ގިނަ އަދަދެއްގެ ވަޒީފާގެ ފުރުސަތު ފަހިކޮށްދޭ އެކްސްޕޯއެއް

ހުޅުމާލޭގެ ރެހެންދި ސްކޫލްގައި މިއަދު އެކްސްޕޯ ކުރިއަށް ގެންދަނީ: ވަޒީފާއެއް ނެތް ޒުވާނުންނަށް މިއީ ރަނުގެ ފުރުސަތެއް ކަމަށް އެޗްޑީސީ އިން ބުނޭ.---- ފޮޓޯ: މިހާރު

މުހައްމަދު ޔާމީން، މިހާރު

18 ފެބުރުއަރީ 2017 - 18:37

11 comments

ވަޒީފާ ބޭނުންވާ ޒުވާނުންނަށް އަމާޒުކޮށްގެން "ޔޫތު ކެރިއާ އެކްސްޕޯ 2017" ނަމުގައި 1،000 އަށް ވުރެ ގިނަ ވަޒީފާ އާއި ތައުލީމީ ގިނަ ފުރުސަތުތަކެއް ހިމެނޭ އެކްސްޕޯއެއް ހުޅުމާލޭގައި މިއަދު ހުޅުވައިފި އެވެ.

ރެހެންދި ސްކޫލްގައި މިއަދު ހަވީރު ބޭއްވި ރަސްމިއްޔާތެއްގައި މި އެކްސްޕޯ ހުޅުވައިދެއްވީ ފަސްޓް ލޭޑީ ފާތުމަތު އިބްރާހިމެވެ. މި ރަސްމިއްޔާތުގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއި އިކޮނޮމިކް މިނިސްޓްރީގެ އިސްވެރިން ބައިވެރިވެވަޑައިގަތެވެ.

އެޗްޑީސީ އާއި އިކޮނޮމިކް މިނިސްޓްރީ ގުޅިގެން މިއަދުގެ ނިޔަލަށް ބާއްވާ އެކްސްޕޯގައި ސަރުކާރުގެ ބައެއް މިނިސްޓްރީތަކާއި ކުންފުނިތަކާއި ބައެއް އަމިއްލަ ކުންފުނިތަކުން ބައިވެރިވެ އެވެ. މިއީ ޒުވާނުންނަށް ހާއްސަކޮށްގެން މިފަދަ އެކްސްޕޯއެއް ހުޅުމާލޭގައި ކުރިއަށް ގެންދާ ފުރަތަމަ ފަހަރެވެ.

ވަޒީފާ އާއި ތައުލީމުގެ ފުރުސަތުތަކާއި ވިޔަފާރީގެ ދާއިރާ އިން ކުރިއަށް ދެވޭނެ ގޮތްތަކާއި އާ އުފެއްދުންތައް ޕްރޮމޯޓް ކުރުމާއި އިގްތިސާދީ އަދި އިޖްތިމާއީ ފުރުސަތުތަކާ ގުޅޭގޮތުން އެކްސްޕޯގައި މައުލޫމާތު ދޭނެ އެވެ.

އެޗްޑީސީގެ މެނޭޖިން ޑިރެކްޓަރު މުހައްމަދު ސައިމަން ވިދާޅުވީ އެކްސްޕޯގައި އެންމެ ގިނައިން ހުރީ ހުޅުމާލެއިން ލިބެން ހުރި ވަޒީފާތައް ކަމަށެވެ. އަދި ހުޅުމާލެ އަށް އަންނަ ތަރައްގީއާ އެއްކޮށް ވަޒީފާގެ ފުރުސަތު އިތުރުވަމުން އަންނަ ކަމަށް ވެސް ސައިމަން ވިދާޅުވި އެވެ.

ރެހެންދި ސްކޫލްގައި ޔޫތު ކެރިއާ އެކްސްޕޯ މިއަދު ކުރިއަށް ގެންދަނީ.---- ފޮޓޯ: މިހާރު

އޭނާ ވިދާޅުވި ގޮތުގައި ހުޅުމާލެ އުފެދުނު ފަހުން މިދިޔަ ދުވަސްތަކަށް ބަލާއިރު، ރައީސް އަބްދުﷲ ޔާމީންގެ ވެރިކަމުގައި 3-4 ގުނަ ވަޒީފާތައް ވަނީ އިތުރުވެފަ އެވެ. އަދި ވިޔަފާރީގެ ބޭނުމަށް ބޮޑު ސަރަހައްދެއް ހުޅުމާލެ އިން ދޫކޮށްފައިވާ ކަމަށް އޭނާ ވިދާޅުވި އެވެ.

"ސިލްސިލާ ގޮތެއްގައި އެކްސްޕޯ ކުރިއަށް ދާނަމަ، ވަޒީފާގެ އަދަދު ކުރިއަށް އޮތް އަހަރުގައި ދެގުނަ ނުވާނެ އެއްވެސް ސަބަބެއް ނެތް،" ސައިމަން ވިދާޅުވި އެވެ.

އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ރައީސް ޔާމީންގެ މަސައްކަތްޕުޅަކީ ޒުވާނުންނަށް ފާގަތިކަމާއި ފަހި ފުރުސަތުތަކެއް ހޯދައިދިނުން ކަމަށެވެ. އަދި އިގްތިސާދުގެ ދުވެލި ހަލުވި ކުރަން ކުރާ މަސައްކަތުގައި މިހާތަނަށް ސަރުކާރުން 64،000 ވަޒީފާ އުފައްދާފައިވާ ކަމަށް އޭނާ ވިދާޅުވި އެވެ.

"ކޮން ޒަމާނެއްގައިތޯ އެއްވެސް ވެރިއަކު ޒުވާނުން ބިނާކުރުމަށް މިވަރުގެ މަސައްކަތެއް ކުރެއްވީ؟" ރައީސް ޔާމީނަށް ތައުރީފް ކުރައްވަމުން މިނިސްޓަރު ސައީދު ވިދާޅުވި އެވެ.

އެކްސްޕޯގައި ބައިވެރިވާ ތަންތަން:

- އިކޮނޮމިކް މިނިސްޓްރީ، ޔޫތު މިނިސްޓްރީ

- އެއާޕޯޓްސް ކޮމްޕެނީ، ކަސްޓަމްސް

- ހުޅުމާލެ ހޮސްޕިޓަލް، އިމިގްރޭޝަން

- މޯލްޑިވިއަން، ޓްރީ ޓޮޕް ހޮސްޕިޓަލް

- މޯލްޑިވްސް ޕޯޓްސް، ރިސޯޓު އެންޑް ހޮޓެލްސް

އެޗްޑީސީގެ އޮފިޝަލަކު ވިދާޅުވި ގޮތުގައި މި އެކްސްޕޯ އަކީ ވަޒީފާ ނެތް ޒުވާނުންނަށް ލިބޭނެ ރަނުގެ ފުރުސަތެކެވެ. އެ ގޮތުން ތައުލީމީ ސެޓްފިކެޓްތައް ހުށަހަޅައިގެން ވަޒީފާ އަށް ކުރިމަތިލުމުގެ ފުރުސަތު އެކްސްޕޯއިން ލިބިގެންދާނެ ކަމަށް އޭނާ ވިދާޅުވި އެވެ.

އެކްސްޕޯގައި ހުރި އުރިދޫގެ ސްޓޯލެއް: ގިނަ އަދަދެއްގެ ވަޒީފާތަކަށް ކުރިމަތިލުމުގެ ފުރުސަތު އެކްސްޕޯއިން ވަނީ ލިބޭނެ.--- ފޮޓޯ: މިހާރު

އެކްސްޕޯގައި ބައިވެރިވާ ތަންތަން:

- އެސްޓީއޯ، އައިލެންޑް އޭވިއޭޝަން

- އެމްޓީސީސީ، ޓިވެޓް އޮތޯރިޓީ

- އެމްޑަބްލިއުއެސްސީ، އެންސިސް ފިޝަރީޒް

- އުރީދޫ، ޓްރާންސް މޯލްޑިވިއަން އެއާވޭސް (ޓީއެމްއޭ)

- ހުޅުލެ އައިލެންޑް ހޮޓެލް، އަމިން ކޮންސްޓްރަކްޝަން

މި އެކްސްޕޯ ކުރިއަށް ގެންދަނީ މިއަދު ހެނދުނު 10:30 އިން ރޭގަނޑު 10:30 އަށެވެ. އެކްސްޕޯ އަށް ޒިޔާރަތްކުރާ ޒުވާނުންނަށް އެކި އިނާމްތައް ލިބޭއިރު، ބައެއް ކުންފުނިތަކުން އިންޓާންޝިޕް ޕްރޮގްރާމްތަކުގައި ބައިވެރިވުމުގެ ފުރުސަތު ވެސް ވަނީ ހުޅުވާލައިފަ އެވެ.

ހުޅުމާލެ އިކޮނޮމިކް މިނިސްޓްރީ އެޗްޑީސީ މުހައްމަދު ސައީދު (އިކޮނޮމިކް މިނިސްޓަރު) ކުރީގެ ފަސްޓް ލޭޑީ ފާތުމަތު އިބްރާހީމް މުހައްމަދު ސައިމަން ވަޒީފާ

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޖޖކ

19 February 2017

ބައްޔެއްނު. ރަށުގެ ބޮޑު ގޯތި ދޫކޮށްލާފައި ތިޔަ މީދާ ކޮށްޓަށް ވަންނާކަށް ނުދާނަން. ތިޔަ ބުނާ ވަޒީފާއިން ލިބޭ މުސާރައިގެ %200 ޖެހޭނީ ބިންވެރިޔާ ނޫނީ އެޗްޑީސީއަށް ދޭން. އެހެންވީމަޢޭ މިސަރުކާރު ބަދަލުކުރަން ބޭނުންވަނީ. ދެން އެހެން ބުނިމާ މިހާރު 500 އަކަފޫޓުގެ ކޮތަރު ކޮށި ހަދާފައި މިބުނަނީ އެންމެންނަށް ހައުސިން ދޭށޭ މިއުޅެނީ. ދިވެހިންނަށް ހައްގު މިންވަރަކީ މީދާ ކޮށްޓެއްނޫން. މި ރީދި ދޮންވެއެްޔަކީ ގެސްޓުންގެ އެކަނި އުފަލަށް ހުރި އެއްޗެއްނޫން. އެއީ އަހަރެމެންގެ ހައްގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

19 February 2017

މިއެކްސްޕޯ ގައި. ހުޅުވާލަނީ. 1000 ވަޒީފާގެ ފުރުސަތު.. ނަމަވެސް. ޢެކްޕޯ. ނިމޭއިރު. 30000 މީހުންނަށް. ޥަޒީފާ. ލިބޭނެކަމަށް. ފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

19 February 2017

ތިޔަ އެކްސްޕޯތަކުގެ ބޭނުމެއް މިހާރަކު ނޯންނާނެ މި ޕިންކީސަރުކާރު އައިފަހުން 94000 ވަޒީފާ އުފައްދައި ފި އެއީ ނިސްބަތުން ކޮންމެ ދިވެއްސަކަށް 5 ވަޒީފާވަރު ދެންކީއްކުރާ އެކްސްޕޯއެއް ތީ ހުސްބޭކާރު ޚަރަދު ގައިމު އިންސާނަކަށް 5 ވަޒީފާ އަޅެމަދުތަ ދެން މި ދިވެހިން އުޅޭގޮތެއްދޯ ވަޒީފާތައް ގިންވެ އަދާކުރާނެ މީހުން ނެތިގެން ބަންގާޅީން އިމްޕޯޓްކޮށްގެން މި އުޅެނީވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރެ

18 February 2017

އަޅުމާލެ ނޫންތަނެއް ނެތީތަ ވަޒީފާގެ ފުރުސަތުތައް ހުޅުވާލަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީދް އެންޑް ކަބީރް

18 February 2017

އެއްފަހަރާ ގިނަ ވަޡިފާތަކެއް ދޭކަމަށްވަންޏާދެނީ މިވަރަށް އިސްތިހާރުކޮށްގެން. މިގޮތައް އިސްތިހާރުކޮށްގެންވެސް ޖުމްލަކޮށް އުފެދިފައިވަނީ ނިސްބަތުން މަދުވަޡީފާތަކެއް. މަށަކަށްހިޔެއްނުވޭ ވޭތުވެދިޔަ 3 އަހަރުތެރޭގާ 15000 ހާސް ވާފާވެސް އުފެދުނުހެނެއް. އުފެދުނިއްޔާ އުފެދުނު ގިނަ ވަޡީފާތައްވެސް ފުރަނީ ބޭރުމީހުންހެންހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚައި

18 February 2017

މިހާރުމިގައުމުގަތިބީޒުވާނުންނާއި 65 އަހަރުންމަތީހުންއެކަނި 30 އަހަރާއި 65 އަހަރާދެމެދުމީހުންތިބީބާކީކޮއްފަވަޒީފާއާއިލޯނުޢައެހީވެސްސަރުކާރުންދޭނީމިމީހުންނައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާފީ

18 February 2017

ހެޔޮނުވާނެ އަހަންނަށް ކޮންމެވެސް މީހަކު ވަޒީފާއެއް ދީބަލަ! 2009 ގައި އޯލެވެލް ނިންމިގޮތަށް ގޭގައިހުރެ ހުރެ އަހަރެން މިހާރު ބޯގޮވާ ދުނިޔޭން މޮޔަވާން ކައިރިވެއްޖެ! އަހަރެންގެ ޖީސީއީ ރިޒަލްޓަކަކަކީ، ދިވެހި އަދި އިސްލާމް އިން "ސީ" ގްރޭޑް! އިނގިރޭސިން "އީ" ގްރޭޑް! މެތަމެޓިކްސް އިން ޔޫ ގްރޭޑް! ޖިއޮގްރަފީ އިން ޔޫ ގްރޭޑް! ހިސްޓްެރީ އިން ސީ ގްރޭޑް! އާޓް އިން ޑީ ގްރޭޑް! މި ރިޒަލްޓަކާއި އެކަށީގެންވާ ވަރުގެ ޖޮބެއް ލިބެނިކޮށް އަހަންނަށް ނިމުނީ! ކޮންމެހެން މާ މަތީ ފެންވަރުގެ ވަޒީފާއަކަށް ނުވިޔަސް! އަޅުގަނޑުގެ އީމެއިލްއަކީ [email protected] އަދި [email protected] މިކޮމެންޓު ޖަހައިލައިދީފިއްޔާ ވަރަށް ރަނގަޅު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

879

19 February 2017

ކޮއްކޯ ކޮންރަށެއް. މާލޭގައި ނަމަ ލިބޭ ފަސްހާހުން ކޮޓަރިން ފާހާނާއަށްވެސް ނުދެވޭނެ. ރަށުގައި ނަމަ އޭގެ 2 ބައި ކުޅަ އެއްބައި ލިބުނަސް މޮޅުކޮށް ކައި އުޅެވޭނެ. ރަށް ބުނެލިނަމަ ކުރާނެ ކަންތައް ބުނީހެއްނު. ރާއްޖެތެރޭ ރަށެއްނަމަ ހަމަ މިހާރު ރަށަށް ދާން ނަސޭހަތް ތެރިވަން. ރަށަށް ގޮސް މަސްވެރިކަން ނޫނީ ދަނޑުވެރިކަމަށް އެނބުރޭ. ފަރުމަސް ވިޔަސް. މަސްވެރިކަން ކޮށްގެން ލާރި ލިބޭނެ ސުމާރެއްނެތި. އެލާރި ކޮޅު އެއްކޮށް އިތުރު މަސައްކަތެއް ދަސްކުރަންޏާ ދަސްކުރޭ. އަދި އެބައޮތް އެހެން ކަމެއްވެސް. ތިޔަ 24 ގަޑިއިރު ވަދެ އިންނަ އިންޓަރ ނެޓް ގެ ޒަރީއާއިން ރަށުގައި ކުރާ މަސައްކަތް ވިއްކަން ފަށާ! އެހެޔޮ ކޮންމެ އެްޗެއްވިޔަސް. ކުދިގުޅައިން ފަތުން ފެށިގެން ހެދުމަށްވިޔަސް. ބޭނުމީ ވިސްނުން ކަލޯ. ގުލާނުކުރަން ވަޒީފާއެއް ހޯދާނެ ގޮތަށްވުރެ ބޮޑުކޮށް. ބީ ކްރިއޭޓިވް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑްރީމް

18 February 2017

"ޔޫތު ކެރިއާ އެކްސްޕޯ 2017" ނަމުގައި 1،000 އަށް ވުރެ ގިނަ ވަޒީފާ އާއި ތައުލީމީ ގިނަ ފުރުސަތުތަކެއް ހިމެނޭ އެކްސްޕޯއެއް ހުޅުމާލޭގައި މިއަދު ފެށިގެން މިދާކަމީ އެއީ އުފާ ކުރަން ޖެހޭނެ ކަމެކެވެ. މަމެން އަބަދުވެސް ދެކެމުން އަންނަ ހުވަފެނެއް އެއީ ހުޅުމާލޭގައި އެކަނި 2 ލައްކަ ވަޒީފާގެ ފުރުސަތު އުފެދިގެން ދިއުން. އެއިރުން ރާއްޖެ ލިޓިލް ސިންގަޕޯރ އަށް ބަދަލު ވެގެން ދާނީ. މި އެކްސްޕޯ އާއި ބެހޭ މައުލޫމާތު ވީހާވެސް ގިނަ ކުދިން ތަކެއް ބައިވެރިވެ މައުލޫމާތު ހޯދަންވީއެވެ. ތިކުދިންގެ މުސްތަގްބަލް އޮތީ ވަޒީފާ އަދާ ކޮށްގެން ވަޒީފާ އެއްގައި މަދުވެގެން 15 އަހަރު ހޭދަ ކޮށްގެން ނެވެ. އެއރިުން ތިކުދިންނަށް ލިޓިލް ސިންގަޕޯރ ސައިލެންޓް ޑްރީމް ކާމިޔާބު ކުރެވޭނީ. އެއީ ވަރަށް ރަނގަޅު ޑްރީމް އެކޭ. އޯއް ޔޭއް. އައި ހޭވް އަ ޑްރީމް، އައި ހޭވް އަ ޑްރީމް، އައި ހޭވް އަ ޑްރީމް އޮފް ފެންޓަސީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޑިނޭޓަރު

18 February 2017

ވަޒީފާއެއް ބޭނުމެއްނޫން...މިހާރުވެސް މަައިން މިއުޅެނޫ 15 ވަޒީފާގައި... އެކަމުވެސް އަދިވެސް ބަރާބަރަށް ވަޒީފާ އައިސް ތަކިޖަހާ.. ނިދޭވަރެއްވެސް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޭކްއަޕް

18 February 2017

ގިނަ އަދަދެއްގެ ވަޒީފާގެ ފުރުސަތު ފަހިކޮށްދޭ އެކްސްޕޯއެއް ހުޅުމާލޭ ރެހެންދި ސްކޫލް ގައި ހިނަނީ އެެއީ ރާއްޖޭގެ ތާރީޚް ގައި ވެސް ހަމަ އެކަނި މަމެން ޕިންކީންގެ ބިއުޓިފުލް އެން އޯސަމް އެން ފްލޯލެސް ވެރިކަމުގައެވެ. ދެން ރާއްޖެ ލިޓިލް ސިންގަަޕޯރ އަށް ބަދަލުވާން އުޅޭ ކަމުގެ ކޮޅު މަތި ފެންނާން ފެށީ އެވެ. މަމެން ތިކުދިންނަށް ދޮގެއް ނަހަދާނަމޭ ވަޒީފާ ދޭނަމޭ އަވަހަށް ފެއާ އަށް އަންނާށޭ ފެއާރ ބަންދު ކުރުމުގެ ކުރިން. އެނީ ގާރލް ލައިކް ޔޫ ޑިޒާރވް އަ ގުޑް ޖޮބް އޭ ހުރިހާ ކުދިން ވެސް މިއަދު އެބުނަނީ. ބޭބީ ޖަސްޓް ވޭކް އަޕް އެން އާދޭ ފެއާރ އަށް...