ޚަބަރު / މުހައްމަދު ސައީދު (އިކޮނޮމިކް މިނިސްޓަރު)

ތިން މަސްތެރޭގައި ސޮވެރިން ފަންޑަށް 30 މިލިއަން ޑޮލަރު ޖަމާކޮށްފިން: ސައީދު

ރައީސް ޑރ. މުހައްމަދު މުއިއްޒު، ހއ. ކެލާގެ ރައްޔިތުންނާ ބައްދަލުކުރެއްވުމަށް ބޭއްވި ޖަލްސާ.-- ފޮޓޯ: ރައީސް އޮފީސް

ހއ. ކެލާއިން، އިފްރާޒް އަލީ، މިހާރު

25 ފެބުރުއަރީ 2024 - 16:42

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން މިދިޔަ ތިން މަސް ދުވަހުގެ ތެރޭގައި ސޮވެރިން ޑިވެލޮޕްމަންޓް ފަންޑް (އެސްޑީއެފް) އަށް 30 މިލިއަން ޑޮލަރު (462 މިލިއަން ރުފިޔާ) ޖަމާކޮށްފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.

ރައީސް ރާއްޖޭގެ އުތުރަށް ކުރައްވާ ދަތުރުފުޅުގައި ހއ. ކެލާގައި ބޭއްވި ޖަލްސާގައި ސައީދު ވިދާޅުވީ މިދިޔަ އަހަރުގެ ނޮވެމްބަރު 17 ގައި މި ސަރުކާރުން ވެރިކަމާ ހަވާލުވިއިރު، އެސްޑީއެފްގައި ހުރީ 2.4 މިލިއަން ރުފިޔާ އާއި ދެ މިލިއަން ޑޮލަރު ކަމަށެވެ.

ރައީސް ޑރ. މުހައްމަދު މުއިއްޒަށް ހއ. ކެލާއިން މަރުހަބާ ކިޔުން.-- ފޮޓޯ: ރައީސް އޮފީސް

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން އެ ފަންޑުގައި ހުރި 400 މިލިއަން ޑޮލަރު މާރުކޮށް "ހުސްކޮށްލީ" ކަމަށް ސައީދު ވިދާޅުވި އެވެ.

"ރައީސް މުއިއްޒު ވެރިކަމާ ހަވާލުވެވަޑައިގެންނެވި ފަހުން މި ވީ ތިން މަހުގެ ތެރޭގައި ސޮވެރިން ފަންޑަށް ވަނީ 30 މިލިއަން ޑޮލަރު ޖަމާކޮށްފައި،" އޭނާ ވިދާޅުވި އެވެ.

"މިއީ ވެރިންނަކީ. ގައުމުގެ ދެކެ ލޯބިވާ ވެރިންނަކީ."

ސައީދު ވިދާޅުވި ގޮތުގައި، މި އަހަރު ނިމޭއިރު އެ ފަންޑުގައި 130 މިލިއަން ޑޮލަރު ހުންނާނެ އެވެ.

އެސްޑީއެފަކީ ދައުލަތުގެ ދަރަނި އަދާކުރަން، ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ވަނަ އަހަރު އުފެއްދި ފަންޑެކެވެ. ސައީދަކީ އޭރުގެ ވެސް އިކޮނޮމިކް މިނިސްޓަރެވެ.

ރައީސް ޑރ. މުހައްމަދު މުއިއްޒު ހއ. ކެލާގައި ބޭއްވި ޖަލްސާގައި މިނިސްޓަރު ސައީދު ވާހަކަދައްކަވަނީ.-- ފޮޓޯ: ރައީސް އޮފީސް

ސައީދު އެ ގޮތަށް ވިދާޅުވި ނަމަވެސް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާންމުކޮށްފައިވާ ތަފާސްހިސާބުތައް އަދި ދައްކާ ގޮތުގައި އެ ފަންޑުގައި މިހާރު ހުރީ 106.6 މިލިއަން ރުފިޔާ އާއި ހަތް މިލިއަން ޑޮލަރެވެ.

މި އަހަރަށް ލަފާކުރާ ދައުލަތުގެ ބަޖެޓުގައިވާ ގޮތުން މިދިޔަ އަހަރުގެ ސެޕްޓެމްބަރު މަހުގެ ނިޔަަލަށް އެސްޑީއެފަށް އެއާޕޯޓް ޑިވަޕޮލްމެންޓް ފީގެ ގޮތުގައި ހަތަރު ބިލިއަން ރުފިޔާ ވަދެފައިވެ އެވެ. އަދި ކްރޮސް ސަބްސިޑީ ޕްރޮޖެކްޓްތަކުން 1.4 ބިލިއަން ރުފިޔާ އާއި އެހެނިހެން ގޮތް ގޮތުން ދެ ބިލިއަން ރުފިޔާ ޖަމާކުރި އެވެ.

އެސްޑީއެފްގައި ހުރި ފައިސާގެ ތެރެއިން 5.7 ބިލިއަން ރުފިޔާ ހުރީ ޓީބިލުގައި އިންވެސްޓްކޮށްފަ އެވެ. އެހެނިހެން އިންވެސްޓްމެންޓްތަކުގައި 1.7 ބިލިއަން ރުފިޔާ ހޭދަކޮށްފައިވެ އެވެ.

ރައީސް ޑރ. މުހައްމަދު މުއިއްޒު ހއ. ކެލާގެ ރައްޔިތުންނާ ބައްދަލުކުރެއްވުމަށް ބޭއްވި ޖަލްސާ.-- ފޮޓޯ: ރައީސް އޮފީސް

ބަޖެޓު ފޮތުގައިވާ ގޮތުން އެ ފަންޑަށް ޖަމާކުރާ ފައިސާގެ ތެރެއިން 3.8 ބިލިއަން ރުފިޔާ ދަރަނި އަދާކުރަން މި އަހަރު ބޭނުން ކުރާނެ އެވެ.

ދަރަނި އަދާކުރަން އެސްޑީއެފްގެ ބޮޑު ބައި 2025 އާއި 2026ގައި ބޭނުން ކުރާއިރު މިވަގުތު ދައުލަތުގެ ދަރަނި ހުރީ 120 ބިލިއަން ރުފިޔާގަ އެވެ.

ހއ. ކެލާ އިކޮނޮމިކް މިނިސްޓްރީ ސަރުކާރު ލޯނު މުހައްމަދު ސައީދު (އިކޮނޮމިކް މިނިސްޓަރު) ސޮވަރިން ޑިވެލޮޕްމެންޓް ފަންޑު ރައީސް ޑރ. މުހައްމަދު މުއިއްޒު އިގްތިސާދު ރާއްޖޭގެ އިގްތިސާދު

55 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަރުޝަދްް

26 February 2024

އިބުރޭ މި ގައުމުގެ މިސްރާބް ގެންދިޔައީ ވަރަށް އަނދިރި ދިމާޅަކަށް. އެހެންނަމަވެސް މާތްރަސްކަލާންގެ މިވަނީ އަހަރެމެން ދިވެހިންނަށް އަލި މަގެއް ހޯއްދަދެއްވާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިމްޝާާ

26 February 2024

މި ސަރުކާރުން ރާއްްޖޭގެ އިގްތިސޯދު ނަގަހައްޓަން ކުރަމުންދާ މަސައްކަތުގެ ކޮޅުމަތި އަދި މި ފެންނަނީ. ސާބަހޭ ރައީސްް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބުނާާ

26 February 2024

2026 ގައި ދައުލަތުން ދައްކަންޖެހޭ އެންމެ ބޯޑު ދަރަނި އަދި އޮތީ. އެކަމަކު 5 އަހަރުގެ ދައުރެއް ހަމަކޮށްފަ ދިޔައީ މިއީ ދައްކަންޖެހޭ އެއްޗެއްކަމެއްވެސް އެމީހުންނަކަށް ނޭގުނު. މިފެންވަރު ބަޔެއް މި ގައުމަކަށް ބޭނުމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިންް

26 February 2024

އެންމެ ތިން މަހުން ވި ވަރު ވޭތުވެދިޔަ ފަސްއަހަރުންވެސް ނުކުރެވުނު. އެމްޑީޕީ އާއި އިބޫ މިއީ ބޮޑުތަނުން ފެއިލްވެފަ ތިބި ބަޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދީހްް

26 February 2024

މިގައުމުގެ ކަންކަން ހަމަ މަގަށް ހިނގައްޖެކަން އެނގެނީ މިފަދަ ކަންކަމުން. މިއީ ސަރުކާރަށް އޮތް އިތުބާރު ބޮޑުތަނުން އިތުރުވާނެކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޒްހާންް

26 February 2024

މީ މިބުނާ ތަފާަތު ވެރިކަމަކީ. ރައްޔިތުންނަށް އެންމެ ފައިދާވާގޮތަށް މަސައްކަތް ކުރަން ސަރުކާރުން އިސްކަންދޭ މިންވަރު މިކަމުން އެކަނިވެސް އެނގިހާމަވެގެންދޭ. ސުވާލަކީ ކީތްވެތޯ އެތަށް ދަރަންޏެއް ދެއްކުމަށް ބޯމަތިވެފައިވާ ދަނޑިވަޅެއްގައި މިދިޔަ ސަރުކާރުން މި ފަންޑް ހުސްކޮށްލީ. ރައްޔިތުން ދަންނަންވީ ކަމަކީ މިއީ މިގައުމަށް އެއްވެސް ހެވެއް އެދޭ ބަޔެއް ނޫންކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްތަފާ.

26 February 2024

ފައްޔާޒު ކަހަލަ އިކޮނޮމިސްޓް މިގައުމަށް ނައިއްޔާ ރަނގަޅުވާނީ.. ދެންހުރީ އިބޫ، އޭނަގެ ވާހަކަ ދެއްކުމަށްވުރެ ނުދެއްކުން ރަނގަޅުވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުހަމްް

26 February 2024

ރައީސް އިބޫ މި ފަންޑު ބޭނުންކުރީ ކެމްޕޭނަށް ހަރަދު ކުރުމަށް. ޑޮލަރު މާރުކުރަމުންގޮސް ބޯމަތީ ބޮޑު ދަރަންޏެއް އިންދާ ދައްކާ ދުވަސް ކައިރިވި ވަރަކަށް މީނަ ދިޔައީ މީނަގެ އަންބޮޑި ބޮޑުކުރަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީމްް

26 February 2024

އިބުރޭ ވެރިކަން ދޫކޮށް ދިޔަ އިރު މި ފަންޑްގައި ހުރީ 2 މިލިއަން ޑޮލަރާއި 2.4 މިލިއަން ރުފިޔާ. ދެން މިމީހުން އަނގަފުޅާކޮށްފަ ގައުމޭ ގައުމޭ ކިޔަން ލަދު ގަންނަންޖެހޭނެ.