ާހައިވޭގައި ވެހިކަލްއެއް ޓޯ ކުރަން ދިޔަ ފުލުހުންގެ ޕިކަޕު--
28 މެއި 2023 - 09:51
104 comments
މިދިޔަ ހުކުރު ދުވަހުގެ ރޭ ސިނަމާލެ ބްރިޖް ހައިވޭ އިން މާލެ އިން ހުޅުމާލެ އަށް ދިޔަ ސައިކަލެއް އެކްސިޑެންޓުވެ، ދުއްވަން އިން މީހާ މަރުވީ ހުއްޓިފައި އޮތް ކާރެއް ނަގަން ގޮސް އޮތް ފުލުހުންގެ ޕިކަޕެއްގައި ޖެހިގެންކަން "މިހާރު" އަށް އެނގިއްޖެ އެވެ.
އެ ރޭ 12 ޖަހަން އުޅެނިކޮށް ހިނގި އެކްސިޑެންޓުގައި މަރުވީ އުމުރުން 43 އަހަރުގެ ހަސަން ފައިސަލް އެވެ.
އެ ހާދިސާ ހިނގި ގޮތުގެ މައުލޫމާތު އެނގޭ މީހަކު "މިހާރު" އަށް ކިޔައިދިން ގޮތުގައި އެކަން ހިނގީ ހައިވޭ އިން ހުޅުމާލެ ކޮޅަށް ދާއިރު ސީ ޕްލޭން ޓާމިނަލާ ދިމާލުން އޮންނަ ބެންޑް ސަރަހައްދުގައި ހުއްޓިފައި އޮތް ކާރެއް ޓޯކުރަން ފުލުހުންގެ ޕިކަޕަކާއި ފޯކް ލިފްޓެއް މަޑުކޮށްގެން އޮއްވަ އެވެ.
ާހައިވޭގައި ވެހިކަލްއެއް ޓޯ ކުރަން ފުލުހުން ގެންދިޔަ ފޯކްލިފްޓް--
އެ ވަގުތު ފައިސަލް ވަރަށް ބާރަށް ދުއްވާފައި ގޮސް ޖެހުނީ ޕިކަޕުގެ ފަހަތުން ކަނުގައި ކަމަށް އޭނާ ބުންޏެވެ.
"ވަރަށް ބާރަށް [ކާރު ލޭނުން] ގޮސް ސައިކަލް ލޭނަށް އަރަން ދިޔަ ގަޑީ ގޮސް ޖެހުނީ ޕިކަޕުގެ ކަނުގައި. އެ ގަޑީ ހެލްމެޓު ވެސް ނައްޓައިގެން ގޮސް ވެއްޓި އަރިމަތީ ފެންސު ދަނގަޑުގައި ބޯ ޖެހުނު،" އެކްސިޑެންޓުގެ މައުލޫމާތު އެނގޭ މީހަކު ކިޔައިދިނެވެ.
ހައިވޭގައި އެކްސިޑެންޓުވި އެ ހިސާބަކީ އާންމުކޮށް އެއްވެސް ލައިޓެއް ނުޖައްސައި ވަރަށް އަނދިރިކޮށް އޮންނަ ތަނެކެވެ.
އަނދިރީގެ ތެރޭގައި ހުއްޓިފައި އޮތް ކާރު ޓޯކުރަން ދިޔަ ފުލުހުންގެ ވެހިކަލް އޮތީ ދެކޮޅަށް ސިގްނަލް އަޅައިގެންނެވެ. އެ ތަނުގައި ޓްރެފިކް ފުލުހަކު ވެސް ހުރި ކަމަށް ވެ އެވެ.
އެކްސިޑެންޓުވި މީހާ މަގުމަތިން ނަގަނީ
އެކަމަކު ފައިސަލް ދިޔަ ބާރުމިނުގައި، އެއިން އެއްވެސް ކަމަކަށް ސަމާލުކަން ނުދެވި އަދި ސައިކަލް ލޭނަށް އެރުމުގެ ކުރިން ގޮސް ޕިކަޕުގައި ޖެހުނީ އެވެ.
އެ އެކްސިޑެންޓްގައި ފައިސަލްގެ ބޮލަށް ވަރަށް ބޮޑަށް އަނިޔާވެ، ބޯ އޮތީ ޗިސްވެފަ އެވެ. އަދި ހައިވޭގައި ވަރަށް ބައިވަރު ލޭ ހުއްޓެވެ. އޭނާ ބިންމަތީ ވެއްޓިފައި އޮތް އިރު ފުރާނައެއް ނެތް ކަމަށް ބައެއް މީހުން ބުންޏެވެ.
ފުލުހުން ބުނި ގޮތުގައި ފައިސަލް ޓްރީޓޮޕް ހޮސްޕިޓަލަށް ގެންދިޔަ އިރު ވެސް އޮތީ މަރުވެފަ އެވެ.
މިކަމާ ގުޅޭ ގޮތުން ފުލުހުންގެ ބަހެއް ލިބޭ ގޮތެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީބެ
29 May 2023
ޢަބަދު ސްޕީޑޭ ނުކިޔާ މުޅި ސީންއަށް ވިސްނާލަމާ. ވެހިކަލް ހުއްޓުނީމަ ކޮންމެޑްރައިވަރެއް 100 ފޫޓު ކުރިއަށްޖެހި އިޝާރާތް ކުރަމާ.ފުލުހުން ކޯންބަހައްޓަނީ ފައިބުޑު.
ދަތުރު
29 May 2023
ހައިވޭގަ މަޑުންދުއްވީމަވެސް މައްސަލައަކަށްވަނީ. ހައިވޭ ކިޔަނީ ބާރައްދުއްވޭ މަގުތަކަށް. ދެން ހައިވޭގަ އެއްޗެއް މަޑުކޮށްގެން އޮންނަ ނަމަ ފުލުހުން ޖެހޭނެ ދެކޮޅުން އަންނަ އުޅަނދުތަކަށް އެތަނަކާ އަރާ ހަމަވުމުގެކުރިން ކަމެއްކުރާކަންއަންގަން.
ފަސްދޭތެރެ
29 May 2023
ހުރިހާވެސް މަައްސަލަ އަކީ ބުރިޖު އެޅުން.... ނެތްނަމަ ތިޔަހެން ނުވީސް..އިބޫ އަނެއްކާ އަނެއް ބުރިޖު އެޅޭތޯ ބަލަނީ..
ހަސަންޑީ
28 May 2023
އާދޭހާއެކު ބުނެލާނީ ދުއްވާ އެއްޗަކައް އެރުމަށްފަހު ތިމާ މިދުއްވަނީ އެތައްބައިވަރު ވެހިކަލްތަކެއް ގަވާޢިދުންނާ ނުގަވާޢިދުން ދުއްވާ މަގެއްކަން ވިސްނައިގެން ތިމާގެ ފުރާނަ ރަށްކާކުރެވޭނީ ތިމާކުރި މަސައްކަތަކުންކަން ހަދާނުގައި އެންމެ ސިކުންތެއްވެސް ދޫނުކޮށް ބަހައްޓައިގެން، ތިމާއަކީ އަންބެއް ނުވަތަ ފިރިއެއް، ކުޑަ ދެތިން ކުދިންގެ މަންމަ ނުވަތަ ބައްޕަކަން ހަދާނުގައި ބަހައްޓާ ދުއްވާ ލޭނުގެ ވާއްފަޅިން އަބަދުވެސް ދުއްވަން އާދަކުރޭ!
ހާމިދު ޝާހިދު
28 May 2023
ފާސަލު އައީ ވަރަށް ބާރަށް ދުއްވާފައިކަމަށް ވެދާނެ. އެހެންވީމާ ކޮންޓްރޯލް ނުކުރެވުނީ. އެކަމަކު މިކަމުގައި ފުލުހުންގެ އިހުމާލުވެސް އެބައޮތް. ބޮޑު ހައިވޭއެއްގައި ކާރެއް ހުއްޓިގެންނަމަވެސް ޓްރެފިކް ޕޮލިހުން ހަރަކާތްތެރިވަމުން ދަނީކަމަށްވަނީމަ، ދުރުން ބާރު ސްޕީޑުގައި އަންނަ ވެހިކަލްތަކަށް އެކަމުގެ އިންޒާރު ދިނުމަށް ހައިވޭ ބޯޑުތައް ބަހައްޓަންޖެހޭ. އެކަން ނުކުރެވުމުން ތި ހިތާމަވެރި ހާދިސާ ތިޔަ ދިމާވީ.
ލާލަ
29 May 2023
ދެން ގޮސް ޖައްސާނީ ތިކިޔާ ބޯޑުގަ. އޭރަށްވެސް ގޯސް ވާނީ ހަމަ ފުލުހުންދޯ
ހައިވޭ
28 May 2023
ހައިވޭ އެހާ އަނދިރިކަމަށް ކިޔާތީ ހައިރާންވޭ. ހައިވޭއަށް އެރިއިރު ކިޔާހާ އަނދިރިއެއް ނޫން. ކޮންމެ މީހަކު ދުއްވާ އުޅަނދުގަވެސް ވަރުގަދަ ލައިޓެއް އިނދޭ. މަގު އެހާ އަނދިރިވާންވީ ސަބަބެއް ނެތް. އެހާ އަނދިރިއްޔާ މަޑުން ދުއްވާނަމަ އެކަހަލަ ކަންކަން ނުވީސް.
ޭއެކަހަލަ
28 May 2023
ޓޯކުރާނަމަ އިމަޖެންސީ ލައިޓުތައް ހަރުކޮތަ މަގުގެ އެހިސާބު ބަންދު ކުރަން ޖެހޭނެ.
ހައިބީމު
28 May 2023
ހައިވޭއިން ލަނބާލާ ތަނުގައި ލޮލަށް ފެންނަ ގޮތަށް ބޮކި ހަރުކޮށްފަ ހުރީމަ ވާނޭ ގޮތަކީ ދުއްވާ މީހާ ބޯ އަނބުރައިގެން ވެއްޓުން. އެހެންވެ ލޮލަށް އަލި ނޭޅޭހެން ތިރި ބޮކި ހަރުކޮށްފާ ހުރީ އެހިސާބުގަ، ހައިވޭ ހެދިއިރު.
މަރަ
28 May 2023
ފުލުހުންގެ އިހުމާލު އިތަސް އެވާހަކަނޯންނާނެ
އަލީ އަސްފާގު
28 May 2023
މުޅި ހައިވޭ އަކީ ވަރަށް އަނދިރިކޮށް އޮންނަތަނެއް، އެކަސީގެންވާ ވަރުގެ އަލިކަމެއް އެމަގަކު ނޯވޭ، އަދި ވަކިން ހާއްސަކޮށް ހުޅުމާލެއަށް ލަބާލާކޮޅު ނުވަތަ ކަންމަތި އޮންނަނަނީ ވަރަށް އަނދިރިކޮށްފަ. އެތަނުން ކިތަންމެ އެކުސިޑެންޓެއް މިހާރުވެސް ހިނގައިފި، ކިތަށް މީހުންގެ ފުރާނަ ދާ ފަހުންތޯ ގިނަ ރައްޔިތުންނަށް ލިބޭ މުސާރަ ބޮޑުކޮށްނުދީ 8 ޕަސެންޓަށް ޖީއެސްޓީ ނަގަންފެށި މިސަރުކާރަށް ކޮއްދެވޭނީ.
ނުސާހިރު
28 May 2023
ބަލަ އެއްވެސް ގައުމެއްގައި ހައިވޭ އަކީ ކާނިވަލެއްހެން ދިއްލާ އަޅާފައި ބާއްވާ ތަނެއް ނޫނޭ.
ގައްބަރޭޕްލަސް
28 May 2023
ދުއްވާމީހުން ކީއްތަވާނީ ހަމަހޭގަ ތިބެގެން ދުއްވިއްޔާ. އަބަދު އެހެންމީހުންގެ ކުށް ހޯދަން ނޫޅެ ތިމާގެ ސަލާމަތަށް ވިސްނައިގެން އުޅެބަލަ. ޕިކަޕް އޮތީ ލައިޓް ޖައްސާފަ ކަމަށް އެބުނަނީ. ދުއްވަމުން އައީ އެއްލޭނުން އަނެއް ލޭނަށް ޒިގްޒިގް ކުރަމުން ކަމަށް އެބުނަނީ.