ޚަބަރު / ފުލުހުން

މިސްކިތްތަކުގައި މަސްތުވާތަކެތި ބޭނުންކޮށް މުޑުދާރުކުރަނީ!

މިސްކިތުގައި ބަޔަކު ނިދާފައި.-- ފޭސްބުކް ފޮޓޯ: މުހައްމަދު ބިން ސަލާމް

އާސިމާ ނިޒާރު، މިހާރު

12 ޖޫން 2021 - 17:28

96 comments

މިސްކިތްތަކުގައި މަސްތުވާތަކެތި ބޭނުންކުރާކަމުގެ ޝަކުވާ ތަކުރާރުކޮށް ލިބެމުންދާ ކަމަށް ފުލުހުން މިއަދު ބުނެފި އެވެ.

ފުލުހުންގެ މީޑިއާ ގްރޫޕުގައި، އެ އިދާރާގެ އޮފިޝަލަކު ވިދާޅުވީ މާލޭގެ މިސްކިތްތަކުގައި މަސްތުވާތަކެތި ބޭނުންކުރުމާއި ނިދައި އެއްޗެހި ދޮވެ އަދި އެކަށީގެން ނޫން އެހެން ކަންކަމުގައި މިސްކިތްތައް ބޭނުންކުރާކަމުގެ ޝަކުވާ ލިބެމުންދާ ކަމަށެވެ.

އެހެންވެ، ކޮންމެ ރެއަކު މިސްކިތްތައް ބަލައި ހުރުމަތް ކެނޑޭ ގޮތަށް އެ ތަންތަން ބޭނުންކުރާ މީހުން ފޮނުވާލުމުގެ އިތުރުން ފުލުހުންގެ ބެލުމުގެ ދަށަށް ގެންދަން ޖެހިއްޖެ ނަމަ އެގޮތަށް ގެނެސް މައްސަލަ ތަހުގީގުކުރާ ކަމަށް ވިދާޅުވި އެވެ.

"މި ކަންކަމުގެ މައުލޫމާތު، ކަމާގުޅުން ހުރި އެހެނިހެން އިދާރާތަކާ ވެސް ހިއްސާކޮށްގެން ހައްލެއް ހޯދުމަށް އެޅެންހުރި ފިޔަވަޅުތައް މި ގެންދަނީ އަޅަމުން،" އޮފިޝަލް ވިދާޅުވި އެވެ.

މިސްކިތް ތެރޭގައި ނިދާފައި ތިބި މީހުންގެ ފޮޓޯއަކާއެކު މުހައްމަދު ބިން ސަލާމް ނަމަކަށް ކިޔާ މީހަކު، ރޭ ފަތިހު ޖެހި ފޭސްބުކް ޕޯސްޓެއްގައި ބުނީ އެ މީހުންނަށް ގޮވާލުމުން އެ ތަނުން ދިޔައީ ހަތިމް ހާވާލާފައި "ޕެކެޓުތައް" ނަގައިގެން ކަމަށެވެ.

"މިހާރު ރިޕޯޓު ކުރާވަރުން ފުލުހުން އަންނާތީ ސާމާނުކޮޅު ހުންނަނީ ހަތިމް ތެރޭ ފޮރުވާފައި،" އޭނާގެ ޕޯސްޓުގައި ބުންޏެވެ.

އޭނާގެ އެހެން ޕޯސްޓެއްގައި ބުނީ ޖަލާލުއްދީން މިސްކިތަކީ "ޕާޓޭން"ގެ އައްޑާއަކަށް ވެފައިވާ ކަމަށެވެ. މިސްކިތްތެރޭގައި ސިނގިރޭޓް ބޮއެ، މަސްތުވާތަކެތި ބޭނުންކޮށް ޕާޓޭން އެއްވެ ނާޗަރަންގީ ކުޅުމަކީ ކޮންމެ ދުވަހަކު ހިނގާ ކަންތައްތައް ކަމަށް އޭނާ ބުންޏެވެ.

މިސްކިތުގެ ފާހަނާއިން ފެންވަރައި، ހެދުން ދޮވެ ހިއްކަން އެޅުމަކީ އާއްމު ކަމަކަށް ވެފައިވާ ކަމަށާއި އެ ފާހަނާގެ ތެރޭގައި އިންޖެކްޝަނާއި ފޮއިލާއި ލުނބޯ އާއި ސިނގިރޭޓް ފިލްޓާ ހުންނަކަން އޭނާ ފާހަގަކުރި އެވެ.

"ކޮންމެ ދުވަހަކު ތަކުރާރުކޮށް މި ކަމުގެ ރިޕޯޓު ފުލުހުންނަށް ކުރެވޭ. އެކަމަކު ގެންދާގޮތަށް މަދު ވަގުތުކޮޅެއްގެ ތެރޭގައި ދޫކޮށްލާ. އިރުކޮޅަކުން ހަމަ އެ މީހާ އައިސް މިސްކިތުގައި. ބަޔަކު އަތުންފައިން ގޯހެއް ނުހަދަނީސް ހެޔޮނުވާނެ މިކަން ހުއްޓުވައި ދެއްވާ،" ޕޮލިސް ޓެގުކޮށް ކުރި ޕޯސްޓުގައި އޭނާ ބުނެފައި ވެއެވެ.

ފުލުހުން މަސްތުވާތަކެތި މިސްކިތްތައް

96 ކޮމެންޓް, 92 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިޓައްޕު ހަސަނު

14 June 2021

މިފެންނަނީ މިގައުމުގެ މީހުން 21 ވަނަ ގަރުނުގެ އަހަރުތައް ގުނަމުން ދާއިރު ޖާހިލުވެ ޣާފިިލުވެފައިވާ މިންވަރެވެ، ބޮޑެތި ކުއްތައްކުރުން ގިނަވެ، މިގައުމު މިވަނީ ނުރައްކާތެރި މާހައުލަކަށް ބަދަލުވެފައެވެ. ފާގަތިކަމާއި، ތަހުޒީބީ ކުރިއެރުމަކީ އަޅާ ބިޔަ އިމާރާތްތަކަކުން އެކަނި ކުރެވޭނެ ކަމެއް ނޫނެވެ. ގައުމުގެ ރައްޔިތުންގެ ދުޅަހެޔޮކަމާއި، ތަހުޒީބީ ވިސްނުން، އަދި ހީވާގި މަސައްކަތް ކުރާނެ މީހުން ތިބެން ޖެހެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހަާ

14 June 2021

މިއީ ބަލި ކުދިން. އެހީވާންވީ! ބޮޑެތި ވަގުން ހިމާޔަތް ކޮއް، ގައުމު ވިއްކާމީހުން ނައް ސަނާ ކިޔާފަ މި މީހުން އެއީ ކުއްވެރިންނައް ހެދުމުގަ ބޭނުމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހށނ

13 June 2021

މުސްލިމުގައުމެއްގަ އަޅުކަންކުރާ މިސްކިތްތަކުގަވެސް ފުލުހުންނާއި ސެކުއިރިޓީ ސްކްރީނިން ބަހައްޓަންޖެހިފަ މިއަދު މިވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

13 June 2021

މިސްކިތް ތަކަށް ނުވަދެވޭހެން ރަނގަޅަށް ތަޅުލާފަ ބަހައްޓާ. ކޮވިޑް ދުވަސްކޮޅު މިހެން ވަނީ ޕާޓޭންނަށް ވަދެވޭ ގޮތަށް ހުންނާތީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިތަދޫ ހުސެން

13 June 2021

މިހެން ވެދާނެ ކަމަށް ފަހަރުގައި އެއްވެސް މީހަކު ހިތައް ނާރަފާނެ، އެހެންވީމާ މިކަން އަވަހަށް ހައްލު ކުރަންވީ އިދާރާތަކުގެ ވެރިން ވަކި މީހަކަށް ނުބަލާ... އަހަރެމެން ނޫޅެ ގޮތް ވީމާ ނޭނގިދާނެ މިހެން ވެދާނެ ކަމަށް އެކަމަކު ބަނދު ކުރުމުގެ ފުރިހަމަ ފައިދާ އެސޮރު މެން އެބަ ނަގާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާޓޭންގެ ހައްގުކޮބާ؟

13 June 2021

މިއުލޭ ސިއާސީ އެކްޓިވިސްޓުން ހެޔޯ ކޮއްމެ އަވަގުވާނެއް ގިވިޔަސް.. ކަމަކައްނުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަހުމަދު

13 June 2021

ރޯނުއެދުރަކަށް މިނިސްޓަރުކަން ދިނީމާ ތިޔަވަރުގެ ކަމެއް ހިނގާފާނެއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ22

13 June 2021

ޑުރަގު ބޮއެގެނެއް ކޮންމެ ހެން ހަމަ ހެއެއް ނުގެއްލޭ! ބޭސް އަޅާ ގަޑުބަޑު ނުކުރަންޏާ! ތި މީހުން މިސްކިތުގަ ނިދަނީ އާއިލާ އިން އަޅާނުލާތީ! މި ކަމަށް އޮތް ހައްލަކީ ތި މީހުން ޖަލަށް ލުމެއް ނުން! ޖަލަށް ލީމާ އިސްލާހު ވުމުގެ ބަދަލް ގަ ގޯސް ވަނީ އިތުރު ކުށްވެރިން ނާ ބައްދަލު ވަނީ! ހަކުރުބޯ އެބަ އުޅޭ ވައަކަން ނުކުރާ ވ ކިޔަވާގެން ތިބި ކުދިން ވެސް! ސަރުކާރުން ޖެހޭ މިފަދަ މީހުން ނަށް ވަޒީފާ ގެ ފުރުސްތު ހޯދަ ދީ ބޯހިޔާ ވަހި ކަން ވެސް ލިބޭ ގޮތް ހަދަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށްވެހި

13 June 2021

ސަރުކާރުން ނުޖެހޭ ޓެކްސް ފައިސާއިން މީީމީހުންނަށް އެއްކަމެއް ކޮށްދޭކަށްވެސް. ގިޔާމަތް ދުވަހުވެސް ކުށްވެރިންނަކީ ހިމާޔަތެއް ލިބިގެންވާ ބައެއް ނޫން. ދުނިޔެމަތީގައިވެސް އެކަން އޮންނަންވީ އެގޮތަށް. ކުށްވެރިންނަށް އޮންނަންވާނީ އަދަބުދިނުން. ކުރަންވީ ކަމަކީ ސިންގަޕޫރުގައި އޮންނަ ގޮތަށް އަދަބު ދިނުން.