ހިޔާ ފްލެޓް ސަރަހައްދުގައި ނަޝީދު ރައްޔިތުންނާ ބައްދަލު ކުރައްވަނީ--ފޮޓޯ: އެމްޑީޕީ
04 ޖެނުއަރީ 2023 - 19:58
73 comments
ކުލި ދައްކަން ދަތިވާ މީހުންނަށް ދައުލަތުން އެހީވުމުގެ ސިޔާސަތެއް އެމްޑީޕީގެ ސަރުކާރަކުން ގެންގުޅެން ޖެހޭނެ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މި މަހުގެ 28 ގައި ބާއްވާ އެމްޑީޕީގެ ރިޔާސީ ޕްރައިމަރީގައި ވާދަކުރައްވާ ނަޝީދު، އެ މަނިކުފާނުގެ ކެމްޕެެއިނަށް ހުޅުމާލޭ ހިޔާ ފްލެޓު ސަރަހައްދުގައި އެ ޕާޓީގެ މެމްބަރުންނާއެކު ބޭއްވެވި ބައްދަލުވުމެއްގައި ވިދާޅުވީ، ބޯހިޔާވަހިކަމުގެ މައްސަލަ ހައްލު ކުރުމަށްޓަކައި ސަރުކާރުން ބޮޑެތި ދަރަނި ނަގައިގެން އިމާރާތް ކޮށްފައި ހުންނަ ފްލެޓުތަކުގެ ކުލި ވިޔަފަރި އުސޫލުން ނެއްޓޭ މިންވަރަށް ތިރި ކުރުމަކީ އެންމެ އެކަށީގެންވާ ގޮތެއް ނޫން ކަމަށެވެ.
އޭގެ ބަދަލުގައި ސަރުކާރުން ބޯހިޔާވަހިކަމަށް ހާއްސަ އިނާޔަތެއް ދިނުން ރަނގަޅު ކަމަށާއި އެއީ އެމްޑީޕީގެ ސަރުކާރެއްގައި ގެންގުޅެން ޖެހޭ ސިޔާސަތެއް ކަމަށް ވިދާޅުވި އެވެ.
"ސަރުކާރުގެ އިނާޔަތްތައް އަމާޒު ކުރަންޖެހޭ އެންމެ ނިކަމެތިންނަށް އިނާޔަތް ދެވޭނެ ގޮތަށް. މީހަކަށް ތަނެއް ދިނުމުން އޭނާ އެ ތަނުގައި ނޫޅެ އަދި މާ ބޮޑު އަގެއްގައި އެހެން މީހަކަށް އެތަން ކުއްޔަށް ދިނުމަކީ ރަނގަޅު ގޮތެއްގެ ނޫން،" ނަޝީދު ވިދާޅުވި އެވެ.
ނަޝީދު ވިދާޅުވިގޮތުގައި، ހިޔާ ފްލެޓް ސަރަހައްދަށް މިއަދު ވަޑައިގަތުމުން އެ މަނިކުފާނަށް ހިތްހަމަޖެހުން ލިބިވަޑައިގަތެވެ. ރައްޔިތުންނަށް ދިރިއުޅެވޭ ގޮތް ހޯދައި ދެވޭނެ ކަމަށާއި ދައުލަތުގެ މާލިއްޔަތަށް ބުރަ ނުވެ، ދައުލަތް ނުދަރާ ކުރެވެން އޮންނަ އުސޫލަކުން ބޯހިޔާވެހިކަން ފޯރުކޮށްދެވޭނެ ކަމަށް ނަޝީދު ވިދާޅުވި އެވެ.
އެކަމަކު ހިޔާ ފްލެޓްތައް އިމާރާތް ކޮށްފައި ވަނީ އަކަފޫޓަކަށް 2،000ރ. ގެ މަގުން ކަމަށާއި ނަމަވެސް މާލޭގެ އެންމެ ލަގްޒަރީ އިމާރާތްތައް ވެސް ނިންމާފައި ވަނީ 1،200-1،300 އާ ދެމެދުގެ އަގެއްގައި ކަމަށް އެ މަނިކުފާނު ވިދާާޅުވި އެވެ.
ނަޝީދު ވިދާޅުވީ، ހިޔާ ފްލެޓްގެ މަހު ކުލީގެ އަގަކީ ހަގީގަތުގައި 16،000ރ. ކަމަށާއި އެ ފަރަގު ދައްކައި، ލޯނު ވެސް އަނބުރާ ދައްކަން ސަރުކާރަށް އެންމެ ފަހުން ޓެކްސް ބޮޑު ކުރަން ޖެހުނު ކަމަށެވެ.
"ހިޔާނާތުގެ ގެއްލުން އެންމެ ސާފުކޮށް ފެނިގެން ދާ އެއްތަނަކީ ހުޅުމާލެ،" ނަޝީދު ވިދާާޅުވި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން ހުޅުމާލެ 2 ގައި އިމާރާތް ކުރި ހިޔާ ފްލެޓު ސަރަހައްދުގައި ނަޝީދު ވާހަކަފުޅު ދައްކަވަމުން ދިޔަ އިރު އެ ސަރަހައްދުގައި އެ މަނިކުފާނާ ދެކޮޅަށް އަޑުގަދަކޮށް އިހުތިޖާޖު ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލީޒާ.
06 January 2023
ތިޔަކަންވެސް ވާނީ ޔާމިން އަށް
ރިޔަސތު
05 January 2023
މިހެރެ ބޮޑު އަނގަޔާ ތިހެންހަދާފިނަމަ ކުލި ދެއްކޭނެ ހަމަ އެކަކުވެސް ތިޔަ ތާކު ނުތިބޭނެ 65 އަހަރުގެ ލާރިކޮޅޮ މަހުޖަނުންވެސް ނަގާ ސިޓީ ލައިގެން ބޭސްފަރުވާޔައް ކަމަށްބުނެ ޓިކެޓް އެބަހޯދާ ލައްކަައިން ކުލި ލިބޭ މީހުންވެސް.
އެމްސް
06 January 2023
ބޮލުގަ ބަޑިޖައްސައިގެން ނަމާދާއި ދީނުގެ އެހެނިހެން ފަރުޟުތައް އަދާކުރުވައިގެން، ކުށެއް ކޮށްފާނެތީ އަތްފައިގަ ބިޑި އަޅުވައިގެން ސުވަރުގެ ވަންނަ ޚިޔާލު ދޫކޮށް، ތަޤްވާވެރިކަމާއި ބުއްދީގެ މަގަށް މީހުން ރުޖޫޢާކުރަން މަސައްކަތްކޮށް، ޒިއްމާދާރު ޖީލެއް ބިނާކުރުމީ ދިރިތިބީން މައްޗަށް އޮތް ވާޖިބެއް! ކިތައްމެ ޤާނޫނެއް ހެއްޖަސް ޤަވާޢިދުތައް ނުހިންގަންޏާ ތިޔަފަދަ ކަންކަން ހިގާނެ! ޙައްލަކީ ޤާނޫނާއި/ޤަވާޢިދު ހަދާ/ހިންގުން! އޭގެ ޒާތުގަ ހިނގަން ދޫކޮށްލުމެއް ނޫން!
ނައްކަވާރު
05 January 2023
މަނިކުފާނު ވެރިކަ ހުރިނަމަ މިހާރު ހުއްޓިގެން ތިޔަހުރީ ތަނުގައި އޮތީހީ އަދިވެސް މޫދު. މުޅި ހުޅުމާލެ ސަރަހައްދު އޮތީހީ އިންޑިޔާގެ ހަރުމުދަލަށް ވެފައި! ތިޔަ 7 ހާސް ފްލެޓް ގައި އެދިރުއުޅޭ ރައްޔިތުންގެ ހާލު ހަމައެކަނި ދެނެވޮޑިގެން ވީހީ މާތްﷲ!! ހެޔޮނުވާނެ މިރައްޔިތުންނަށް ފުރައްސާރައާ ގޯނާދިނުން ދެން ހުއްޓާލަބަލަ! މިހާރު ހުންނާނީ ބަނޑުވެސް ފުރިފަ!!!
އެމްސް
06 January 2023
3 އަހަރުގެ ވެރިކަމެއްގަ، ގެސްޓްހައުސްތައް، އާސަންދަ، ސްކޫލްކުދިންނަށް ފޮތް/ފަންސުރު، އެކަނިވެރި މައިން/ދުވަސްވީ މީހުން/ނުކުޅެދުންތެރިންނަށް ދާއިމީ އެލަވަންސް، މުޅިރާއްޖެއަށް ފެނާއިނަރުދަމާ، ރިސޯޓް މުވައްޒަފުންނަށް ސާވިސް ޗާޖް ފަދަ އެތައް ކަމެއް ވުޖޫދަށް ގެނުވި!
ލަދެއްނެތި ކެމްޕޭން
05 January 2023
ތިމާއަށް ރައްޔިތުން ދިން ދައުރާ ޕާޓީއަށް ލިބުނު މިދައުރުވެސް ޚަރާބުބެ ތިޔަ ޚަރާބުކުރަނީ. އެދޭތެރެއިން އައި ވާދަވެރިޔަކު އައިއިރު ތިޔަ ހުއްޓިގެންހުރި ތަން އެއީ މޫދު! އެދިޔައީ 5 އަހަރުތެރޭ ހިއްކާފައި 7000 ގެއަޅާދީ މީހުނާ ހަވާލުވެސް ކޮށްފާ! ލަދެއް ނުގަނޭތަ ތިތަނުގެ ކުލި ބޮޑުކޮށްފާ ހުރެ ކުރީގެ ހާސަރުން ދޮގުހަދަން!!!
އެމްސް
06 January 2023
ދެން ކީއްވެތޯ އެތަންތަން ނުނިމި ހުރިކަމަަށް ބުނެ އެތަންތަނުގެ ވެރިން ލޯނު ނަގައިގެން އެތަންތަން ނިއްމަން ޖެހުނީ؟ ސިޔާސީ މަޤްސަދެއް ޙާސިލުކުރަން 2 ކޮޓަރީގެ ދަންތުރަ ހެދީމަ ނޫންތޯ 2 ވަނަ ދައުރެއް ނުލިބުނީ؟ ބްރިޖެއް އެޅުނު އިރު އޭގެވެސް ފުޅާމިނަކީ މާލޭގެ ހަނިމަގެއްގެ ފުޅާމިން! ހުއްޓޭ އުޅަނދެއް އެހެލާނެ ޖާގައެއް/ލޭނެއް، އޯވަރޓޭކަށް ލޭނެއް، ގޯޅި އަޅަން ޚާއްސަ ލޭނެއް، ރިޕެއާ/މެއިންޓެނަންސް ކުރެވޭނެ ގޮތެއް/އިތުރު ލޭނެއް؛ މަދުވެގެން ކޮޅަކަަށް 4 ލޭން....
ދެސިޓީ
05 January 2023
އުތުރާ ދެކުނުގައި މާލެއަށްވުރެ ބިންބޮޑު 2 ސިޓީ ތަރައްޤގީކޮށްބަލަ. އެދެސިޓީން ބޯހިޔާވަހިކަން، ވަޒީފާ، ހެލްތް ސާރވިސް، އެޑިޔުކޭޝަން ޔުނިވާސިޓީ ލެވެލްއަށް ލިބެންޏާ މާލެ ދުވަހަކުވެސް ތޮއްނުޖެހޭނެ. އޭގެ 2 ސިޓީ ހެދިއްޖެނަމަ، ކުރިއަށް 500 އަހަރަށްވެސް ހަމަޖެހިގެން އުޅެވޭނެ
އެމްސް
06 January 2023
މިއަކީ އެއްވެސް މާސްޓަރޕްލޭނެއް ނެތި، ކަންމަތީ ފިހާރައެއް ހިންގޭ ފެންވަރުގަ ކޮންމެ ފެންވަރެއްގެ ބޮންދަކަަށްވެސް ވެރިކަން ކުރެވޭނެ ހަމަ އެކަނި ޤައުމު!
ފޫހި
05 January 2023
ކުލި ނުދެއްކޭމީހުން ސިޓީ ތަކުގައި ނޫޅި ރަށަށްދޭން. ތިޔަތަނަށް ދިޔަމީހުން އެކަނިތަ ކުއްޔަށް ދިރިއުޅެނީ. ބަލަ ތިޔަ ތާ ގިނަ މީހުން ކުލި ނުދައްކަނީ ނުދެއްކިގެނެއްނޫން. ގިނަ ފްލެޓް ހުރީ ކުއްޔަށްދީފަ. އުޅެނީ ފެންވަރުގެ ޕްރައިވެޓްކާރުގަ. މުޅި ސަރަހައްދުގައި އޮތީ ކާރުތައް. ކަލޭމެންނަށް ކުލި ކުޑަކުރިއަސް އެހެންމީހުންނަށްވެސް ކުޑަކޮށްދޭންޖެހޭނެ. ތިޔައީ ބަނީ އިސްރާއީލްބާގައިގެ މީހުންކަމަށް ހެދިގެން އުޅޭ ބައިގަނޑެއް.
ޕްރޭމްޗޯޕްރާ
05 January 2023
އަސްލަމް ވިދާޅުވީ ވައުދުވަނީ ފުއްދާކަށް ނޫނޭ. އެހެންވީމަ، ވެރިކަން ހޯދަން ދެއްކުވުނުހާވާހަކައެއް ދައްކަންވަންވީ. ހުޅުމާލެ ފޭސް 2 ގެ ހިޔާ ލިބުނުހާ ރައްޔިތުން ކިހާ އިހްތިޖާޖެއްކުރި ހަތަރުފާރު ދިންއިރު ނުދަރާ ދިރިއުޅެލެވޭވަރަށް ކުލި ކުޑަކޮށްދޭން، މަޖިލިސް ރައިސްއަކީ އެމްޑީޕީ ހައުސިންގ މިނިސްޓަރަކީ އެމްޑީޕީ ގައުމުގެ ރައީސަކީ އެމްޑީޕީ އެޗްޑީސީ ގެ އެމްޑީ އަކީވެސް އެމްޑީޕީ އެކަމަކު އެކަކުވެސް ރިއެކްޓެއްނުކުރި.
ހަޑިގިއްލާ
05 January 2023
ބަލަ ސޮއިކޮށް އެއްބަސްވީއިރު ނޭންގޭތަ 4 ފާރުކަމެއް! ކިތަންމަށް ކުލު ނުނަގާ ދިންތޯ އެތަން ނިންމަން! އެކި ފަހަރު މަތިން 8 މަސް! އެވެސް ހަތްދިހަހާސް ރުފިޔާ ނޫންތޯ؟ މާލޭ ކޮންތާކުތޯ ދެކޮޓަރި 15ހާއް މިއަތުން ލިބެނީ! މިހާރު 8 ހާސްވީމަވެސް ބޮޑުވީ!
އެމްސް
06 January 2023
ތިޔަހުރިހާ ކަމަކާ ނޫންތޯ ރައީސް މީހާ ރިއެކްޓް ނުކުރައްވާ ވާހަކަ ނަޝީދު އެވިދާޅުވަނީ! އަނެއްކޮޅުން ނަޝީދުގެ ޚިޔާލުތައް އަބަދުވެސް ލިބިލައްވާ ކަމަށް ރައީސް މީހާވެސް އިޢުތިރާފްވި، އެކަމަކު ހުރިހާ ޒިއްމާއެއް އަޅުއްވާލީ ކޯލިޝަންގެ އިސްތަށިފުޅުގަ!
ޙިނި
05 January 2023
ގައުމު މުއްސަންދިވާނީ ރައްތިތުން މުއްސަންދިވެގެން، ކުޔައް އުޅޭމީހުނައް އެހީވާންޖެހޭ.
އެމްސް
06 January 2023
މިޤައުމު މުއްސަނދި ވަނީ ރަޢިއްޔަތުން ދަރުވައިގެން: ލޯނު ނަގައިގެން، ތާއަބަދު ސަލާމްޖަހައިގެން! ލިބޭ މިންވަރުން ފުއްދާ ދެކޮޅުޖައްސަން އެނގޭ ވެރިއަކު މިޤައުމުގެ ރައީސްކަމަށްވެސް އަންނަ ނަމަ ކޮންފަދަ!
ވަހުތާން
05 January 2023
ނުދެއްކެނީތަ ނުދައްކަނީތަ؟ މިހާރު މިގައުމަކީ ނުލަފާ މީހުން ކައިރިން ދަސްކޮށް އެގޮތަށް އެންމެންވެސް އުޅެވޭތޯ ބަލަމުން އަންނަ ތަނެއް! ގާނޫނެއް ގަވާއިދެއް ހަމައެއް އުޞޫލެއް އަނެކާގެ ޙައްގެއް ނޯވޭ! ލިބުނު އެއްޗެއް އަތުޖެހުނު ގޮތަކަށް ހޯދީމަ އޯކޭވީއޭ ބުނާކަހަލަ! ގާނޫނެއް ނުހިންގޭ!!!1
އެމްސް
06 January 2023
މިހާރު މިއީ ބޮންދުންގެ ސިޓީއެއް! ބަލާލި ކޮންމެ ދިމާލަކުން، ދާ ކޮންމެ ރަށަކުން އެނޫން ބަޔަކު ނުފެނޭ!
އެސްސި
05 January 2023
ރަށުގައި އޮތް ގޯތި ގެސްޓުހައުސް ހަދާފަ ހިޔާ ފުލެޓުގަ ކުލި ނުދައްކާ މީހުންވެސް އެބަ އުޅޭ. މިހާރު ދެން ވަކި އާރުޓީއެއް މާލެއެއް ކިޔޭކަށް ނެތް. ފުރުސަތު ލިބުނީމަ ހަމަ އޮންނަނީ ހިފާ ދަމާ ކާލާފަ ކޮންމެ މީހަކުވެސް.
އެމްސް
06 January 2023
މާލޭގަ ގޯތިވެސް ހުރި، ކުދި ޢާއިލާތައް މައްޗަށްވެސް ހުޅުމާލެ ފޭސް 1 އަދި 2 އިން، 2 ފްލެޓްވެސް ލިބިފަ އެބަހުރި! މިހެން ހިނގާ ބޮޑެތި ނުބައިތަކަށްވެސް ވެރިން ރިއެކްޓް ނުކުރައްވާ!