ޑރ. އިޔާޒް: އެމްއެންޔޫގެ ވަޒީފާއިން އޭނާ ވަކިކުރީ ގާނޫނާ ޚިލާފަށް ކަމަށް ޓްރައިބިއުނަލުން ވަނީ ނިންމާފައި --- ފޮޓޯ/މިހާރު
20 ޖޫން 2022 - 14:50
10 comments
ރާއްޖޭގެ ގައުމީ ޔުނިވާސިޓީގެ އެސިސްޓެންޓް ޕްރޮފެސަރުކަމުން ޑރ. އިޔާޒް އަބްދުއްލަތީފް ވަކިކުރީ ގާނޫނާ ޚިލާފަށް ކަމަށް ނިންމައި، އޭނާއަށް އަލުން ވަޒީފާދޭން ވަޒީފާއާބެހޭ ޓްރައިބިއުނަލުން މިއަދު އަމުރުކޮށްފި އެވެ.
މަޝްހޫރު ދީނީ އިލްމުވެރިޔާ އިޔާޒް މިދިޔަ އަހަރު ވަޒީފާއިން ވަކިކުރީ އާންމުންގެ ތެރޭގައި ނުތަނަވަސްކަން އުފެދޭ ގޮތަށް ސޯޝަލް މީޑިއާގައި ވާހަކަ ދައްކަވާ ކަމަށް ތުހުމަތުކޮށެވެ. އޭގެކުރިން އިޔާޒަށް ޔުނިވާސިޓީން އިންޒާރު ދީ އަދި ވަޒީފާއިން ސަސްޕެންޑް ވެސް ކުރި އެވެ. ސަސްޕެންޑްކުރި މައްސަލަ ވެސް ކުރިން ނިމިފައި އޮތީ އިޔާޒާ އެއްކޮޅަށެވެ.
އިޔާޒް ވަކިކުރި މައްސަލަ ބެލުމަށް ފަހު ވަޒީފާއާބެހޭ ޓްރައިބިއުނަލުން މިއަދު ނިންމީ އޭނާ ވަކިކުރީ ގާނޫނާ ޚިލާފަށް ކަމަށްވާތީ އޭނާ ކުރިން ހުރި ފެންވަރުގެ ވަޒީފާއެއް ހަތް ދުވަސް ތެރޭގައި ދޭންޖެހޭނެ ކަމަށެވެ. އަދި ވަކިކުރި ދުވަހުން ފެށިގެން ވަޒީފާ އަނބުރާ ދިނުމާ ހަމައަށް ލިބެންޖެހޭ މުސާރަ އާއި އިނާޔަތްތައް ދޭން ވެސް ޓްރައިބިއުނަލުން އެންގި އެވެ.
އިޔާޒް ވަކިކުރީ އަންހެން ކުދިން ހިތާނު ކުރުމާބެހޭގޮތުން ސޯޝަލް މީޑިއާގައި އޭނާ ފާޅުކުރި ޚިޔާލެއްގެ މައްސަލަ ހޫނުވެފައި އޮއްވަ އެވެ. އޭނާ ވިދާޅުވެފައިވަނީ އެ ވާހަކަ ދެއްކެވީ އެއީ ދީނުގައި އޮތް ކަމެއް ނޫން ކަމަށް ބަޔަކު ބުނާތީ އެކަމުގެ ހަގީގަތް ހާމަ ކުރުމަށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަމީލުބެ
20 June 2022
الحمد لله
ރެޓޭ
20 June 2022
ތިޔަ ޓްރައިބިޔުނަލް ތިޔައީ ވަރަށް ޖަޒުބާތުގައި ޖެހިތިބެގެން ނިންމުންތައް ނިންމާބައެއް.
ސަސ
20 June 2022
ސަރުޚަރަށް މިވަރަށް ސަނާކިޔާއިރުވެސް ވާވަރުދޯ
އިބްރާހީމް ދީދީ
20 June 2022
އަލްޙަމްދު ލިﷲ މަރުޙަބާ! އުސްތާޒު ޢިޔާޟް
1828
20 June 2022
ކުރީ ސަރުކާރުން ނުހައްޤުން އަދި ސިޔާސީ ބޭނުނަމަށް ވަޒީފާއިން ވަކިކޮށްފައިވާ ފަރާތްތަކަށް ވަޒީފާ އަނބުރާ ހޯދައިދޭނެކަމަށް ވައުދުވެގެން މިސަރުކާރު އައީ. އެކަމަށްޓަކައި ރައީސް އޮފީހަށް ހުށަހަޅަން ހުޅުވާލި. އަދި އިންތިޤާލީ އޮފީހެއް ޤާއިމްކުރި. ވަޒީފާ އަނބުރާ ލިބުނީ އެމްސީ ހަމީދު، އަދުނާނު، ރިޔާޟް އަދި ޝަމާލުމެން ފަދަ މީހުންނަށް. ނިކަމެތިންނަކަށް ނުލިބުނު.
ހުސެން މުފީދު
20 June 2022
ޓްރައިބިއުނަލުން ތި ކަން ނިންމަންވެސް 11 މަސް ތި ހޭދަކުރީ! .. މިތަނަށް ހުށައަޅާ މައްސަލައެއް އެތައް އަހަރަކުން ނިންމާފައި ، މި އަންގަނީ ގޭގައި ނުވަތަ އެހެން ވަޒީފާއެއްގައި ހުރި މީހަކަށް، މަސައްކަތަކާ ނުލާ އުޖޫރަދޭން!!
ބެއްޔާބެއިބެ
20 June 2022
ތި އަދި 11 މަހެއްނު. އަޅުގަނޑު މައްސަލަ ލައިގެން އުޅޭތާ 1 އަހަރާ 11 މަސްވީ މި. ނުވިތާކަށް އަޑުއެހުންތައް ނިންމާލިތާވެސް 11 މަސް. ޙުކުމް ކުރަން އަޑުއެހުން ނުބާއްވާ. ޙަމަ ގައިމު ވަކިކުރިތާ 3 މަސް ނުވަނީސް މައްސަލަ ލައިފިން. ދެން ވަޒީފާ އަނބުރާ ދޭން އަންގާ ހާލަތުގައި މުސާރަ ދިނުމުންވެސް މި ގޯސްވާންވީ މުވައްޒަފު މީހާތަ. ޓްރައިބިއުނަލުގެ މައްސަލައެއްނު ތީ
އަބޫބަކުރުބެ
20 June 2022
މަރުހަބާ ޑރ. އިޔާޒު.
މާހިދުގެ ހުތާ
20 June 2022
އިޔާޒު ވަކި ކުރިމީހާ ދޭ ދެން ބޮލިހިލަން
ގަމާރާ
20 June 2022
ބޮލި ހިލުން އެއީ ކަޑަކަމެއް ނޫނޭ. ބޮލިހިލުން އެއީ އާމްދަނީ ހޯދުމަށް އޭރުގެ މީހުން ކޮށް އުޅުނުކަމެއް. ހަމަގައިމުވެސް ހަށިވިއްކައިގެން ނުވަތަ ރިބާކައިގެން ފައިސާ ހޯދުމަށްވުރެ ތާހިރެންނު ދޯ؟