ރާއްޖެ އަށް ޑްރަގް ޓްރެފިކްކުރާ މީހުންނާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ފުލުހުން ބޭއްވި އިވެންޓްގައި ރާއްޖެ އަށް އާންމުކޮށް ޑްރަގް އެތެރެކުރާ ގައުމުތަކުގެ މެޕެއް ފުލުހަކު ދައްކާލަނީ: މި މަހު ރާއްޖެ އައި އެމެރިކާ މީހެއްގެ އަތުން 10 މިލިއަން ރުފިޔާގެ ކޮކެއިން އަތުލައިގަތް -- ފޮޓޯ: ނިޝާން އަލީ | މިހާރު
18 މެއި 2022 - 20:04
13 comments
ރާއްޖެ އަށް ބްރެޒިލް އިން އައި އެމެރިކާގެ މީހެއްގެ އަތުން 10 މިލިއަން ރުފިޔާގެ ކޮކެއިން އަތުލައިގެންފި އެވެ.
ކަސްޓަމްސް އިން މިއަދު ނެރުނު ނޫސްބަޔާނެއްގައި ބުނީ ވައިގެ މަގުން އައި އެ މީހާގެ އަތުން މަސްތުވާތަކެތި އަތުލައިގަތީ މި މަހު 11 ގައި ކަމަށެވެ. އެ މަސްތުވާތަކެތި ފެނުނީ، އޭނާ އަށް ޝައްކުކުރެވިގެން، ލަގެޖު ބަލައި ފާސްކުރުމުގެ ތެރޭގައި ކަމަށް ބުންޏެވެ.
އަތުލައިގަތް ތަކެތި ފުރަތަމަ މަރުހަލާގައި ކަސްޓަމްސް އިން ތަހުލީލުކުރި އިރު، ކޮކެއިން އަށް ޕޮޒިޓީވްވި ކަމަށް އެ އިދާރާ އިން ބުންޏެވެ.
އެ މީހާގެ އަތުން އަތުލައިގަތް މަސްތުވާތަކެތީގެ ބަރުދަނުގައި 2.1 ކިލޯ ހުރި ކަމަށާއި އެ ތަކެތީގެ މަގުމަތީގެ އަގު 10 މިލިއަން ރުފިޔާ އަށް އަރާ ކަމަށް ކަސްޓަމްސް އިން ބުނެ އެވެ.
އެ މައްސަލައިގައި ޝާމިލުވާ މީހާ އާއި އޭނާގެ އަތުން އަތުލައިގެން ތަކެތި މިހާރު ފުލުހުންނާ ހަވާލުކޮށްފައިވާ ކަމަށް ވެސް ބުންޏެވެ.
ފަހަކަށް އައިސް ބްރެޒިލުން ރާއްޖެ އަށް ވައިގެ މަގުން އެތެރެވާން އުޅުނު ގިނަ ބައެއްގެ އަތުން މަސްތުވާތަކެތި އަތުލައިގެންފައިވެ އެވެ. މިދިޔަ އަހަރު ވެސް 18 ކިލޯގެ މަސްތުވާތަކެތި ރާއްޖެ އެތެރެކުރަނިކޮށް ބްރެޒިލްގެ މީހަކު ހައްޔަރުކުރި އެވެ. އޭނާގެ ޝަރީއަތް މިހާރު ދަނީ ކުރިއަށެވެ. އަދި 4.2 ކިލޯގެ މަސްތުވާތަކެތި އެތެރެކުރި ބްރެޒިލްގެ މީހެއް ވެސް ހައްޔަރުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާނަކޮށި
19 May 2022
މިޤައުމުގައި ތިޔަކަހަލަ މަސްތުވާތަކެތި އެތެރެ ކުރުމުގައި އެއްވެސް ހަރުކަށި ޤާނޫނެއްނެތް.......މެލޭޝިޔާ، ސައުދީ ފަދަ ޤައުމުތަކުގައި ވަރަށް ހަރުކަށި ޤާނޫނު ތަކުގައި އުމުރަށް ޖަލަށް ލުމާއި މަރުގެ ހުކުމްވެސް އޮވޭ..........މިކަހަލަ ހަރުކަށި ޤާނޫނެއް ހަދާ ތަންފީޒުކޮށް ފައިވާނަމަ މިރާއްޖެއަށް އެފަދަ މަސްތުވާތަކެތި އެތެވުން މަދުވާނެ......
އޮނަރަބްލް އަފީފު ދީދީ
19 May 2022
ފަސޭހައިން ކަންކަން ކުރެވެން އޮތް ދިމަދިމާލުން ކަންކަން ކުރުމަކީ އާދައެއް. ޑްރަޤް ނެޓްވޯކް ތަކާއި އިންސާނުން ވިއްކުމުގެ ވަގުވިޔަފާރި ހިންގާ ފަރާތް ތަކުންވެސް އަބަދު ބަލަބަލާ ތިބެނީ ފަސޭހަކަމާއިއެކު އެމީހުންގެ ކަންކަން ކުރެވެން ހުރިތަންތަން ބަލާ އެކަންކަން ކުރަން. # މިގޮތުން ފަސޭހައިން މިކަންކުރެވޭތީ ރާއްޖެއަކީ މިފަދަ ފަރާތްތަކުން އެމަރިކާ، ޔޯރޮޕް އަދި ޜަޝިޔާ އާއި މެދުއިރުމައްޗަށް ޑްރަޤް އެތެރެކުރާ ގޭޓްވޭ އަކަށް ބަލަމުންދާ ތަނެއް.
ކަލްދޯ ބޭގާނާ
19 May 2022
މިކަހަލަ ޙަބަރު ނޫސް ތަކުގަ ޖަހާތީ ކަންބޮޑުވަނީ ތިޔަބުނާ އެމެރިކާ މީހާ އެއް ތިޔައެއްޗިއްސަކައް ހަވާލެއް ނުވާނެ މާމަމެން ބުނާހެން ރައްމެދައް ތިޔަ ކިޔާ ކޮކައިންތައް ވިހޭ ކަމައްވާނީ ހަވާލްވާނެމީހަކުނެތި ސަހަރޯ މިޔޮއްގައުމެއް ބޯހަލާކް
ސަޑޭ
19 May 2022
ޤައުމުގެ ރައީސް ޞާލިހު މަޖްލިސް ރައީސް ނަޝިދު އުއްތަމަ ފަނޑިޔާރު މުއުތަސިމް ، އިޚްލާސްތެރި ކަމުގެ ޒައްރެއްގެ މިންވަރުވެސް ތިބޭފުޅުންގެ ހުރި ނަމަ ޑްރަގް ވިއްކާމިހުންގެ ކިބައިން ޤައުމު ސަލާމަތް ކޮށް ދެއްވާ.
ރައްޔިތުސޮރު
18 May 2022
އަޅެ މީ ފަހެ ކޮލަމްބިޔާތަ؟ ކޮބާތަ މިޤަޢުމުގެ ލޯ އެންޑް ފޯސްމެންޓް އެޖެންސީތައް؟
ވަހީދު
18 May 2022
ރާއްޖޭގެ ޖަލުގައި ތިމީހާ ނޯންނާނެ. ޖެހޭނީ ދޫކޮށްލަން. ވަރަށް ސަލާމް
ޑުރަގު
18 May 2022
އެންމެނަށް ކަޅުކުލައިގައި ފެންނައެއްޗަކީ ހުދުކުލައިގެއެއްޗެއްކަމުގައިބުނެ ސާބިތުކޮށްދެވޭވަރުގެ ވަކީލުން އެބަތިއްބެވި. އެހެންވީމަ ތިތަކެއްޗަކީ އޭނަގެނައި އެއްޗެއްނޫންކަމުގަ ސާބިތުކޮށްދީފާނެ. ތިމީހާއަކީ އެމެރިކާގެ ރައްޔިތެއް އެހެންވީމަ މުޅި އެމެރިކާއާއި އެމެރިކާގެބާރު އޮންނާނީ އޭނަގެފަހަތުގަ. ތިކަންދާނީ ތޮޅިއަށް.
ސާއިރު
18 May 2022
ކަސްޓަމުން އަތުލީމާ އެތަކެތިކޮޅު އެތެރެނުވެ ހުއްޓުވުނީ. ފިޔަވަޅަކާ ހިސާބަށް ނުގެންދެވޭތީ އެއްވެސް ޖެހިލުމެއްނުވޭ ރާއްޖެއަށް ތިޒާތުގެ ތަކެތި ހިފާގެން އަންނާކަށް. ހުރިހާ އެންމެނަށްވެސް ސުވަރުގެއަކަށް މިރާއްޖެމިވަނީ.
ރަދީފްއޮފިޝަލް
18 May 2022
އެމެރިކާ މީހެއްވީމަ ހައްޔަރުކުރި ބާ؟؟ ހަމަ އަހާލި.
1828
18 May 2022
ކަސްޓަމްސްގެ ޑިއުޓީ އަދާކޮށްފި. ދެން އޮތީ އަހަރެމެންގެ ދިވެހި ފުލުހުންގެ ޚިދުމަތުގެ ބައި. ގިނަ ފަހަރު އެމަރުހަލާއިން ދަނީ ޗޮކުން. ސާބިތުވާނެ ބާ؟
1829
18 May 2022
ބުރޯ، ކޯޓުން ދޯ ދޫކޮއްލަނީ؟ ފުލުހުންނެއްނޫން، އަދި މި ގާނޫނު ހަދާ މަޖިލީހުގައި ތިބެނީ، ކުރާނެ ކަމެއްނެތިފައި ތިބޭ ބައެއް، ސްކޫލައް ނުގޮސް ނުކިޔަވާ ބޮޑުވެފައި ތިބޭ ސައިންވެރިންނާ، ޕުރޮފެސަރުން! ހަދާ ގާނޫނަކުން ޙަރާން ފަދަ ދިވެހި ރައްޔުތުންނައް ފައިދާއެއް ވާހެން!
ާާާ އބޱ
19 May 2022
މިފަހަރުވެސް ދޫކޮއްލާފަ ބުނާނެ ޕޮލިހަކަށް ގޯހެއް ހެދުނުވާހަކަ.އެހިސާބުން އެކަން ނިމުނީ. ގޯސް ހެދިކަމަށް ވާނަމަ ކޮންމެސް ހިސާބަކުން ޒިންމާ ނަގަން ޖެހޭނެ.
1828
20 May 2022
1829. ހަމަދޫކޮށެއް ނުލާނެ. ސަބަބުތަކެއް ހުންނާނެ. ހެކި ހުށަހަޅަން ޖެހޭނެ. ހެކި ހޯދަން ޖެހެނީ ޤާނޫނީ އިމުގެ ތެރެއިން. ހިފާހައްޔަރު ކުރަންވެސް ޖެހެނީ ޤާނޫނު، ޤަވައިދު އަދި ހެދިފައިވާ އިޖުރާއަތްތަކުގެ ތެރެއިން. މި ތިންކަންތައްވެސް ފުލުހުންނަށް އިނގޭ. އޭގެ ބޭރުން ކަންކަން ކުރީމައި ޖެހޭނީ ދޫކޮށްލަން