ވިއަވަތި ކޮންފަރެންސްގައި އެންވަޔަރްމަންޓް ޝައުނާ ވާހަކަދައްކަވަނީ.-- ފޮޓޯ: ރައީސް އޮފީސް
21 ސެޕްޓެމްބަރ 2022 - 07:02
17 comments
އުތުރުގެ ރަށްތަކަށް ވުރެ ދެކުނުގެ ރަށްތަކަށް ގިނައިން ވާރޭވެހޭ ކަމަށް ރިޕޯޓުތަކާ ހަވާލާ ދެއްވައި އެންވަޔަރްމެންޓް މިނިސްޓަރު އާމިނަތު ޝައުނާ ވިދާޅުވެއްޖެ އެވެ.
ލ. ގަމުގައި މިދިޔަ ހަފުތާގައި ބޭއްވި "ވިއަވަތި" ކޮންފަރެންސްގައި، ތިމާވެއްޓާ ގުޅޭ ޕްރެޒެންޓޭޝަނެއް ހުށަހަޅުއްވައި ދެއްވަމުން އޭނާ ވިދާޅުވީ މޫސުމީ ބަދަލުތަކާ ގުޅިގެން ރާއްޖެ އަށް ވެސް ބޮޑެތި ބަދަލުތައް އަންނަމުންދާ ކަމަށެވެ.
އޭގެ ތެރޭގައި، ފިނި ހޫނުމިނާއި ވާރޭވެހޭ ވަރާއި ރަށް އަދި ފަރުތައް ގިރުމުގެ މައްސަލަތައް ކުރިމަތިވެ، އެކަމުން އަރައިގަތުމަށް ދައުލަތުން ކުރާ ހޭދަ އިތުރުވަމުން ދާ ކަމަށް، ރައީސް އިބްރާހިމް މުހައްމަދު ސޯލިހު ޗެއާކުރެއްވި ބައްދަލުވުމުގައި ޝައުނާ ވިދާޅުވި އެވެ.
މިނިސްޓަރު ވިދާޅުވިގޮތުގައި، ރާއްޖޭގެ ފިނިހޫނުމިން ގާތްގަނޑަކަށް ކޮންމެ 10 އަހަރަކުން 0.24 ޑިގްރީ ސެލްސިއަސް އިތުރުވަމުންދާ ކަމަށެވެ. އަދި އައިޑީސީސީގެ ރިޕޯޓުތަކާ ހަވާލާ ދީ، އޭނާ ވިދާޅުވީ ރާއްޖޭގެ އުތުރުގެ ރަށްތަކަށް ވުރެ ދެކުނުގެ އަތޮޅުތަކަށް ވާރޭވެހޭ ވަރު އިތުރު ކަމަށެވެ.
ވާރޭވެހޭ ވަރު ވެސް އެއް މަހުން އަނެއް މަހަށް އަދި އެއް އަހަރުން އަނެއް އަހަރަށް ބޮޑެތި ބަދަލުތަކެއް އައިސްފައިވާކަން، މޫސުމާ ބެހޭ ގައުމީ އިދާރާގެ ޑޭޓާތަކުން ދައްކާކަން ވެސް ތިމާވެއްޓާ ބެހޭ ވަޒީރު ފާހަގަކުރެއްވި އެވެ. އޭގެ މިސާލަކަށް ނެންގެވީ، ކުރިން ދެ ދުވަހުން ވެހޭ ވާރޭ، މިހާރު އެއް ދުވަހުން ވެހުމެވެ.
ވިއްސާރަ ރެއެއްގައި މީހަކު ސައިކަލު ދުއްވަނީ: އެންމެ ގިނައިން ވާރޭވެހެނީ ދެކުނަށް.-- ފޮޓޯ: ފަޔާޒު މޫސާ/ މިހާރު
ޝައުނާ ވިދާޅުވި ގޮތުގައި ފާއިތުވި އަހަރުތަކުގައި އަހަރަކު 4.2 މިލިލީޓަރަށް ކަނޑުގެ ލޮނުގަނޑު އުސްވެފައިވެ އެވެ. އެ ރޭޓުން ބަލާ ނަމަ 100 އަހަރުގެ ތެރޭގައި 1.4 ފޫޓަށް ކަނޑުގެ ލޮނުގަނޑު އުފުލޭނެ ކަމަށް ލަފާކުރެވޭ ކަމަށް އޭނާ ވިދާޅުވި އެވެ.
ނަމަވެސް، މިނިސްޓަރު ވިދާޅުވީ މޫސުމީ ގޮތުން ލިބޭ ގެއްލުމޭ ކިޔައި އަތްއުރާލައިގެން ތިބެވޭކަށް ނެތް ކަމަށެވެ.
"އަޅުގަނޑު އަބަދުވެސް ދައްކާ ވާހަކައަކީ ދިވެހި ރައްޔިތުން، ދިވެހި ރާއްޖޭގައި ދިރިއުޅެން ބޭނުމޭ. އަޅުގަނޑުމެން ދިރިއުޅެން ބޭނުންވަނީ އަޅުގަނޑުމެންގެ ދަރިންނާ އެކީގައި. އަޅުގަނޑުމެންގެ ރަހުމަތްތެރިންނާ އެކީގައި، އަޅުގަނޑުމެންގެ އާއިލާތަކާ އެކީގައި. އެހެންވީމާ މި ރަށްތައް ދޫކޮށް ދާކަށް އަޅުގަނޑުމެން ބޭނުމެއް ނުވޭ،" އޭނާ ވިދާޅުވި އެވެ.
މޫސުމީ ގެއްލުންތައް ކުޑަކުރުމަށް ވިލުންވެރި މުޖުތަމައުއެއް ބިނާކުރުމަކީ މުހިއްމު ކަމެއް ކަމަށާއި އެ ބަދަލުތަކަށް ހޭނެން ޖެހޭނެކަމަށް ވަޒީރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޔާ
21 September 2022
އެހާ ގިނައިން ވާރޭވެހޭ ހިސާބުގެ މީހުން އެކަމު ކިޔައި އެއުޅެނީ ނަޖިސްފެނުން ކައިބޮއި ފެންވަރައިގެން އުޅޭ ވާހަކަ. އެހާ ސާފުފެން އުޑުން ވެއްސަވާއިރުވެސް އެ ނިއުމަތުގެ ބޭނުން ކުރުމެއް ނެތް. ބޭނުންވަނީ ހަމަ މާލޭގަ ބޮޑު އަގުގަ އުފައްދާ ބަނޑުހަރުވާ ފެން. ވާރެފެން މާ ގިނަވެގެން އުޅޭނަމަ ސްޓެރިލައިޒްކޮށްފަ ފުޅީގަ ބަންދުކޮށްގެން ވިއްކަން ފަށަންވީނު. ޔަގީން ވިކޭނެކަން.
ދެނޯ؟
21 September 2022
ސީއެންއެންގެ ހަބަރެއްގަ ވޭ ނާސާއާ ޔޫއެސްޖީއެސްގެ ހޯދުންތަކުން ދައްކަނީ 2050އާ ހަމައަށް ކަމަށް ރާއްޖެ ފެންމަތީ އޮންނާނީ.. ދެން ކިހިނެތްބާ ހަދާނީ؟
ދެކުނޭ؟
21 September 2022
ދެކުނަށް ވާރޭ ވެހި ވެހި ފެނު އަޑީގަ!
އޮނަރަބްލް އަފީފު ދީދީ
21 September 2022
މަޤާމްގައި ހުންނެވުމުން އިއްޒަތްތެރި މިނިސްޓަރު މިވާހަކަ ނުދެއްކެވި ކަމުގައިވިޔަސް އިއްޒަތްތެރި ވަޒީރަށް ރަނގަޅަށް އެގިވަޑައިގަންނަވާނެ ދައުލަތުގެ ބަޖޭޓުން ދެކުނަށް ވެހޭ އެއްވެސް އެއްޗެއްނެތްކަން. # އަހަރުމެނަށް މިވަގުތު އޮތީ ﷲ ގެ ރަހުމަތްފުޅުން ވެހޭ ވާރޭފެން. ޝަކުވާ ހުރި ކަމުގައިވިޔަސް ބާރުއޮތީ ޝައުނާމެންގެ ސަރުކާރުއޮތް ރަށުގައި ކަމަށްވާތީ އަހަރުމެނަށް މިވަގުތަށް އިތުރުގޮތެއް ނެތީމާ ހަމްދުކޮށްގެން ތިބެނީ.
އަލީރާޖާ
21 September 2022
ވާރޭވެހޭލެއް އިތުރުވެދާނެ އަދި ފިނިހޫނުމިނަށް ބަދަލުތަށް އައުންވެސް އެކަށީގެންވޭ ، ނަމަވެސް ކަނޑުގެ ލޮނުގަނޑު އުފެލޭވަރަށް ރަށ\ްތަށް އުފުލޭކަން މިމީހުންނަށް ނޭގެނީ ،،،،
ސައުތު
21 September 2022
ފްލޯޓިނގް އައިލެންޑް ތަކެއްތަ މިއީ. ކީއްވެ ނުބުނީ ދުނިޔެއަކީ ފްލެޓް އެއްޗެކޭ
ދުމްމ
21 September 2022
ދެކުނަށް ގިނައިން ވާރޭ ވެހުން އެއީ ތަބީއީ ކަމެއް. މޫސުމަށް އަންނަ ބަދަލުތަކާ ގުޅެއް އޮތްކަމެއްނޫން އެއީ.. ސަބަބުތައްވެސް އެބަހުރި.
ޗަރުކޭސް
21 September 2022
އެންމެ ގިނައިން އުކުނު އަޅަނީ ކޮން ބައެއްގެ ބޮލުގައިތޯވެސް ބުނެލަބަލަ!
ހެޑްލައިން
21 September 2022
ދެކުނުގައި ވޯޓާ ޕާކެއް ހަދަން ފެނޭ ނޫނީ ރެއިން ވޯޓަރ ޕްލާންޓެއް ހަދަން ފެނޭ ދޯ! ޕަކާސް
މައެުލޫ
21 September 2022
މިނިސްޓަރގެ މައުލޫމާތު ގޯހީ. ކަނޑުގެ ލޮނުގަނޑު މިހާރު 4.2 މމ އަހަރަކު އިތުރުވިޔަސް އައިޕީސީސީގެ ފަހުގެ ރިޕޯޓުގަ ބުނޭ ކަނޑުގެ ލޮނުގަނޑު އުފުލޭ ރޭޓް މައްޗަށް ދާކަން. ރާއްޖޭގެ މެޓް އޮފީސް ހިސާބުތަކުންވެސް އެކަން އެނގޭނެ. 1980- 2010 ކަނޑުގެ ލޮނުގަނޑު ރާއްޖޭގައި އުފުލެމުން ދިޔަ ރޭޓަކަށް ދެއްކީ 3.3 މމ އަހަރަކު. 1980-2000 ނަމަ އެރޭޓު 2-2.5 މމ ރޭޓުގަ އުޅޭނީ. ވީމާ ގަރުނު ނިމޭއިރު މިރޭޓް 7-9 މމ ރޭޓުގަ ހުރުން ގައި އަދި ޖުމްލަ 1.4 ފޓ އަށްވުރެ މަތިވާނެ
ސޯލިބ
21 September 2022
ރަށްތައްް ދޫކޮށް ދާންނުޖެހޭކަން އެނގޭނެ އެހެން ސަރުކާރެއް އައިމާ. ތިޔަ ހުރިހާ މީހުންގޮސްް ފިލާތިބޭނީ ރާއްޖޭްން ބޭރުގައި.