ކ. ގިރިފުށި ބަނދަރު ތަރައްގީކުރުމަށް އެމްޓީސީސީއާ އިއްޔެ ހަވާލުކޮށްފި އެވެ.
އެމްއެންޑީއެފްގެ ހެޑްކުއާޓާގައި ބޭއްވި ރަސްމިއްޔާތެއްގައި މި އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އާދަމް އާޒިމެވެ. އަދި އެމްއެންޑީއެފްގެ ފަރާތުން ސޮއިކުރެއްވީ ސާވިސް ކޯ ކޮމާންޑަރު ބްރިގޭޑިއާ ޖެނެރަލް ހާމިދު ޝަފީގެވެ.
އެމްޓީސީސީން ބުނި ގޮތުގައި މި މަޝްރޫއުގެ ދަށުން ކުރާނީ 314 މީޓަރުގެ ސަރަހައްދެއްގެ ބޭރު ތޮށި ލުމުގެ މަސައްކަތް ކަމަށެވެ.
މި މަޝްރޫއު އެމްޓީސީސީއާ ހަވާލުކުރީ 18.35 މިލިއަން ރުފިޔާއަށެވެ. އަދި އެއްބަސްވުމުގައި ބުނެފައިވާގޮތުގައި މި މަސައްކަތް 145 ދުވަސްތެރޭ ނިންމަން ޖެހޭނެ އެވެ.
