މޯލްޑިވިއަންގެ ބޯޓެއް: މިއަދު މޫސުން ގޯސްވުމުން ބައެއް ފްލައިޓްތައް ވަނީ ޑީލޭވެފައި.--
12 ޖެނުއަރީ 2024 - 15:20
10 comments
ރާއްޖޭގެ މޫސުން ގޯސްވުމުން އެއާޕޯޓުތަކަށް ޖެއްސުމުގައި ދަތިތަކެއް ދިމާވެ، ބައެއް ފްލައިޓްތައް ޑިލޭ ވެއްޖެ އެވެ.
ފްލައިޓްތައް ޓްރެކްކުރާ "ފްލައިޓްރާޑާ" އިން ފެންނަ ގޮތުގައި ރާއްޖޭގެ ވައިގެ ސަރަހައްދުގައި ފްލައިޓްތައް ނުޖެއްސިގެން ވޭތުވެދިޔަ ފަސް ވަރަކަށް ގަޑިއިރު ވަރަށް ގިނަ ވަގުތު ވައިގެ ތެރޭގައި ދުއްވާފައި ވެ އެވެ.
އެމްއޭސީއެލްގެ މީޑިއާ އޮފިޝަލް ޝައްމާން ޝާކިރު "މިހާރު" އަށް ވިދާޅުވީ މޫސުން ގޯސްވުމުން ބައެއް ފްލައިޓްތައް ޑިލޭ ވެފައިވާ ކަމަށެވެ. އެގޮތުން ބައެއް ބޯޓުތައް ޖެއްސުމަށް ވަރަށް ގިނަ ވަގުތު ނަގާފައިވާ ކަމަށް ވެސް އޭނާ ވިދާޅުވި އެވެ.
ވެލާނާ އެއާޕޯޓުގެ ފްލައިޓް ޝެޑިއުލް ވެބްސައިޓުން ފެންނަ ގޮތުގައި އެރައިވަލްގެ 17 ވަރަކަށް ފްލައިޓް ވަނީ ޑިލޭ ވެފަ އެވެ. އަދި ފުރަން އޮތް 11 ފްލައިޓް ޑިލޭވި އެވެ.
ހެނދުނު 10:30 އިން ފެށިގެން ފަސް ގަޑިއެއްހާއިރަށް ފްލައިޓްތައް ޑިލޭވެފައިވާ ކަމަށް ވެސް އޭގެން ދައްކަ އެވެ.
މި ދުވަސްވަރަކީ މޫސުން ގޯސް ދުވަސްވަރަކަށް ވެފައި ރާއްޖޭގެ އިރުމަތީގައި އުފެދިފައިވާ ކޮޅިގަނޑު ރާއްޖެ މަތިން ހުރަސްކުރާތީ، އެކި ހިސާބުތަކަށް ވިއްސާރަކޮށް، ވައިގަދަވާނެ ކަމަށް މެޓުން ވަނީ ބުނެފަ އެވެ.
ރ. އަތޮޅުން ފެށިގެން ލ. އަތޮޅުގައި ހިމެނޭ ރަށްތަކަށް ބޯކޮށް ވާރޭ ވެހުމާއެކު ގުގުރާނެ ކަމަށާއި ގަޑިއަކު 22 މޭލާއި 27 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް މެޓުން ލަފާ ކޮށްފައިވެ އެވެ.
އަދި ކ. އަތޮޅުން ފެށީގެން ދ. އަތޮޅަށް ވިލާގަނޑުގައި ގަޑިއަކު 45 މޭލަށް ވައި ގަދަވެ ކަނޑުތައް ގަދަވާނެ ކަމަށް މެޓުން ލަފާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަފީފުކު
12 January 2024
ކޮނެމެ ކަމަކާވެސް މާލޭގެ ސަރުކާރު. ބައްޔަކަށް ވެފަ އެހެރީ
މޮދި ނަރޭ.
13 January 2024
އޭނާ އެދައްކަނީ ހަމަ ރަނގަޅު ވާހަކަތަކެއް. ދިވެހިރާއްޖެއަކީ މާލެއެއްނޫން. ރައްޖޭގައި އެހެން ރަށްތައްވެސް އެބަހުރި. ކީއްވެ އެރަށްތައް ތަރައްޤީ ކުރަން އެއްވެސް ކަމެއް ނުކުރަނީ.
އޮނަރަބްލް އަފީފު ދީދީ
12 January 2024
ވޭތުވެދިޔަ 60 އަހަރުތެރޭ 15 ވަރަކަށް ބިލިޔަން ޑޮލަރު (ބަޖޭޓުންނާއި ދައުލަތްދަރަނިކޮށް ނެގިލޯނު އަދި އެކުވެރި ދައުލަތްތަކުން ވެދީފައިވާ އެހީ ޖުމްލަކޮށް އަގުކޮށްފިނަމަ މާބޮޑުވެސް ވެދާނެ) ހޭދަކޮށްފައިވާއިރު އަދި ދައުލަތް ބަޤުރޫޓްވެފައި އޮތްއިރު މިހާރުވެސް ތައްޔާރުވަމުން އެދަނީ އިތުރު 4 ބިލިޔަން ޑޮލަރު އެތަނަށްހޭދަކުރަން. ކީއްވެ މިލޯނުތައް ދެއްކޭނެކަން ޔަޤީންކުރަންވެސް ހަނިމާދުއާއި އައްޑޫ ގޭންއެއަރޕޯޓް ގައި އަޅުވާފައިއޮތް "މަރުގެތަޅު" ނައްޓާނުލަނީ!؟
އޮނަރަބްލް އަފީފު ދީދީ
12 January 2024
އެކަންކުރާން މާލޭސަރުކާރާއި އެރަށުގެ ބޮޑުންނާއި އަމިއްލައަށް ޕައިނީއަރުންނަށް ވެގެންތިބެ އެވާހަކަ ދައްކަވާ ދިވެހި ރިސޯޓް އޯނަރުން ކިތަންމެ ބޭނުންނުވި ކަމުގައިވިޔަސް ރާއްޖޭގެ ޓްއަރިޒަމް ސިނާއަތުގައި އެކިގޮތްގޮތުން އިންވެސްޓްކޮށްގެންތިބި ފަރާތްތަކާއި، އެތަންތަނުގައި ވަޒީފާ އަދާކުރާ މީހުނާއި ރާއްޖެއަންނަ 60 ހަކަށް އެއަރލައިންގެ ޙައްޤު ރައްކާކުރުމަށްޓަކާވެސް ހަނިމާދުއާއި GAN International Airport އަޕްޤްރޭޑްކޮށް އޮޕަރޭޓް ކުރާންޖެހޭ.
ވޯޓާރ ބޯލްޑު
12 January 2024
ތެދެއް މޫސުންވަރަށް ގޯސް، އަސުރަށް ގޮވިއިރު ތިބި ސިޓިކައުންސިލް ގުރޭފެއް މަޖީދީމަގު ހުރި ރެޑްވޭވަށް ވަދެ ކަރަންޓްކޮޅެއް ދީބަލާށޭ ކިއާ ޕްލަގްޕޮއިންޓެއް ހިފައިގެން. ބޭރުގައި ހޮޅިގުޅާފައިއޮތް އެމީހުންގެ ލޮރިއެއޮތް ބަޔަކު ތިބި މަދިރިއެއްވާވަރު ޕަންޕެއް ހިފައުގެން.
އޮނަރަބްލް އަފީފު ދީދީ
12 January 2024
މާލޭސަރުކާރުން ގެންގުޅޭ "އެއްރަށްދައުލަތް ސިޔާސަތު" އެމީހުން ބަދަލުނުކުރިޔަސް ތަކުރާރުކޮށް މިވާހަކަ ކޮމަންޓްތަކުގައި ލިޔަމުންދަނީ މިކަންއެގޭބަޔަކުވެސް އެބަތިބިކަން މާލޭސަރުކާރަށް އަންގަންވެގެން. # އިއްޔެވެސް ކަރަންޓްގޮސްގެން ތިތަންހުއްޓުމަކަށްއައި. ކުޑަކޮށް ވައިގަދަވެލާއިރަށްވެސް ތިޔަ އެއަރޕޯޓަށް ނުޖެއްސިގެން ސިލޯނަށް ބޯޓް ޑައިވާޓްކުރުމަކީ އާންމުކަމެއް. އެކަމަކު ހަނިމާދުއާއި ގޭންއެއަރޕޯޓް ޑިވޮޅޯޕްކުރާންޖެހިދާނެތީ އެމީހުން މިވާހަކަނުދައްކާ ތިބެނީ.
ތުނޑުހަސަނު
13 January 2024
"ގޭން" ކިޔާރަށެއް މިރާއްޖޭގައި ނެތްކަމަށް ތަކުރާރުކޮށް ދަންނަވަން.
އޮނަރަބްލް އަފީފު ދީދީ
12 January 2024
ތިއީ އަލަށް ދިމާވިކަމެއްނޫން. ކ.އަތޮަޅު މާލޭ އެއަރޕޯޓްގެ ރަންވޭ އަޅާފައި އޮތްގޮތުން އާދައިގެ ވަރަކަށް ވައިގަދަވެ ވިއްސާރަ ވެއްޖެނަމަ ތިޔަތަނަށް ބޯޓް ނުޖެއްސި އެފަދަ ހުރިހާ ބޯޓެއް އަވަށްޓެރި ސިލޯނަށް ޑައިވާޓް ކުރާތާ އެތައް ޒަމާނެއް ވެއްޖެ. # އެކަމަކު އެއަރޕޯޓުގެ ވެރިންނާއި މާލޭސަރުކާރުން މިވާހަކަ ނުދައްކަނީ ހަނިމާދުއާއި އައްޑޫ GAN International Airport ގައި އެމީހުން އަޅުވައިގެން ތިބި "މަރުގެ ތަޅު" ނައްޓާންޖެހިދާނެތީ ކަމަށް ވެދާނެ. މިއީ ދެރަކަމެއް.
ކަހަނބު
13 January 2024
އަޅެ ފަހެ ދެން ރައީސަށް ދަންނަވަންވީއެއްނު "މިނިސްޓަރ އޮފް އައްޑޫ" ތިމަންނަޔަށް ދޭށޭ؟ ދެން މާލޭމީހުންނަށް އެއްޗިހި ގޮވާލަ ގޮވާލަ އޮވޭ ތި މޮޅު އައްޑޫގަ.
ސުންބުލި
12 January 2024
މިކަމާވެސް އަފީފު ކޯފާވާނީ މައިސަރުކާރުދެކެ.