މިއީ އަލީ ސޯލިހު ޒަހަމްކޮށްލި މީހާ، އެ ހަމަލައިގެ ކުރިން އަލީ ސޯލިހަށް އިންޒާރު ދެމުން ސައިކަލްގައި ދަނިކޮށް އެ މީހާގެ ފަހަތުން އަލީ ސޯލިހު ނަގާފައިވާ ފޮޓޯއެއް.
22 އޯގަސްޓް 2022 - 21:15
61 comments
ތިމާވެއްޓާއި ޓެކްނޮލޮޖީ މިނިސްޓްރީގެ ސްޓޭޓް މިނިސްޓަރު އަދި ޖުމްހޫރީ ޕާޓީގެ ތަރުޖަމާނު އަލީ ސޯލިހަށް ތޫނު އެއްޗަކުން ހަމަލަދީ މިއަދު ޒަހަމްކޮށްލީ، މަރާލާނެ ކަމުގެ އިންޒާރާއެކު ކަމަށް އޭނާ ވިދާޅުވެއްޖެ އެވެ.
ހުޅުމާލޭގައި ހިންގާ އަމިއްލަ ކުންފުންޏެއްގައި އޮތް ސްކޫލުގެ ހަރަކާތަކަށް ދަރިފުޅު އެ ތަނަށް ލާފައި ވަޑައިގަންނަވަނިކޮށް، މިއަދުގެ މެންދުރު އޭނާ އަށް ތޫނު އެއްޗަކުން ހަމަލަދީ، ޒަހަމްކޮށްލީ މިދިޔަ ޖުލައި 1 ގައި ސަލްމާން މިސްކިތުގެ މިންބަރަށް އަރައި އަޑުގަދަކުރި މީހާ އެވެ. ހުކުރު ނަމާދަށް މީހުން ޖަމާވެފައި ތިއްބައި މިންބަރަށް އެ މީހާ އެރުމުން ހައްޔަރުކުރި ނަމަވެސް ހަމަ އެ ދުވަހު ދޫކޮށްލި އެވެ. ސަބަބެއް ކަމަށް ބުނީ ނަފުސާނީ ބަލީގެ މީހެއް ކަމަށް ވުމެވެ.
އޭނާއަކީ ނަފުސާނީ ބަލިމީހެއްކަން ސާބިތުވާ މެޑިކަލް ރިޕޯޓުތައް އާއިލާ އިން ހުށަހެޅުމުން އޭނާ ހަމަ އެ ދުވަހު އާއިލާއާ ހަވާލުކުރީ އެވެ.
އޭގެ ފަހުން ވެސް މަގުމަތީގައި އެކި މީސްމީހުންނަށް އިންޒާރުދީ، އުނދަގޫ ކުރަމުންދިޔަ، ރ. މަޑުއްވަރީގެ އެ މީހާ އަލީ ސޯލިހަށް ހަމަލަދިނީ މިހާރުގެ ސަރުކާރަށް ނިސްބަތްވާ ބޭފުޅެއް ކަމަށް ބުނެ ކަމަށް އަލީ ސޯލިހު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު، އަލީ ސޯލިހާ ސަލާމް ކުރައްވަނީ: އޭނާ އަށް މީހަކު މިއަދު ހަމަލަދިނީ، ދަރިފުޅުގެ ސްކޫލުގެ ހަރަކާތަކަށް ހުޅުމާލޭގެ ތަނަކަށް ލާފައި ސައިކަލްގައި ވަޑައިގަންނަވަނިކޮށް.
"ކަލޭ ތިއީ ކަތިލަން ޖެހޭ މީހެކޭ، މަރާލާނަމޭ ކިޔާފައި އޭނާ އަޅުގަނޑަށް ހަމަލަދިނީ. އެ މީހުންގެ މީހުން ހައްޔަރުކޮށްގެނޭ ސަރުކާރުން އުޅެނީ ކިޔާފައި ދިމާކޮށްގަތީ. ސީދާ މަރާލާނަމޭ ބުނީ. ކުރަފަތެއް ކަހަލަ އެއްޗެއް ނަގާފައި ގުރުއާނުގެ އާޔަތެއް ކިޔަމުން އަޅުގަނޑަށް ހަމަލަދިނީ،" ސައިކަލްގައި ވަޑައިގަންނަވަނިކޮށް އަލީ ސޯލިހަށް އެ މީހާ ހަމަލަދިން މައްސަލައިގައި އޭނާ ވިދާޅުވި އެވެ.
އަލީ ސޯލިހުގެ އަތަށް ހަމަލަދީ މިއަދު ޒަހަމްކޮށްލާފައި.
އަލީ ސޯލިހަށް ހަމަލަދިންތާ އިރުގަނޑެއްގެ ތެރޭގައި އެ މީހާ ހައްޔަރު ކޮށްފައިވާއިރު، އޭނާ ވަނީ އަލީ ސޯލިހުގެ ވައަތުން 2-3 އިންޗީގެ ތަނެއް ކަފާލައިފަ އެވެ. އަދި ބުރަކައްޓަށް ހަމަލަދިން ނަމަވެސް އެ ހަމަލައިގައި ކަނޑައިގެން ދިޔައީ ގަމީހުގެ ތަންކޮޅެކެވެ.
"އަޅުގަނޑު ސަައިކަލްގައި ދަނިކޮށް ކައިރި ކޮށްލާފައި އެކިއެކި އިންޒާރު ދެމުން ގޮސް ވަކި ހިސާބަކުން މަޑުކޮށްލާފައި ހަމަލަދިނީ،" އަލީ ސޯލިހު ވިދާޅުވި އެވެ.
އަލީ ސޯލިހުގެ އަތަށް ދިން ހަމަލާގައި ކަފައިގެން ދިޔަ ތަނުގެ ލޭ.
އޭނާ އަށް ހަމަލަދޭ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި މިހާރު ވަނީ އާންމުވެފަ އެވެ.
އެ ވީޑިއޯ އިން ފެންނަ ގޮތުގައި އަލީ ސޯލިހަށް ތޫނު އެއްޗަކުން ހަމަލަދިނުމާއެކު، އަލީ ސޯލިހު އެ މީހާ ދިމާއަށް ސައިކަލް ވައްޓާލާފައި ބާރަށް ދުވެވަޑައިގަންނަވަ އެވެ. އެއާއެކު، އެ ސަރަހައްދަށް މީހުން ޖަމާވެ، އެ މީހާއާ ޒުވާބު ކުރަން ފެށި އެވެ. އެ ވަގުތު އެ މީހާއާ ދިމާ އަށް ދުއްވައިގަތް އާންމުންގެ މީހުން ވެސް "ކަތިލާނެ" ކަމަށް ބުނެ އިންޒާރު ދެ އެވެ. އާންމުކޮށް ދަބަހެއް އަޅުވައިގެން ސައިކަލްގައި އުޅޭ އެ މީހާ ހުއްޓުވަން ދުރުގައި ތިބެ މަސައްކަތް ކުރި މީހުންނާ ދިމާ އަށް ގޮވަމުން ދިޔައީ ތިމަންނަ އުޅެނީ އާހިރަތަށް ކަމަށާއި ދުނިޔެއަށްޓަކައި ނޫން ކަމަށެވެ.
އެ މީހާ މީގެ ދެ ރޭ ކުރިން ފުލުހުންނަށް އިންޒާރުދީ، ކުރިމަތިލާ ވީޑިއޯއެއް ވެސް ސޯޝަލް މީޑިއާގައި އާންމުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަޑިތަކުރު
24 August 2022
ކޮންމެ މައްސަލައެއް ހުއްޓަސް ތިއީކީ މީހުންގެ ތެރެއަށް ދޫކޮށްފައި ބެހެއްޓުން އެކަށީގެންވާ މީހެއްނޫނެވެ.
އެމްސް
23 August 2022
ޔަހޫދީން އަޑީގަ ތިބެގެން މަދީނާ ޔުނިވަރސިޓީ ކަހަލަ ބޮޑެތި ޔުނިވަރސިޓީތަކުގެ އިމާމުން ބޮލަށްވަދެގެން ކިޔަވާދޭ ދަރިވަރުން މިގޮތައް ބައްޓަންކުރަނީ. ދީނާމެދު ނަފްރަތު އުފައްދަން، އެދަރިވަރުން "އިލްމްވެރިން" ކިޔައިގެން މިތާ ފަތުވާދޭން މިތިބީ. އައިއެސް ޖަމާއަތުން ދުވަހަކުވެސް އިސްރޭލަށް ގާބުރިއެއްވެސް އެއްލާފައެއްނެތް. ހަގުރާމައިގަ ޒަހަމްވާ މީހުންނަށް ފަރުވާދެނީ އިޒްރޭލުގެ ހޮސްޕިޓަލްތަކުން. ރަގަޅުވީމަ އަލުންް ހަގުރާމައިގެ މައިދާނަށް ދޫކޮއްލަނީ.
މަކްތަބާ ސަލަފިއްޔާ
23 August 2022
ތިީ މަކްތަބާ ސަލަފިއްޔާ އިން އުނގޭ ދަރިވަރުން. ދަރިން ސްކޫލަށް ނުފޮނުވާ ހެވިކަން ކިޔަވައިދެނީ. މި ގައިމުގަ ޒުވާން ޖީލެއް އެބަ ހަލާކު ކުރޭ. މިކމާ ވިސްނާ ފިޔަވަޅު ސަރުކާރުން ކީއްވެތަ ނާޅަނީ؟
މުޙުއްމާ
23 August 2022
ނަފްސާނީ ބަލިހުއްޓަސް އާއްމު ރައްޔިތުންނަށް ނުރައްކާ ވަންޏާ އޭނާހުންނަންޖެހޭނީ ބުންދުކުރެވިފަ.
ވާލުސޮރު ގެ މާމަ
23 August 2022
ކޮބާ މިފަހަރު ޖިނާއިޖުރާއަތުގެ ގާނޫނުން ބާރުލިގެން ވާނުވާ ޖަހަން ބޭނޫންކުރާ މުޖުތަމައަށް ނުރައްކާވާ ތަންކޮޅު ބޯހަލާކު
މެންޓަލް
23 August 2022
މިދިޔަ ހުކުރުދުވަހު އަފްގާން މިސްކިތެއް ގޮއްވާލާ އެތައްބަޔަކު މަރާލި.ސަބަބަކީ ތިމާ ގަބޫލުކުރާގޮތް ފިޔަވާ އެހެންގޮތަކަށްއުޅެނީ ކާފަރުންކަމަށް ޝޭހުން ވިސްނައިދިނުން. ރާއްޖޭގައިވެސް ހަމަވަނީ މިހެން. ތިމާ ނުރުހެންޏާ ލޭހުއްދަކޮށް ގަޔަށް ބޮލަށްއެރުންވެސް އޯކޭ. ރާއްޖޭގެ ގިނަ ޝޭހުންނަކީވެސް މިކަހަލަ ވިސްނުން ފެތުރުމުގަ ހިއްވަރުދޭބައެއް.
އަޙްމަދު ވަހީދު
23 August 2022
އިސްލާމީ ޝަރީޢާ ކިޔަވައިގެން ތިބޭ ޝޭހުންނެއް ނުތިބޭނެ އެކަހަލަ ހިތްވަރުދޭ ؟ ތިދައްކަނީ ޝޭހުންގެ ނަމުގައިތިބޭ ލާދީނީ ފިކުރުގެ ޖާހިލުންގެ ވާހަކަ. އެއީ ހުޅަނގުގެ ޕްރޮޕެގެންޑާ ފަތުރަން އުޅޭމީހުން މި ކުޑަ ރާއްޖޭގައިވެސް މިކަމަށް ވާގިދޭ ފަރާތްތަށް ވަރަށް ގިނަ..
ސްކޫލަށް ނުފޮނުވާ
23 August 2022
ދަރިން ސްކޫލަށް ނުފޮނުވާ މައިންބަފައިން ނަކީ މިއީ. މިއީ މަޑުއްވަރީގަ އާއްމު ކަމެއް. މާލޭގަވެސް އޭގެ މަޑުއްވަރީ ބައެއް އުޅޭ
ދޮންޑު
23 August 2022
ޢެހެން ގައުމުރަކުގަ ފުލުހަކައް ވެވެނީ 2.5 އަހަރު ކިޔަވައިބ އަދި ތަމްރީނު ހަދައިގެން، މިގައުމުގަ 3 މަސް ފުލުހަކައްވާން
ރަދީފްއޮފިޝަލް
23 August 2022
މިއީ ނަމޫނާ ގައުމެއް.އެހެން ގައުމުތަކުގެ (ތަހްޒީބް ސޮސައިޓީ) ގާނޫނު ހަދާ މަޖްލިހަށް ވަދެވޭތަ ކާޕެންޓަރުންނަށް؟؟ ދަނޑުވެރިންނަށް؟؟ ވޯކަލިސްޓުންނަށް؟؟ މަސްވެރިންނަށް؟/ އެކްޓަރުންނަށް؟؟ ޖަވާބު: ނޫން.
ސަރުތު
23 August 2022
އެވެސް ގުރޭޑް10ގެ ފެންވަރުން
ބޯހަލާކޭ ވަތަން
23 August 2022
ފުލުހުން ޢަމަލު ކުރަންޖެހޭ ގާނޫނު ހަދަން މަޖިލީހަށް ވަދެ ތިބީ ޝަރުތެއްކަމަށް ހަމައެކަނި ލިޔަންކިޔަން ދަތުން ހިިފައިގެން ތިބިބަޔަކު. ޕިކަޕް ޑްރައިވަރުން، ކޮންސްޓްރަކްޝަން ސައިޓް ސުޕަވައިޒަރުން، ފަތްބޯ މީހުން، ކުޑަކުދިންނާ ބެހޭ މީހުން، ދަމާކަނޑަށް އުޅޭމީހުން، ގާއުކަން އުޅުނު މީހުން. ޕޮލިހަށް ވަދެވޭނީ އޯ ލެވެލް ނިންމާފަ. އެހެންވީމަ އަނެއްހެން މައްސަލައެއްނޫން. ފުރަތަމަ އެކަމަށް ޙައްލެއް ހޯއްދަވައިދެއްވާ.
ހަސަނު
23 August 2022
ފުލިހުންނާވެސް ކުރިމަތިލި؟ އެ ވަރު މީހަކު ރަށުތެރެއަށް ދޫކޮށްދައި ބެހެއްޓި ބަޔަކު މަށަށް އެންމެ މިޔައީ... މީހަާގެ ސިކުނޑީގެ މައްސަލައެއް ހުރުމަކީ މިނިވަން ކޮށް ދޫކޮށްލަންޖެހޭ ސަބަބެއް ނޫން..
އައިމިނާ
23 August 2022
ހުޅުމާލެ ފުލުހުންނަށް އެއްވެސްކަމެއް ނުވާނެ.އެއީ ތާސްކުޅެ މަޖާ ކުރަން ތިބޭ ބައެއް. ކުރިން ދުވަހަކު ހެނދުނު ގަޑީގަ މޫދަށްގޮސް ތިބި އަންހެނުން ތަކަކާ ދިމާލަށް މަސްތުވެގެން ހުރި ޒުވާނަކު އައިސް ކުފުރުގެ ބަސްތައް ބުނެ އަވަގުރާނަ ގޮވާތީ މަގުމަތި ބަލަހަށްޓަން ދުއްވާ ފުލުހުންނަށް އިޝާރާތް ކުރުމުން އައިސް ބުނަނީ އޭނަ ނުގެންދެވޭނެޔޯ .ދައްތަމެން މިތަނުން އެއްފަރާތަކަށް ދާށޯ. އޭރު އޭނަ ލޮބުވެތި ނަބިއްޔާ އަށް ނިސްބަތްކޮށް ހަޑި ހުތުރު ބަސްތައް ބޭނުންކުރީ
އަލިދީދި
23 August 2022
ފުލުހުން ރައްޔިތުންނާ މުހާތަބު ކުރާނީ ދައްތަ، ބޭބެ ކާފަ މާމަ އަމާ ބަފާއޭ ކިޔާފައެއް ނޫން. ރާއްޖޭގެ ފުލުހުން އާންމުންނާ ހިސާބަށް ނެރޭ އިރު ޕްރޮފެޝަނަލްކޮށް ރައްޔިތުންނާ މުހާތަބު ކުރަން ދަސްކޮށްދޭންޖެހޭނެ. ތަހްޒީބުވެފައިވާ ގައުމުތަކުގައި ފުލުހުން ރައްޔިތުންނާ މުހާތަބު ކުރާ ގޮތް ބަލަންބޭނުން ކޮންމެ މީހަކަށް ފެންނަން އެހެރީ. ހަޑިކޮށް މުހާތަބު ކުރާ ފުލުހުންނާ ދޭތެރޭ އެފަދަ ގައުމުތަކުގައި ޑިސިޕްލިނަރީ އެކްޝަން ނަގާނެ.
ށަވިޔަނި
23 August 2022
ފުލުހުންނަށް ކަންނުވަނީއެއްނޫން. ސިޔާސީ ނުފޫޒު އޮންނަވަރު ބޮޑީ. ފުލުހުންނާއި ޝަރުޢީ ދާއިރާ މިނިވަން ނުވެ ގައުމުގައި އަމަންއަމާންކަން ގާއިމުނުކުރެވޭނެ.
100 ގެ ގައުމެއް މިއީ!
23 August 2022
މީގަ އެންމެ މޮޅުއިތުރު ރަގަޅު ގޮތަކީ އިންޓަނެޓް ކަޑާލާފަ، ބޯތަޅާ މަދަރުސާ ހުޅުވާފަ ރައިވަރު ކިޔަމުން އުދޯލިހެއްލާހެން ބޯތަޅުވާލަ ތަޅުވާލަ ތިބުން! ދުނިޔެވީ އިލްމް ކިޔަވާނި ކަމެއް ނެތް. 100 ގަ ހިފަހައްޓާލެވޭނެ އޭރުން!
އަޙްމަދު ވަހީދު
23 August 2022
ނަފްސާނީ މީހުންނަށް ފަރުވާދޭ މަރުކަޒެއް ހަދަން ވެއްޖެނު؟ އެމެރިކާ ފަދަ ގައުމުތަކުގައިވެސް މިފަދަ ތަންތަން ހުރޭ..
ގުއަންޓަނަމޯ ބޭ
23 August 2022
އެމެރިކާގަ މިކަހަލަ ނަފްސާނީ ބަލިމީހުންގެ ސެންޓަރު ހުންނަނީ ކިޔުބާގާ!