ވިސާމާއި ލީވާންގެ އިތުރުން ރާއްޖެ ޓީވީގެ އެހެން ދެ މީހަކަށް ކުރާ ދައުވާތައް އަނބުރާ ގެންދިއުމަށް ގޮވާލައި، ބެނާއެއްގައި ސޮއިކުރުން އިފްތިތާހުކުރުމަށް މިއަދު ބޭއްވި ހަފުލާގައި، އެ ސްޓޭޝަންގެ ސީއީއޯ ފިޔާޒް އެ ބެނާގައި ލިޔުއްވަނީ.---ފޮޓޯ: ނިޝާން އަލީ/މިހާރު
23 ޖެނުއަރީ 2017 - 19:53
17 comments
ރާއްޖެ ޓީވީގެ ނޫސްވެރިންތަކެއް ކަމަށްވާ މުހައްމަދު ވިސާމާއި ލީވާން ނަސީރުގެ މައްޗަށް ދައުލަތުން ކުރާ ދައުވާގައި އެ މީހުންނަށް މާދަމާ އަދަބު ކަނޑައަޅާއިރު، ސަރުކާރުން މަސައްކަތް ކުރަނީ ނުހައްގު އެ ދެ ނޫސްވެރިންނަށް އަދަބު ދޭން ކަމަށް ރާއްޖެ ޓީވީ އިން މިއަދު ބުނެފި އެވެ.
ވިސާމާއި ލީވާންގެ މައްޗަށް ދައުވާކުރަނީ ނޮވެމްބަރު، 2015 ގައި ފުލުހުން ބަންދުކޮށްފައިވާ ސަރަހައްދަކަށް ރާއްޖެ ޓީވީގެ ސީއީއޯ ހުސައިން ފިޔާޒް ވަނުމުން، އޭނާ ހައްޔަރުކުރަން ފުލުހުން އުޅެނިކޮށް، ލީވާނާއި ވިސާމް ހުރަސް އެޅި ކަމަށް ބުނެއެވެ. މި މައްސަލާގައި އެ ވިސާމާއި ލީވާންގެ މައްޗަށް ކުށް ސާބިތުވާ ކަމަށް ނިންމާފައިވާއިރު އެ މީހުންނަށް އަދަބު ކަނޑައެޅުން މާދަމާ މެންދުރު އޮންނާނެ އެވެ.
ވިސާމާއި ލީވާންގެ އިތުރުން ރާއްޖެ ޓީވީގެ އެހެން ދެ މީހަކަށް ކުރާ ދައުވާތައް އަނބުރާ ގެންދަން ގޮވާލައި، ބެނާއެއްގައި ސޮއިކުރުން އިފްތިތާހުކުރުމަށް މިއަދު ބޭއްވި ނޫސްވެރިންގެ ބައްދަލުވުމެއްގައި ރާއްޖެ ޓީވީގެ ސީއީއޯ ފިޔާޒު ވިދާޅުވީ، މި ސަރުކާރު އައިފަހުން ނޫސްވެރިންނަށް އެކި ގޮތްގޮތުން ހުރަސް އަޅަމުންދާ ކަމަށާއި ވިސާމާއި ލީވާނަށް ވެސް ދޭން އުޅެނީ ނުހައްގު އަދަބެއް ކަމަށެވެ. އެކަންކަން ނުކުރަން ދައުލަތުގެ މުއައްސަސާތަކަށް އޭނާ ގޮވައިލެއްވި އެވެ.
"ހަމައެކަނި ރާއްޖެ ޓީވީއެއް ނޫން. ކުރީގެ ހަވީރު ނޫސް ވެސް އަދި ސީއެންއެމް ވެސް، ޖުމްލަ ގޮތެއްގައި ހުރިހާ މީޑިއާއަކަށް މި ސަރުކާރު އައިފަހުން ގަސްދުގައި ރޭވިކަން ނޫސްވެރިކަން ނައްތާލަން މަސައްކަތް ކުރަމުންދާ ތަން،" ފިޔާޒު ވިދާޅުވި އެވެ.
އޭނާ ފާހަގަކުރެއްވި ގޮތުގައި، ވިސާމާއި ލީވާނާ އެކު ހައްޔަރުކުރި ދުވަހު އެތަނުން ހައްޔަރުކުރި އެހެން ނޫސްވެރިއަކު ވެސް އެބަހުއްޓެވެ. އެކަމަކު އެ ނޫސްވެރިޔާ އަށް ދައުވާ ނުކޮށް އޮތުމުން، މިއީ ކޮން މަގްސަދެއްގައި ހިނގާ ކަމެއް ކަން ސާފުވާ ކަމަށް ފިޔާޒް ވިދާޅުވި އެވެ.
ނޫސްވެރިންނަށް އެކި ގޮތްގޮތުން ދަތި ކުރަމުންދާއިރު، ނޫސްވެރިންގެ ކަންކަން ރެގިއުލޭޓްކުރާ ބްރޯޑްކާސްޓިން ކޮމިޝަނުން އެކަމުގައި އެއްވެސް މަސައްކަތެއް ނުކުރާތީ އެކަމާ މެދު ވެސް ކަންބޮޑުވާ ކަމަށް ފިޔާޒު ވިދާޅުވި އެވެ. ބްރޯޑްކާސްޓިން ކޮމިޝަނުން މަސައްކަތް ކުރަނީ ވަކި މީޑިއާތަކެއްގެ ދިފާއުގައި ކަމަށް އޭނާ ވިދާޅުވި އެވެ.
"މައްސަލަތައް ބަލަމުންދާއިރު އެބަ ފެނޭ ސަރުކާރަށް ނިސްބަތްވާ މީޑިއާއެއް ނަމަ އެ މައްސަލައަކުން އެ މީޑިއާއެއް ނުވަތަ އެ ނޫސްވެރިއަކު ސަލާމަތްކުރެވޭ ގޮތަށް ތަހުގީގު ހިންގާތަން. އަޅުގަނޑުމެން ރާއްޖެ ޓީވީން އެބަޖެހޭ ހަފުތާއަކު އެއްފަހަރު މަދުވެގެން ބްރޯޑްކާސްޓިން ކޮމިޝަނަށް ޖަވާބުދާރީވާން އަސްލެއް ނެތް މައްސަލަތަކަށް،" ފިޔާޒު ވިދާޅުވި އެވެ.
ރާއްޖެ ޓީވީގެ ނިއުސް ޑައިރެކްޓައރު އަލީ ޔޫސުފް ވިދާޅުވި ގޮތުގައި ނޫސްވެރިކަމުގެ މިނިވަންކަން ލިބުމުގެ ކުރިން ނޫސްވެރިން ތިބި ހާލަތަށް ވުރެ މިއަދު ހާލަތު ދަށެވެ. މިއަދު ނޫސްވެރިންގެ މަސައްކަތްތަކަށް ހުރަސް އަޅަމުންދަނީ ގާނޫނީ ބާރު ލިބިފައިވާ އިދާރާތަކުން ކަމަށް އޭނާ ވިދާޅުވި އެވެ.
"އެދުވަސްވަރު ވެސް ނެތް ބިރުވެރިކަމެއް މިއަދު މި އަންނަނީ. ކުރީގައި ވެއްޖިއްޔާ ހުކުމްތަކެއް ނުކުރެވި، ބަންދެއްގެ ގޮތުގައި ފާހަގަވަނީ. އެކަމަކު މިހާރު މިކުރިމަތި ވަނީ ގާނޫނީ އަތަކުން ގާނޫނީ މަޅިއެއްގައި ޖައްސައިގެން ނޫސްވެރިންގެ ޖަލަށްލުމުގެ ކަންތައްތަކެއް،" އަލީ ޔޫސުފް ވިދާޅުވި އެވެ.
އޭނާ ވިދާޅުވީ، ނޫސްވެރިން ޖަލަށްލިޔަސް ނޫސްވެރިންގެ މަސައްކަތް ދުވަހު ވެސް ނުހުއްޓުވޭނެ ކަމަށެވެ. ނޫސްވެރިން ޖަލަށްލަމުންދާ ވަރަކަށް އާ ނޫސްވެރިން އުފައްދަމުންދާނެ ކަމަށް ވެސް އަލީ ޔޫސުފް ވިދާޅުވި އެވެ.
ވިސާމްގެ އިތުރުން ރާއްޖެ ޓީވީގެ ސީއީއޯ ފިޔާޒާއި އެ ސްޓޭޝަނުގެ ކެމެރާމަން އާދަމް ޒަރީރުގެ މައްޗަށް ވެސް ދައުލަތުން ވަނީ ޖިނާއީ ދައުވާ އުފުލައިފަ އެވެ. ޒަރީރުގެ މައްސަލާގައި ހުކުމް ކުރުން އަންނަ މަހު އޮންނައިރު، ފިޔާޒުގެ ޝަރީއަތް އަދި ނިމުމަކާ ގާތަކަށް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތާރީޚު،ދިވެހި ރާއްޖެ.
27 February 2017
އަހުމަދަށް! ކަން ވެފައި އޮތީ ތިޔަ ބުނާ ގޮތަކަށް ނޫން ކަން ތާރީޚު ހެކިދޭ. އަދި މިހާރު ދުނިޔޭގައި ތިބި10 އަރުން މަތިގެ އާބާދީ އަށް ކަން ކުރި ގޮތް އެނގޭނެ. ތިމަންގެ ޕާޓީ ގެ މީހަކު ބުނި ކަމެއް ވިއްޔާ ކޮށްދޭނެ ކަމަށާއި އެހެން މީހަކު ބުނެފިއްޔާ އެކަމެއް ކޮށްދޭނެ ކަމަށް މީޑިޔާ ތަކުގައްޔާ، މަޖިލިސް ތަކުގައި ގޮވައި އެގޮތަށް އަމަލުކުރި ބަޔަކީ ތިޔަ ސަޕޯރޓު ކުރައްވާ ޕާޓީން، އެޕާޓީގެ އިސް ވެރިން. ހަމައް ލަމައެއް ނެތި މީހުން ހިފާ ހައްޔަރު ކުރި ހަނދުމަ އެބަހުރިތޯ. ނެތްނަމަ އޯޑިއޯ އަދި ވީޑިއޯ ސެއާރ ކޮށްލަ ދެވިދާނެ.
ޛަލީ
23 January 2017
ކުއްވެރިވީމާ ދެލޯކޮޅާ ކިތަންމެ ރީދުލަކަސް އަދަބު ލިބޭނެ. ޣަމަ ލިބޭނެ.
މަޒާ
23 January 2017
ހައްގާ ނުހައްގު އެނގޭނީ ރާއްޖެޓީވީއަށް.
ސަޕްރައިޒްޑް
23 January 2017
ފުލުހުން ބަންދުކޮށްފައިވާ ސަރަހައްދަކަށް ރާއްޖޭގެ ވައިޑްލީ ނޯން ޓީވީ ސްޓޭޝަނެއްގެ ސީއީއޯ ވަންނަން ޖެހޭނެ ގޮތެއް އޮވެގެން ނުވާނެއޭ އެއީ އެތަނުގެ އެންމެ މަތީ ލޭޔަރ ކަމަށްވާއިރު ކީއްވެގެން ތޯ ފުލުހުން ބަންދުކޮށްފައިވާ ސަރަހައްދަށް ވަންނަން ޖެހޭނީ. ތަމެންނާއި ގެން މިރާއްޖެ އަށް ރާއްޖޭން ބޭރުން ކިޔަވައިގެން އައި ރަނގަޅު ދިވެހި ދަރިން ވެސް އެމެން ޒުވާން އުމުރުގައި އެމެންގެ އިމޭޖް އެން ކެރެކްޓަރ ކިލް ކުރުމަށް ޓަކައި އެމެންގެ ސިކުނޑި އަށް ސަވާރު ވެގެން އެމެން މަގުމައްޗަށް ނެރެގެން އެމެން މެދުވެރިކޮށް ފުލުހުންނަށް އަމާޒު ކޮށް އަތް އުކައުކާ ހަދާ ސްވީޓް ވޯރޑްސް ތަކުން ފުލުހުންނާ ވާހަކަ ދައްކަން ޖެހުނީ އެއީ ތަމެން ގަދަ ކަމުން ރާއްޖޭގެ ވެރިކަމަށް ވަކި މީހަކު ގެންނަން މަސައްކަތް ކުރާތީއޭ މަމެން ބުނަން ނެތީމު. ބަޓް ވެން އިޓްސް ބޭޑް އިޓްސް އޯފުލް އޯލް ފީލް ސޯ އެޝޭމްޑް އެން ދަ ހޯލް ޔަންގް ޖެނެރޭޝަން އޮފް ދިސް ކަންޓްރީ ހޭޒް ގޯން ވައިލްޑް އެން މޭޑް އެން ބޭޑް ލައިކް އިގްނޮރެންޓްސް. ދިސް ތިންގްސް ޓާރންޑް ސޯ އީވިލް، އައި ޑޯން ނޯ ވައި އޭމް ސްޓިލް ސަޕްރައިޒްްޑް. ކޯޓުން ހުކުމް އަންނަން ދެން މައިތިރި ވެ ބަލަން ތިބުން އެއީ ތަހްޒީބީ ސްޓޭންޑަރޑް މުޖުތަމައުގައި ކަންކަން ކުރާ ގޮތަކީ.
އަހުމދު
24 January 2017
މިޤައުމުގައި އިންސާފު އޮންނަނީ ދެމިނގަޑަކަށް ޕިންކީމެންނަށް އދަބު ނުލިބޭ އެހެންމީހުނަށް އަދަބު ލޭ ކުދި އަދި ބޮޑު ކުށަކަށްވިއަސް. ޞަދޫމްގެ ހުކުމް.
ޢހ
23 January 2017
ދެރަވޭ
އަލީ އަޙުމަދު
23 January 2017
މީހުންގެ އަބުރު ކަތިލާގެން ކައިއުޅުން ބަރާބަރު. ކޯޓުން ހުކުމެއް އައްނާތީ ކަޑަ. ނޫސްވެރިން މީ މަތިން ފޭބި ބައެއްތަ. ތީ ހަމަ ސާފު ހުދު ފޮތިކޮޅެއް. ވަރަށް ވެދުން
ކުޑަދޫ އަހްމަދު
23 January 2017
ހުރިހާވެސް މައްސަލައަކީ އަވަށްޓެރި އިންޑިޔާގެ ލޮނުމަޑުކަން. ދިވެހިރާއްޖޭގެ ޑެމޮކްރެސީ ހަލާކުވެގެން މިދަނީ އިންޑިޔާގެ ސަބަބުން. ވިސްނަވާ، ގެމްބިޔާގެ ރައީސްއާއި ދެކޮޅަށް އެގައުމުގެ އަވަށްޓެރި ސެނަގާލް އިން އެޅި ފިޔަވަޅުތަކުން، އެގައުމު އެވަނީ ސަލާމަތްކުރެވިފައި. ރައްޔިތުންގެ ނިންމުމާއި ދެކޮޅަށް ، ޔަހުޔާ ވެރިކަމުގައި ހުންނަން، ސިފައިންނާއި، ސްޕްރީމް ކޯޓު މެދުވެރިކޮށް ކުރަން އުޅުނު ކަންކަން ސެނަގާލް އިން ހުއްޓުވައި، ގެމްބިޔާ އެވަނީ ސަލާމަތްކޮށްދީފައި. މިހެން އިންޑިޔާވެސް ދިވެހިރާއްޖޭގެ ޑެމޮކްރެސީ ހިމާޔަތްކޮށްދޭންޖެހޭ!
ރާއްޖެ
24 January 2017
ތިވެސް ދިވެއްސެއްތަ؟
ޖަސްޓްގޮނާ
23 January 2017
މިޚަބަރުގެ އާރޓިކަލް އެބަ ބުނޭ ތިޔާ ޓީވީ އެއްގެ ދެ ނޫސްވެރިން މައްޗަށް ކުށް ސާބިތު ވާކަމަށް. ދެން ކުށް ސާބިތު ވާކަމަށް ވާނަމަ ކޯޓްގެ ޒިންމާ އެކޭ ކޯޓުން ހުކުމް ކުރުމަކީ. އެެހެން މީޑިއާ ތައް ވެސް އެތަނަށް ދިޔަ އެހެން މީޑިއާ ތައް ކުށްވެރި ނުވޭ ތަމެން ގެ މައްޗަށް ކުށް ސާބިތުވަނީ އެއީ ތަމެން އެތަނަށް ދިޔައީ އެއީ މީޑިއާގެ ޒިންމާ އަށް ވުރެން ބޮޑަށް ގާނޫނީ ގޮތުން އުފެދިފައިވާ މަމެންގެ ބިއުޓިފުލް ސަރުކާރު ވައްޓާލަން ނުވަތަ ވެއްޓޭނެ ކަމަށް ހީކޮށް ތޭ. ދެން ތަމެން ނުޖެހޭނެ ތަމެން ގެ މައްޗަށް ކުށް ސާބިތު ވުމުން ކުށެއް ނެތް އެހެން މީޑިއާ ތައް ކްރުއަލް މައިންޑް ގެ އުސޫލުން މީގެ ތެރެއަށް ވައްދަން. ނުޖެހޭނެ ވައްދަން. ނައު އައި ނޯ ވީ ސެއިޑް ތިންގްސް ޔޫ ޑިޑް ތިންގްސް އެން ވީ ޑިޑްންޓް އޯރ ޑޯން މީން ޔޫއާރ ގިލްޓީ އޯރ އިނޮސެންޓް. ލެޓް ދަ ޖަޖް ޓު ޑިކްލެއަރ ވާރޑިކްޓް. އައި އޭމް ޖަސްޓް ގޮނާ ސްޓޭންޑް ދެއަރ އެން ހިއަރ ދަ ވާރޑިކްޓް. ދެޓްސް އޯލް ރައިޓް ބިކޮޒް އައި ލަވް ދަ ވޭ ޔޫ ލައި. ލަވް ދަވޭ ޔޫ ލައި. އޯއޯއޯ އައި ލަވް ދަވޭ ޔޫ ލައި.
ހަމީދު
23 January 2017
މީސްމީހުންގެ އަބުރު ކަތިލައި ކައި ބޮއި ހެދުން އޯކޭ ! ދަޢްވާ ގޯސް ހާދަ ހެއްވަޔޭ ދޯއްތޯ ؟
ހަސީނާ
23 January 2017
ވަރަށް ހާސްވެގެން އުޅޭހެން އެބަހީވޭ. ހުކުމެއް އިއްވާ ހިސާބަށް ދާނެ ކަމަށް ގަބޫލު ނުކުރެވޭތީ ބިރު ގަންނަނީ