ކޮޕް27: އެހެން ގައުމެއް ތަމްސީލުކުރުމުން ނަޝީދުގެ ހިތުގައި ރާއްޖެއަށް އޮތް ގަދަރު ކުޑަކަން ހާމަވޭ: އެމްއާރުއެމް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު: ކޮޕް 27 ގައި ލަންކާ ތަމްސީލުކުރެއްވުމަށް މިސްރަށް ވަޑައިގަތުމުން ނަޝީދަށް ފާޑުކިޔުންތައް ވަނީ ކުރިމަތިވެފައި-- ފޮޓޯ: މަޖިލިސް

މާއިދާ މުހައްމަދު ރަޝާދު، މިހާރު

06 ނޮވެމްބަރ 2022 - 17:40

21 comments

މޫސުމަށް އަންނަ ބަދަލުތަކާ ގުޅޭ އދ. ގެ ކޮންފަރެންސް، ކޮޕް 27 ގައި ބައިވެރިވެވަޑައިގަތުމަށް ސްރީ ލަންކާގެ ވަފުދާ އެކު ކުުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވަޑައިގަތުމަކީ އެމަނިކުފާނުގެ ހިތްޕުޅުގައި ރާއްޖެއާ މެދު އޮތް ގަދަރު ކުޑަކަން ހާމަވާ ކަމެއް ކަމަށް މޯލްޑިވްސް ރިފޯމް މޫވްމަންޓް (އެމްއާރުއެމް) އިން ބުނެފި އެވެ.

ކޮޕް ސަމިޓަށް ލަންކާގެ ވަފުދުގެ މެމްބަރެއްގެ ގޮތުގައި އެ ގައުމު ތަމްސީލު ކުރެއްވުމަށް ނަޝީދު މިސްރުގެ ޝަރުމުއް ޝައިހަށް ވަޑައިގަތުމުން ގިނަ ބަޔަކު ދަނީ ފާޑިކިޔަމުންނެވެ.

ކުރީގެ ރައީސް މައުމޫން އަބްދުލްގައްޔޫމްގެ އެމްއާރުއެމުން އެ މައްސަލާގައި ކަންބޮޑުވުން ފާޅުކޮށް، ނެރުނު ބަޔާނެއްގައި ބުނީ، ނަޝީދު އެހެން ގައުމެއް ތަމްސީލު ކުރެއްވުމަށް ވަޑައިގަތުމަކީ އެ ޕާޓީން ބަލައިގަންނަ ކަމެއް ނޫން ކަމަށެވެ.

އެމްއާރުއެމުން ބުނީ، ނަޝީދުގެ އެ އަމަލަކީ ދިވެހި ދައުލަތުގެ މަސްލަހަތާ ފުށުއަރާ، ގާނޫނުއަސާސީގެ 75 ވަނަ މާއްދާ އާއި ރައްޔިތުންގެ މަޖިލީހުގެ ގަވާއިދުގެ ރޫހާ ހިލާފު ކަމެއް ކަމަށް އެ ޕާޓީން ދެކޭ ކަމަށެވެ.

އެކަމަކީ "މަޖިލީހުގެ ރައީސްގެ މަސްއޫލިއްޔަތުތަކަށް އޮޅުން އަރާ ސުލޫކީ މިންގަނޑުތަކާ ހިލާފު އަމަލެއް" ގެ ގޮތުގައި ވެސް އެ ޕާޓީން ސިފަ ކުރެ އެވެ.

"ރާއްޖޭގެ މަޖިލީހުގެ ރައީސްކަމުގައި ހުންނަވައިގެން، ރާއްޖެ ވެސް ތަމްސީލުކުރާ ބައިނަލްއަގްވާމީ ކޮންފަރެންސެއްގައި، އެހެން ގައުމެއްގެ މަންދޫބެއްގެ ގޮތުގައި ވަޑައިގަތުމަކީ އެމަނިކުފާނުގެ ހިތްޕުޅުގައި ރާއްޖެއަށް އޮތް ގަދަރު ކުޑަކަން ހާމަކޮށްދޭ ކަމެކެވެ،" ނަޝީދުގެ ފަރާތްޕުޅުން އެފަދަ އަމަލެއް ފެނުމަކީ ވަރަށް ބޮޑަށް ކުށްވެރިކުރާ ކަމެއް ކަމަށް ބުނެ، ނެރުނު ބަޔާނުގައި އެމްއާރުއެމުން ބުންޏެވެ.

ދިވެހި ރައްޔިތުންގެ ފައިސާ އިން މުސާރަ ނަންގަވައިގެން ކޮޕް ސަމިޓުގައި ނަޝީދު، ލަންކާ ތަމްސީލުކުރައްވާތީ އެއީ އަމިއްލަ ގައުމަށް ވަފާތެރިވުންތޯ ސުވާލު އުފައްދައި އެތައް ބަޔަކު ނަޝީދަށް ފާޑުކިޔާފައިވެ އެވެ.

އެއީ ޖައްވަށް ދޫކުރާ ވިހަ ގޭސްތައް މަދުކުރުމާއި ތިމާވެށީގެ ސަބަބުން ލިބޭ ގެއްލުންތައް ކުޑަ ކުރުމަށްޓަކައި ބޭނުންވާ މާލީ ކަންކަން ފަހިކުރުން ކަހަލަ އެތައް މަޝްވަރާތަކެއް ކުރުމަށް ގައުމުތަކުގެ ލީޑަރުންނާއި އެކި ޖަމިއްޔާތަކާއި ވިޔަފާރިވެރިން ހިމެނޭ ގޮތަށް ބާއްވާ ސަމިޓެކެވެ.

ރައީސް މުހައްމަދު ނަޝީދު ތިމާވެށި މޯލްޑިވްސް ރީފޯމް މޫވްމެންޓް ސްރީ ލަންކާ ރާއްޖެ-ލަންކާ ދިވެހި ސަރުކާރު ރައީސް މައުމޫން އަބްދުލްގައްޔޫމް

21 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެމޫ

07 November 2022

ކޮންއިރަކުބާ އަންނިގެ ހިތުގަ ރާއްޖެއާ މެދު ގަދަރެއް އޮތީ؟ އެއިރެއްވެސް ބުނެލަދިންނަމަ. އޭނަގެ ކަންކަން ގެންދާނެ ހިސާބަކަށް ގެންދަންދެން އޭނައަށް ބޮޑެތި މަގާމުތައް ދީފަ އަދިވެސް ބެހެއްޓީމަ އެއަށްވުރެ ހަޑި ކަންކަންވެސް ކުރިއަށް އޮތްތަނުގަ ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރާމް

06 November 2022

ރާއްޖޭގަ އަޅާ ބްރިޖެއްގެ ފެށުމުގެ ރަސްމިއްޔާތަށް އިންޑިޔާގެ މޯދީ އަރިހަށް ދާއިރު މިގައުމުގެ އިއްޒަތާއި ގަދަރު ކޮބާތޯ؟ ރައްޖޭން ބައެއް ގެއްލިގެންދިއުމާ ދެކޮޅަށް ނަޝީދު ނިކުންނެވުމުން އަންނަ ހަމަލާތައް ކަމަށް ބެލެވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިމާމަން

06 November 2022

އެހެން ގައުމުތައް ތަމްސީލުކުރެވޭ ފެންވަރުގެ ލީޑަރުން ތިބީތީ މިގައުމު ފަޚުރުވެރިވާންނީ. މިމީހުން ބުނެފާނެ ޕްރޮފެސަރ އުގައިލް ޔޫކޭ ޔުނިވަރސިޓީގަ ކިޔަވަދޭން އުޅޭތީ އެމްއެންޔޫއަށް ކުޑައިމީސްކޮށް ހިތަނީއޭ. އަނެއްކާ ކާފަރުންތަކަކަށޭ ގޮސް ކިޔަވަދެނީ މިތާ ނުކިޔެވި އެތައްބަޔަކު ތިއްބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިއެއްނޫން

07 November 2022

އުގައިލް ހުރީކީ މިގައުމުގެ އެންމެ މަތީ މަގާމްތަކުން މަގާމަކުއެއް ނޫން. އުގައިލް ކުރަނީ އުގެއިލްގެ އަމިއްލަ މަސައްކަތެއް. ތިޔަ އަޅާކިޔާ 2 ކަން އެއްވަރެއް ނުކުރެވޭނެ. އެހެން ގައުމުތައް އެހާ ތަމްސީލުކުރާހިތްވާނަމަ މިގައުމުގެ މަތީ މަގާމުތަކުން އެއްފަރާތްވެ ހުރެގެން އޭނަ އެކަން ކުރީމަ ނިމުނީ. އުގައިލާ ނުބެހޭ ގޮތަށް އޭނައަކާވެސް އޭރުން މީހަކު ނުބެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލްބީން

06 November 2022

މިސަރުކާރުގަވެސް ދިވެހި ގައުމަށް ގަދަރެއް ނެތް. އިންޑިޔާ މީހުން އަޅުކަންކުރުމާއި އެމީހުންގެ އަޅުންނަށް ދިވެހި ދައުލަތްވެ ރާއްޖެއިން ބައެއް ގެއްލޭ ހިސާބަށް ދާނީ ގައުމަށް އެއްވެސް ގަދަރެއް ނެތުމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޅު

06 November 2022

އަހަރެމެން ފަހުރުވެރިވާންޖެހޭ ކަމެއް. ދިވެއްސަކު އަވަށްޓެރި ގައުމެއް ތަމްސީލު ކުރުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޅާ

07 November 2022

ލަންކާގެ މިހާރުގެ އިގްތިސާދީ ހާލަތު އޮތްގޮތުން ދަނޑިވަޅު ބަލާފަ އެކަމުގެ ފައިދާ ނެގުމަކީ އެހާ ރީތިކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

06 November 2022

ނަޝީދަކީ އެއްއިރެއްގައި ވެސް ރާއްޖެއަށް ގަދަރެއް ނުވަތަ ކުލުނެއް އޮތް މީހެއްނޫން. އޭނާއަކީ ޅަދަރިންނާއި ޒުވާނުން ހަލާކުކޮށް އަމިއްލަ އެދުމެއް ފުއްދަން އުޅުނު މީހެއް. އެކަން އޭނާ ކާމިޔާބު ވެސް ކޮށްފި. އަދި އެއީ އަދަބެއް ސަދަބެއް ލަދެއް ޙަޔާތެއް ވެސް ހުރި މީހެއް ނޫން. އަމިިއްލަ އެދުމުގައި ކޮންމެފަދަ ކަމެއް ވެސް ކޮށްފާނެ އޭނަ. އެއީ އިސާމީ ގައުމެއްގެ ގާނޫނު ހަދާ މަޖުލިހުގައި ބައިންދަން ހެޔޮވާވަރުގެ މީހެއް ވެސް ނޫން. ބަޔަކުު ލޮލަށް މިރުސް އެޅުނަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

06 November 2022

ކުރިން ކިޔެނީ 30 އަހަރުގެ ވެރިކަމޭ ހުރިހާ ގޯހަކީ އެކަމަކު މިހާރު 3 އަހަރަށް ބަދަލުވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުންދަންޑި ފާތުމަ

06 November 2022

މައުމޫނު ކީއްވެގެންތަ ސަމިޓައް ނުދިޔައިީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިން ޓިން

06 November 2022

ބަލަ އެއީ އޭނާ މިސްރަށް ދާހިތުން ކުރިކަމެކޭ. ދެން މައްސަލައެއް އޮންނާނެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނު222

06 November 2022

ބަލަ ނަޝީދު ކޮޕް27 ހަށް ދިޔައީ ރާއްޖޭން ރާއްޖެ ތަމްސީލް ކުރުމަށް އެދިފަ ވަނިކޮށް އެކަމަށް އިންކަރު ކުރުމަށް ފަހުގަބާ ނޫނީ ރާއްޖޭގެ ވަފްދުގަ ނުހިމެނެމުން ތޯ؟ރާއްޖޭގެ ވަފްދުގަ ނުހިނެންޏާ އެހެން ޤައުމަކުން އެފުރުސަތު ލިބިގެން އެޤައުމު ރެޕްރެސެންޓް ކުރުން އެއީ މައްސަލައަކަށް ވީ ކީއްވެންބާ. ރާއްޖޭގެ ފޮރިންމިނިސްޓަރު އަހަރަކަށްވުރެ ގިނަދުވަހު ޔޫއެންގަ މަސަތްކަތް ކުރިއިރު މައްސަލައަކަށް ނުވީ ރޮޒޭ އެވާހަކަ ތިޕާޓީ މީހުނަށް ނާނަގާ އޮތީމަތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

06 November 2022

މޮޔަނުގޮވާ! ތިޔަހުރިހާ ކަމެއް އެނގޭއިރު ގޮޅާބޯ ގޮވިއިރު އެހަނދާންނެތި "މަދު ރުފިޔާކޮޅަކަށް" ބައިއަތު ހިފައިގެން އެކައްޗެއް ކިޔަކިޔާ ތިޔަހުރީ ޤައުމަށް ވަރަށް ހެޔޮއެދޭކަން ދައްކަންތަ؟ ނޫން... އެހެން ނަމަކަ ޤައުމަށް މިހުރިހާ ގެއްލުމެއްދޭއިރު އެބަޔަކާ ވަކިވެއްޖައީސް،، ތިޔައީ އިރެއްގައި ރޯލްމޮޑެލަކަސް މިހާރު ތިޔަމަރުފަލިޖަހަނީ ޕާޓީގަނޑަށް 3000 ހަމަ ނުވެގެން. ސަބަބުވެސް އެނގޭނެ. ލާޤައުމީ ބަޔަކާ ބައިއަތު ހިފުން. އެއީ މައްސަލައަކީ. ނޭނގޭނެތީ ބުނެދިނީމި