ފަހި ދިރިއުޅުމުން މިހާރު ހަދާ ބައެއް ޓަވަރުތައް. ހަތަރު ޓަވަރުގެ ފިނިޝިންގެ ބޮޑުބައި ވަނީ ނިމިފައި-- ފޮޓޯ: ފަޔާޒް މޫސާ / މިހަރު
10 އޮކްޓޯބަރ 2023 - 13:49
27 comments
މި ސަރުކާރުގެ ބޯހިޔާވަހިކަމުގެ މަޝްރޫއުގެ ދަށުން ހުޅުމާލެ 2 ގައި އިމާރާތް ކުރަމުން އަންނަ ފްލެޓްތަކުގެ ތެރެއިން ހަ ޓަވަރެއްގެ ކޮންސްޓްރަކްޝަން މަސައްކަތް ނިމިފައިވާ ކަމަށް ފަހި ދިރުއުޅުން ކޯޕަރޭޝަނުން މިއަދު ބުނެފި އެވެ.
އެ ކޯޕަރޭޝަނުން ބުނީ، ހަ ޓަވަރުގެ ތެރެއިން ހަތަރު ޓަވަރެއްގެ ފިނިޝިން މަސައްކަތުގެ 60 ޕަސެންޓު ވެސް މިހާރު ނިންމާލާފައިވާ ކަމަށެވެ.
ސަރުކާރުން ނިންމާފައި ވަނީ 32 ޓަވަރެއްގައި 4،000 ފްލެޓު ހަދާށެވެ. ކޮންމެ ޓަވަރެއްގެ ކޮންމެ ފްލޯއެއްގައި 8 އެޕާޓްމެންޓް ހުންނާނެ އެވެ.
އެ ޓަވަރުތައް އިމާރާތް ކުރަނީ ރެއިންފޯސްޑް ކޮންކްރީޓް ބޭނުންކޮށްގެންނެވެ. އެހެންވެ، ފުރަތަމަ ދެ ފްލޯ ފިޔަވައި، އެހެން ހުރިހާ ފްލޯއެއްގެ ސްޓްރަކްޗާ ހަދަނީ، ތައްގަނޑުތަކަށް ކޮންކްރީޓް އަޅައިގެންނެވެ. އެ ޓެކްނޮލޮޖީ ބޭނުން ކުރުމުން ކޮންމެ ފްލޯއެއްގެ ކޮންސްޓްރަކްޝަން މަސައްކަތް އާންމުކޮށް އެކަން ކުރާ ގޮތަށް ވުރެ 14-18 ދުވަސް އަވަސް ކުރެވެ އެވެ.
4،000 ފްލެޓްގެ އެތެރެ. ހަ ފްލެޓެއްގެ ކޮންސްޓްރަކްޝަން މަސައްކަތް ވަނީ ނިންމާލާފައި-- ފޮޓޯ: ފަޔާޒް މޫސާ / މިހާރު
ސަރުކާރުން ކުރިއަށް ގެންދާ 4،000 ފްލެޓްގެ މަސައްކަތް އެއްކޮށް ނިންމައިލެވޭނީ 2025 ގެ ކުރީކޮޅު އެވެ. މި މަޝްރޫއު ކުރިއަށް ގެންދަނީ ދެ ޕްރޮޖެކްޓަކަށް ބަހާލައިގެންނެވެ. ދެ ޕްރޮޖެކްޓް ވެސް ހަވާލު ކުރީ އިންޑިއާގެ ދެ ކުންފުނި، ޖޭއެމްސީ އާއި އެންބީސީސީއާ އެވެ. އޭގެ ތެރެއިން ކޮންމެ ކުންފުންޏަކުން ވެސް 16 ޓަވަރުގެ މަސައްކަތް އަންނަނީ ކުރަމުންނެވެ.
ހުޅުމާލޭގައި އިތުރު 4،000 ފްލެޓް އިމާރާތް ކުރަން އިންޑިއާގެ ކަލްޕަޓަރު ޕްރޮޖެކްޓްސް އިންޓަނޭޝަނަލް ލިމިޓެޑް (ކޭޕީއައިއެލް) އާ މިދިޔަ އޮގަސްޓް މަހު ހަވާލުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިއުރޭ
12 October 2023
މަށާ މަގޭ އާއިލާ އިބޫއަށް ވޯޓު ނުދިނީ ދާއީމީ ލިސްޓު ނެރެނިއްޔޭ ކިޔާފަ ޖެއްސި ސްޓަންޓަކުން.
ސަމޫލް
11 October 2023
މިތަނުން ސާއިފާނެރިގެން ނޫނީ ތިކަނެއް ނުވާނެ، ހުރިހާ ޑިޕާޓްމަންޓް އެއް އަންބޮނޑިޔަށް ލައިގެން ދެނެއް ނުހުރެވޭނެ. ބޭރުކުރަންޖެހޭ މީހަކީ ސާއިފާ.. އެއީ ހަގީގަތް
މުޖުތާޒު
11 October 2023
މިފަހަރު ފްލެޓްޝޯކުޅެން ގެންދަނީ މަރިޔަން ނިޝާ އާއި ރީކީ މޫސާ މަނިކު ކަންނޭގޭދޯ އޭރުން އެފްލެޓްގަ ދެމީހުންނައް ޗަރުކޭސް ގޮތުގަކުރެވޭނީ
އިބޫގެ ސަލްފިއްޔާ
10 October 2023
އައްސު އަހަރެމެންނަން ވެއްޖެ މިކަން. ސްލޯލިހްގެ ސަރުކާރު ވީމާ ސްލޯވީ ސޮރީ ރައްޔޮތުން -ސަލްފިއްޔާ އަންވާރު
ބޮޑުމީހާ
10 October 2023
އަޅަނީ 4000 ޔުނިޓް. ދެނީ 14000 ޔުނިޓް. މިއޮތް 21 ވަނަ ގަރުނުގައި މިކަހަލަ ކަންކަން ކުރަން ހަދައިގެން އެމްޑީޕީ ބަލިވީ. ޕޯޓަލްއެއްގައި ލިބޭ ޖެހިޔަކަސް އަދި އެކަމެއް ނުވާނެ. ސިޔާސީ މީހުންނަށް ގޮތްތައް އޮތަސް ރައްޔިތުން އެންމެ ބޭނުންވާ ކަންކަމުގައި މިފެންނަނީ ސީރިއަސްކަމެއް ނެތްކަން. މުއިއްޒު ވިސްނާތި. ވައުދު ނުފުއްދައިފިނަމަ އިބޫސޯލިހަށް ވީ ގޮތްވާނީ
ޙާމަ
10 October 2023
ވަރައް ރަގަޅު ވާހަކައެއް..
ނާށިބޮޑޭ
10 October 2023
ލިޔުން ރަނގަޅަށް ކިޔާލިނަމަވެސް 8000 ފުލެޓުގެ ވާހަކަ ފެނުނީސް.
ޢެޑްމުންޑޯ
10 October 2023
އެހެންވީމާ މިސަރުކާރު ނިމިގެން މިދަނީ އެންމެ ފްލެޓެއްވެސް ނިންމާނުލެވިދޯ
އެނދިމުންޑު
10 October 2023
ހައްހައް. އަސަރެއް ކުރާނީ. މިސަރުކާރު ވެގެންދާނީ ލިބުނު 3 އަހަރުގެ ތެރޭގައި ފުލެޓެއް އަޅައި ހަވާލުކުރި ފުރަތަމަ ސަރުކާރަށް.
ސުން
10 October 2023
ކަމެއްވާ ބަޔެއްތަ؟ގައުމު ދަވާލެވުނީ..
ފުލެޓުތަށް މުއިއްޒު
10 October 2023
ޥެށިފަހިމާލެ ޕްރޮގްރާމަށް ހަދާލިގޮތަށް ހަދާނީ،، ފޯމުތަށް ބާތިލް ކޮށްލުމާގާތީ
ހުސޭނުގެ
10 October 2023
ތިޔަ ގޮތަށް ނިމިފައި ހުންނަތާ ކޮން ޒަމާނެއް. ނިމިގެން ސަޅިބައިސާ ކަނޑާއިރު އަދި ބޭރުގައި ކުލަލާ ވެސްނުނިމޭ... ގުނބޯ ހައްދަންް ނޫޅޭ. ބަލިވެއްޖެއެއްނު
އާވަސް
11 October 2023
ގުބޯ ހެއްދީ ޔާމީނު، އެއީ ނުނިމޭ ޓަވަރުތަކެއް ބޭރުން ކުލަލާފަ ދެއްކީ، ހުރީ ކޮންކުރީޓް އޮނިގަޑު އެކަނި ނިމިިފަ، އެއީ ތި މޮޅު ހިޔާ ޓަަވަރުތައް.
ހުވޭ
10 October 2023
ދާއިމީ ލިސްޓް ނުނެރެ ތިޔަތަން ދޭން ބޭނުންވާ ބަޔަކަށް ދީ ނިންމައިފި. ނިމެމުންއަންނަ 600 ފުލެޓް ހަވާލުކޮށް ލިބުނު ބަޔަކަށް ތަންވެސް ދައްކައިފި.
ހުސެން803
10 October 2023
ފުލެޓް ޕޯޓަލްގައި " ސަރުތުހަމަވޭ/ ފުލެޓްލިބޭ" ޖަހާލިޔަކަސް އޭގައި ޤާނޫނީ އެއްވެސް ބުރަދަނެއް ނެތެވެ. ކޮންމެ ދިވެހި ރައްޔިތަކީވެސް ގޯއްޗާއި ފުލެޓަށް ސަރުތުހަމަވާ ރައްޔިތެކެވެ. ހަމައެކަނި ތަފާތަކީ ގޯއްޗާއި ފުލެޓް ލިބޭނެ ތަނަކާއި ދުވަހެއް ނޭގުމެވެ. ޕޯޓަލްގަވެސް މިއޮތީ ހަމަ އެކަހަލަ ލިސްޓެކެވެ. ފުލެޓްލިސްޓަށް ވީގޮތެއް ނޭގޭއިރު ދިޔަވަރު ހިކޭގަނޑިޔަށް ބިންކޮޅެއް ހިކުނަސް އަވަސް އަރުވާލައިފަ މާލޭ މީހުންނަށް އެބަ ހަވާލުކޮށްލައެވެ.
ޢަހު
12 October 2023
ރ ޔާމީންް ސަރކާރުގަ އެމީހންވެސް ވ ކަންތަށް ކޮއްދިން އެންމެ ބޮޑު ފަސޭހަ އަީ ކަނޑުދަތުރު އެއްގަމު ދަތުރަކަށް ބަދަލު ކޮއްދިންކަން ބްރިޖް މަތިން ދަތުރު ކުރާއިރު ހާދަ ފަސޭހައޭ ދޯ މިގައުމުގަ ބްރިޖެއް އެޅޭނެ ކަމަކަށް އަހަރެން ހީއެއް ުކުރަން އެކަން ﷲ ގެ އިރާދަފުޅާޢީ މިންވަރުފުޅުން އެއޮތީ އެކަންވެސް ކޮއްފަ އިން ޝާ ﷲ އަދިވެސް ވާނެ ޕްރޯ މޯލްޑިވްސް