ކުރެވުނު މީހުންގެ އިހްމާލޭ؟؟ހަޅޭ ނުލަވާ ހުރޭ..ތިއުޅެނީ މަސައްކަތު މީހާ ބޮލަށް ކަނޑާލަން..ނަސީމް އިސްތިއުފާ..ކަލޭމެން ބުނީ ކޮވިޑްގެ ކޮންމެ ހާލަތަކަށްވެސް ރެޑީވެފައޭ އޮތީ...ނަސީމްއަށް ރަނގަޅަށް އިނގޭނެ ހާލު ބޮޑުވެގެން ގުޅީމަ އެމްބިއުލެންސް އަންނަނީ އާއްމުކޮށް އެތައް ގަޑިއިރެއް ފަހުންކަން..މީ ކޯލް ސެންޓަރުގެ އިހްމާލެއްނޫން.މީ ޑްރައިވަރުގެ އިހްމާލެއްނޫން..މީ ނާގާބިލް ވެރިންގެ އިހްމާލް.
އާރީބެ
03 June 2021
އަދިވެސް ތަހުގީގު ނުނިމޭތަ. މިހާރު ގަޑިން 04:08 އެއޮށް އަލިވިލެނި. މިރޭ މަންސަލަ ނިމޭނޭ ބުނީމަ އެއަށް މި އިންތިޒާރު ކުރަނި..
ޖަމަލު
03 June 2021
ކެރެފާ އާއިލާ އަކި އެހެންމީހުން ގޯސް ކުރަމުން ގައުމު ފިތުނަކޮށް ހަލާުކު ކުރި އާއިލާ. ކަމެއް ޖެހުނީމަ މިއޮތީ ވާވަރު. ދެން ގައުމަށް ކަެއް ކޮށްދެންޔާ ލަދެއް ހުރިއްޔާ އިސްތިއުފާދީ
ނަންނު
03 June 2021
މިރޭ އިސްތިއުފާ ދޭނެބާ؟
ހ. ހުސައިން
03 June 2021
ސަރުކާރަށް ރެއަކާމިލަނީ ކޮންމެ ކަމެއްވެސް ބޮއްސުންލީމާ. ކަންކަން ރާވާހިންގުމުގެ ވަށްޓަފާޅިނެތް ބޭފުޅުން މަގާމުތަކުން ދުރުކުރަންޖެހޭ. މިނިސްޓަރު އިސްތިއުފާ ދިނަސް މިނިސްޓަރީގެ ހިންގުމުގެ ވަށްޓަފާޅިއަށް އައި ބަދަލެއް ނުފެނޭ. އަމުދުން އައިޖީއެމްއެޗް ގެ ހިންގުން ވަރަށް ދޯދިޔާ. އެތަނުގެ ސީއީއޯގެ ބަހެއް ނެތް؟ އަނެއްކާ މުޅި ހޮސްޕިޓަލު ވަކި ޑޮކްޓަރުންތަކެއް "ރަހީނުކޮށްގެން" އުޅޭއުޅުން ނިމުމަކަށް ގެންނާންޖެހޭ. ނޫންނަމަ އެދެވޭ ބަދަލެއް ނުފެންނާނެ.