އެމްޑީޕީގެ ގައުމީ މަޖިލިހުގެ ޖަލްސާއެއްގައި ބައެއް މެމްބަރުން ބައިވެރިވެވަޑައިގަންނަވަނީ.---ފައިލް ފޮޓޯ: އެމްޑީޕީ
19 ޖެނުއަރީ 2017 - 21:47
6 comments
ލޯކަލް ކައުންސިލްތަކުގެ އިންތިހާބަށް ކުރިމަތިލާފައިވާ ކެންޑިޑޭޓުންގެ ކެންޑިޑެސީ ބާތިލްކޮށް، އެ މީހުން އަލުން އިންތިހާބަށް ކުރިމަތިލާންޖެހޭ ގޮތަށް އިލެކްޝަންސް ކޮމިޝަން (އީސީ) އިން ނިންމި ނިންމުން ބާތިލް ކޮށްދިނުމަށް އެދި އެމްޑީޕީން ހައި ކޯޓަށް ހުށަހެޅި މައްސަލަ މިއަދު ބަލައިގެންފައިވާ ކަމަށް އެ ޕާޓީން ބުނެފި އެވެ.
އެންމެ ބޮޑު އިދިކޮޅު ޕާޓީގެ ސެކްރެޓަރީ ޖެނެރަލް އަނަސް އަބްދުއްސައްތާރު "މިހާރު" އަށް މިއަދު ވިދާޅުވީ މިދިޔަ އާދިއްތަދުވަހު ހައި ކޯޓަށް ހުށަހެޅި އިންތިހާބީ ޝަކުވާގެ މައްސަލަ ބަލައިގަނެފައިިވާ ކަމަށެވެ.
"ހައި ކޯޓަށް މިހާރު ފައިސާ ވެސް ބަލައިގެންފި. މައްސަލަ ރަޖިސްޓަރީ ވެސް ކޮށްފި،" އޭނާ ވިދާޅުވި އެވެ.
އެމްޑީޕީން ހައި ކޯޓަށް ހުށަހެޅި މައްސަލާގައި އެދިފައިވަ ވަނީ އެ ކޯޓުން ވަކި ގޮތެއް ނިމެންދެން، އެމްޑީޕީގެ ކެންޑިޑޭޓުންގެ ކެންޑިޑެސީ ބާތިލްކުރަން ނިންމި ނިންމުމަށް އަމަލުކުރުން ފަސްކުރަން އީސީގެ މައްޗަށް އަމުރެއް ނެރެދިނުމަށެވެ.
ކައުންސިލްތަކުގެ އިންތިހާބު މި މަހުގެ 14 ގައި ބާއްވަން ކުރިން ނިންމައި، 900 އަށް ވުރެ ގިނަ ކެންޑިޑޭޓުންގެ ކެންޑިޑެސީ ގަބޫލުކުރުމަށް ފަހު، އީސީން ވަނީ އެ ނިންމުން ބާތިލްކޮށްފަ އެވެ. އެއީ، އިންތިހާބު ދެ މަހަށް ފަސްކުރަން ސިވިލް ކޯޓުން ކުރި ހުކުމާ ގުޅިގެންނެވެ.
ނަމަވެސް އީސީގެ ނިންމުމާ އެމްޑީޕީން ދެކޮޅެވެ. އެ ޕާޓީން ބުނަނީ ކައުންސިލްތަކުގެ އިންތިހާބަށް ކުރިމަތިލާން ހުޅުވާލުމާ އެކު، އެމްޑީޕީގެ ކެންޑިޑޭޓުންގެ ފޯމުތައް ބަލައިގަނެ ކެންޑިޑެސީ ގަބޫލުކުރުމަށް ފަހު، އެ ނިންމުން ބާތިލްކޮށް އެޕްރީލް 8 ގައި އޮންނަ އިންތިހާބަަށް އެ ކެންޑިޑޭޓުން އަލުން ކުރިމަތިލާން ޖެހޭ ގޮތަށް ހެދީ ސިވިލް ކޯޓުގެ ހުކުމާއި އިންތިހާބާ ބެހޭ ގާނޫނާ ވެސް ހިލާފަށް ކަމަށެވެ.
ލޯކަލް ކައުންސިލްތަކުގެ އިންތިހާބު ދެ މަހަށް ފަސްކުރުމަށް ސިވިލް ކޯޓުން އަމުރު ނެރުނީ، ޕީޕީއެމްގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން އެ ކޯޓަށް ހުށަހެޅި މައްސަލައަކާ ގުޅިގެންނެވެ. ސިވިލް ކޯޓުގެ ހުކުމުގައި ބުނެފައި ވަނީ ޕީޕީއެމަކީ ރާއްޖޭގެ އެންމެ ބޮޑު ޕާޓީ އަށް ވާ އިރު، އެ ޕާޓީ އަށް ދިމާވި މައްސަލަތަކުގެ ސަބަބުން އިންތިހާބަށް ތައްޔާރުވުމުގެ ފުރުސަތު ގެއްލިފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މައިވޮއިސް
20 January 2017
ކޯޓުން ހުރިހާކަމެއްނިންމާ ކަމުގައިވާނަމަ، ދައުލަތުގެ ޚަރަދުކުޑަކުރުމުގެ ގޮތުން އީސީ އުވާލަންފެނޭ!
ގަލޮޅު އަލީ
20 January 2017
ބަލައިގަތީމަ ނިމުނީނު، ބަލައިގަނެފަ ވަތްގަނޑުގަ ބާއްވާ އިންތިޚާބުގެ ކަންތައް ނިމެންދެން. ހެހެހެހެ.
މާލިމީ
20 January 2017
އިންތިޚާބު ފަސް ކުރުމުގެ މާނަ އޮޅުމެއް ނުފިލައިގެން މުއުޅެނީ އިންތިޚާބބުގެ މާނަ ނޭގޭތީ. އިންިޚާބަކީ ކަރުދާސްކޮޅުގައި ފާހަގަ ޖެހުންތޯ ނުވަތަ ކެންޑިޑޭޓުން ކުރިމަތިލުމާވެސް އެކުގައިތޯ ސާފު ކުރަން ބޭނުމީ.
އޯސަމްދޯ
19 January 2017
ކެންޑިޑެސީ ބާތިލް ކުރި މައްސަލަ ހައި ކޯޓަށް ބަލައިގަތުމުން މީގެއިން އެގިގެން މިދަނީ މިރާއްޖޭގެ ކޯޓް ތަކަކީ އެއީ ވޯލްޑް ކްލާސް ފެންވަރުގެ ކޯޓް ތައް ކަމަށެވެ. ދެން ހައި ކޯޓް އިން އެނިންމާ ގޮތެއް ޖެހޭނެ އެމްޑީޕީ ތަމެން ބަލައިގަނެ އެގޮތަށް އަމަލު ކުރަން. ތަމެން އަތުން ބޭކާރު ޚަރަދު ގަނޑެއް ދުއްވާލަން ކޮންމެހެން ތަމެން ޖެހޭތޭ ބައިވެރި ވާން ލޯކަލް ކައުންސިލު އިންތިޚާބުގައި ބައިވެރި ވާން. އިފް އައި ވާރ ޔޫ ތަމެން ތިޔާ ލޯކަލް ކައުންސިލު އިންތިޚާބަށް ޚަރަދު ކުރާ ފައިސާ ކޮޅު ލަކުޑި ފޮއްޓަކަށް ލާ އެނދު ތަންދޮށަށް ލާފައި ބަހައްޓާނީ އެއިޓީން މޫން ސީންގް އަށް ދާން. އަޅެ ތަމެން މިހެން ހަދަން ވިސްނަގަ. އެއިރަށް ވަރަށް ބިއުޓިފުލް އެން އޯސަމް ވާނެ އެއް ނޫން ދޯ. އިޓްސް އަ ސްޕެޝަލް ސޭވިންގް ފޯރ އެއިޓީން މޫން ސީންގް.
ސަދޫމް
20 January 2017
އަހަރެމެން ގޮތައްދޯ؟
ގޯސްއޮން
19 January 2017
ކެންޑިޑެސީ ބާތިލް ކުރި މައްސަލަ ހައިކޯޓް އިން ބަލައިގަތުމުން މިއިނގެނީ މިރާއްޖޭގެ ކޯޓް ތަކަކީ އެއީ ވަކި ފަރާތަކަށް ނުޖެހި 90 ޑިގްރީ ތެދަށް މަސައްކަތް ކުރާ ކޯޓް ތަކެއް ކަމަށެެވެ. ހައި ކޯޓް މަރުހަލާ ނިމުނަސް އަދި ތިޔާ ކަން ނުނިމޭނެއެވެ. ތިޔާ ކަން ނިމޭނީ ސްޕްރީމް ކޯޓްގެ މަރުހަލާ ވެސް ނިމިގެން ނެވެ. އެެއީ ތިކަން ހިނގަން ޖެހޭނެ ގޮތަކީ. ބަޓް ލައިފް ސްޓިލް ގޯސް އޮން..